ကျာကျူး (page 2)

အပိုင်း (၄)
မကျာကျူးဆိတ်မွေးတာအကြောင်းမဟုတ်ဘူးနော် အိမ်ရှေ့က ကျုပ်ပန်းပင်တွေ စားပစ်ကုန်ဦး မယ် ပြီးတော့ ကျုပ်တို့စာရေးမရအောင် တပဲပဲ အော်နေမှာလည်း ထိန်းပေးဦး ကြားလားကျာကျူး ပန်းပင် တွေတော့ မစားစေရပါဘူး ဆရာမကြီးရဲ့ အော်တာတော့ ကျွန်မလည်း မတတ်နိုင်ဘူး ဆိတ်က စကားမှ မတတ်တာ။

ကျွန်မတို့လည်း ပြတင်းပေါက်က ခွာလိုက်ရတယ်။ ဆိတ်က စကားမှမတတ်တာဆိုတာက လူစကား နားမလည်ဘူးလေ လို့ ဆိုလိုချင်တာမဟုတ်လား။ ကျာကျူးနဲ့ ဆိတ်နှစ်ကောင်ကို ကျွန်မတို့ မမြင်ရတော့ ပေမယ့် လူနဲ့ဆိတ်အအော်ချင်းပြိုင်နေကြတဲ့ အသံတွေကိုတော့ ပွက်လောကြီးရိုက်အောင် ကြားနေရလေ ရဲ့ ကျာကျူးအော်သံကအော်လေ တိမ်ဝင်လေ။ ကျာကျူးကအော်လေ ဆိတ်နှစ်ကောင် ကပိုအော်လေ ခက်ကောင်းခက်ရချည့် ကျာကျူးဘာလုပ်ဦးမှာလဲ စောင့်ကြည့်ဖို့ပဲ ရှိတော့တာမဟုတ် လား။မအေလာမှ အကျိုးအကြောင်းမေးရတော့မှာပဲ။ ကျွန်မအိမ်သားကတော့ စာချိုးလေးနဲ့ထအော် လိုက်သေးတာပါ။

ဆိတ်နှစ်ကောင်ထနောင်းပင်ညီနောင် က လွမ်းအောင်အာပြဲ အိပ်မပျော် ဆိတ်နှစ်ဖော် သံပြိုင်ကျူးတယ် ပဲ...ဟဲဟဲဟဲ...
သည့်နောက်တော့ကျာကျူးတစ်ယောက် ဆိတ်ကျောင်းထွက်တော့တာပါပဲ။ ဆိတ်နှစ်ကောင် လည်း ကျာကျူး နဲ့ ယဉ်ပါးနေပြီပေါ့ ကြိုးတစ်ချောင်းနဲ့ တရွှတ်သိုးသီမရှိတော့ပါဘူး။ ဆိတ်နှစ်ကောင်က ဟိုတိုးသည်တိုးနဲ့ မှီရာသစ်ပင်ပန်းပင် လှမ်းဟပ်တတ်တော့ ကျာကျူးကိုယ်တိုင် နောက်ကနေ တုတ်တစ်ချောင်း နဲ့ လိုက်ရတယ်။ ကျွန်မတို့ အိမ်ရှေ့မှာ ရတန်သရွှေ့သစ်ပင်ကလေးတွေ ပန်းပင်ကလေး တွေ စိုက်ထားတာရှိတော့ ကျာကျူးဆိတ်နှစ်ကောင်ဘေးက ကင်းဝေးအောင် ကိုယ်ကလည်း လှမ်းကြည့် နေရသေးတာပါ။ စားသွားလို့ ဆူရငေါက်ရရင်လည်း ဆူတာငေါက်တာအ ဖက်တင်ဖို့ရှိလေတော့ ကျာကျူး ဆိတ်နှစ်ကောင်ကိစ္စထဲ ကိုယ်ပါပါရတယ်။ အိမ်ရှေ့ကလွတ်ပါပြီဆိုမှ စိတ်အေးရတာပါ တစ်ခါတော့ ကျွန်မက ကျာကျူးကိုခေါ်ပြောရတယ်။

ဟဲ့ ကျာကျူးရဲ့ ညည်းတို့ဘယ်ကဆိတ်တွေများ အခါတော်ကျပါလိမ့်အေး ဆိတ်မွေးတယ် ဆိုတာ လူနေအိမ်ခြေနဲ့ဝေးတဲ့နေရာ အစာရေစာ ပေါတဲ့နေရာ လွတ်လွတ်ကင်းကင်းနေရာမှာမွေးရတာ အခုတော့ ညည်းကြည့်ရတာ ပင်ပန်းလိုက်တာအေ"
ကျာကျူးက ခပ်အေးအေးပါပဲ အလိုတော်သူက ဘယ့်နှယ့်ကြောင့်ဆိတ်ပြသာနာထဲ ဝင်ပါပါလိမ့်ဆိုတဲ့ မျက်နှာနဲ့ ကျွန်မကို ကြည့်တယ်။ မပင်ပန်းပါဘူး ဆရာမကြီးရဲ့ ဆိတ်နှစ်ကောင်က ကျွန်မနဲ့ခင်သွားတော့ ပြောစကား နားထောင်ကြပြီ နီတိုးရော နီတူးရာ အပြင်ထွက်မပြေးကြတော့ဘူး

ကျာကျူးဆိတ်နှစ်ကောင်က နီတိုးနဲ့နီတူးတဲ့လား သည်နာမည်တွေ ဘယ်သူပေးတာလဲ ကျွန်မ ပေးတာလေ နှစ်ကောင်စလုံးက အနီရောင်ဆိုတော့ နီတွေပါတယ် နီတိုးကသူများအပင်တွေကို သိပ်တိုး တာ ဒါကြောင့် နီတိုးခေါ်တယ် နီတူးကျတော့ ဂျစ်တူးတူးမို့လို့ နီတူးခေါ်တယ်။
နေပါဦး ကျာကျူးရဲ့ ငါမေးမယ် မေးမယ်နဲ့ ဘယ်ကဆိတ်တွေ ဘယ်လိုရလို့ ဘယ်လို မွေးဖြစ်သွားတာတုန်း အရင်ကမွေးဖူးလို့လား။ ကျာကျူးက သည်အကြောင်းပြောချင်ချင်ပါ ဆိတ်တွေ က ကျွန်မတို့ လမ်းတောင်ဘက်က စောင်ရန်တစ်လျောက် ပေါက်နေတဲ့ အပင်တွေကို ရသလောက် လှမ်ှးဆွဲ လိုက် ဝါးလိုက်လုပ်နေကြလေရဲ့ ကျာကျူးက ဆိတ်တစ်ကောင် လမ်းကူးဖို့ ပြင်နေတာကို အနားရှိတဲ့ခဲနဲ့ လှမ်းထုတယ်။

သည်ဆိတ်နှစ်ကောင်က လာလားတို့ဆိတ်တွေ တူမဲက ကျွန်မတို့ဦးလေးနှစ်ယောက် ရှိတယ်မှုတ်လား အကြီးဦးလေးက ပါကျဲ လာလားက ပါကျဲသားအကြီးကောင် ဟဲ့ပါကျဲက တရုတ် နာမည်မဟုတ်ဘူးလား ပါကျဲတို့ ဝူခုန်းတို့လေ ကုလားမှာလည်း ပါကျဲရှိတာပဲ ဆရာမကြီးရဲ့ ကျွန်မဦးလေးပါကျဲက တရုတ်ပါကျဲ မပေါ်ခင် ကတည်းက ပေါ်ပြီးသား တရုတ်ပါကျဲက နောက်မှ ပေါ်တာ။
သြော်အေး ပြောပါဦး အဲသည်ပါကျဲသား လာလားက ဆိတ်ဝယ်ချင်တယ်ဆိုပြီး နေ့တိုင်း ငိုတယ် ဒီကောင်ထမင်းမစားဘူး တအားငိုတယ် ဆိတ်ဝယ်မပေးဘူးနော် ငါအငိုမရပ်ဘူး လို့ပြောတယ် ငိုတယ်ငိုတယ် ညလည်း မအိမ်ဘဲငိုတယ် နေ့လယ်ထမင်းမစားဘဲငိုတယ် ငိုတယ် ငိုတယ် ငိုတယ် ။

ကိုင်းပါ ဆိတ်လိုချင်လို့ ငိုတယ်ဆိုပြီးပါတယ် ဆက်ပြော မဟုတ်ဘူး ဆရာမကြီးရဲ့ လာလားက သူများလိုမငိုဘူး မတရားသဖြင့်ငိုတာ အဲသလိုငိုမှ မပူဒီက ပိုက်ဆံချေးတာ။ ကျာကျူးမပူဒီက ဘယ်သူတုန်း လာလားငိုတာနဲ့ မပူဒီက ဘယ်လိုပိုက်ဆံချေးတာတဲ့လဲ။ မပူဒီက ဈေးထဲမှာ ဂျလေဘီတို့ ခါဂျာမုန့် တို့ ရောင်းတယ် မပူဒီက ပိုက်ဆံကို အတိုးနဲ့ချေးတဲ့ မိန်းမလေ။
သြော် ဟုတ်ပြီ ဆက်ပြော လာလားက မတရားငိုတော့ မပူဒီက လာပြောတယ် နင်တို့သားငိုတာ ခမည်းလိုတာတဲ့ ကလေးလိုချင်တဲ့ ဆိတ်နှစ်ကောင် ဝယ်ပေးလိုက်ကြတဲ့ ဒါနဲ့ ကျွန်မဦးလေး ပါကျဲအကြီးက ပိုက်ဆံမရှိဘူးတဲ့... မပူဒီက ငါ နှစ်ဆယ်တိုးနဲ့ချေးမယ် ငါသနားလို့ ချေးတာ ပြန်ဆပ်နော် ဆိုပြီး တော့ ပိုက်ဆံနှစ်သိန်းချေးတာပဲ.
နှစ်သောင်းဖြစ်ပါလိမ့်မယ် ကျာကျူးရယ် ....။

ဟုတ်တယ် ဟတ်တယ် နှစ်သောင်း... ဆိတ်ကလေးတွေက တစ်ကောင် တစ်သောင်းဆိုတော့ နှစ်သောင်း
"ဟဲ့အခုက ဆိတ်တွေက ကြီးကြပါပြီ.... တစ်ကောင်တစ်သောင်းရပါ့မလား"
"အခုကြီးတယ်လေ...လားလားတို့ဝယ်တုန်းက ငယ်ငယ်လေး.. လားလားဆိတ်လိုချင်လို့ ငိုတယ်ဆိုတာ ဘယ်သူက ပြောသလဲမသိဘူး... ကျွန်မတို့ အဒေါ်အကြီး မူနီယားရှိတယ် မှုတ်လား.. သူက ပိုက်ဆံလာယူ လှည့်ပြောတာနဲ့ လားလားအဖေ ပါကျဲက သွားယူတယ်... မပူဒီဆီကလည်း ချေးတယ် ဒေါ်ကြီးမူနီယား ဆီကလည်း သွားယူတယ်"
"ဒေါ်မူနီယားက ဘယ်မှာနေတာလဲ"

"မြသားမှာ နေတယ်သူတို့က သားသမီးမရှိတော့လားလားကို အရမ်းသည်းတယ်"
"ဟုတ်ပြီ...ပိုက်ဆံလေးသောင်းရပြီ...ဆိတ်ဝယ်လိုက်ရောလား။"
"မ၀ယ်ဘဲနဲ့ရတယ်"
"ဟဲ့ ဘယ်လိုမ၀ယ်ဘဲနဲ့ ရတာလဲ ကျာကျူးရဲ့"

