ကောင်းခြင်းမင်္ဂလာနှင့်ပြည့်စုံသော (page 1)

အပိုင်း(၁)
မယ်ဒယ်လင်းကတ်ရိုက် က 'နာသုံးနာပြည့်သူအထူးသဖြင့် ဘ၀အခြေမလှသူကလေးတွေ၏
ပညာရေးကို မြှင့်တင်ပေးလိုသူ၊သူကျောင်းအုပ်အဖြစ် ရောက်သွားသည့်
ဆင်းရဲသား ရပ်ကွက် မူလတန်းကျောင်းမှ ကလေးများသည်
ပညာသင်ယူရေးထက် နောက်တစ်ရက် အသက်ရှင်နေထိုင်ရေးအဓိကဖြစ်နေ၏။

မိဘတွေက ကျောင်းဘက်သို့ ခြေဦးပင်မလှည့်၊ဆရာ ဆရာမများ က
စိတ်ဓာတ်အကြီးအကျယ် ကျနေသူတွေ။အခြားဝန်ထမ်းများ က သံပတ်ပေး စက်ရုပ်ပမာ
ထိုထိုသော အနေအထားများက မယ်ဒလင်း၏စိတ်ဓာတ်နှင့် စွမ်းရည်ကို စိန်ခေါ်နေသည်။

ရဲအဖွဲ့က တယ်လီဖုန်းဆက်ချိန်တွင် ကျွန်မသည် ကျောင်းရုံးခန်းထဲတွင် အလုပ်လုပ်နေခိုက်ဖြစ်၏။ ကျွန်မ အလုပ် လုပ်နေသည့် ကျောင်းမှာ ပင်စီလ်ဗေးနီးယားပြည်နယ်၊ ဖီလဒဲလ်ဖီးယား မြောက်ပိုင်း ရှိ ဘလိန်း မူလတန်းကျောင်း ဖြစ်သည်။ ကျွန်မ၏ တပည့်နှစ်ယောက်၏ မိခင်ဖြစ်သူ ကက်စင်ဒရာမှာ စောစောကလေး ကပင် ဓားထိုးခံလိုက်ရသည်တဲ့။ သူ့သားဖြစ်သူ ကိုးနှစ်သားကလေး ဒိုရီယံ က ကျွန်မကို ခေါ်ပေးဖို့ ပြောနေသည် ဆို၏။

အိုမဟုတ်ပါစေနဲ့ကွယ်။ ကက်စင်ဒရာမဟုတ်ပါစေနဲ့ ဟု ကျွန်မဆုတောင်းမိ၏။ ကက်စင်ဒရာကား ငယ်ရွယ် နုပျိုသော မိခင်တစ်ဦး။ စိတ်ပျက်စရာတွေ ပြည့်လျှမ်းနေသည့် ပတ်ဝန်းကျင် တစ်ခုတွင် ကိုယ့် ဘ၀ကိုယ် ပြုပြင်ဖို့ ကြိုးစားအားထုတ်နေသူတစ်ဦး။

မြို့တွင်းရှိ ကျောင်းတစ်ကျောင်းကို စံပြကျောင်းဖြစ်လာအောင် ပြုပြင် ပြောင်းလဲပစ်ဖို့ ကျွန်မမှာ ရည်မှန်းချက် ရှိခဲ့သည်။ သို့သော် ၁၉၇၉ ခုနှစ်၊ မတ်လတွင် ဘလိန်းသို့ ကျောင်းအုပ် ဆရာမအဖြစ်ဖြင့် ရောက်လာ ကတည်းက ကျွန်မရင်ဆိုင်ရမည့် အခက်အခဲများသည် လွယ်ကူလိမ့်မည် မဟုတ်ကြောင်း သိမြင် သဘောပေါက်ခဲ့၏။

ဘလိန်း မူလတန်းကျောင်း၏ ၀န်းကျင် စထရေး ဘယ်ရီမင်းရှင်း အမည်ရှိ တိုက်အိမ်တွဲကြီးရှိသည်။ လေးထောင့် ပုံစံ တိုက်အိမ်ကြီး ၁၆အိမ်လောက် တွဲစပ်တည်ဆောက်ထားသည့် စထရော် ဘယ်ရီမင်းရှင်းကြီး တစ်ခုလုံးမှာ ဟောင်းနွမ်းပျက်စီးနေပြီ။ ထိုတိုက်တွဲကြီးတွင် နေထိုင်သည့် အိမ်ထောင်စု အများစု သည် လူမှုဖူလုံရေး ထောက်ပံ့ကြေးပေါ်တွင် မှီခိုအားထားနေကြသူများဖြစ်၏။ ကျွန်မတို့ ကျောင်းတွင် လာရောက်စာသင်နေသည့် စာသင်သားတွေထဲမှ လက်တစ်ဆုပ်စာ မျှသော ကျောင်းသူ ကျောင်းသား တွေသာ ကျောင်းမှ အိမ်သို့ ပြန်ရောက်လာလျှင် သူတို့၏ မိရင်းဖရင်းနှင့် ဆုံတွေ့ကြရသည်။

ကျွန်မ တို့ကျောင်းမှ ကလေးအတော်များများမှ ထာဝစဉ် တိုက်ပွဲနွဲနေသည့် ကမ္ဘာတစ်ခုထဲတွင် နေထိုင် ကျင်လည် နေကြရ၏။ တိုက်ပွဲများသည် သူတို့ နေထိုင်သည့် အိမ်ထဲမှာ ဖြစ်ချင်ဖြစ်မည်။ သို့မဟုတ် ပါကလည်း သူတို့အိမ်နှင့် ကပ်လျက်ရှိသည့် အိမ်ထဲမှာ ဖြစ်ချင်ဖြစ်နေမည်။

တစ်ခါတစ်ရံ တွင် ကျောင်းစင်္ကြံလမ်းပေါ်၌ အပြုံးအရယ်မဲ့စွာ ဖြတ်လျှောက်လာသည့် ကလေး တစ်ယောက် ယောက် ကို ကျွန်မ ရပ်တန့်စေသည်။ ပြီးတော့မေးကြည့်သည်။
"ဘယ်လိုဖြစ်တာလဲကွယ်"
ထိုအခါ အကြမ်းဖက်မှု ဇာတ်လမ်းတစ်ပုဒ်ကို ကြားရတတ်၏။ ထိုအခါ ကျွန်မက ထိုကလေးကို စိတ် သက်သာရာ သက်သာကြောင်းပြောရ၏။ အားပေးရ၏။ တကယ်တော့ သည်လို ဝေဒနာမျိုးကို ဘယ်ကလေး မျှ မခံစားထိုက်ပါချေ။

