ကောက်ရိုးသင်္ခါရ နှင့် သံသင်္ခါရ

ဘိလပ်နိုင်ငံ၏ သဘောသည် မည်သို့ပေနည်း ။ 

ဘိလပ်နိုင်ငံသားတို့၏ သဘောသည် မည်သို့ပေနည်း ။

ဤမေးခွန်းနှစ်ခုသည် အလွန်အဖြေရကျပ်သော

မေးခွန်းများ ဖြစ်ကြသည် ။ 

သို့ရာတွင် မြန်မာနိုင်ငံ၏သဘော ၊

 မြန်မာနိုင်ငံသူနိုင်ငံသားတို့၏ သဘောတို့နှင့် 

ဆန့်ကျင်ဘက်ပြု၍ တွေးယူလျင်

ဘိလပ်နိုင်ငံသားတို့၏ သဘောတို့ကို 

မှန်းဆနိုင်စရာ အကြောင်းရှိသည်ဟု 

အကြမ်းအားဖြင့် ဖြေလိုက်ချင်သည် ။

ဘိလပ်နိုင်ငံ၌ စိမ့်ကြီးမြိုင်ကြီးဟူ၍ မရှိ ။ လူထူထပ်ပေါများလွန်းသဖြင့် လူက တောကိုမြိုသွားပြီဟု ဆိုလောက်သည် ။မြင်လေရာရာ၌ လူနေအိမ်ခြေ တိုက်တာအပြည့်ရှိသည်သာများသည် ။ လူသွားလမ်း ၊ မော်တော်ကားလမ်း ၊မီးရထားလမ်းတို့သည် ပိုက်ကွန်ကဲ့သို့ ယှက်သန်းလျက်ရှိကြသည် ။ ထို့ကြောင့် ဘိလပ်နိုင်ငံဟုဆိုလိုက်လျင်စိမ့်ကြီးမြိုင်ကြီးတို့ကို သတိမရနိုင် ။ တိုက်တာလူသူအပြည့်ဖြစ်သော တိုက်တော ၊ လူတောတို့ကိုသာသတိရနိုင်သည် ။

ထို့နောက် ဘိလပ်နိုင်ငံသည် ကောက်ပဲသီးနှံ စိုက်ပျိုးသောနိုင်ငံမဟုတ် ၊ စက်မှုလုပ်ငန်းတည်ဆောက်သောနိုင်ငံဖြစ်သည် ။ သံနှင့်ကျောက်မီးသွေးသည်နိုင်ငံထွက်ပစ္စည်းဖြစ်သဖြင့် ၊ ဘိလပ်နိုင်ငံသည်စက်ရုံအမြောက်အမြားတည်ဆောက်နိုင်သော နိုင်ငံများအနက် အစောဆုံးအကြီးဆုံးဟုဆိုလောက်သောနိုင်ငံတစ်ခုဖြစ်သည် ။

 ဘိလပ်နိုင်ငံသည် စက်မှုလုပ်ငန်းကြီးကျယ်သောနိုင်ငံဖြစ်သည့်အားလျော်စွာ ၊ ကုန်ကြမ်းတို့ကို အခြားနိုင်ငံများမှဝယ်ယူလေ့ရှိသည် ။ ထိုကုန်ကြမ်းတို့ကို စက်ဖြင့်ကုန်နုဖြစ်အောင်ပြု၍ အခြားနိုင်ငံများသို့တင်ပို့ရောင်းချသည် ။ ဘိလပ်နိုင်ငံသားတို့သည်သံကိုအရည်ကျိုချက်၍ များပြားလှစွာသော လူ့အသုံးအဆောင် ကိရိယာ တန်ဆာတို့ကို ဖန်တီးစီရင်တတ်ကြသည် ။ လျှပ်စစ်ဖြင့် များပြားလှစွာသော လူ့အသုံးအဆောင် ကိရိယာ တန်ဆာတို့ကိုဖန်တီးစီရင်တတ်ကြသည် ။ ထိုသို့ဖန်တီးစီရင်တတ်ကြသည်ကို သံသေသည် ပြဒါးသေသည်ဟု မဆိုအပ်ပြီလော ။