"ဆိတ်ပိုင်က သူ့ဆိတ်တွေထဲက ခပ်ငယ်ငယ်နှစ်ကေင် ရွေးယူတဲ့...မွေးဖက်မွေးပေးတဲ့... ဆိတ်နှစ် ကောင်ကြီးရင် ပေါက်ဈေးတစ်ဝက်နဲ့ ငါပြန်ယူမယ်ဆိုတော့ ဦးလေးပါကျဲက ယူပြန်ရော"
ကျွန်ခေါင်းမလည်အောင် မနည်းသတိထားပြီး ပြန်ပြောရမှာပါ။ ကျာကျူးနဲ့ ကျွန်မတို့ ဒိုင်ယာလေ့ာဂ် ကိုခဏရပ်ပြီး ကျွန်မရှင်းပြချင်ပါသေးတယ်။ ကျာကျူးပြောသလိုဆိုရင် သူ့အမေရဲ့မောင် ဦးပါကျဲက သားအကြီးကောင် လာလားအပမှီသလို ငိုခဲ့တာကို အကြောင်းပြုပြီး ခမည်း ဆိတ်ဝယ်ဖို့ ဖြစ်လာ တယ်။ သညလိုဖြစ်ရတာလည်း ကျွန်မစဉ်းစားရသလောက်က ငွေတိုးချေးသူ မပူဒီက ပိုက်ဆံလှည့် ချေးတာပါပဲ။ ချေးငွေ က တစ်ရာ ကို နှစ်ဆယ်တိုးနဲ့ နှစ်သောင်းရရော။

တစ်ခါ ဦးပါကျဲရဲ့ အစ်မဖြစ်သူ ကသူတူခမည်းလိုတယ်ကြားလို့ ဆိတ်ဖိုးငွေနှစ်သောင်း လာယူလှည့် ဖြစ်ပြန်တယ်။ ဒါကိုလည်း ဦးပါ ကျဲက အလွတ်မခံဘူး။ သည်တော့ ငွေလေးသောင်းလက်ထဲ ပိုက်မိရော ပြောပါတော့။ ဆိတ်ဖိုး ပေးရတော့မယ်ဆိုတော့ ဆိတ်ရှင်ကသူ့ဆိတ်ကို အပြတ်မရောင်းဘဲ မွေးဖက်ပေးလို့ ငွေမကုန်ပြန် ဘူး။ သည်တော့ဦးပါကျဲမှာ ငွေလေးသောင်းနဲ့ ဆိတ်နှစ်ကောင်ရနှင့်ပြီ။ လာလားကလည်း ဆိတ်နှစ် ကောင်ရလို့ ကျေနပ်ပြီ။

အငိုတိတ်ပြီ။ သည့်ထက်အဆင်ပြေစရာ ဘာမှမရှိဘူးလို့ ပြောရုံကလွဲလို့ ဘာကျန်မှာတုန်း။ ဒါပေမဲ့ ပြဿနာကမပြီးသေးဘူး။
တစ်လလောက်ကြာတော့ ဒေါ်ပူဒီဆီက နှစ်ဆယ်တိုးနဲ့ ငွေချေးတယ်ကြားတော့ အစ်မဖြစ်သူက သူ့ပိုက်ဆံနှစ်သောင်း ကူမဲအထိလိုက်တောင်းသတဲ့။ ဒေါ်ပူဒီကိုလည်း ဈေးထဲရန်လိုက်တွေ့သတဲ့။ ကုလားမနှစ်ယောက်ထ သက်ကြရာက ဒေါ်ပူဒီကလည်း သူ့ငွေနှစ်သောင်း မချေးတော့ဘူး ချက်ချင်း ပြန်ဆပ်ပါ ဖြစ်ပြန်ရော။ ငွေကမရှိတော့ဘူး။ အစ်မဖြစ်သူကိုရော ဒေါ်ပူဒီကိုပါ ပြည့်ဝအောင် ငွေပြန် မပေး နိုင်တော့ မိန်းမနှစ်ယောက်က ဦးပါကျဲကို ဆိုလိုက် ပြောလိုက်ကြတာ ပွက်ပွက်ရိုက်လို့တဲ့။ ရန်တွေ့ရုံက အကြောင်း မဟုတ်ဘူး။ ငွေမရမယ့်အတူတူ ဆိတ်တစ်ကောင်စီယူကြမယ်လုပ်တော့ မူရင်းဆိတ်ပိုင်ရှင်က သူ့ဆိတ်တွေ ပြန်သိမ်းတယ်။

"ပြောပါဦး ကျာကျူးရဲ့...ဒါဖြင့် ဆိတ်ကညည်းတို့ဆီ ဘယ်လိုရောက်လာတာတုန်း"
"ဆိတ်တွေကပိုင်ရှင်ဆီ ပြန်ရောက်ပြီး ခြောက်လလောက်ကြာတော့ ဦးလေးပါကျဲရဲ့ညီ ဦးစွပ်ပရားဆီ ရောက်တယ်...ကျွန်မတို့ဦးလေးအငယ် သူလည်းကူမဲမှာနေတယ်"
"ဟုတ်ပြီး...မွေးဖက်ပေးတာလား"
"၀ယ်တာ ဆရာမကြီး...တစ်ကောင်တစ်သောင်းခွဲပေးရတယ် နှစ်ကောင်ဆိုတော့ ဘယ်လောက်လဲ"

"သုံးသောင်း"
"ဟုတ်တယ် သုံးသောင်း...ကျွန်မအမေရှိတယ်မှုတ်လား...အမေက ကူမဲအလည်သွားတော့ တစ်ကောင် ငါးထောင် အမြတ်ပေးမယ့် ငါ့ရောင်းပါလို့ တောင်းတော့ ဦးလေးစွပ်ပရားက တစ်ကောင် နှစ်သောင်း ရတယ် ဆိုပြီး အမေ့ကိုပေးတယ်"
"လက်ငင်းဝယ်လိုက်တာပေါ့"
"မဟုတ်ဘူး...."
"အကြွေး"

အဲဒါကလည်း သည်လိုပါ။ မောင်နှမချင်း လိုချင်ပါတယ်ဆိုလို့ ရှောရှောရှူရှူ ပေးလိုက်တာတော့လည်း မဟုတ်ဘူး။ ဆိတ်ဝယ်ထားတဲ့ ကိုစွပ်ပရားမိန်းမက နတ်ဝင်သည်။ ကုလားကပြားမပဲ။ ခြေလေးချောင်း ၀င်ရကောင်းလားဆိုပြီး လင်ကိုရန်လုပ်ရာက အစ်မကိုယူလိုက်တော့ ဖြစ်ရတာပေါ့။ သည်လို ဆိုပြန် တော့ယောက်မဖြစ်သူ နတ်ဝင်သည်က တစ်ကောင်ဖိုးလက်ငင်း ပေးရမယ်ဖြစ်လာလို့ ကျာကျူးအမေ က မပူဒီ ဆီသွားပြီး ငွေတိုးချေးရပြန်တယ်။ သည်တော့ မပူဒီဆီမှာ ငွေတိုးနဲ့နှစ်သောင်း။ ယောက်မ နတ်ဝင်သည် ဆီမှာ ငွေနှစ်သောင်း အကြွေးတင်ခံပြီး ရလာတယ်ပြောပါတော့။
ပြဿနာက ဆိတ်နှစ်ကောင် ၀ယ်တာတော့ဟုတ်ပါရဲ့။ ကူမဲက မန္တလေးကို သယ်လာဖို့ ကားကလည်း အတင် မခံဘူး။ ရထားကလည်း အတင်မခံဘူးသည်တော့ ထုံးဘိုဘက်ကနေ ကူမဲဘက်ကို ကျောက် လာချတဲ့ ကျောက်ကားကြီးကို ဆီးထားပြီး ကျာကျူးရယ် သူ့အမေရယ် ဆိတ်နှစ်ကောင်ရယ် တောင်း တောင်းပန်ပန်နဲ့ လိုက်လာကြရတယ်။ ကျောင်းကားကြီးက မန္တလေးစက်မှုဇုန်လမ်းခွဲရောက်တော့ အရှေ့ဘက်ချိုးချလိုက်ရော။ ကျာကျူးတို့သားအမိ တဟိုးဟိုးနဲ့အော်ပြီး ရပ်ခိုင်းကြရသတဲ့။

ကျွန်မတို့ အော်တော့ ရပ်တော့ပေးပါရဲ့.... ဒါပေမဲ့ ကျွန်မတို့အိမ်နဲ့ အဝေးကြီးလေ... ဒါနဲ့ ၆၂ လမ်းဘက်ကနေ ၆၈ လမ်းရောက်အောင် ဆိတ်တွေမောင်းခဲ့ရတယ်....ဆိတ်တွေက ဂဂျီဂဂျောင်လုပ် တာနဲ့မိုးချုပ်မှရောက်တယ်.... အိမ်ရောက်တော့ သူတို့လည်း ထမင်းစားရဘူး...ကျွန်မတို့လည်း ထမင်းမစားရဘူး.. ကျွန်မတို့လည်း ထမင်းမစားရဘူ... ဆိတ်လည်းငတ်တယ်... လူလည်းငတ်တယ်။
ဘယ်လိုပဲဖြစ်ဖြစ် ကျာကျူးတို့ ဆိတ်နှင်ကောင် ပိုင်ကြပါပြီ။ ဘယ်လိုကျွေးလို့ ဘယ်လိုမွေးမယ်ဆိုတာ မပြောနိုင်ပေမယ့် ဆိတ်အော်သံနဲ့ပဲ အိပ်တော့မယ်ဆိုတာလို ဖြစ်ရတော့မယ်ဆိုတာ သေချာနေပြီ မဟုတ်လား။ မနက်မိုးလင်း ဆိတ်ကျောင်းထွက်တဲ့ ကျာကျူး၊ ဈေးဘန်းခေါင်းရွက်ပြီး ဈေးရောက်ထွက် တဲ့မအေနဲ့ အလုပ်ထသွားတဲ့ ဖအေ။ သားအဖသုံးယောက်ညဘက်မှ ပြန်ဆုံကြရတာပါ။ ကျာကျူးက မနက်ဆယ်နာရီလောက် အိမ်ပြန်ဝင်၊ ဆိတ်တွေချည်းထား။ ရှိကောင်းရှိရာ တစ်လုတစ်ဆုပ် စားနေတာ ကျွန်မတွေ့နေရတယ်။ ညနေ သုံးနာရီလောက်ဆိုရင်တော့ မီးတောက်တ၀င်းဝင်းနဲ့ ကျာကျူးထမင်း ချက်ပြီ။ ထမင်းအိုးကို မီးတောက်က မျိုနေတာမျိုးနဲ့ ချက်နေလို့ ကျွန်မမှာ လှမ်းလှမ်းကြည့်ရတာ အမော။

ကျာကျူးရယ် မီးဂရုစိုက်တဲ့ ....အနားမှာ ရေတွေဘာတွေ ထားရတယ် ထင်းတွေ နင်းကန်မထိုးနဲ့.. မီးတွေနဲ့ ပစ်မထားနဲ့ ..လူအနားရှိပစေ။
အဲသလို လှမ်းပြောရင် ကျာကျူးက သိပ်မကြည့်သာဘူး။ မျက်လုံးပြူးပြီး ဆင်ခြေဆင်လက်တွေ တက်တော့တာပါ။
ဟိုတစ်နေ့က ဆရာမကြီး လှမ်းပြောလို့ ကျွန်မမီးလျှော့လိုက်တယ်လေ.. အဲသည်နေ့က ထမင်းမနပ် ဘူး ထမနဲ ဖြစ်သွားတယ်... အမေက ဆူရော။
ကျွန်မတောင် ကျာကျူးတို့အိမ်က ထမင်းမနပ်တဲ့ အမှုမှာ တရားခံဖြစ်လိုက်ရသေး။ ကျွန်မက ဘာဟင်းတွေချက် မှာတုန်းဆိုတော့ ပဲသီးနဲ့ ဘဲဥကြော်မယ်တဲ့။ အရွယ်နဲ့မမျှ ထမင်းအိုးထမ်း ဟင်းအိုးထမ်း ပင်ပင်ပန်းပန်း ရှိရှာတဲ့ ကျာကျူးကို ကြည့်ရင်း ကျွန်မ သနားမိတယ်။ မိဘနှစ်ပါးလုံးက အလုပ် ထွက် လုပ်ကြရသူတွေဆိုတော့ အချိန်ရယ် အခါရယ် မရှိဘူးကိုး။ ကျာကျူးချက်တာကိုပဲ အကောင်း လုပ်စားကြရတာပါ။