"ဒီမှာတော့ သားဘာမှမဖြစ်စေရဘူး။ သားရဲ့ကျောင်းဟာ လုံခြုံတဲ့နေရာ၊ စိတ်ချရတဲ့နေရာကွယ့်။ ဒီကျောင်းမှာ သားကို လူတိုင်းက ကောင်းကောင်းမွန်မွန် ဖော်ဖော်ရွေရွေ ဆက်ဆံကြလိမ့်မယ်။ သား ပြုံးနိုင် ရယ်နိုင် လာအောင် ဆရာမကြီးတို့က ၀ိုင်းဝန်းကူညီ စောင့်ရှောက်ကြမှာပါကွယ်"

ကျွန်မက သည်လိုစကားမျိုးဖြင့် အားပေးခဲ့သည်။ နှစ်သိမ့် ဖျောင်းဖျခဲ့သည်။ သို့ပေမဲ့ ခုတော့ အဆိုးရွားဆုံး ဖြစ်ရပ်တစ်ခုက ဖြစ်ပေါ်လာခဲ့လေပြီ။ ကျွန်မကျောင်းသားတွေ၏ မိဘတွေထဲမှာ မိခင်တစ်ယောက်မှာ သတ်ဖြတ်ခြင်းခံလိုက်ရပြီ။ ဒိုရီယံတွင် ညီမကလေးနှစ်ယောက်ရှိသည်။ သူတို့၏မိခင် ကက်စင်ဒရာ အသတ်ခံရချိန်တွင် သူတို့ သုံးယောင်စလုံး အခင်းဖြစ်ပွားသည့် နေရာမှာ ရှိနေကြသည်။

ကက်စင်ဒရာ့ ဇာတ်လမ်းမှာ ကြေကွဲစရာ ဇာတ်လမ်းတစ်ပုဒ်ပါ။ သူသည် ကာလကြာမြင့်စွာကတည်းက ကုတ်ကင်းစွဲနေသူတစ်ဦးဖြစ်၏။ သို့သော် သူက ပြန်လည် ပြုပြင်ရေးစခန်း သွားပြီး ဆေးဖြတ်ဖို့ ဆုံးဖြတ် ခဲ့ သည်။

တစ်လလောက် ကြာသောအခါ ကက်စင်ဒရာသည် သမီးအကြီးကလေးကို ကြိုရင်း ကျွန်မရုံးခန်းထဲသို့ ၀င်လာသည်။ ထိုအခါ ကက်စင်ဒရာ၏ ပြုပြင်ပြောင်းလဲမှုရလဒ်များကို ကျွန်မမြင်တွေ့လိုက်ရ၏။
"ဟာ…ကက်စင်ဒရာ၊မင်းမှဟုတ်ရဲ့လားကွယ်။ မင်းကိုယ်မင်း ဘာတွေလုပ်ပြီး ဘယ်လို ပြုပြင် လိုက်တာ လဲဟင်၊ မင်းကိုကြည့်ရတာ တစ်သွေးတစ်မွေး ဖြစ်နေပါကလား"
"အိုး…ကျေးဇူးတင်ပါတယ် မစ္စစ်ကတ်ရိုက်။ ကျွန်မပြန်လည်ပြုပြင်ရေးစခန်းက ပြန်လာပြီလေ။ ကျွန်မ ဆေးပြတ် သွားပြီ ဆရာမကြီးရဲ့။ ကျွန်မဒီအတိုင်းပဲ ဆက်ပြီးနေတော့မှာပါ"
ကက်စင်ဒရာက သူ့သမီးကို ခေါ်သွားသည်။ ကုန်စုံဆိုင်သို့ သွားပြီး ဈေးဝယ်သည်။ ပြီးတော့ တစ်နေရာ မှာ ၀င်ပြီး ဒိုရီယံအတွက် ရှူးဖိနပ်အသစ်တစ်ရန်ဝယ်သည်။ အိမ်သို့ အပြန်တွင် သူ့အဘွားအိမ်ဝင်ပြီး တစ်နှစ်သမီး အငယ်လေး ကို ခေါ်သည်။ သူ့အဘွားက သမီးအငယ်ကလေးကို ထိန်းပေးထားသည်လေ။

အိမ်သို့ရောက်သောအခါ ကက်စင်ဒရာ ညစာချက်နေသည်။ ထိုအခိုက် သူ့ယောကျာ်းပြန်လာသည်။ သူတို့နှစ်ယောက် ငွေကြေးကိစ္စနှင့်ပတ်သက်ပြီး စကားများကြသည်။ ငြင်းကြခုံကြသည်။ အငြင်းအခုံတွင် အရှိန်တက်လာပြီး တစ်ဦးကို တစ်ဦး တွန်းကြ၊ ထိုးကြ၊ ဆဲဆိုသည်အထိ ဖြစ်လာသည်။ အထိတ်တလန့်ဖြစ်နေသော ကလေးငယ်သုံးယောက်က ဆိုဖာတစ်လုံးပေါ်မှာ။ သုံးယောက်သား စုပြီး ဆိုဖာပေါ်မှာ ၀ပ်နေကြသည်။ ထို့နောက်တော့ သူတို့အဖေက ဓားတစ်ချောင်းကို ဆက်ပြီး ခေါ်ဖို့ အပေါ်ထပ်သို့ ပြေးတက်သွားသည်။

ဒိုရီယံနှင့် သူ့ညီမလေးနှစ်ယောက်မှာ အသည်းတုန်အူတုန် ဖြစ်နေသည်။ ထိတ်လန့်ကြောက်ရွံ့လွန်းသဖြင့် ဆိုဖာပေါ် တွင် လှုပ်ပင်မလှုပ်ဝံ့ကြ။ ဆေးဘက်ဆိုင်ရာ ၀န်ထမ်းတွေ တံခါးဝမှာ အပြေးအလွှား ၀င်ရောက် လာကြသော အခါ ကြမ်းပြင်ပေါ်မှာ လဲနေသည့် ကက်စင်ဒရာကို တွေ့ကြရသည်။ ကလေးသုံးယောက် ကတော့ ဆိုဖာပေါ်မှာပင် ထိုင်နေကြဆဲ။ ထိတ်လန့်တုန်လှုပ်နေသည်။ ကြက်သေသေနေသည်။။ အသံ ဆိုလို့ စိုးစိ မျှ မထွက်ဝံ့ကြ။
နာရီအနည်းငယ်ကြာသောအခါ ရဲအဖွဲ့က ဒိုရီယံ၏ ဖခင်ကို ဖမ်းဆီးလိုက်၏။ ပြီးတော့ ကက်စင်ဒရာ တစ်ယောက် ဆေးရုံ မှာပင် သေဆုံးသွားပြီဖြစ်ကြောင်း သတင်းပေးသည်။
"ဦးတို့ ဘယ်သူ့ကို ခေါ်ပေးရမလဲ"
ရဲသားတစ်ယောက်က ကလေးတွေကိုမေးသည်။
"သားတို့ ပြဿနာတစ်ခုခုပေါ်တဲ့အခါ လာပြီး ကူညီတတ်တဲ့သူ တစ်ယောက်ယောက်များ ရှိသလား"
"ကျွန်တော့်ကျောင်းအုပ်ဆရာမကြီး ကို ခေါ်ပေးပါ"
ဒိုရီယံ က ညီမငယ်နှစ်ယောက်ကို တင်းတင်းဖက်ထားရင်းပြောသည်။
"သူလာပြီး ကျွန်တော်တို့ကို ခေါ်ပါလိမ့်မယ်"