တဖန် ဘိလပ်နိုင်ငံသားတို့သည် သံဖြင့်ပြီးသောကုန်နု ၊

လျှပ်စစ်ဖြင့်ပြီးသောကုန်နုတို့ကိုပြုလုပ်၍ ရောင်းစားသဖြင့် ဘိလပ်သို့ဝင်ငွေအမြောက်အမြား ၀င်လာကြသည် ။ ထိုသို့ငွေအမြောက်အမြားဝင်လာသည်ကို တဆွေဝသည် ၊တပြည်ဝသည် ၊ ရွှေမိုးငွေးမိုးရွာသည်ဟု မဆိုအပ်ပြီလော ။ တဖန်ဘိလပ်နိုင်ငံသားတို့သည် ပင်လယ်ကူးသင်္ဘောကြီးများကိုဖန်တီးစီရင်၍ ရေခြားမြေခြားတို့သို့ ခရီးသွားတတ်ကြသည် ။

ရေငုပ်သင်္ဘောများကို ဖန်တီးစီရင်၍ သမုဒ္ဒရာရေအောက်၌ ငုပ်လျှိုးတတ်ကြသည် ။ ဥမင်ဓါတ်ရထားများကိုဖန်တီးစီရင်၍ ဥမင်တွင်း၌ မောင်းနှင်တတ်ကြသည် ။ လေယာဉ်ပျံများကိုဖန်တီးစီရင်၍ ကောင်းကင်၌ခရီးသွားတတ်ကြသည် ။ ၀ိုင်ယာလက် ၊ ရေဒီယိုများကိုဖန်တီးစီရင်၍ ကမ္ဘာ့သတင်းစကားကိုယူတတ်ကြသည် ။ တယ်လီဗစ်ရှင်းကိုဖန်တီးစီရင်၍ ကမ္ဘာအရပ်ရပ်က ရုပ်အမူအရာအလုံးစုံကိုကြည့်တတ်ကြသည် ။

ထိုသို့လုပ်တတ်ကိုင်တတ် ၊ ခရီးသွားတတ် ၊ ကြားတတ် ၊ မြင်တတ်ကြသည်တို့ကိုမြေလျှိုးသည် ၊ မိုးပျံသည် ၊ဒိဗ္ဗသောတရသည် ၊ ဒိဗ္ဗစက္ခုရသည်ဟု မဆိုအပ်ပြီလော ။

မြန်မာနိုင်ငံ၌ သံသေသည် ၊ ပြဒါးသေသည် ၊ သံသေတဆွေဝသည် ၊ ပြဒါးသေတပြည်ဝသည် ၊ ရွှေမိုးငွေမိုးရွာသည် ၊ မြေလျှိုးမိုးပျံသည်ဆိုသောစကားတို့ကို အဂ္ဂိရပ်ဖိုခန်း၌သော်၎င်း ၊ အလှုအိမ် အသုဘအိမ်တို့၌၄င်း ၊တင်ပျဉ်ကောင်းကောင်းချိတ်၍ အာရင်းသန်သန်ဖြင့် ရွတ်ဖတ်သရဇ္ဈယ်တုန်းပင်ရှိကြသေးသည် ။

ဘိလပ်နိုင်ငံ၌ကား လုပ်ပြီးကိုင်ပြီး ဖြစ်မြောက်ပြီးဖြစ်သည် ။ ထို့ကြောင့် ဘိလပ်နိုင်ငံကို အကယ် သံသေသောနိုင်ငံ ၊ အကယ် ပြဒါးသေသောနိုင်ငံ ၊ အကယ် တဆွေဝသောနိုင်ငံ ၊ အကယ် တပြည်ဝသောနိုင်ငံ ၊ အကယ်ရွှေမိုးငွေမိုးရွာသောနိုင်ငံ ၊ အကယ် မြေလျှိုးမိုးပျံသောနိုင်ငံ ၊ အကယ် ဒိဗ္ဗစက္ခု ဒိဗ္ဗသောတ ရသောနိုင်ငံဟု ကျွန်တော် ဆိုလိုက်ချင်သည် ။

ဘိလပ်နိုင်ငံသာမက အခြားဥရောပနိုင်ငံကြီးများနှင့် အမေရိကန်နိုင်ငံ ၊ ဂျာပန်နိုင်ငံတို့သည်လည်းထိုသို့ပင်ဖြစ်ကြသည် ။ အနောက်နိုင်ငံသို့ ပညာသင်သွားရခြင်းသည် ယောက်မခါးထိုး၍ ရှာသည်နှင့်တူကြောင်း အခါတပါးက ပြောဆိုသံကြားလိုက်ရသည် ။ ထိုစကားသည် အမျိုးဇာတိမာန် အယစ်အမူးလွန်နေသော မြန်မာ့အဖို့ အားရနှစ်သက်ဖွယ်ဖြစ်ပါသည် ။