ပဲသီးနဲ့ ဘဲဥကြော် တာတော့ ဟုတ်ပါရဲ့ ... ပဲသီးရော ဘဲဥရော ၀ယ်ပြီးသားလား။
ပဲသီး က ရှိတယ် အမေမနေ့က ၀ယ်လာတာလေ... ဘဲဥကတော့ အကြွေးသွားယူလိုက်မယ်။
အကြွေး သွားယူလိုက်မယ်ဆိုတာ ကျွန်မတို့ ရပ်ကွက်အိမ်ဆိုင်ကလေးကို ရည်ညွှန်းပြီး ပြောလိုက် တာပါ။ ကျွန်မ က ဘဲဥကို ဆရာမကြီး တို့ အိမ် လာယူလှည့်ဆိုတော့ ဖြဲခနဲရယ်ပြတယ်။ ဆက်ပြောလိုက်တဲ့ စကားကြောင့် ကျွန်မရင်ထဲ မကောင်းလိုက်တာ။
ကျွန်မ က ဘဲဥသိပ်ကြိုက်တာ ဆရာမကြီးရဲ့.. ကျွန်မ အမေတို့လို့ အရွယ်ရောက်ရင် တစ်ခါတည်း ဘဲဥ ဆယ်လုံး ၀ယ်စားပစ်လိုက်မယ် တဲ့လေ။

အပိုင်း (၅)
ကျာကျူး နဲ့ သူ့ဆိတ်နှစ်ကောင်ပြဿနာက ကျွန်မတို့အဖို့ရာ ခေါ်မကြား အော်မကြား ပြောမကောင်း ဆိုမရ ဖြစ်ရတာမျိုးတော့လည်း မဖြစ်လိုက်ရပါဘူး။ လည်ချောင်းကွဲအောင် တပဲပဲနဲ့ အော်နေတတ်တဲ့ ဆိတ်သံ တွေက တစ်ပတ်လောက်အတွင်းမှာ ထူးထူးဆန်းဆန်း တိတ်သွားခဲ့တယ်။ ကျာကျူးတို့ အိမ်ကလေး ရှေ့ ဆိတ်နှစ်ကောင်ချည်ထားတာ ကျွန်မတို့ အိမ်ပြတင်းပေါက်က လှမ်းမြင် နေရတုန်း ကတော့ ရေရှည်ဖြင့် ခက်ရချေရဲ့ အောက်မေ့မိသေးတာကိုး။ စိတ်အနှောင့်အယှက်ဖြစ်ရလောက်အောင် အော်ကြ ဆူကြဖြစ်မယ်ထင်ရာက ဆိတ်သံတွေ မကြားရတော့တဲ့အခါ ကျာကျူးကို ခေါ်မေးရတယ်။ ကျာကျူး က သည်အကြောင်း မေးတော့ မျက်နှာမကောင်းဘူး။ သူတို့အိမ်က ဆိတ်ရာဇ၀င်ကို မပြောချင် သလိုလို ပြောချင်သလိုလို ပြောချင်သလိုလို မျက်နှာနဲ့ ကျွန်မကို ပြောပြတယ်။

" ဆိတ်နှစ်ကောင်မရှိတော့ဘူး ဆရာမကြီး ... နီတိုးလည်း မရှိတော့ဘူး ... နီတူးလည်း မရှိတော့ဘူး ... အခုက သူတို့နာမည်ပြောင်းသွားပြီ ... ပေါက်စီနဲ့ အီကြာကွေး ဖြစ်သွားပြီ "
ကျွန်မ မေးတာက တခြား၊ ကျာကျူးဖြေတာက တခြား။ သို့ပေမယ့် နီတိုးနဲ့နီတူးဘ၀ကနေ ပေါက်စီနဲ့ အီကြာကွေး ဘ၀ ပြောင်းသွားပြီဆိုတာကလည်း စိတ်ဝင်စားစရာဆိုတော့ ဒါလည်း ဆက်မေးရမယ့် မေးခွန်း အဖြစ် ကျွန်မ မှတ်ထားလိုက်ရတယ်။ ဆိတ်ဇာတ်လမ်းကို အရင်မေးကြည့်တော့ ကျွန်မမှာ ရယ်လည်း ရယ် ချင်၊ သနားလည်းသနားဖြစ်မိပါရဲ့။

" ဆိတ်နှစ်ကောင်က သူတို့မသွားခင်ရက်တုန်းက အမေ့ကို အိပ်မက်ပေးတယ် ကျွန်မကိုလည်း အိပ်မက် ပေး တယ် ... သူတို့သည် အိမ်မှာနေရတာ ပျော်တာတော့ ပျော်ပါတယ်တဲ့ ... ဒါပေမဲ့ ကျွန်မနဲ့ ဓာတ်မတည့် ဘူးဖြစ်နေတယ်တဲ့ သူတို့ဆက်နေရင် ကျာကျူးဒုက္ခရောက်လိမ့်မယ်တဲ့"
" ဘယ်လို ဒုက္ခတုန်း ကျာကျူးရဲ့ ... ငါမရှင်းလိုက်တာအေ "
" ဆရာမကြီး စဉ်းစားကြည့်လေ ... ဒုက္ခဆိုတာ အမျိုးမျိုးရှိတယ်မှုတ်လား အဲဒီဒုက္ခတွေထဲက တစ်ခုခု ဖြစ်မှာပေါ့ ... ဘယ်ဟာရယ်လို့တော့ ကြိုပြီးတော့ ပြောလို့မရဘူးလေ "
" အေး ... သဘောပေါက်ပြီ ... ဆိတ်နှစ်ကောင် ဆက်မွေးရင် နေထိုင်မကောင်းဖြစ်မယ် ... အနာရောဂါ ဖြစ်မယ် ဈေးရောင်း မကောင်းတာမျိုးဖြစ်မယ် ... အဲသလို မဟုတ်လား "

" ဟုတ်တယ် ဟုတ်တယ် ... မကောင်းတာ ဖြစ်မယလို့ အိပ်မက်ပေးတာ ... အမေပြောတာတော့ ကျာကျူး က တနင်္လာ၊ ဆိတ်က အင်္ဂါ၊ ဓာတ်မတည့်ဘူးလို့ ပြောတာပဲ ... အမေ ပြောတာဟုတ်တယ် ... အမေ ဈေးရောင်း ရတာ အဆင်မပြေဘူး ဈေးသည်တွေ ဖမ်းလို့ ပြေးရတယ်၊ ခြေချော်ကျလို့ ခြေထောက် မျက် သွားတယ် ... ကျွန်မလည်း တစ်ရက်က ရင်ချောင်တယ် နောက်တစ်ရက်မှာ ရင်ကျပ်တယ် "
" အေးပါ ... ဓာတ်မတည့်လို့ဆိုတာထားပါတော့ ဆိတ်နှစ်ကောင်က ဘယ်ရောက်ပြန်ပြီလဲ "

" ကျွန်မတို့ အမေရဲ့အပေါ်က အစ်မရှိတယ်လေ ... ဆရာမကြီးတို့ အိမ်မှာ တစ်ခါက မြက်လာရှင်းပေး တယ်လေ ... ဆရာမကြီးတောင် မုန့်ဖိုးနှစ်ထောင်နဲ့ ကလေးတွေဖို့ဆိုပြီး ဖိနပ်တွေပေးသေးတယ်လေ ... အနီတစ်ရံ အပြာတစ်ရံလေ ... ဆူရာမကြီးက ဘီစကစ်နှစ်ထုပ်ပေးတာ အကြီးကောင်က အငယ်ကောင်ကို မပေးဘဲ ယူပြေးလို့ ဆရာမကြီး ဒေါသဖြစ်တယ်လေ "
" သေချာပါပြီ ကျာကျူးရယ် ... သက်သေတွေ တင်ပြမနေပါနဲ့တော့ ငါမှတ်မိပါတယ် ... ညည်း အဒေါ်က ဘာဖြစ် လို့တုံး "

ကျာကျူးအမေက ကျွန်မတို့အိမ်မှာ ကျွန်မတို့ မနိုင်တာတွေရှိတိုင်း ၀င်ထွက်လုပ်ကိုင်ပေးနေကျပါ။ ကျွန်မ ပြောခဲ့သလို သဘောမနော ကောင်းရှာပါရဲ့။ ဈေးရောင်း မထွက်တဲ့နေ့တွေဆိုရင် သနပ်ခါးဖုံးနေအောင် လိမ်းပြီး ကျွန်မတို့ အိမ်ဝိုင်းထဲက မြက်တွေရှင်းပေးတာမျိုး၊ သစ်ပင်တွေ မြေဆွပေးတာမျိုး၊ အိုးခွက် ပန်းကန် တွေ ဆေးကြောပြီး နေရာတကျ ထားပေးတာမျိုးတွေ လုပ်ပေးတတ်တယ်။ ရင်းရင်းနှီးနှီး ခင်ခင် မင်မင် ရှိ လာတော့ သူတို့ဘ၀၊ သူတို့အကြောင်း မိန်းမသားချင်းရယ်လို့ ကျွန်မ ကိုယ်တိုင် သိ သင့် သလောက် သိခွင့် ရခဲ့တယ်။ ကျာကျူးအနေတင်မကပါဘူး၊ ကျာကျူးအဒေါ်ကလည်း ၀ိုင်းကူတာမျိုး ရှိခဲ့ဖူးပါတယ်။ ကျာကျူးတို့အမေမှာ တစ်အူတုံဆင်းသားချင်းတွေ မနည်းဘူး။ မောင်နှမရင်းချာကချည်း ကိုးယောက် ဆိုလား ရှိသတဲ့။ ကျာကျူးအမေက မောင်နှမတွေ ကြားထဲက တစ်ယောက်ပြောပါတော့။

ကူမဲမြစ်သားဘက်မှာ မအေအိုကြီးရှိသေးတော့ မောင်နှမတော်တော်များများက ကူမဲမှာနေကြပြီး မအေနဲ့ မခွဲကြဘူး။ တစ်စုတစ်မြုံ ပလုံစီထိုးနေကြသတဲ့။ ကျာကျူးအမေက မန္တလေးသားနဲ့ အိမ်ထောင်ကျလို့ မန္တ လေးရောက်တာ အတော်ကြာပတဲ့။ ကျာကျူးအမေနဲ့ အထက်အောက် အစ်မမိသားစုကလည်း မန္တလေးမှာပဲ နေကြတယ်။ ကျာကျူးပြောတဲ့ "အမေ့ အပေါ်က အစ်မ" ဆိုတာ အမေ့အထက်က အစ်မလို့ ပြောတာပါ။ အဲသည်မိသားစုကလည်း မန္တလေးမှာ အနေကြာကြပါပြီ.။ ကျာကျူးတို့နဲ့ အိမ်ချင်းမဝေးတော့ ကျာကျူးတို့အိမ်ကို ၀င်ချည်ထွက်ချည် ရှိတဲ့အခါရှိတယ်။ ညီအစ်မချင်းမတည့်လို့ အမခေါ်မပြောရှိတဲ့အခါ လည်းရှိတယ်။ တစ်ခါက မြက်ရှင်းခိုင်းစရာရှိလို့ လာရှင်းတဲ့အခါ ကလေးတွေတသီကြီး ပါလာလို့ အိမ်က သမီးဖိနပ်ကလေးတွေ ကျွန်မကရော့ဟဲ့ အင့်ဟဲ့ ပေးဖူးတာကို ကျာကျူးက မှတ်မိလို့ သေချာအောင် ပြောနေ တာပါ။ ကျာကျူးနဲ့ စကားပြောရင် လိုရင်းမရောက်နိုင်လို့ ငေါက်ရတာများပါပြီ။ မရပါဘူး။

သူပြော တတ်သလို ပြောနေတာကိုပဲသည်းခံပြီး နားထောင်ရတာလည်း များလှပါပြီ။ ပြောသမျှစကားတွေ အထုံးပြေပြီဆိုမှ သည်လိုတော့ ဖြစ်တန်ကောင်းရဲ့၊ ဟိုလိုတော့ ဖြစ်တန်ကောင်းရဲ့လို့ ဆက်စပ်ပြီး ပုံဖော် ရတာများလှပေါ့။ အခုလည်း ဆိတ်တွေ ဘယ်ရောက်ကုန်ပြီလဲမေးတာကို လိုရင်းရောက်အောင် မဖြေ သေးဘူး။ သူ့အဒေါ်အကြောင်း အရင်ပြောနေလို့ ခေါင်းမခေါက်မိအောင် မနည်းစိတ်ကို ချိုးထားရ သေး တာ ပါ။