ကျွန်မသူတို့ဆီသို့ သွားခဲ့ပါသည်။ ကျွန်မအတိုင်ပင်ခံ ရှေ့နေတစ်ယောက်ဆီသို့ အပြေးအလွှား သွားသည်။ သူတို့ကို ကျောင်းသို့ ခေါ်သွားသည်။ နောက်တော့ ကျွန်မအိမ်သို့ ခေါ်ခဲ့သည်။
ထိုည အဖို့တော့ အဖိုးထိုက်ရတနာလေးတွေကိုကြည့်ပြီး ကျွန်မငိုင်နေမိသည်။ သူတို့ကလေးတွေကို ဘာပြော လို့ ဘာဆိုရမည်မသိ။ သူတို့သုံးယောက်ကို ကျွန်မအိပ်ရာပေါ် ခေါ်တင်ထားသည်။ ပြီးတော့ သူတို့ကို ထွေးပွေ့ထားရုံပဲ တတ်နိုင်သည်။ သူတို့ကလေးတွေက ရှိုက်ကြီးတငင် ငိုကြွေးနေကြသည်။ ပါးစပ်ကလည်း မြည်တမ်းနေကြသည်။
"မေ့မေ့ကို ခေါ်ပေးပါ မစ္စစ်ကတ်ရိုက်၊ မေမေ့ကို ခေါ်ပေးပါ"

ကျွန်မ သူတို့ကျောကလေးတွေကို အသာအယာ ပုတ်ပေးသည်။ သူတို့လက်မောင်းကလေးတွေကို ပွတ်သပ် ပေးသည်။ နောက်ဆုံး တော့ သူတို့ကလေးတွေ ငိုကြွေးမြည်တမ်းရင်းမောပြီး အိပ်ပျော် သွားကြသည်။ သည်တော့မှ ကျွန်မငိုမိသည်။ ဘုရားသခင်ထံတွင် ဆုပန်မိသည်။ သည်ခိုကိုးရာမဲ့ သနားစရာ ကလေးငယ်တွေသည် တပည့်တော်မကို မျှော်လင့်အားကိုးနေကြပါသည်ဘုရား။ သူတို့ ကလေး တွေသည် တပည့်တော်မကို လိုအပ်နေကြပါသည်ဘုရား။ ထို့ကြောင့် သူတို့ကလေးတွေကို ကူညီ စောင့်ရှောက် နိုင်စွမ်းရှိအောင် တပည့်တော်မအား ခွန်းအားများ ပေးသနားတော်မူပါဘုရား။
ကတ်စင်ဒရာသည် သူ့ကလေးတွေ၏ နောင်ရေးကောင်းအောင် စီစဉ်ခဲ့၏။ စိတ်ကူးယဉ်ခဲ့၏။ သူတို့ ကလေး တွေ အနေဖြင့် သူတို့မေမေ စိတ်ကူးယဉ်မျှော်မှန်းခဲ့သည့် အနာဂတ် ဘ၀မျိုးကို ခံစား ထိုက် ပါသည်။ ထို့ကြောင့် သူတို့ကလေးတွေအတွက် အတတ်နိုင်ဆုံး ကူညီမည်ဟု ကျွန်မတစ်ကိုယ်တည်း အဓိဋ္ဌာန် ပြုလိုက်ပါသည်။

နောက်ဆုံး၌ သမီးကြီးကလေးက ဆွေမျိုးတစ်ဦးထံတွင် သွားနေသည်။ ဒိုရီယံ နှင့် သူ့ညီမ အငယ်ကလေး ကတော့ ကတ်စင်ဒရာ့ အဘွားနှင့် ဆက်ပြီးနေသည်။ ဒိုရီယံက ကျွန်မတို့ကျောင်းဆက်တက်သည်။
တကယ် တော့ ဘလိန်းသို့ ကျွန်မရောက်လာခြင်းကိုက ဒိုရီယံ၊ သူ့ညီမလေးနှစ်ယောက်နှင့် သူတို့ကို ကလေး တွေကို ကူညီဖေးမဖို့ မဟုတ်ပါလား။

ဘလိန်းသို့ ကျွန်မရောက်လာသည်မှာ မတ်လ အစောပိုင်း ဖြစ်သည့်တိုင် ဆောင်းရာသီ၏ အအေးဓာတ်က ကျန်နေဆဲ။ သို့သော် နံနက်ခင်း၏ နေမင်းကြီးက နွေဦးကာလကို ညွှန်းနေ၏။ ပြိုကျ ပျက်စီးနေပြီဖြစ်သော အိမ်တန်းရှည်ကြီး ၏ ခေါင်ပေါ်မှာ ခြေချင်းဝတ် မြုပ်လောက်သည့် အမှိုက်သရိုက် တွေ ပွနေသော ကွက်လပ် များ ၏ ခေါင်းပေါ်မှာ မိုးကောင်းကင်ကြီးသည် ပြာလဲ့တောက်ပနေ၏။

သို့သော် အက်ကြောင်းကြီးများ ထင်ပြီး ပျက်စီးယိုယွင်းနေသည့် လမ်းဘေး ပလက်ဖောင်းများပေါ်မှာတော့ မှောင်နေဆဲ။ အိမ်ရှေ့ဆင်ဝင်များနှင့် အိမ်ရှေ့လှေကားများမှာ မှောင်ရိပ်များအောက်တွင် နစ်မြုပ်နေဆဲ။ အဆောက် အအုံ အများစု သည် ဗုံးကြဲခံထားရ သည်သို့ရှိ၏။ အချို့အိမ်များမှာ အထဲတွင် အခန်းများ ဖွဲ့စည်းထားခြင်း မရှိ။ ဟာလာဟင်းလင်း အခန်းကြီးများသာရှိသည်။ သည်အခန်းတွေ၏ ကြမ်းပြင်မှသည် မျက်နှာကြက်အထိ ပိုးဟပ်တွေ ကြွက်တွေ ပြည့်နေသည်။ သည်အခန်းတွေထဲတွင် ကလေးတွေ ဘယ်လို နေထိုင်ကြမည် ကို စဉ်းစားလို့ပင် မရ။ သို့တိုင် သည်ဟာလာဟင်းလင်း ခန်းမတွေထဲတွင် လူတွေ ပြည့်နေသည်။ သည်မိသားစုတွေတွင် ကလေးတွေ တစ်ပြုံတစ်မကြီး ရှိနေကြသည်။