သို့ရာတွင် မြန်မာတို့ကို ကိုယ့်ငါးချဉ်သာ ကိုယ်ချဉ် ချင်အောင် ပြုပေးနေသည်နှင့်တူနေသည် ။ မြန်မာတို့၏ အမြင်ဥာဏ်ကျဉ်းမြောင်းသည်ထက်ကျဉ်းမြောင်းအောင် ပြုလုပ်ပေးသည်နှင့်တူနေသည် ။ လောကီ၌ မြန်မာတို့ လူမှုရေးညံ့အောင် ပြုပေးနေသည် ။ ဤသို့လျှင်ကျွန်တော်ယူဆချင်သည် ။

ပညာအရာ၌လည်း ဘိလပ်နိုင်ငံသားတို့၏သဘောသည် တိုးတက်လိုသော သဘောဖြစ်၏ဟု ဆိုအပ်သည် ။ ထိုသူတို့သည်ရှေးထုံးဟူသမျှကို မပယ်အပ်ဟူသော သဘောထားကို၎င်း ၊ ရှေးစာဟူသမျှ မှီငြမ်းပြုအပ်သည်ဆိုသော သဘောထားကို၎င်း ၊ အာစရိယ၀ါဒကိုသာမျက်စိမှိတ်၍ ယူရမည်ဟူသောသဘောထားကို၎င်း အခါခပ်သိမ်းလက်ခံကြသည်မဟုတ် ။ 

လွန်ခဲ့သော အနှစ် ၅၀၀ နီးပါးလောက်မှစ၍ စွန့်သင့်သောသဘောထားတို့ကိုမကြောက်မရွံ့  စွန့်ခဲ့ကြသည် ။ ရှေးထုံးစံဆိုတိုင်း မကောင်း ။ ရှေးစာဆိုတိုင်း မှီငြမ်းပြုစရာမဟုတ် ။အာစရိယ၀ါဒဆိုတိုင်း မမှန် ။ ကာလ အလျောက် ၊ ဒေသအလျောက် ၊ ပြင်သင့်လျှင်ပြင်ရမည် ။ပြောင်းသင့်လျှင်ပြောင်းရမည်ဟု ယူဆကြသည် ။

 လောက၌ ပညာဖြစ်ပေါ်ခြင်း၏ အကြောင်းအရင်း အခြေခံသည် လူ့လောကသာဖြစ်၏ဟု သူတို့စိတ်ချလက်ချယုံကြည်ကြသည် ။ ယုံကြည်ကြသည့်အတိုင်းလည်း  သူတို့ ပညာရှိများသည် ရှိပြီးကျမ်းများကိုသာမကလူကိုပါလေ့လာချင်ကြသည် ။ လူ့အကြောင်းကိုသိချင်လျင် လူ့လောကကို လေ့လာစုံစမ်းပြီးမှလိုရာကျမ်းကိုပြုတတ်ကြသည် ။ 

ယထာဘူတဆရာတို့သည် လူ့လောက၌ ဖြစ်တတ်ပျက်တတ်သော သဘာဝတို့ကိုပါ ကိုယ်တွေ့လေ့လာပြီးမှ ကျမ်းပြုတတ်ကြသည် ။ စိတ်ပညာဆရာတို့သည်လည်း လူတို့၏ စိတ်သဘာဝတို့ကိုပါကိုယ်တွေ့လေ့လာပြီးမှ စိတ်ပညာကျမ်းကိုပြုတတ်ကြသည် ။ ကဗျာ ၊ ပြဇာတ် ၊ ၀တ္ထုရေးဆရာတို့သည်လည်း လောကီထုပ္ပတ်လူတို့ဇာတ် သဘာဝကိုအတွင်းအပြင် နောကျေအောင်နားလည်သဘောပေါက်ပြီးဖြစ်မှ ဇာတ်လမ်းဇာတ်ခန်းစီစဉ်၍ ရေးတတ်ကြသည် ။

 လောကဓါတ်ဆရာတို့သည်လည်းသက်ဆိုင်ရာ သဘာဝတို့ကိုပါ ကိုယ်တွေ့လေ့လာခြင်း စမ်းသပ်ခြင်းတို့ပြုပြီးမှ လောကဓါတ်သိပ္ပံကျမ်းပြုတတ်ကြသည် ။