" အဒေါ်က ဘာမှ မဖြစ်ဘူး ... သူ့သားအကြီးကောင် စူနယားက ဖြစ်တာ ... ဒီကောင်က လူပျိုဖြစ်ပြီ မဟုတ်လား ... လူပျို လုပ်ချင်တာနဲ့ သူများဆိုင်ကယ်နဲ့ လျှောက်လိုက်တယ် ... ဆိုင်ကယ်လဲတော့ တံတောင်ဆစ် ပွန်းတယ် ... မျက်နှာတစ်ခြမ်းမည်းသွားတယ် ... သူ့အမေ ဆေးကုဖို့ ပိုက်ဆံရှာရတာပေါ့ ... ပေါက်တော့ မှ အိမ်ပေါ်က မောင်းချလိုက်တယ် .... သွားပစေကောင်းတယ် "
စကား လမ်းကြောင်းက တခြားဘက် ပြောင်းသွားပြန်လို့ ကျာကျူးပြန်တော့လို့ပဲ နှင်လိုက်ရ ကောင်းမလား၊ သည်းခံပြီး ဆက်နားထောင်ရကောင်းမလား စဉ်းစားနေတုန်းမှာပဲ ကျာကျူးပြောလိုက်တဲ့ စကား ကြောင့် ကျွန်မတောင် မျက်လုံးပြူးသွားခဲ့ရတယ်။

" ဆိတ်နှစ်ကောင်မှာ သရဲပါလာတာကိုး၊ ဆရာမကြီးရဲ့ ... ကျွန်မအဒေါ်က အိပ်မက်မက်လို့သိတာ ... ဟိုတစ်ရက် က ကျွန်မ အဒေါ်အိမ်လာတာ ဆရာမကြီးတွေ့မှာပေါ့ ... သူတို့ညီအစ်မချင်း မခေါ်တာကြာပြီ ... အရေးကြီး လို့လာတာဆိုပြီး အမေနဲ့ စကားတွေ ပြောကြတယ်။ ကျွန်မ အဒေါ်ပြောတာတော့ ဆိတ်နှစ် ကောင် ရဲ့ ကျောပေါ်မှာ သရဲနှစ်ကောင် ထိုင်နေတာ အိပ်မက်ထဲမှာမြင်ရတယ်တဲ့ "
" အဲဒါနဲ့ ... "
" အဲဒါနဲ့ အမေက ကြောက်ပြီလေ ... သရဲထိုင်နေတဲ့ ဆိတ်တွေဘယ်သူက အိမ်မှာထားရဲမှာတုန်း ... သရဲက ကျွန်မတို့ ကျောကုန်းပေါ် တက်စီးရင် ဘယ်လိုလုပ်မလဲ ... ကျွန်မ အဒေါ် အိပ်မက်မက် မက်တယ် ... ကျွန်မ လည်း အိပ်မက် မက်တယ် ... မကောင်းတော့ဘူးဆိုပြီး သူများကို ရောင်းလိုက်ရတယ် "
" ဘယ်သူ့ကို ရောင်းတာတုံး ကျာကျူး "
" ကျွန်မ အဒေါ်ကိုပဲ ရောင်းလိုက်တာလေ ... ချက်ချင်း ဆိတ်နှစ်ကောင် သူကိုယ်တိုင် ဆွဲသွားတယ် ယူပါ စေလေ သူတို့မကြောက်ဘူးနော် ... သူတို့ကျောကုန်းပေါ် သရဲတက်ထိုင်လိမ့်မယ် ... ဆရာမကြီး နားသာ ထောင်တော့ "

သည်ဇာတ်လမ်းက လုပ်ကြံထားတဲ့ ဇာတ်လမ်းမှန်း ကမန်မသိတာမကြာသေးဘူး။ တစ်ရက် ကျာကျူး အမေ အိမ်ကို ရောက်လာလို့ စကားရောက်ရာက နီတိုးနဲ့ နီတူး ဆိတ်နှစ်ကောင်အကြောင်း ကျွန်မ ကောင်းကောင်း သိရတာပါ။ ကျာကျူး အမေပြောတာက ကျာကျူးက အဲသည် ဆိတ်နှစ်ကောင်ကို ရပ်ကွက် ထဲက ကျောင်း ဆရာအိမ်က ခွေးက လိုက်ဆွဲလို့ ခဲနဲ့လိုက်ထုတာ ရပ်ကွက်ထဲ ပွက်ပွက် ရိုက်သွား တာပဲ ဆိုတာလည်း ပါရဲ့။ ဆိတ်တစ်ကောင် အစာမစားဘဲ နေမကောင်းသလိုလို ဖြစ်လို့ ဆိတ်နှာခေါင်းကို ပရုတ်ဆီတွေလူးလိုက်တာ ဆိတ်ခမျာ ထွန့်ထွန့်လူးလို့ ဆိုတာ ကြားရတော့ ဖြစ်ရလေအောက်မေ့မိတယ်။

" ဆိတ်တွေကို ကျာကျူးက လူလိုစကားပြောနေတာ ဆရာမကြီးရဲ့ ... မောင်ရယ် နှမရယ် မွေးချင်းလည်း မရှိတော့ ဆိတ်ကလေးနှစ်ကောင်ကို တော်တော် သံယောဇဉ်ကြီးတယ် ... သည်ဆိတ်နှစ်ကောင်ကို ရောင်း ပြီး ငွေဖော်ရမလိုဖြစ်လာတော့ ကျွန်မဖြင့် မျက်ရည်တောင် ကျမိတယ် ... ကျွန်မက တစ်ညတော့ ဆိတ်နှစ်ကောင် ရောင်းမှ ဖြစ်တော့မယ်သမီးရယ် သူများဈေးကြွေးတွေများလာလို့ မပေးရင် မကောင်းတော့ဘူး ဆိုတော့ တစ်ညလုံး ငိုတော့တာ ဆရာမကြီးရဲ့ ... ကျွန်မတို့မှာလည်း အထုပ်ရယ် အထည်ရယ် မရှိတော့ သည်နှစ်ကောင် မျက်စောင်းထိုးရတာကိုး "

သူတို့ဘ၀နဲ့သူတို့ အကြောင်းဆိုတော့ ကျွန်မလည်း ၀င်မပြောသာဘူးပေါ့လေ။ စိတ်ထဲမကောင်းပေမယ့် ကျာကျူး က ဆိတ်နှစ်ကောင်ကို သံယောဇဉ်ဖြစ်နေမှတော့ တခြားက ငွေရှာကြည့်ပါလားလို့ အကြံ ပေးမိတယ်။ မရပါဘူး ဆရာမကြီးရယ်တဲ့။ ခေါင်းရွက်ဈေးသည်ဆိုတော့ မြတ်တော့လည်း စားလိုက်ကြ၊ ရှုံးတော့လည်း အရင်းရှာရကိုး။ ဈေးဗန်း မပျောက်ပေသိအကြွေးပါ ထည့်ရွက်ရတာနဲ့ပဲ လေးလံနေကြရှာသူတွေ မဟုတ်လား။ နောက်ဆုံး ကြံရာမရတာနဲ့ ကျာကျူးအမေကိုယ်တိုင်က အစ်မ ဖြစ်သူနဲ့ တိုင်ပင်ပြီး ဆိတ်နှစ်ကောင် သရဲကပ်နေသလိုလို ကျာကျူးနဲ့ ဓာတ်မတည့်သလိုလို ဇာတ်လမ်း ဆင်ကြရသတဲ့။ ကျွန်မရင်ထဲ ကျင်ခနဲ နာမိတယ်။ ကျာကျူးရဲ့ သနားစရာ မျက်နှာကလေးကိုလည်း မြင်ယောင် နေမိတယ်။ ကျာကျူးခမျာ မအေနဲ့ အဒေါ်တို့ ကြံသမျှ ယုံရှာလို့ တော်ပါသေးရဲ့။ လိုလို လားလားပဲ ခွင့်ပြုလိုက်ရှာသတဲ့။ သူ့အဒေါ် ဆိတ်တွေ ဆွဲသွားတဲ့နေ့က ဆိတ်တွေကို မှာနေသေးတာတဲ့။

" သွားကြတော့ နီတိုးနဲ့ နီတူးတို့ရေ ... ငါက ချစ်ပေမယ့် နင်တို့က သရဲခေါ်လာကြတာကိုး ... နင်တို့က ငါနဲ့ ဓာတ်လည်း မတည့်ဘူး ... နင်တို့ရှိရင် ငါဒုက္ခရောက်လိမ့်မယ် ... သွားကြတော့ သွားကြတော့ နင်တို့ မျက်နှာလည်း ငါမကြည့်ချင်ဘူးတဲ့ ... ကျွန်မဖြင့် ကွယ်ရာမှာ မျက်ရည်ကျမိပါတယ် ဆရာမကြီးရယ် ... တကယ် ပြောတာပါ "
ကျကျူးအမေက ပြောရင်း မျက်ရည်တွေ စို့နေလို့ ကျွန်မတောင် ရင်ထဲနင့်မိတယ်။ ကျွန်မက မရှင်းတာလေးတွေ မေးကြည့်ချင်တာနဲ့ ဆိတ်တွေကို အပြီးရောင်းလိုက်တာလား၊ ဆိုတော့ အဲသလို မဟုတ်ဘူးတဲ့။ ကျာကျူးအဒေါ်က တစ်ကောင်ဖိုးပဲ ငွေချေနှင့်လို့ တစ်ကောင်ယူထားချင်ပေမယ့် တစ်လအတွင်း ငွေချေပါ့မယ်ဆိုလို့ နှစ်ကောင်စလုံး ရောင်းလိုက်ရသတဲ့။ ကျာကျူးကတော့ သည် ဇာတ်လမ်း ကို မသိရှာပါဘူး။ ကျွန်မက ပေါက်စီနဲ့ အီကြာကွေးဆိုတာကကော ဆိုတော့ သူ့တူလေးတွေက ပေးတဲ့ နာမည်တွေတဲ့လေ။

" ကျွန်မအစ်မက ဆိတ်တွေလည်း ဆွဲသွားရော သူ့သားအငယ်နှစ်ကောင်က ချက်ချင်းပဲ သူတို့ကြိုက်တဲ့ မုန့် နာမည်တွေ ပေးတော့တာ ဆရာမကြီးရေ ... တစ်ကောင်က ပေါပ်စီတဲ့ တစ်ကောင်က အီကြာကွေးတဲ့ "
ကျာကျူးအမေက သည်အကြောင်းတွေ ကျာကျူးမသိစေချင်ဘူးဆိုလို့ ကျွန်မပါရောပြီး သည် ဇာတ်လမ်းကို မျိုချထားရတာပါ။ တစ်ရက် ကျာကျူးကျွန်မတို့ အိမ်ရောက်လာလို့ ကျွန်မက မသိချင် ဟန်ဆောင်ပြီး မေးကြည့်တယ်။
" နေပါဦး ကျာကျူးရဲ့ ... ညည်းအဒေါ်က သည်ဆိတ်တွေမှာ သရဲစီးနေတယ်လို့လည်း အိပ်မက် မက် တယ် ပြောသေးရဲ့ ... သည်ဆိတ်တွေကိုလည်း ၀ယ်သေးရဲ့ ... သူတို့ကျတော့ ဘာမှမဖြစ်ဘူးလား ... မကြောက် ကြဘူးလား "

" သူတို့က သရဲထက် ဆိုးတယ် ဆရာမကြီးရဲ့ ... သရဲကတောင် သူတို့အိမ်ကို ကြောက်လိမ့်ဦးမယ် ... ညဘက်ကြီး လည်း မှောင်ကြီးထဲ လျှောက်သွားနေကြတာပဲ ... သရဲနဲ့တောင် ခင်နေလောက်ပြီ "
မျက်လုံးပြူးပြူး အသံစူးစူးကလေးနဲ့ ပြောနေတဲ့ ကျာကျူးကိုပဲ ကျွန်မ သနားနေမိတယ်။ သည်ကလေးမ သည် ဇာတ်ထုပ် အဟုတ်မသိတာ ခပ်ကောင်းကောင်းလို့လည်း တွေးမိပါရဲ့။ သိလို့ကတော့ မလွယ် လောက်ဘူ။ တစ်ခါတလေ ဘာရယ်ဘာအကြောင်းလို့သာ မသိရတယ်။ မအေနဲ့ ခွန်းကြီးခွန်းငယ် အပြန်အလှန် အော်ဟစ်နေတာတွေ ကြားဖူးထားတော့ ကျာကျူးရဲ့ ဇွဲကို ကျွန်မ သိတာကိုး။ ဗျစ်တောက် ဗျစ်တောက် နဲ့ ပြောနေတာ မပြီးဘဲ မပြီးနိုင်ဘူး။ မအေက ထရိုက်တာလည်း ကြားရတာပါပဲ။ ဒါမျိုးဆိုရင် ကျာကျူး က သံစူးသံခွန်နဲ့ အော်ပါလေရော။