အိမ်ရှေ့လှေကားထစ်များတွင် ရှိနေသည့် လူတွေက သူတို့ လမ်းထဲသို့ ကဲဒီလက် ကားကြီးကို ဖြည်းဖြည်းချင်း မောင်းဝင်လာပြီး မဲဆွယ်ထွက်သည့် နိုင်ငံရေးသမားတစ်ယောက်လို လက်ဝှေ့ယမ်း ပြနေသော မိန်းမတစ်ယောက်ကို မြင်တော့ အံ့သြနေကြသည်။

"မင်္ဂလာရှိတဲ့ နံနက်ခင်းပါ။ မင်္ဂလာရှိတဲ့နံနက်ခင်းပါ"
ကျွန်မက သူတို့ကို လှမ်းပြီး နှုတ်ခွန်းဆက်သည်။

ကျွန်မအား စိတ်မနှံ့သော မိန်းမတစ်ယောက်ဟု ထင်ကြမှာ သေချာသည်။ သည်လမ်းထဲသို့ ကဲဒီလက် ကားကြီး တွေ ၀င်လေ့ဝင်ထမရှိ တစ်စုံတစ်ယောက်သည် လမ်းမှားကွေ့မိပြီး ၀င်္ကပါလို ရှုပ်ယှက်ခတ် နေသည့် အဆောက်အအုံတွေကြားထဲတွင် လမ်းပျောက်ကာ ထိတ်လန့်တကြား ဖြစ်နေမှသာ သည် လမ်းတွေ ပေါ်တွင် ကဲဒီလက်ကားကြီးတွေကို တွေ့ရတတ်၏။

သို့သော် ကျွန်မက ဆင်းရဲသား ရပ်ကွက်များနှင့် စိမ်းသူမဟုတ်။ ဆင်းရဲသား ရပ်ကွက် တစ်ခုတွင် ကျွန်မ၏ သက်တမ်းတစ်ဝက် လောက် နေထိုင်ခဲ့ရသူဖြစ်သည်။ ခုတော့ လာမည့် နှစ်ကာလ များအတွင်း သည် ရပ်ကွက် ကို ကိုယ့်အိမ်ကိုယ့်ရာလို ဖြစ်လာအောင် ပြုပြင်ပြောင်းလဲပစ်မည်ဟု သံန္နိဋ္ဌာန်ချထားသည်။ သည်လို အားထုတ်လုပ်ဆောင်ခွင့်ရခြင်းသည် ပင်လျှင် ကျွန်မ၏ အိပ်မက်တစ်ခု အကောင် အထည် ပေါ်လာခြင်း မဟုတ်ပါလား။

အပိုင်း (၂)
ဂျိမ်းဂျီဘလိန်း မူလတန်းကျောင်းရှေ့တွင် ကျွန်မကားကို ရပ်လိုက်၏ ကျောင်းက သိပ် သားသား နားနားကြီး မဟုတ် အပြင်မှကြည့်ရတာတော့ ခိုင်ခံ့သလိုရှိသည်။ အထပ်က သုံးထပ်၊ မီးခိုးရောင် ဆေးသုတ် ထားသည့် အုတ်နံရံများပေါ်တွင် ကျောင်းသားတွေ လက်ဆော့ ရေးခြစ်ထားသည့် စာတွေ၊ ရုပ်ပုံတွေ အပြည့်။ ကစားကွင်း၏ ဟိုဘက်စည်းရိုးမှသည် သည်ဘက် စည်းရိုးထိအောင် အမှိုက်သရိုက်တွေ ဖွေးဖွေးလှုပ် နေသည်။ ကျောင်းရှေ့ဆင်ဝင်အောက်သို့ လှမ်းဝင်လိုက်သည်နှင့် နံရံတစ်ခုပေါ်တွင် မှုတ်ဆေး ဖြင့် ရေးထားသည့် စာတန်းတစ်တန်းက ကျွန်မကို ဆီးကြိုလိုက်၏။ စာတန်းမှာ ညစ်ညမ်းသော စာတန်း။ မောင်နှင့်နှမ၊ သားနှင့်အမိ ဖတ်ဖို့မကောင်းသော စာတန်း။ စာတစ်လုံးလျှင် တစ်ပေလောက် မြင့်သည်။

ဘာပဲဖြစ်ဖြစ် ကျွန်မစိတ်မပျက်။ ဒါတွေကို စိန်ခေါ်ဖို့ပဲ သည်နေရာသို့ ကျွန်မရောက်လာခြင်း မဟုတ် ပါလား။ ကျွန်မက ကျောင်းတစ်ကျောင်းကို အသွင်ပြောင်းလာအောင် ကျောင်းတွင်း ပြုပြင်ရေးများ လုပ်ချင်သည်။ ကလေးတွေ စိတ်ဓာတ် သန့်စင်မြင့်မားလာအောင် ကြိုးစားအားထုတ်ရမည်။ သူတို့ ပြုပြင် ပြောင်းလဲ လာလိမ့်မည်ဟု ကျွန်မတို့က မျှော်လင့်ထားဖို့ကိုလည်း မျှော်လင့်ထားဖို့လိုသည်။။ ထိုအခါ ကလေးတွေ ဘက်က သင်ယူဆည်းပူး လာကြလိမ့်မည်။ ထိုနည်းတူစွာပင် သည်လို လုပ်ဆောင်ကြိုးပမ်းမှု ထဲတွင် ကျောင်းသားမိဘတွေ ပါဝင်ပတ်သက်လာဖို့ကိုလည်း မျှော်လင့်ထားရမည်။ သည်အချက်တွေ မှန်ကန် ကြောင်း ကျွန်မလက်တွေ့ပြချင်သည်။

မိန်းမတစ်ယောက် ကျွန်မဆီသို့ လျှောက်လာသည်။ သူက သူ့ကိုယ်သူ မိတ်ဆက်သည်။ သူ့နာမည်က လစ်မက်ကိန်း။ သူ့ရာထူးက လူထုဆက်ဆံရေးမှူး။ သူ့လုပ်ငန်း တာဝန်တွေထဲမှ တစ်ခုမှာ ရပ်ကွက် စည်းဝေးများ ရှိလျှင် ကျောင်းကိုယ်စားလှယ်အဖြစ် အစည်းအဝေးတက်ရသည်။ ကျောင်း၏လုပ်ရှားမှုများ၊ ဆောင်ရွက်ချက် များကို ရပ်မိရပ်ဖများအား အသိပေးတင်ပြရသည်။ ဆွေးနွေးရသည်။ လစ်က ကျွန်မအား ဘလိန်း မူလတန်းကျောင်းကို လိုက်ပြသည်။