ဥပမာ ရုက္ခဗေဒဆရာသည် သစ်ပင်ကို ကိုယ်တိုင်ခွဲစိတ်လေ့လာဝေဖန်ပြီးမှ ကိုယ်တွေ့ အသိအမြင်ကိုရေူပြတတ်သည် ။ အချုပ်ဆိုရသော် အရင်းခံပညာသည် လောက၌ ကိန်းတည်နေကြောင်း ၊ လောကကို သတိပြုလေ့လာလျင် ထိုပညာကိုတွေ့တတ်ကြောင်း သူတို့တထစ်ချယုံကြည် ထားကြခြင်းဖြစ်သည် ။ 

ထို့ကြောင့် သူတို့ပညာရှိကြီးများသည် ရှေးကရေးခဲ့ပြီးဖြစ်သော ကျမ်းများနှင့်သာ ကျေနပ်၍ မနေကြ ။ ရှေးက ရေးခဲ့ပြီးဖြစ်သောကျမ်းများကိုသာ အကိုအကားပြု၍မနေကြ ။ လောကကိုအစဉ်မပြတ် ကိုယ်တွေ့လေ့လာခြင်း ၊စုံစမ်းခြင်းပြု၍လည်းနေကြသည် ။ ရှိပြီးကျမ်းများကိုသာမက လောကကိုလည်းကိုယ်တွေ့လေ့လာစုံစမ်းတတ်သောအချက် ၊ ကိုယ်တွေ့လေ့လာစုံစမ်း၍ ဆင်ခြင်မိသမျှကို ရဲဝံ့စွာ တင်ပြတတ်သောအချက် ၊ဤအချက်နှစ်ချက်သည် သူတို့ပညာရှိများ၏ ထူးခြားသောအချက်များဖြစ်ကြ၏ဟု ကျွန်တော်မှတ်ယူမိသည် ။

ထို့နောက် ထိုသူတို့သည် ကျွန်ုပ်တို့ကဲ့သို့ပင် မမြဲသောတရားအကြောင်းကို သိကြပါသည် ။ ဖြစ်ပျက်ပြုပြင်နေသော တရားအကြောင်းကိုလည်းသိကြပါသည် ။ သို့ရာတွင် သူတို့သိကြပုံသည် ကျွန်တော်တို့သိကြပုံနှင့်မတူ ၊ကွာခြားသေးသည်ဟုထင်သည် ။ ထိုသူတို့သည် အိုးအိမ်အသုံးအဆောင်မှစ၍ စက်ရုံကြီးများအထိခိုင်ခန့်အောင်ပြုလုပ်ချင်ကြသည် ။ ထိုသို့ပြုချင်ကြသဖြင့် ထိုသူတို့ကို အနိစ္စတရား နားမလည်ယောင်တကား ၊သင်္ခါရတရား နားမလည်ယောင်တကားဟု ကျွန်ုပ်တို့က နှုတ်ဝသီ အတိုင်း ဆိုမိကြလိမ့်မည် ။

 ကောက်ရိုးလည်းအနိစ္စတရားနှင့် မကင်း ၊ သံလည်း အနိစ္စတရားနှင့်မကင်း ။ သို့ရာတွင် မကင်းသည်ခြင်းတူကြပါသော်လည်းကောက်ရိုးသည် အပျက်လွယ်သည် ။ သံသည်တာရှည်ခံသည် ။ ထိုသူတို့၏ သင်္ခါရသည် ပျက်လွယ်သောကောက်ရိုး သင်္ခါရမျိုးမဟုတ် ၊ တာရှည်ခံသော သံသင်္ခါရမျိုးဖြစ်၏ဟု ကျွန်တော်ဆိုချင်ပါသည် ။

ထို့နောက် ဘိလပ်နိုင်ငံသားတို့၏ စရိုက်ကို ဆက်၍ ဖော်ပြပါဦးမည် ။ ဘိလပ်နိုင်ငံသားတို့သည် အလွန်စကားနည်းသောသူများဖြစ်ကြောင်း တစ်ကမ္ဘာလုံးက အသိအမှတ်ပြုထားသည် ။ အသိအမှတ်ပြုထားသည့်အတိုင်းလည်း မှန်လှပေသည် ။ မီးရထားပေါ်၌ဖြစ်စေ ၊ သင်္ဘောပေါ်၌ဖြစ်စေ ၊ ထိုသူတို့သည်စကားကျယ်လောင်စွာပြောလေ့မရှိ ။ မိမိတို့အကြောင်းကို ဖွဲ့ဖွဲ့နွဲ့နွဲ့ပြောလေ့မရှိ ။အကြောင်းမဲ့ အမေးအမြန်းပြုလေ့မရှိ ။ အကြောင်းရှိမှမေးကြသည် ။