" ရိုက်ကြဗျို့ ... မအေ ဆိုပြီး ရိုက်တာပေါ့ ... ရိုက်ကြ ရိုက်ကြ ... ကျာကျူး ခံကလဲ့မှာ ခံလိုက်မယ် ... ကျာကျူး ရိုက်ကလဲ့ကျမှ မငိုကြနဲ့ ... ကြိုးတုတ်ပြီးရိုက်မှာ ... ဘာမှတ်လို့လဲ "
သည်လို ပြန်ပြောတော့ မအေက မိဘကို သည်လိုပြန်ပြောရပါ့မလားရယ်လို့ ရိုက်ပြန်ရော။ ကျာကျူး ကလည်း ပြန်အော်တာပဲ။ သားအမိနှစ်ယောက်ရန်ဖြစ်ရင် ပွက်ပွက်ရိုက်လို့။ ခွန်းကြီးခွန်းငယ် ဖြစ်ကြ သခိုက် ကျာကျူးအိမ်ရောက်လာရင် ကျွန်မက ဆီးပြီး ဆုံးမရတယ်။ မိကို တစ်နေ့ပြန်ရိုက်ဦးမယ်လို့ မပြော ကောင်းဘူး ကျာကျူးရဲ့၊ မြေမျိုတတ်တယ်ဆိုတော့ မြေမျိုတာကမှ ကောင်းဦးမယ်တဲ့လေ။
" ကျာကျူးဆရာမကြီးပြောမယ် ... မိဘဆိုတာ ကိုယ့်သားသမီးကို ချစ်ကြတာချည်းပဲ ... ဆုံးမစရာရှိတော့ လည်း ပြောပြောဆိုဆို ဆုံးမရတာမျိုး၊ တုတ်ပြပြီး ဆုံးမရတာမျိုး ရှိတာပေါ့အေ ... ဆရာမကြီးတို့ ငယ်ငယ် ကလည်း အမေက ဆုံးမစရာရှိရင် သည်လိုဆူတာ ငေါက်တာ ရိုက်တာပုတ်တာ ရှိခဲ့တာပဲ ... မိဘကို ပြန် မအော်ရဘူး ... အခုက ဘာဖြစ်လို့ သားအမိချင်း ရန်ဖြစ်တာတုံး "

" သူ့ယောက်ျားကို ဦးစားပေးလို့လေ ... ဟင်းကောင်းဆိုလည်း သူ့ယောက်ျားဖို့ ... လက်ဖက်ရည် ၀ယ်တော့ လည်း သူ့ယောက်ျားဖို့၊ နံပြားဝယ်တော့လည်း သူ့ယောက်ျားဖို့၊ ထမင်းတစ်ဆုပ် လောက်ကျန်တော့လည်း သူ့ယောက်ျားဖို့"

" ဟဲ့ ... သူ့ယောက်ျားဖို့ဆိုတော့လည်း ညည်းအဖေပဲ မဟုတ်ဘူးလားဟဲ့ ... ကိုယ့်အဖေကြီး ခေါင့်ကြီးမား ကို ကျွေးတာ ကျာကျူးကတောင် ၀မ်းသာရဦးမယ် "
" အဖေတော့ အဖေပေါ့ ဆရာမကြီးရဲ့ ... ကျွန်မ ပြောလိုက်တယ်လေ အေး ကိုယ့်ယောက်ျားကိုယ် ဦးစား ပေးကြေးနော် ... လုပ်ကြလေ ... ကျွန်မ ယောက်ျားယူလို့ ဦးစားပေးမှ မပြောကြနဲပလို့ "
ကျွန်မဖြင့် ဆုံးမနေတဲ့ကြားက ရယ်လိုက်ရတာ။ မအိုးမအကလေးဆိုတော့ ကျွန်မမှာ ဆိုရခက် ပြောရခက် ကိုး။ ဆိတ်ပြဿနာကလည်း ကျွန်မ သိရသလောက် မပြီးပါဘူး။ ကျာကျူးအမေနဲ့ ကျာကျူးအဒေါ်တို့ အပေးအယူ ကတိပျက်ကြရာက ရန်ဖြစ်ကြရော၊ ရန်ဖြစ်ကြတော့ ကျာကျူးကို လိမ်ထားတာ တွေပေါ်ရော။ ပေါ်တော့ ကျာကျူးက အတိုးချပြီး အော်ပြန်ရော။ မကြာပါဘူး။ ဆိတ်နှစ်ကောင် ကျာကျူး တို့အိမ်ကို ဒရွတ် သိုးသီ ပြန်ရောက်လာလေရဲ့။ ကျာကျူးဆိုတာ အသံကလေးတစာစာနဲ့။ ဆိတ်နှစ်ကောင် နဲ့ စကားတွေပြော နေတာများ လူကို ပြောနေတဲ့ အတိုင်းပဲ။ ပြတင်းပေါက်မှာ ကျွန်မ ရပ်ကြည့် နေတာမြင်တော့ ကျွန်မကို လှမ်းပြောနေသေးတာပါ။

"နီတိုးနဲ့ နီတူးပြန်ဖြစ်သွားပြီ ဆရာမကြီး ... ပေါက်စီနဲ့ အီကြာကွေး မဟုတ်တော့ဘူး ... ကျွန်မကို လွမ်းလို့ နဲ့တူတယ် ... သည်နှစ်ကောင် နည်းနည်းတော့ ပိန်သွားတယ် ... မပူနဲ့ နင်တို့ကို ငါကျွေးသေးရဲ့ အောက်မေ့ မိတယ်။ သားအဖသုံးယောက် မန္တလေးလို မြို့ကြီးမှာ အိမ်လခမကုန်၊ မင်းတိုင်း ကြေးမကုန် နေခွင့် ရကြတာကလည်း ကံထူးတယ်ပြောရမှာပါ။ မြို့မှာ နေစရိတ်ကလည်း ကြီးတာ မဟုတ်လား။ သည်ကြားထဲ ကျာကျူးတို့ အိမ်ကုပ်ကုပ်ကလေးထဲကို ကူမဲမြစ်သားဘက်က အမျိုးတွေ ရောက် ရောက်လာတတ်ကြလို့ ဘယ်လိုများ အိပ်ကြပါလိမ့်လို့ တွေးမိတယ်။ လာကြပြန်တော့ မနေကြဘူး ဆိုရင် လေးငါးရက်တော့ နေကြတာချည်းပဲ။ ကျာကျူးတို့ အိမ်ဘေးမီးဖိုက မီးခိုးတအူအူနဲ့ ချက်လို့ပဲ မပြီးနိုင်ဘူး။

ဆွေမျိုးသားချင်းတွေက ၀င်လိုက်ထွက်လိုက်ကြ၊ ခူးလိုက်ခပ်လိုက်ကြ၊ စားလိုက်သောက်လိုက်ကြနဲ့ ပျော်စရာတောင် ကောင်းသေးတော့။ ကျာကျူးတို့ကလည်း စိတ်ထဲသွားချင်စိတ်ပေါက်လာရင် အိမ်တံခါး ပိတ်ပြီး ကူမဲ၊ မြစ်သားဘက် စုတ်ခနဲ ထသွားကြတာပါပဲ။ တစ်ခါတလေ ကျာကျူးတို့ တစ်ခါတည်းများ ပြောင်းသွားကြလေသလား အောက်မေ့မိတယ်။ ပြန်လာရင်တော့ ပြန်လာပုံ ပြန်လာနည်းကို အကဲခတ်ရုံနဲ့ ဘယ်လိုခံစားမှုနဲ့ ပြန်လကြသလဲဆိုတာ ကျွန်မသိနှင့်ပါပြီ။ ညကြီးမိုးချုပ် မှောင်ကြီးထဲ ကျာကျူးတို့ သားအဖ တစ်တွေ တိတ်တိတ်ကလေးပြန်လာကြပြီဆိုရင် ဆွေမျိုးထဲက တစ်ယောက်ယောက် နဲ့ ရန်ဖြစ်လာကြတာ သေချာတယ်။ ညနေစောင်းနေမ၀င်တ၀င် ပြန်လာပြီး ချက်ကြ ပြုတ်ကြ သောသောညံ နေပြီဆိုရင် အဆင်ပြေချိုတီးနဲ့ဖြစ်တာ ... သူက ကျွန်မကို နင်တို့က အမေကြီးအိမ်မှာ လာ ကပ်စား နေတာလို့ ပြောလို့ ကျွန်မနဲ့ ရန်ဖြစ်တာလေ ... အမေကြီးလည်း ငါတို့အိမ် လာကပ်စားတာပဲလို့ ပြောလိုက်တာ သူက ကျွန်မကို ကုတ်ဆွဲတယ် ဆရာမကြီးရဲ့ ... ကျွန်မကလည်း ပြန်ကုတ်တာပေါ့... ဘာရမလဲ ... ရန်ဖြစ်ကြရော "

အဲဒါမျိုးက ရန်ဖြစ်ပြန်လာတိုင်း ပြောနေကျပါ။ ရန်ဖြစ်တဲ့သူတော့ ကွဲပြားတာပေါ့လေ။ သည်တစ်ခေါက် လာလာနဲ့ဖြစ်ရင် နောက်တစ်ခေါက်က ချိုတီးနဲ့ဖြစ်တယ်။ နောက်တစ်ခေါက်ကျ အမေနဲ့ အဒေါ် တစ်ယောက်ယောက်နဲ့ ရန်ဖြစ်ကြတယ်ဆိုတာမျိုးပေါ့။ ကျာကျူးတို့သားအမိ ပျော်ပျော်ပါးပါး ပြန်လာ လို့ ချက်ပြုတ်စားသောက်နေကြရင် ကျွန်မက သည်တစ်ခေါက် ကျာကျူးရန်မဖြစ်ခဲ့ဘူးဟေ့၊ ဟန်ကျ ချက်တော့လို့ပြောရင် ကျာကျူးက အင်မတန် အံ့သြရှာတာပါ။ ဆရာမကြီးက မန္တလေးမှာ နေပြီး ကူမဲက အကြောင်းတွေသိတယ်နော်တဲ့။ ကျွန်မက ခပ်တည်တည်နဲ့"သိပါအေ တို့အိမ်မှာ စလောင်းတပ်ထားတာ မမြင်ဘူးလား စလောင်းကကြည့်ရင် ကျာကျူးတို့ ကူမဲက အိမ်ကို လှမ်းကြည့်လို့ရတယ်" လို့များဆိုရင် တကယ် ယုံရှာတာပါ။ ဒါပေမဲ့ သံသယတော့ ရှိတဲ့ပုံပါ။ ကျွန်မကို သေချာအောင် မေးနေသေးတာလေး။

" ကျွန်မ ကူမဲမှာ ဘာလုပ်သလဲ ... ဆရာမကြီး မြင်တာပြောပြပါ"
" ညည်းက မယုံလို့လား ... ညည်းအမေကြီးကို လက်ဖက်ရည် ၀ယ်ပေးတယ်အေ ... သန်းရှာ ပေး တယ်အေ ... ဒူးခေါင်းကို ဆေးလူးပေးတယ်အေ ကိုင်း "
" ဟုတ်တယ် ... ကျွန်မနဲ့ ဘယ်သူနဲ့ လုပ်ပေးတာလဲ "
" နာမည်တော့ ဘယ်သိပါ့မလဲအေ့ ... ကုလားမလေးပဲ "
" အဲဒါလည်း ဟုတ်တယ် ... အဲဒါက မာလာ"
" ဒါကြောင့် ပြောတာပေါ့ ... အကုန်မြင်ရပါတယ်ဆို "
" ဒါဆို ဆေးရုံကြီးရှေ့မယ် ... နင်တို့မှာ သူရဲလည်းမရှိဘူး ... ဓာတ်မတည့်တာလည်း မရှိဘူး ... ငါ့အါမေနဲ့ ငါ့ အဒေါ် က လူတွေဖြစ်ပြီး လက်ခံတာ ... နင်တို့က ဆိတ်ဖြစ်ပြီးတော့ မလိမ်ဘူး နင်တို့ ကုသိုလ်ရလိမ့်မယ် ကြားလား "
ကျွန်မ ကိုလည်း လှမ်းပြော၊ ဆိတ်တွေကိုလည်းပြော။ ကျွန်မရင်ထဲမှာ မှုန်တစ်လှည့် လင်းတစ်လှည့်။ ကျာကျူး ရယ် ... "