ကျွန်မအားပေးအပ်လိုက်သည့် စာရင်းဇယားအရတော့ သည်ကျောင်း အကြောင်း အနည်းအကျဉ်း သိထားသည်။ သည်ကျောင်းတွင် သူငယ်တန်းမှ ခြောက်တန်းအထိ စာသင်နေသည့် ကျောင်းသူ ကျောင်းသား ဦးရေ ၅၀၀ ခန့်ရှိသည်။ ဆရာ၊ ဆရာမပေါင်း ၃၂ဦးရှိသည်။ ထိုအထဲတွင် တက္ကသိုလ် မှ ကျောင်းပြီး ခါစ ဆရာအသစ်ကလေးတွေလည်း ပါသည်။ သို့သော် ဘလိန်းကျောင်းနှင့် ပတ်သက် ၍ ကိန်းဂဏန်း များသာ မဟုတ်ဘဲ သည့်ထက် ပိုပြီး လေ့လာစရာတွေ ရှိနေသေးကြောင်း ကျွန်မ သိနေသည်။

ခံယူချက်ဆိုတာရှိပါသည် ၄င်းခံယူချက်ဆိုသည်မှာ မည်သည့် စာသင်ကျောင်းကိုမဆို အဓိပ္ပာယ်ဖွင့်ဆို ဖော်ပြနေ သည့် စိတ်ဓာတ်ရေးရာပင်ဖြစ်၏။ ကျောင်းစင်္ကြံ လမ်းများတွင် ဖြတ်သွားဖြတ်လာ ပြုနေသည့် ကလေး တွေ နှင့် ဆရာဆရာမများ၏ မျက်နှာများပေါ်၌ အဆိုပါ စိတ်ဓာတ်ရေးရာကို မြင်တွေ့နိုင်၏ ကျောင်း အဆောက်အအုံကြီး ၏ အခြေအနေကိုကြည့်လျှင် လည်း အဆိုပါ စိတ်ဓာတ်ရေးရာကို မြင့်တွေ့ နိုင်၏။

ဘလိန်းကျောင်းနှင့် ပတ်သက်၍ ကျွန်မ၏ ကနဦး ထင်မြင်ချက်ကတော့ သိပ်ပြီး အားရစရာ မကောင်းလှ။ ကျောင်းကြီး တစ်ကျောင်းလုံး ညစ်ပတ်ပေရေနေသည်။ ပိုးဟပ်တွေကို နေရာတိုင်းမှာ တွေ့နေရသည်။ သူငယ်တန်း စာသင်ခန်း တစ်ခန်းရှိ ဗီရိုတစ်လုံးကို ကျွန်မဖွင့်ကြည့်သည်။ ဗီရိုအတွင်းပိုင်းမှာ ရွှံ့များ ပေကျံ နေပြီး ပိုးဟပ်များ မွေးမြူထားသည့်နှယ်ရှိ၏။
"ပိုးဟပ်တွေက စာအုပ်အနှောင့်မှာ ကပ်ထားတဲ့ ကော်တွေကို လာလာစားကြတာရှင့်"

ဆရာမတစ်ဦးက ရှင်းပြသည်။
"အဲဒီဗီရိုထဲ မှာ ဘာမှမကျန်အောင် ရှင်းထုတ်ပစ်လိုက်ပါ။ ဆရာမ လိုအပ်မည့်ပစ္စည်းတွေကို ချန်ထား။ ကျန်တာ တွေ အကုန်လွှင့်ပစ်လိုက်ပါ"
ကျွန်မက ဆရာမအား ပြောလိုက်၏။
သို့သော် ပိုးဟပ်များကိုတွေ့ရဖို့ ကျွန်မအနေဖြင့် စာသင်ခန်းများ သို့ လှည့်လည် စစ်ဆေး ကြည့်နေဖို့မလိုပါ။ ကျွန်မ၏ စာရေးစားပွဲ၊ ကျောင်းအုပ်ဆရာမကြီး၏ စာရေးစားပွဲထဲမှာပင် ပိုးဟပ်တွေ ရှိနေသည်။ ကျွန်မ၏ တယ်လီဖုန်းထဲမှာလည်း သည်ကောင်တွေရှိနေသည်။ ကျွန်မက တစကားပြောခွက်ကို မပြီး အောက်ခံအုံပေါ် သို့ ခပ်ပြင်းပြင်း ဆောင့်ချလိုက်သည်။ အောက်ခံအုံထဲမှ ပိုးဟပ်နှစ်ကောင် လိမ်ဖယ် လိမ်ဖယ်ဖြင့် ထွက်လာပါသည်။

နေရာတကာတိုင်းတွင် မြင်တွေ့နေရသည်မှာ ကြွက်ချေးတွေ။ အဆောက်အအုံ၏ နံရံများပေါ်တွင် ဖုန်တွေ ထုတက်နေသည်။ ပြတင်းပေါက်မှန်များကို တစ်ကြိမ်တစ်ခါမျှပင် ဆေးကြောသန့်ရှင်းထားပုံမရ။ တစ်ခုခု တော့ လုပ်ရတော့မည်။ လုပ်ဆို ချက်ချင်းလက်ငင်း လုပ်ပစ်ရလိမ့်မည်။

ကျောင်းအဆောက်အအုံကြီး တစ်ခုလုံးကို ပြုပြင်ထိန်းသိမ်းရန်အတွက် ကျောင်းထိန်းသိမ်းရေးမှူးနှင့် သူ့လက်ထောက်တစ်ယောက် က တာဝန်ယူထားသည်။ သူတို့နှစ်ဦး၏ ပထမဦးစားပေး လုပ်ငန်းမှာ လျှပ်စစ်မီးလုံး များ လိုက်လံ လဲလှယ်တပ်ဆင်ခြင်းသာ ဖြစ်ဟန်ရှိ၏။ သူတို့နှစ်ယောက်က နံနက်စာ စားသောက်ပြီးသည်နှင့် မီးလုံးများ၊ မီးချောင်းများ ကိုင်ပြီး စင်္ကြံလမ်းများအတိုင်း လျှောက်ကြည့်သည်။ မီးလုံး သို့မဟုတ် မီးချောင်းအသစ်လဲလှယ် တပ်ဆင်ရန် လိုအပ်သည်ကို တွေ့လျှင် တပ်ဆင်ပေးသည်။

ထိုအချိန်တွင် ကျောင်းအဆောက်အအုံတစ်ခုလုံးမှာ ပျက်စီးယိုယွင်းနေပြီ။ ကျောင်း အဆောက်အအုံကြီး တစ်ခုလုံး မှာ ပျက်စီးယိုယွင်းနေပြီ။ ယောကျာ်းလေး အိမ်သာထဲတွင် ရေဆွဲအိမ်သာတစ်ဝက်လောက်မှာ ပိတ်ဆို့ နေ၏ သို့တိုင် ကလေးတွေသည် ထိုအိမ်သာများကို ဆက်ပြီး အသုံးပြုနေကြရသည်။ ဟောင်စော်နံ အနံ့ အသက် များသည် အပြင်ဘက် စင်္ကြံလမ်းများသို့တိုင်း လွင့်ပျံနေ၏။