အမေးရှိမှဖြေကြသည် ။ ၀ါကြွားပလွှားတတ်သောသဘောကား လုံးဝကင်းသည်ဟုဆိုလောက်သည် ။ထိုသူတို့သည် အများကြီးသိကြသည် ။ သို့ရာတွင် ထုတ်ဖော်ပြောဆိုသောအခါ သိသည်ထက်လျှော့၍ ပြောလေ့ရှိသည် ။ ထိုသူတို့သည် ကောက်ရိုးမီးနှင့်မတူ ၊ ဖွဲမီးနှင့်တူကြသည် ။ ဘိလပ်နိုင်ငံသားစကားနည်းလှသဖြင့် ရုတ်တရက်သော် သူ့ကိုသဘောကျကြမည် မဟုတ် ။ သို့ရာတွင် နီးနီးကပ်ကပ် ပေါင်းကြည့်လျှင် စကားများများပြောတတ်၍ မိတ်ဖြစ်လွယ်တတ်သောသူထက် ပို၍ သဘောကျစရာကောင်းသော အချက်ကို သိနိုင်သည် ။ 

သာမန်အားဖြင့်ဘိလပ်နိုင်ငံသားသည် စကားတည်သည် ။ ဖြောင့်သည် ။ အချိန်မှန်သည် ။ ဆောင်ရွက်ပေးထိုက်သောကိစ္စအတွက်ဖြစ်လျှင်မခိုမကပ် ၊ တကယ်တမ်းထိထိရောက်ရောက် ဆောင်ရွက်ပေးတတ်သည် ။ ဤအချက်တို့သည် အတုယူချင်သူများသတိပြုထိုက်သော အချက်များဖြစ်သည် ။ ကောင်းသောစရိုက်များရှိသကဲ့သို့ မကောင်းသောစရိုက်များလည်းရှိကြပါသည် ။ အတုယူထိုက်သည်မဟုတ်သောကြောင့် မဆိုချင်တော့ပြီ ။
................................
ဘိလပ်နိုင်ငံသားတို့၏ အခြားစရိုက်တစ်ခုသည် သူ့အပြစ်ကို အကျိုးသင့် အကြောင်းသင့် ပြော၍ ထောက်ပြလျင် ၊ သူ့ကိုအပြစ်ပြောရပါမည်လောဟု စိတ်မဆိုးတတ် ။ ပြစ်တင်စကားကိုခံယူတတ်သည် ။ ပြင်သင့်ပြင်ထိုက်လျင်ပြင်လိုက်သည် ။ သူတို့၏ ပြဇာတ်ဆရာကြီး ဘားနပ်ရှောသည် သူတို့၏အပြစ်ကို ခဏခဏထုတ်ဖော်၍ ပြဇာတ်ရေးသည် ။

ထိုအခါ ဘိလပ်ပရိတ်သတ်သည် ဘာနပ်ရှောကို လက်ညှိုးထိုး၍ ကိုယ့်အထုပ်ကိုယ်ဖြေပြရပါမည်လေ ၊ ဘာလော ၊ညာလောနှင့် ၀ိုင်း၍မနှိမ် ၊ ၀ိုင်း၍မဆဲ ၊ ၀ိုင်း၍သိက္ခာမချ ၊ ၀ိုင်း၍ သပိတ်မမှောက် ။ ဘားနပ်ရှောအပြစ်ပြောတတ်သည်ကိုပင် သဘောကျကြသည် ။ သူတို့ကို သွန်သင်ဆုံးမတတ်ပေ၏ဟု ဆို၍ ၊ ဘားနပ်ရှောကိုပို၍ကြည်ညိုလာကြသေးသည် ။

 ဤကား ဘိလပ်နိုင်ငံသားတို့ထံမှ အတုယူဖွယ်ဖြစ်သော အကြောင်းများနှင့် စပ်လျဉ်း၍ မြင်မိထင်မိသော ကျွန်တော်၏ထင်မြင်ချက် အနည်းငယ်မျှသာဖြစ်သည် ။

 ဇော်ဂျီ
၁၉၄၁ ဇော်ဂျီ၏ ခရီးသည်စာအုပ်မှ ...