အပိုင်း (၆)
(" ဟဲ့ ... သူ့ယောက်ျားဖို့ဆိုတော့လည်း ညည်းအဖေပဲ မဟုတ်ဘူးလားဟဲ့ ... ကိုယ့်အဖေကြီး ခေါင့် ကြီးမား ကို ကျွေးတာ ကျာကျူးကတောင် ၀မ်းသာရဦးမယ် "
" အဖေတော့ အဖေပေါ့ ဆရာမကြီးရဲ့ ... ကျွန်မ ပြောလိုက်တယ်လေ အေး ကိုယ့်ယောက်ျားကိုယ် ဦးစား ပေးကြေးနော် ... လုပ်ကြလေ ... ကျွန်မ ယောက်ျားယူလို့ ဦးစားပေးမှ မပြောကြနဲ့လို့ "
ကျွန်မ ဖြင့် ဆုံးမနေတဲ့ကြားက ရယ်လိုက်ရတာ။ )

မအိုးမအ ကလေး ဆိုတော့ ကျွန်မမှာ ဆိုရခက် ပြောရခက်ကိုး။ ဆိတ်ပြဿနာကလည်း ကျွန်မ သိရ သလောက် မပြီးပါဘူး။ ကျာကျူးအမေ နဲ့ ကျာကျူးအဒေါ်တို့ အပေးအယူကတိပျက်ကြရာက ရန်ဖြစ် ကြရော၊ ရန်ဖြစ်ကြတော့ ကျာကျူးကို လိမ်ထားတာ တွေပေါ်ရော။ ပေါ်တော့ ကျာကျူးက အတိုးချပြီး အော်ပြန်ရော။ မကြာပါဘူး။ ဆိတ်နှစ်ကောင် ကျာကျူး တို့ အိမ်ကို ဒရွတ် သိုးသီ ပြန်ရောက်လာလေရဲ့။ ကျာကျူး ဆိုတာ အသံကလေးတစာစာ နဲ့။ ဆိတ်နှစ်ကောင်နဲ့ စကားတွေပြော နေတာများ လူကို ပြောနေ တဲ့ အတိုင်းပဲ။ ပြတင်းပေါက်မှာ ကျွန်မ ရပ်ကြည့်နေတာမြင်တော့ ကျွန်မကို လှမ်းပြောနေသေးတာပါ။

"နီတိုး နဲ့ နီတူးပြန်ဖြစ်သွားပြီ ဆရာမကြီး ... ပေါက်စီနဲ့ အီကြာကွေး မဟုတ်တော့ဘူး ... ကျွန်မကို လွမ်း လို့ နဲ့တူတယ် ... သည်နှစ်ကောင် နည်းနည်းတော့ ပိန်သွားတယ် ... မပူနဲ့ နင်တို့ကို ငါကျွေး နင်တို့မှာ သူရဲလည်း မရှိဘူး ... ဓာတ်မတည့်တာလည်း မရှိဘူး ... ငါ့အမေနဲ့ ငါ့အဒေါ်က လူတွေဖြစ်ပြီး လိမ်တာ ... နင်တို့က ဆိတ်ဖြစ်ပြီးတော့ မလိမ်ဘူး နင်တို့ ကုသိုလ်ရလိမ့်မယ် ကြားလား "
ကျွန်မ ကိုလည်း လှမ်းပြော၊ ဆိတ်တွေကိုလည်းပြော။ ကျွန်မရင်ထဲမှာ မှုန်တစ်လှည့် လင်းတစ်လှည့်။ ကျာကျူး ရယ် ... "

တစ်ရက် မှာတော့ ကျာကျူးတို့သားအမိ ဈေးသွားကြပြီး ဘုရားကြီးကို ဘုရားဖူးသွားကြတယ်။ မသွားခင် မနက်က ကျွန်မတို့အိမ်ဘက် ကူးလာလို့ ကျွန်မက မုန့်ဖိုးသုံးထောင် ထည့်ပေးလိုက်တယ်။ ဘုရားကြီးမှာ နေကုန်ကြမှာ ဆိုတော့ လမ်းစရိတ်ကော၊ စားစရိတ်ကော ကုန်ကြမှာကိုး။ အဲသည့်မနက်က ကျာကျူးက ရှိုးအပြည့်နဲ့ပါ။ မျက်နှာကလည်း မိတ်ကပ်တွေပိန်းလို့။ နှုတ်ခမ်းနီကလည်း ရဲတွတ်လို့။ ကျာကျူးတို့ ဘုရားက ပြန်လာတော့ မိုးချုပ်နေပါပြီ။ အ၀တ်မိုးချုပ်နေပါပြီ။ အ၀တ်အစားလဲပြီး ကျွန်မတို့ အိမ်ဘက်ကို ကူးလာတော့ မျက်နှာက ချွေးစေးတွေနဲ့ ကွက်ကျားရိုက်လို့။
" ဆရာမကြီး ကုသိုလ်ရအောင် ဆရာမကြီးပေးတဲ့ ပိုက်ဆံနဲ့ ကျွန်မဘဲကလေးလေးကောင်ဝယ်လာတယ် တစ်ကောင်ငါးရာ တဲ့ ... တန်တယ်ဆရာမကြီးရဲ့ ... သည်ဘဲတွေ ကြီးလာရင် ပြန်ရောင်းမယ် ... ဆရာမကြီး သာဓုခေါ်တော့ "

" အေးပါအေ ... သာဓုပါ ... ပိုက်ဆံပေးလိုက်တာ ညည်းတို့စားဖို့ လှူဖို့လေ ... ဘုရားမှာ မလှူခဲ့ဘူးလား ကျာကျူ ရဲ့ "
" နှစ်ရာလှူခဲ့တယ်လေ ... လှူတဲ့လူတွေအများကြီးပဲ ဆရာမကြီးရဲ့ ... ကျွန်မတို့ရောက်တော့တောင် ဘုရား မှာ ပိုက်ဆံတွေ အများကြီးရနေပြီ"
ကျွန်မလည်း ဘာပြန်ပြောရမှန်းတောင် မသိတော့ပါဘူး။ ဆရာမကြီး ကုသိုလ်ရအေင် ဘဲကလေးတွေ ၀ယ်ခဲ့သတဲ့။ ကျွန်မကိုတောင် သာဓုခေါ်တော့တဲ့။ ဘဲလေးကောင်ကို နှစ်ထောင်ဖိုးဝယ်ခဲ့ပြီး ဘုရားတော့ နှစ်ရာ ဖျစ်ဖျစ်မြည်လှူခဲ့သတဲ့။ သူတကာတွေ လှူနေကြလို့ ဘုရားမှာ ပိုက်ဆံတွေရလှပေါ့တဲ့။ သူပြောချင်တာ ကို စိတ်ထဲရှိတဲ့အတိုင်း ပြောနေတာပါ။ ငေါက်ရခက် ငန်းရခက်။ ကျာကျူးက ပြော နေသေး တာ။

" ဘဲလေးကောင် ကို ကျွန်မတို့မီးနင်းပွဲနီးတော့မှ ရောင်းမယ် ... အဲသည်ကျရင် ကျွန်မ ဖန်လက်ကောက် လေးကွင်း ၀ယ်မယ် ဒါမှ ဘီလား ကို ကျွန်မ နိုင်မယ် ... ဘီလားမှာ နှစ်ကွင်းပဲ ရှိတယ် "
ဘီလားဆိုတာ ကူမဲက အဒေါ်တစ်ယောက်က မွေးတဲ့ ကျာကျူးနဲ့ ရွယ်တူ မိန်းကလေးပါ။ ကျာကျူး မျက်နှာကလေး တင်းနေပုံထောက်တော့ မီးနင်းပွဲပြန်တိုင်း ဘီလားက ဖန်လက်ကောက် တချွင်ချွင်နဲ့ လုပ်ပုံ ရတယ်။ ဒါမကို ကျာကျူးမခံချင် ဖြစ်နေပုံလည်းရရဲ့။ ကျွန်မက ဆရာမကြီးဝယ်ပေးပါ့မယ်အေ၊ မီးနင်းပွဲ ရောက်ရင်သာပြောဆိုတော့ ကျာကျူးမျက်နှာကလေးပြုံးသွားလေရဲ့။ နောက်ဆက်တွဲ စကားကြောင့် ကျွန်မ ဘာစကားဆက်ရမှန်းမသိ ဖြစ်သွားရတယ်။

“ ဒါဆိုရင် ဘဲတွေ ကို အကောင်ပွားမယ် … အများဆို အများကြီးရမှ တစ်ခါတည်း ထုတ်ရောင်းမယ် … ပိုက်ဆံ တွေ ရရင် ရွှေဝယ်မယ် … ရွှေဝတ်ရင် လူကျန်းမာတယ်လို့ အမေပြောတယ် … အခုက ကျွန်မ တို့မှာ ရွှေမရှိ လို့ ခဏခဏ နေမကောင်းဖြစ်နေတယ် “
တစ်ခါတစ်ခါ ကျာကျူး နှုတ်ကထွက်လာတဲ့စကားတွေက အဲသလိုပါ။

သည်နှစ်ထဲ ကျာကျူး က အရပ်ကလေးထွက်လာတာ ကျွန်မသတိထားမိတယ်။ အပျိုဖော်ထားမိတယ်။ အပျိုဖော်ကလေး ၀င်စဆိုတော့ ပေပေရေရေနေတဲ့ကြားက အပျိုရည်ကလေးနဲ့ ဖူးဖူးပွင့်ပွင့် ရှိ လာတာလည်း အမှန်ပဲ။ စာရယ်လို့ ကောင်းကောင်းမတတ်ပေမယ့် ဈေးဗန်းရွက်ပြီး ဈေးရောင်း တတ်လို့ တော်သေးရဲ့ အောက်မေ့မိတယ်။ သားအဖသုံးယောက် မန္တလေးလို မြို့ကြီးမှာ အိမ်လခမကုန်၊ မင်းတိုင်း ကြေးမကုန် နေခွင့်ရကြတာကလည်း ကံထူးတယ်ပြောရမှာပါ။ မြို့မှာ နေစရိတ်ကလည်း ကြီးတာ မဟုတ်လား။ သည်ကြားထဲ ကျာကျူးတို့ အိမ်ကုပ်ကုပ်ကလေးထဲကို ကူမဲမြစ်သားဘက်က အမျိုးတွေ ရောက် ရောက်လာတတ်ကြလို့ ဘယ်လိုများ အိပ်ကြပါလိမ့်လို့ တွေးမိတယ်။ လာကြပြန်တော့ မနေကြဘူး ဆိုရင် လေးငါးရက်တော့ နေကြတာချည်းပဲ။ ကျာကျူးတို့ အိမ်ဘေးမီးဖိုက မီးခိုးတအူအူနဲ့ ချက်လို့ပဲ မပြီးနိုင်ဘူး။

ဆွေမျိုးသားချင်းတွေက ၀င်လိုက်ထွက်လိုက်ကြ၊ ခူးလိုက်ခပ်လိုက်ကြ၊ စားလိုက်သောက်လိုက်ကြနဲ့ ပျော်စရာ တောင် ကောင်းသေးတော့။ ကျာကျူး တို့ကလည်း စိတ်ထဲသွားချင်စိတ်ပေါက်လာရင် အိမ်တံခါး ပိတ်ပြီး ကူမဲ၊ မြစ်သားဘက် စုတ်ခနဲ ထသွားကြတာပါပဲ။ တစ်ခါတလေ ကျာကျူးတို့ တစ်ခါတည်းများ ပြောင်း သွားကြလေသလား အောက်မေ့မိတယ်။ ပြန်လာရင်တော့ ပြန်လာပုံ ပြန်လာနည်းကို အကဲခတ်ရုံ နဲ့ ဘယ်လိုခံစားမှုနဲ့ ပြန်လကြသလဲဆိုတာ ကျွန်မသိနှင့်ပါပြီ။ ညကြီးမိုးချုပ် မှောင်ကြီးထဲ ကျာကျူးတို့ သားအဖ တစ်တွေ တိတ်တိတ်ကလေးပြန်လာကြပြီဆိုရင် ဆွေမျိုးထဲက တစ်ယောက် ယောက်နဲ့ ရန်ဖြစ်လာကြတာ သေချာတယ်။ ညနေစောင်း နေမ၀င်တ၀င် ပြန်လာပြီး ချက်ကြ ပြုတ်ကြ သောသောညံနေပြီဆိုရင် အဆင်ပြေလာလို့ပေါ့လေ... အခြေအနေကို လိုက်လို့ နောက်မနက်ကျာကူးနဲ့ တွေ့လို့ .. ညည်းအေ ကိုယ့်ဆွေမျိုးတွေပဲဟာ ရန်ဖြစ်တာ မကောင်းပါဘူး.. ကဲ ပြောစမ်း ဒီတခေါက်ဘယ်သူနဲ့ ရန်ဖြစ်လာတုံး.. လို့များဆိုရင် ကျာကျူးက ကျွန်မ ကို အကြားအမြင်ရတဲ့ ဓါတ်ဆရာမကြီးလို ကြည့်နေသေးတာပါ...အမေကြီး မှာ မြေးတွေ အများကြီးရှိတယ် ဆရာမကြီးရဲ့ ..အခုတခေါက် ရန်ဖြစ်တာက ချိုတီးနဲ့ဖြစ်တာ ...