"ဒီအိမ်သာကို ကျွန်တော်ဆေးကြောသန့်စင်ပါတယ်။ မစ္စစ်ကတ်ရိုက်။ အနံ့အသက် တွေက ကြမ်းပြင် ထဲကကို ထွက်နေတယ်ခင်ဗျ။ ဒီကြမ်းခင်း ကွန်ကရစ်တွေထဲမှာ ၁၀နှစ်စာလောက် ရှိတဲ့ သေးတွေက စိမ့်ဝင် နေတာကလား။ ဒီတော့ ဘယ်လိုမှ ဆေးလို့ကြောလို့မရဘူးခင်ဗျ"
ကျောင်းထိန်းသိမ်းရေးမှူးက ရှင်းပြသည်။

ကျွန်မက သူ့အား ရေနွေးတစ်ပုံးနှင့် ဂက်မှင်ဘီးတချို့ ယူလာပေးဖို့ တောင်းဆိုလိုက်၏။ ပြီးတော့ ကျွန်မ ၏ ရှူးဖိနပ်နှင့် ခြေစွပ်တွေကို လက်ဆေးကြွေခွက်တစ်ခုပေါ် တင်ထားလိုက်သည်။ ကျွန်မဂါဝန် ၏ ရှေ့ပိုင်း အသာမပြီး ကြမ်းဆေးကြမ်းတိုက်အလုပ်ကို ပယ်ပယ်နယ်နယ် လုပ်ပစ်လိုက်၏။ တစ်နာရီ လောက် ကြာသော အခါ ခေါင်းမော့လိုက်သည်။ အနံ့ခံကြည့်သည်။
"ကဲ...ရှင်ဘာအနံ့များ ရသေးသလဲ"

"မရတော့ပါဘူး"
"မှန်တယ်။ ဒီအနံ့က ကွန်ကရစ်အခင်းထဲက ထွက်လာတဲ့ အနံ့နော်၊ ဟုတ်ရဲ့လား။ ကဲ..အိမ်သာတွေ တိုက်ချွတ် ဆေးကြောတဲ့ အလုပ် က ကျွန်မအလုပ်မဟုတ်ဘူး။ ဒီတော့ နောက်တစ်ကြိမ်ထပ်ပြီး တိုက်ချွတ် ဆေးကြော ပေးဖို့ ကျွန်မမရည်ရွယ်ဘူး။ ဒီတော့ ရှင်.... ကျွန်မ ကိုယ်စား ဒီအလုပ်ကို ရှင်လုပ်ပေး နိုင်ပါ့ မလား"
"ဟုတ်ကဲ့လုပ်ပါ့မယ်"

သတင်းက တစ်ဆင့်စကား တစ်ဆင့်နားဆိုသလို ပျံ့နှံ့သွားသည်။ ကျောင်းအုပ်ဆရာမကြီးက ယောက်ျားလေး အိမ်သာထဲဝင်ပြီး ကြမ်းတွေတိုက်၊ အိမ်သာတွေ ဆေးသည်ဆိုသည့် သတင်း။ ကျောင်းတွင် လူမှု ဆက်ဆံရေး ဘာသာရပ်ကို သင်ကြားသည့် သမ္ဘာရင့် ကျောင်းဆရာတစ်ဦးရှိသည်။ သူ့နာမည် ရေမွန်ဘရွတ်။ သူသည် နောင်တစ်ချိန်တွင် ကျွန်မ၏ အမာခံ ဘက်တော်သား ဖြစ်လာသူတစ်ဦးဖြစ်၏။ ကျောင်းအုပ် ဆရာမကြီးက ယောက်ျားလေးအိမ်သာထဲဝင်ပြီး ကြမ်းဆေးကြမ်းတိုက် အလုပ်ကို လုပ်သည် ဆိုသော သတင်း ကို ကြားတော့ ရေမွန်ဘရွက်ကဟားတိုက်ရည်မောခဲ့သည်ဆို၏။ အားပါးတရ ရယ်လွန်း သဖြင့် သူသည် ဟန်ချက်ပျက်ပြီး လဲကျမတက် ဖြစ်ခဲ့သည်ဆို၏။

"အဲဒီအိမ်သာတွေကို သူတိုက်ချွတ်ဆေးကြောတယ်ဆိုတာ ကျုပ်ဖြင့် မယုံနိုင်လောက်အောင်ပါဘဲဗျာ"ဟု ပြောခဲ့သည် ဆို၏။
သူ့လိုပင်ကျောင်းသားမိဘများကလည်း မယုံကြပါ။ သည်အကြောင်းကို သူတို့ပြောကြဆိုကြသည်။ တစ်ဦး ကို တစ်ဦး သတင်းပါးကြသည်။ မကြာမီအတွင်း နီးနားဝန်းကျင် တစ်ခုလုံးတွင် သတင်းစကားတွေ အသံမြည် လာသည်။

"ခုဆို အဲဒီအိမ်သာတွေမှာ အနံ့အသက်ဆိုးတွေ မထွက်တော့ဘူးတဲ့"
"အဲဒီအမျိုးသမီးကြီး တိုက်ချွတ်ဆေးကြောပစ်တာ ဆိုပဲ။ ကျုပ်ဆိုလိုတာက အဲဒီအိမ်သာတွေကို ဆရာမကြီး ကိုယ်တိုင် တိုက်ချွတ်ဆေးကြောပစ်တာတဲ့နော်။ သူအဲဒီလိုလုပ်နေတာကို ကျုပ်သားကိုယ်တိုင် မြင်ခဲ့တာဗျို့"

သည်ကျောင်းကြီးကို ပြုပြင် ပြောင်းလဲပစ်မည်ဟု သန္နိဋ္ဌာန် ချထားကြောင်း သူတို့အား အချက်ပြ လိုသည် ဆိုလျှင် မည်သို့ အချက်ပြရမည်ဆိုသည့် နည်းကို ကျွန်မတွေ့ရှိလိုက်ပါပြီ။
မကြာမီ အတွင်း ကျောင်းသားမိဘတွေ ကျွန်မရုံးခန်းရှေ့တွင် ပြူတစ်ပြူတစ် လုပ်လာကြသည်။ သူတို့သည် ကျွန်မကို လာကြည့်ကြခြင်းဖြစ်၏။ သည်ဆရာမကြီးသည် အိမ်သာတွေကိုပင် တိုက်ချွတ် ဆေးကြော သည်ဆိုလျှင် သူတို့လို မိဘတွေနှင့် မဆက်ဆံချင်လောက်အောင် အတန်းအစား ခွဲခြားတတ်သူ မဟုတ် ဟု သူတို့တွက်ဆကြသည်။

ကျွန်မတို့ မကြာမကြာစကားပြောဖြစ်ကြသည်။ ကလေးတွေအကြောင်း။ ကျောင်းအကြောင်း။ သူတို့နှင့် စကားပြောကြည့်မှ စထရော်ဘယ်ရီမင်းရှင်းဆိုသည့် တိုက်အိမ်စုကြီးမှာ မျှော်လင့်ချက်ကင်းလောက်အောင် ပျက်စီးယိုယွင်းနေပြီဟု လူအများက ယုံကြည်နေကြောင်း အချိန်တိုတိုအတွင်း သိခွင့်ရလိုက်၏။ သည်တော့ သည် ပတ်ဝန်းကျင်ကြီး တစ်ခုလုံး သည့်ထက် ကောင်းမွန်တိုးတက်လာအောင် လုပ်နိုင်ကြောင်း သူတို့အားလုံး ကို ပြသရတော့မည်။