သူက ကျွန်မကို နင်တို့က အမေကြီးအိမ်မှာ လာကပ်စားနေတာလို့ ပြောလို့ ကျွန်မနဲ့ ရန်ဖြစ်တာလေ ... အမေကြီးလည်း ငါတို့အိမ် လာကပ်စားတာပဲလို့ ပြောလိုက်တာ သူက ကျွန်မကို ကုတ်ဆွဲတယ် ဆရာမကြီး ရဲ့ ... ကျွန်မကလည်း ပြန်ကုတ်တာပေါ့... ဘာရမလဲ ... ရန်ဖြစ်ကြရော "

အဲဒါမျိုးက ရန်ဖြစ်ပြန်လာတိုင်း ပြောနေကျပါ။ ရန်ဖြစ်တဲ့သူတော့ ကွဲပြားတာပေါ့လေ။ သည်တစ်ခေါက် လာလာ နဲ့ဖြစ်ရင် နောက်တစ်ခေါက်က ချိုတီးနဲ့ဖြစ်တယ်။ နောက်တစ်ခေါက်ကျ အမေနဲ့ အဒေါ် တစ်ယောက်ယောက် နဲ့ ရန်ဖြစ်ကြတယ်ဆိုတာမျိုးပေါ့။ ကျာကျူးတို့သားအမိ ပျော်ပျော်ပါးပါး ပြန်လာလို့ ချက်ပြုတ် စားသောက်နေကြရင် ကျွန်မက သည်တစ်ခေါက် ကျာကျူးရန်မဖြစ်ခဲ့ဘူးဟေ့၊ ဟန်ကျ ချက်တော့ လို့ပြောရင် ကျာကျူးက အင်မတန် အံ့သြရှာတာပါ။ ဆရာမကြီးက မန္တလေးမှာ နေပြီး ကူမဲက အကြောင်း တွေသိတယ်နော်တဲ့။ ကျွန်မက ခပ်တည်တည်နဲ့"သိပါအေ တို့အိမ်မှာ စလောင်းတပ်ထားတာ မမြင်ဘူးလား စလောင်းကကြည့်ရင် ကျာကျူးတို့ ကူမဲ က အိမ်ကို လှမ်းကြည့်လို့ရတယ်" လို့များဆိုရင် တကယ် ယုံရှာတာပါ။ ဒါပေမဲ့ သံသယတော့ ရှိတဲ့ပုံပါ။ ကျွန်မကို သေချာအောင် မေးနေသေးတာလေး။

" ကျွန်မ ကူမဲမှာ ဘာလုပ်သလဲ ... ဆရာမကြီး မြင်တာပြောပြပါ"
" ညည်းက မယုံလို့လား ... ညည်းအမေကြီး ကို လက်ဖက်ရည် ၀ယ်ပေးတယ်အေ ... သန်းရှာပေးတယ်အေ ... ဒူးခေါင်းကို ဆေးလူးပေးတယ်အေ ကိုင်း "
" ဟုတ်တယ် ... ကျွန်မနဲ့ ဘယ်သူနဲ့ လုပ်ပေးတာလဲ "
" နာမည်တော့ ဘယ်သိပါ့မလဲအေ့ ... ကုလားမလေးပဲ "
" အဲဒါလည်း ဟုတ်တယ် ... အဲဒါက မာလာ"
" ဒါကြောင့် ပြောတာပေါ့ ... အကုန်မြင်ရပါတယ်ဆို "
" ဒါဆို ဆေးရုံကြီးရှေ့မယ် ... ကြည့်ပေးစမ်းပါ … အမေရောင်းတဲ့ လိမ္မော်သီးတွေ ကုန်ကာနီးပြီလားလို့ … လိမ္မော်သီးသည်တွေများတော့ မရောင်းရဘူး ဆရာမကြီးရဲ့ … အမေ့သနားလို့“
“
ကုန်ကာနီးပါပြီအေ … ရောင်းရပါတယ် “
သည်လိုများဆိုရင် ကျာကျူးက အင်မတန် ၀မ်းသာရှာတယ်။ ဘဲလေးကောင်ရောက်လာကတည်းက ကျာကျူး တစ်ယောက် အိမ်ရှေ့က ရေစပ်စပ်မြောင်းဘေးမှာ ငုတ်တုတ်။ ဘဲတွေက ရေကူးကြလို့။ သူ့ဘဲတွေသူ့စိတ်နဲ့တွက်ပြီး ကြီးကောင်ဝင်စေချင်ပုံရတယ်။ သီချင်းတညည်းညည်း၊ မျက်နှာတပြုံးပြုံးနဲ ထိုင်နေတာပါ။ သူ့စိတ်ထဲမှာ ရွှေလက်ကောက်တွေ တချွင်ချွင်နဲ့ ဖြစ်နေပုံလည်းရရဲ့။ တစ်ခါတော့ ကျွန်မက ဘဲထီး၊ ဘဲမညည်းသိလို့လားဆိုတော့ ဘဲဥအုတော့မှ ကြည့်ရမှာပဲတဲ့။

ဒါပေသိ ဘဲတွေက မအုလိုက်ရပါဘူး။ ခွေးဆွဲ`ကြွက်ဆွဲနဲ့ နှစ်ကောင်သေတာလည်း ကြားလိုက်ရတယ်။ နောက်နှစ်ကောင်ကတော့ နည်းနည်းလေး ထွားလာလို့ ကျွန်မကတောင် အဖတ်တင်ပါစေလို့ ဆုတောင်းမိ တယ်။ ဆုတောင်းမပြည့်ပါဘူး။ ရောဂါဝင်တာပဲလားတော့မသိဘူး။ ရက်နည်းနည်းခြားပြီး နှစ်ကောင်စလုံး သေကုန်ကြတာပါပဲ။ ကျာကျူးက ငိုလိုက်တာမှ ကျူကျူပါလို့။ ကျွန်မက ဆရာမကြီး ပိုက်ဆံ ပေးပါ့ မယ်အေ၊ ဘဲလေးငါးကောင်ထပ်ဝယ်လိုက်ပါဆိုတော့လည်း ကျာကျူးက အငိုမရပ်ဘူး။ သူ့ဘဲကလေး တွေကို သနားလွန်းလို့တဲ့။ မအေကတော့ ကျွန်မကို ကျာကျူးမသိအောင် ပြောရှာပါရဲ့။
“
ဆရာမကြီးနှယ် … ဘဲလေးကောင် ၀ယ်ချင်လှချည့်ရဲ့ဆိုလို့ ဘုရားကအပြန်ခြင်းနဲ့ထည့်ရောင်းတဲ့ ဘဲကလေး တွေထဲက လေးကောင် ဇွက်ဝယ်တာ … ကျွန်မ တားတာလည်း မရဘူး … အမေနဲ့ ဈေးလိုက် ရောင်းပါ ဆိုတာ ပြောလို့မရဘူး … ဘဲတွေမထားခဲ့နိုင်လို့တဲ့ … အခုတော့ ဈေးပြန် လိုက်မယ်ထင်ပါရဲ့ … သားအမိ နှစ်ယောက် ရောင်းတော့ တွင်တာပေါ့“
ကျာကျူး ခမျာ မအေနဲ့အတူ ဈေးရောင်းပြန်ပါပြီ။ မနက်မနက် သနပ်ခါးအဖွေးသားနဲ့ ဈေးဗန်းရွက်ပြီး သားအမိနှစ်ယောက် အိမ်ရှေ့က ဖြတ်ကြပြန်ပါပြီ။ ကျွန်မက အိမ်ရှေ့လမ်းပေါ် တံမြက်စည်းကြမ်းနဲ့ လှည်းကျင်း နေရင်းက မြင်လိုက်ရင် ကျာကျူးက ဈေးရောင်းတော့ အဖြစ်တော့ လို့ ချီးကျူးရတယ်။ မအေ မှ ကူဖော်လောင်ဖက်ရပါစေတော့ဆိုတဲ့ သဘောနဲ့ ပြောရတာပါ။ နှစ်ရက်၊ သုံးရက်ရှိတော့ ဘဲ အကြောင်း မပြောတော့ဘူးဆိုလို့ ဈေးရောင်းတဲ့ဘက် ခေါင်းလည်အောင် မအေရော ကျွန်မပါ မြှောက်ပင့် ပေး နေရတယ်။

မအေကဆိုရင် “ဆရာမကြီးနှယ် … ကျာကျူးက ကျွန်မထက်တောင် ဈေးရောင်းဖြစ်သေးတယ်“တဲ့။ မကြာ ပါဘူး။ ကျာကျူးရောဂါဟောင်း ပြန်ပေါ်လာပြန်ပါရော။ မြိုကထဲက ငှက်ကလေး နှစ်ကောင် ၀ယ်လာ ပြန်တာပါ။ စိမ်းစိမ်းပြာပြာ ကိုယ်လုံးကလေးနဲ့ ချစ်စရာကောင်းတဲ့ ကျေးကြုတ်ငှက်ကလေးနှစ်ကောင်ပါ။ သေးသေးကလေးတွေဆိုတော့ အိမ်ကဘဲဥ သံခြင်းထဲ ထည့်မွေးထားသတဲ့။ တစ်ရက်များ ကျွန်မတို့ အိမ်ဘက် သံခြင်းကလေး မလာပြီး တကန်တက လာပြသေးတာလေ။ ကျွန်မက ကျာကျူးရယ် ကိုယ်က ဈေးရောင်း စားရတာ ငှက်မွေးလို ညည်းတို့ ၀င်ငွေ ဘယ်လိုရမှာလဲ ဆိုတော့ ကျာ်ကျူးပြောလိုက်တဲ့ စကား ကြောင့် ကျွန်မတောင် လန့်သွားမိတယ်။

“ပိုက်ဆံတော့ မရဘူးပေါ့ ဆရာမကြီးရယ်… ဒါပေမဲ့ ငှက်ကလေးတွေကလှတယ် … သူတို့ အော်တာလည်း နားထောင်ကောင်းတယ် … ကျွန်မမွေးတော့ သူတို့စိတ်ချမ်းသာတယ် … ငှက်ကလေး တွေလိုပဲ နောက်ဘ၀ ကျရင် ကျွန်မလည်းလှမယ်၊ အသံလည်းကောင်းမယ်၊ စိတ်လည်းချမ်းသာမယ် “
“အလိုတော် … ညည်းက ဘာတွေများ စိတ်မချမ်းသာစရာရှိလို့လဲဟဲ့“

“လူဆိုတာ လိုတာရတယ်နော် စိတ်ချမ်းသာတယ် … လိုတာမရဘူးနော် စိတ်မချမ်းသာဘူး … ကျွန်မလည်း လိုတာမရရင် စိတ်မချမ်းသာဘူး ဆရာမကြီးရဲ့ “
ကျာကျူးက သူပြောတတ်သလို ပြောနေတာပေမယ့် သူဘာကိုဆိုလိုတယ်ဆိုတာ ကျွန်မ သဘောပေါက်ပါ တယ်။ ကျေးကြုတ်ကလေးနှစ်ကောင်ထွေးထွေးပိုက်ပိုက် မွေးခြင်း ကုသိုလ်ကြောင့် နောင်ဘ၀မှာ တူသော အကျိုးရမယ်လို့ ပြောနေတာမဟုတ်လား။