သည်တော့ သူတို့တစ်တွေ သိသာမြင်သာအောင် ကျွန်မ လက်လှမ်းမီသည့်ပြုပြင်ပြောင်းလဲမှုတွေ လုပ်ပြ ရတော့မည်။

ကျောင်းပရ၀ဏ်အတွင်းရှိ အမှိုက်သရိုက်များကို လှည်းကျင်း သန့်ရှင်းပစ်ခြင်းသည် သူတို့အတွက် မျက်မြင် ပြုပြင်ပြောင်းလဲမှုဖြစ်နိုင်သည်။ တစ်နံနက်တွင် ကျောင်းတစ်ကျောင်းလုံးကို ဆင့်ခေါ်လိုက်သည်။ ပြီးတော့ ကျွန်မအားလုံး စုပေါင်းပြီး အမှိုက်ကောက် ကြသည်။ အမှိုက်တွေကို အမှိုက်ပုံးတွေထဲ ထည့်ကြသည်။ မုန့်ပဲသရေစာများ ထုပ်သည့် စက္ကူပတ်တွေ၊ ပလတ်စတစ်အိတ်တွေ၊ အချိုရည်ဘူးခွံတွေ ပုလင်းကွဲတွေ။ ကျွန်မတို့၏ အမှိုက်ကောက်ပွဲ ပြီးဆုံးသွားသောအခါ ကျောင်းဝိုင်းထဲတွင် ဘာအမှိုက်သရိုက် မျှ မကျန်တော့။ မင်္ဂလာဆောင်တွေတွင် ရောင်စုံစက္ကူစကလေးတွေ ကြဲဖြန့်ထားသလို စက္ကူစ သေးသေး လေး တွေသာ ဟိုတစ်စ သည်တစ်စ ကျန်နေတော့၏။

ထို့နောက် ကျွန်မက ကြေညာချက် ထုတ်လိုက်သည်။
"သားတို့ သမီးတို့ ကျောင်းအဆောက်အအုံထဲကို လက်မှတ်တစ်စောင်မပါဘဲ ဘယ်သူမှ ပြန်ဝင် လာခွင့် မရှိဘူး"
"ဆရာမကြီးဘာတွေ ပြောနေတာလဲဟင်"
သူတို့အချင်းချင်း တီးတိုးတီးတိုးမေးကြသည်။

"လက်မှတ်တစ်စောင်တဲ့ဟုတ်လား"
"လူတိုင်း လူတိုင်း လက်မှတ်တစ်စောင်စီ ရှိရမယ်"
ကျွန်မ က ထပ်ပြောသည်။
"ဒီမနက် မင်းတို့ ကိုင်လာရမယ့် လက်မှတ်တစ်စောင်ဆိုတာက အမှိုက်တစ်စပဲ"
ထိုကြေညာချက်ကြောင့် ကလေး၅၀၀သည် တစ်ယောက်လျှင် အမှိုက်တစ်စပဲ"

ထိုကြေညာချက်ကြောင့် ကလေး၅၀၀သည် တစ်ယောက်လျှင် အမှိုက်တစ်စစီရအောင် အလုအယက် ကောက်ကြ တော့၏။ မိနစ်ပိုင်းအတွင်း ကစားကွင်းသည် ထောက်ပြစရာမရှိအောင် ရှင်းသန့် ပြောင်လက် သွားသည်။ သည်ကျင့်စဉ်သည် တနင်္လာနေ့ နံနက်တိုင်း လိုက်နာ လုပ်ဆောင်ရမည့် ကျင့်စဉ် ဖြစ်သွားသည်။

ကျွန်မဘယ်သူ့ကိုမျှ သြဇာအာဏာသုံးပြီး အမှိုက်မကောက်ခိုင်း။ သို့သော် အမှိုက်ကောက်ရာတွင် ပါဝင် ကူညီခြင်း မရှိသည့် ကျောင်းသားကျောင်းသူ တစ်ယောက်ယောက် ကို တွေ့လျှင် သူ့ထံသို့သွားသည်။
ဘလိန်း ဟာ မင်းရဲ့ကျောင်းမဟုတ်လား။ ဘလိန်းမိသားစုထဲမှာ မင်းကော မိသားစုဝင်တစ်ယောက် ဖြစ်ချင် ရဲ့လား။ မိသားစုဝင်ဖြစ်ပြီဆိုရင် ကိုယ့်ကျောင်းကို သန့်ရှင်းအောင် လုပ်တဲ့နေရာမှာ ၀ိုင်းကူ ရတယ့်ကွယ့်"

ကလေးတွေကို စည်းရုံးသိမ်းသွင်းရသည်မှာ ခက်ခက်ခဲခဲ မရှိပါ။ သူတို့ကို ဆွဲဆောင်ရတာ လွယ်ပါသည်။ သို့ပေမဲ့ သူတို့မိဘတွေကျတော့ သည်လိုမဟုတ်။ အကယ်၍ ဘလိန်းနှင့် ပက်သက်သော ကျွန်မ၏ စီမံကိန်းများ အကောင်အထည်ပေါ်ချင်သည်ဆိုလျှင် မိဘတွေပါဝင်လှုပ်ရှားဖို့ လိုအပ်သည်။

သည်တော့ မိဘများနှင့် ပထမဦးဆုံးအကြိမ် တွေ့ဆုံအစည်းအဝေးလုပ်ဖို့ ကျွန်မဆုံးဖြတ်လိုက်သည်။ ဆရာ၊ ဆရာမများအား ကျွန်မ ဆုံးဖြတ်ချက်အကြောင်း ပြောပြတော့ သူတို့အများစုက ကျွန်မကို ပြက်ရယ် ပြုကြသည်။

"သူတို့လာမှာမဟုတ်ဘူးမယ်ဒယ်လင်း။ ဘယ်တုန်းကမှ မလာကြဘူး။ ဘယ်တော့မှလည်း လာမှာမဟုတ်ဘူး"
ကျွန်မ၏ ပထမခြေလှမ်းမှာ ကလေးတွေကို စည်းရုံးခြင်းဖြစ်၏။ အစည်းအဝေးနှင့် ပတ်သက်ပြီး သူတို့ စိတ်ဝင်စားလာအောင် တက်တက်ကြွကြွဖြစ်လာအောင် လုပ်ပေးသည်။ ကျောင်းသားအားလုံးကို စုဝေးဖို့ ခေါ်လိုက် သည်။