“ကျာကျူးရယ် … ညည်း သည်ဘ၀မှာလည်း လှပြီးသားပဲဟာ … ကျာကျူးမိဘကို နိုင်သမျှ လုပ်ကျွေးတယ်… တိရစ္ဆာန်ကလေးတွေကို ချစ်တယ် … စိတ်ကောင်းရှိတယ် … သည့် ထက်ကောင်း တာ ဘာများ ရှိသေးလို့တုံး … ညည်းစိတ်ရင်းကပဲ ညည်းကို စောင့်ရှောက်မှာပါ … တစ်ခုတော့ ဆရာမကြီး ပြောချင်တယ်“
“ဘာကိုတုန်း ဆရာမကြီး“
“ငှက်ကလေးတွေကို ဘဲဥခြင်းထဲထည့်ထားတော့ သူတို့ မလွတ်လပ်ဘူးပေါ့ … ကျပ်ကျပ်သပ်သပ် နေကြရ တော့ ငှက်ကလေးတွေခမျာ မွန်းမှာပေါ့ … ညောင်းညာမှာပေါ့ … ညောင်းညာမှာပေါ့ … ပြီးတော့ သူတို့နေရာ မဟုတ်ဘူးလေ … ငှက်ဆိုတာ တောထဲတောင်ထဲမှာ လွတ်လွတ်လပ်လပ် နေချင်ကြတာ မဟုတ်လား အခုတော့ ကျာကျူးက မွေးထားတနဲ့တူနေတယ် လွှတ်လိုက်ရင် ပိုကုသိုလ်ရတာ ပေါ့ … ကျာကျူး ပေးဝယ်ခဲ့တဲ့ ငှက်ဖိုးကို ဆရာမကြီးပေးမှာပါ “

ကျာကျူးငိုင်သွားလေရဲ့။ ဘယ်လိုတွေးမိလို့လဲတော့ မပြောတတ်ဘူး။ နှစ်ရက်လောက်နေတော့ ကျာကျူး ငှက်ကလေး တွေကို လှောင်အိမ်ထဲကဖွင့်ပြီး လွှတ်လိုက်သတဲ့။ ကျွန်မဆီကို ငှက်ဖိုးလာတောင်းလို့ သိရ တာပါ။ ကျွန်မက ၀ယ်ရင်းဈေးမေးတော့ တစ်ကောင်တစ်ထောင်တဲ့။ နှစ်ကောင်အတွက် ပိုက်ဆံပေးရင် သူ့ စိတ်ခံစားမှုကို သိချင်တာနဲ့ ညည်းငှက်ကလေးတွေကို အဲသလို လွှတ်လိုက်တော့ မနှမျော ဘူးလား ဆိုတော့ မျက်နှာကလေး အိုသွားရှာတယ်။ ပြီးမှ ပြုံးရှာတာပါ။

“လွှတ်တုန်းကတော့ နှမျောတယ် … နောက်တော့ မနှမျောတော့ဘူး … ဆရာမကြီးပေးတဲ့ ပိုက်ဆံနဲ့ ပိုလှတဲ့ ငှက်နှစ်ကောင်ဝယ်လိုက်မယ် … မနေ့က ငှက်ဆိုင်မှာ ငှက်ကလေးတွေ အများကြီး ထပ်ရောက် လာ တယ်၊ အပြာနဲ့ အ၀ါနဲ့ပါတဲ့ ငှက်ကလေးတွေ အားကြီး ချစ်စရာကောင်းတယ် “
ကျွန်မ ဖြင့်လေ ကျာကျူးခေါင်းကို မခေါက်မိအောင် မနည်းအောင့်အည်းနေလိုက်ရတယ်။“

အေးပေါ့ ကျာကျူးရယ် … ညည်းက ၀ယ်လာလိုက်၊ ပြန်လွှတ်လိုက်၊ ငါက ငှက်ဖိုး ပေးလိုက်ပေါ့အေ“ ဆိုတော့ “အင်းဟုတ်တယ် … အဲဒါကောင်းတယ်“တဲ့လေ။
ကျာကျူး အကြောင်း ရေးရင် ကုန်နိုင်ဖွယ်မရှိပါဘူး။ ချစ်စရာလည်းကောင်းရဲ့၊ သနားစရာ လည်း ကောင်းရဲ့။ တစ်ခါတစ်ခါ သည်စိတ်၊ သည်ခန္ဓာနဲ့ ရှေ့ဘယ်လိုများရှိရှာမှာပါလိမ့်လို့ ကျွန်မ တွေးမိတယ်။ တစ်ခါတော့ ကျွန်မက ကျာကျူးစားစေချင်လို့ ကားနဲ့တင်ခေါ်သွားပြီးဆိုင်မှာ ခေါက်ဆွဲ ကျွေး တယ်။ ကျာကျူး က တို့ကနန်း ဆိတ်ကနန်း လုပ်နေလို့ “စားပါဟဲ့ ကျာကျူး ရဲ့ … ညည်း အဲသလို မစားလို့ ပိန်နေတာ“ ဆိုတော့ ကျာကျူးက မျက်လုံးပြူးကလေးနဲ့ ပြန်ပြောတယ်။

“ပိန်တာကောင်းတယ် ဆရာမကြီးရဲ့ … ဈေးဖမ်းတွေလိုက်တော့ ပြေးနိုင်တယ် … ဆရာမကြီးလိုဝရင် ဘယ်လို ပြေးနိုင်မလဲ … ဆရာမကြီးကို မိသွားမှာပေါ့ "
" ပိန်တာ ကောင်းပါတယ်အေ ... ဒါပေသိ ညည်းက ပိန်လွန်းလို့ပြောသာ"
"ပိန်တာ ဆင်းရဲလို့လေ ... ချမ်းသာရင် မတရားစားမယ် မတရား ၀ါးမယ် "
ကျာကျူးရဲ့ ဖီလိုဆိုဖီ ထင်ပါရဲ့။ ကျွန်မလည်း ရှေ့မတိုးသာလို့ ဘာမှမပြောတော့ပါဘူး။ စူပါမတ်ကက်ကြီး တစ်ခုထဲဝင်ကြတော့ ကျာကျူး အံ့သြနေတာ ကျွန်မ သတိထားမိတယ်။ သည်လို Shopping Mall ကြီး တွေထဲကို ကျာကျူး မရောက်ဖူးဘူး။ လေအေးစက် ပေးထားပြီး မီးရောင်တွေ ထိန်နေတဲ့ ခန်းမကြီး ထဲ ရောက်တော့ ကျာကျူးမျက်လုံး ကလေး ပြူးအောင် လိုက်ကြည့်တယ်။
" ဒါ ဆရာမကြီး တို့ ၀ယ်တဲ့ ဈေးပေါ့ "

" အေး ... သည်မှာ အစုံရတယ် ... ကျာကျူး ဘာလိုချင်သလဲ စဉ်းစားလိုက် အကုန်ရှိတယ် "
" နံနံပင် ရှိသလား"
" ရှိပါ့ ... "
" တညင်းသီးရှိသလား "
" ရှိပါ့ "
" ဒါဆိုကောင်းတယ် သည်ဆိုင် မဆိုးဘူး "
Shopping Mall ကြီးတွေထဲမှာ တညင်းသီးနဲ့ နံနံပင် မရှိလောက်ဘူးထင်လို့ ရိုးရိုးသားသား မေးတာ ပဲလား၊ အစုံရှိတယ်ဆိုလို့ ကျွန်မကို ရွဲ့မေးတာလားတော့ မပြောတတ်ပါဘူး။ ကျွန်မသမီးက ခြင်းတစ်လုံး နဲ့ မုန့်တွေ၊ ကလေးစာအုပ်တွေ၊ ဆံကုတ်တွေ၊ ကလစ်တွေ ယူယူပြီး တစွပ်စွပ် ထည့် နေတာ တွေ့ တော့လည်း ကျာကျူး က အံ့သြနေတာပါပဲ။ " ဖွေးဖွေး က လူလည်ဖြစ်နေပြီ" တဲ့။ ကျွန်မ က ကျာကျူးကြိုက်တဲ့ အလှကုန် ပစ္စည်းကလေးတွေ ၀ယ်ပေးတော့ ပြုံးလို့။ ဖိနပ်ဝယ်ပေးတော့လည်း ကျောက်စီ ထားတဲ့ ဖိနပ်မှ ကြိုက်သတဲ့။ အင်္ကျီဝယ်ပေးတော့ ပုစွန်ဆီရောင် ဖိုးရိုးဖားရား ဒီဇိုင်းကို ရွေး သေးတာပါ။

အမေ ၀တ်လို့ မရတာဝယ်မှ ကျွန်မချည်းဝတ်ရမှာတဲ့လေ။ မအေမ၀တ်ရဲတဲ့ ဒီဇိုင်းဝယ်မှ သူချည်း ၀တ်ရမှာလို့ ပြောတာထင်ပါရဲ့။ တချို့ ထဘီတို့ ဖိနပ်တို့ဆိုရင် သားအမိ နှစ်ယောက်အတူတူ ဆူလှယ်နဲ့ ၀တ်ရတာကို ကျွန်မသိလို့ ကျာကျူးပြောတာကို ကျွန်မ သဘောပေါက်ပါတယ်။ ရေခဲမုန့်ဝယ်ကျွေးတော့ ခေါင်းခါတယ်။ ကျွန်မက ကျာကျူးကြိုက်မှန်းသိလို့ လက်ဖက်ရည်ဆိုင်ဝင်တော့ မက်မက် စက်စက် သောက်ပြန်ရဲ့။
" ညည်းက လက်ဖက်ရည်ကျတော့ ခေါင်းမခါပါလား ကျာကျူး " ဆိုတော့ ကမ္ဘာပေါ်မှာ လက်ဖက်ရည် လောက် ကောင်းတာ မရှိဘူး ဆိုပါရောလား။ ခက်များ ခက်ရချေရဲ့။ ထုံးစံအတိုင်းပါပဲ၊ ကျွန်မက ငြိမ်နေရုံ ပေါ့။

ကျာကျူး က ကျွန်မသမီးအရွယ်လောက် ရှိသေးပေမယ့် ကျာကျူးနဲ့ ဆက်ဆံရတာ ကျွန်မ စိတ်ချမ်းသာ ပါတယ်။ ကျာကျူးက ရိုးဖြောင့်တယ်။ ရင်ထဲရှိတဲ့အတိုင်း ပြောတယ်။ သစ္စာရှိတယ်။ ဘ၀မှာ သူ နားလည်သလောက်နဲ့ ပျော်ပျော်ရွှင်ရွှင် နေတယ်။ နောက်ကိုလှည့်ပြီး မပူသလို ရှေ့ကိုမျှော်ပြီး ပူတာ မျိုးလည်း မရှိသူပါ။ ကျာကျူး ဘ၀ ကမှ အေးချမ်းပါသေးကော။ တစ်ခါတော့ ကျာကျူး ကျွန်မတို့ အိမ်ကို ရောက် လာတယ်။ ကျောက်ဆည်ဘက်၊ မြစ်သားဘက် ထင်ပါရဲ့၊ သူတို့ဘာသာ ထုံးစံ မီးနင်းပွဲ သွားကြ မလို့ တဲ့။ ကျွန်မ က မုန့်ဖိုးပေးတော့ ယူတယ်။
" ညည်း တို့ကော မီးနင်းကြမှာလား "

" မနင်းဘူး ... မီးနင်းရင် ဥပုသ်စောင့်ရတယ် ... အဖေကတော့ ပြောတယ် ... ငါ မီးနင်းရင် ပူမှာ မဟုတ်ဘူး တဲ့ ... မီး က အဖေ တို့ လောက် မပူ ဘူးတဲ့ ... အဲဒါဟုတ်မှာပဲ "
သည် တစ်ခါတော့ ကျာကျူး စကားကြောင့် မီးကျီးခဲပေါ် ခြေဖ၀ါးချလိုက်သလို ထူပူသွားမိတာက ကျွန်မ ကိုယ်တိုင် ပါ။ ကျာကျူး ရယ် ...။ ညည်းနှယ်အေ ...။

ခင်ခင်ထူး