"သားတို့သမီးတို့ရဲ့ မေမေက မစ္စကတ်ရိုက်အကြောင်းကို သိဖို့လိုတယ်။ အဲဒါဟာ အရေးကြီး တယ်နော်။ ဒီနေ့ကစပြီး အစည်းအဝေးလုပ်မယ့်ရက် မတိုင်မီအထိ နေ့စဉ်နေ့တိုင်း အိမ်ကိုပြန် ရောက်တာ နဲ့ အစည်းအဝေး ကျင်းပဖို့နီးလာပြီဆိုတဲ့ အကြောင်း မင်းတို့မေမေကို ပြောပါ။ နောက်ပြီး ဆရာမကြီး အကြောင်းကိုလည်း တစ်ခုမဟုတ် တစ်ခုပြောပြကြပါ။ တစ်နေ့တာအတွင်း ဆရာမကြီးဘာလုပ်တယ်၊ ဘာပြော တယ် စဉ်းစားလို့မရရင်ဆရာမကြီး ဒီနေ့ ဘာအ၀တ်အစားဝတ်လာတယ်ဆိုတာ မင်းတို့မေမေကို ပြောပြပါ။ 'ဒီနေ့တော့ မစ္စစ်ကတ်ရိုက်ဝတ်လာတာ ဂါဝန်အစိမ်းရောင် မေမေရေ့' ဆိုတာပဲ ဖြစ်ဖြစ် ပြောပြကြနော်'

နောက်နေ့နံနက်ကျတော့ ကျွန်မရုံးခန်းထဲမှာ ထိုင်နေသည်။ ရုံးခန်းတံခါးကို အကျယ်ကြီးဖွင့်ထားသည်။ စင်္ကြံလမ်းပေါ်မှ ဖြတ်လျှောက်သွားသည့် ကလေးတွေက ရုံးခန်းရှေ့မှာရပ်သည်။ ကျွန်မ၀တ်ထားသည့် ဂါဝန် အရောင် ကို ချောင်းကြည့်ကြသည်။
"ဆရာမကြီး ဒီနေ့ဘာဝတ်လာလဲဟေ့၊ ဘာအရောင်လဲဟင်"
"အပြာရောင်ဟဲ့။ ဒီနေ့ အပြာရောင်ဝတ်လာတာ"

အစည်းအဝေးပြုလုပ်မည့် သီတင်းပတ်သို့ ရောက်သောအခါ ကျွန်မက မော်တော်ကားကို တစ်လမ်းဝင်တစ်လမ်းထွက် ဖြည်းဖြည်းချင်း မောင်းသွားသည်။ အိမ်အပြင်ဘက် လူသွားလမ်းပေါ်တွင် ထွက်ဆော့နေသည့် ကလေးတွေကိုတွေ့လျှင် 'သွားမင်းတို့မေမေကို ခေါ်ခဲ့။ ဒါမှမဟုတ် ဖေဖေကို ခေါ်ခဲ့'ဟု ကျွန်မကပြောသည်။
ကလေး တွေက အံ့အားတသင့်ဖြစ်နေသည့် သူတို့မိဘများကို အိမ်ထဲမှ ခေါ်ထုတ်လာသောအခါ 'ကြာသပတေးနေ့ ညမှာ ကျွန်မတို့အစည်းအဝေး လုပ်ပါမယ်။ အဲဒီအစည်းအဝေးကို ရှင်တို့ လာကြ ရမယ်နော်'ဟု ကျွန်မကပြောသည်။

ဘတ်စကားမှတ်တိုင်ကို ကားစောင့်နေသည့် လူကြီးတွေကို တွေ့သည်။ ကားကို သူတို့ရှေ့တွင် ထိုးရပ် ကာ အစည်းအဝေးအကြောင်း ပြောသည်။ အစည်းအဝေးသို့ သူတို့လည်း လာမည်ဖြစ်ကြောင်း ကတိပြု စေသည်။

အပိုင်း (၃)
ကြာသပတေးနေ့သို့ရောက်တော့ ကျွန်မစိတ်တွေ လှုပ်ရှားနေသည်။ ထိုနေ့ စောစောပိုင်းတွင် ကျွန်မက ကျောင်းမှ လက်ထောက် စီမံခန့်ခွဲရေးမှူးကို ခေါ်သည်။ အစည်းအဝေးခန်းမထဲတွင် အရန် ထိုင်ခုံများအဖြစ် ခေါက်ကုလားထိုင်တွေထပ်ချထားဖို့မှာကြားလိုက်သည်။ ညနေ 4နာရီထိုးသည့်တိုင် နောက်ထပ် ဘာမျှ ပြင်ဆင်ထားသည်ကို မတွေ့ရ။

"ဘယ်မှာလဲ ခေါက်ကုလားထိုင်တွေ" ဟုကျွန်မကမေးသည်။
မစ္စစ်ကတ်ရိုက်၊ ကျွန်တော် ဆရာမကြီးရဲ့ စိတ်ကူးယဉ် အတွေးတွေကို မဖျက်ဆီးချင်ပါဘူး။ ဒါပေမဲ့ နောက်ထပ် ထိုင်ခုံ အပိုတွေ မလိုပါဘူး။ ဘာဖြစ်လို့လဲဆိုတော့ အဲဒီမိဘတွေ လာကြမှာမဟုတ်လို့ပါ" ကျွန်မ ရှူးရှူးရှားရှားဖြစ်သွားသည်။

"ဘာပဲဖြစ်ဖြစ်ပေါ့ရှင်၊ ဒီနေ့ အစီအစဉ်ကိုကော နောက်ထပ် လုပ်မယ့်အစီအစဉ်တွေကိုပါ အောင်မြင်မယ်လို့ ရှင်ယုံကြည်စိတ်ချတဲ့ သဘောနဲ့ ပြုမူဆောင်ရွက်စေချင်တယ်။ ကျွန်မလုပ်နေတဲ့ အစီအစဉ်တွေကို ရှင်မကြိုက်ဘူး ဆိုရင်လည်း ဒီကျောင်းကနေ ရှင်ပြောင်းသွားနိုင်တဲ့ နေ့အထိ ကြိုက်ဟန် ဆောင်လိုက်ပါ။ ဒီတော့ ကျွန်မခိုင်းတဲ့အတိုင်း ခေါက်ကုလားထိုင် တွေထပ်ချထားပေးပါနော်"
ကုလားထိုင်တွေထပ်ခင်းလိုက်သည်။ ညနေ6နာရီရောက်တော့ လူတွေတဖွဲဖွဲစရောက်လာသည်။

မကြာမီအတွင်း ကျောင်းသားမိဘတွေ တံခါးပေါက်များကို ဖြတ်ကျော်ပြီး တသောသောဝင်လာကြသည်။ ၀င်ကြေးမဲ့စင်တင်တေးဂီတဖျော်ဖြေပွဲတစ်ခုသို့ အုန်းအုန်းကျွက်ကျွက် လာရောက်ကြသည့် နှယ်။ ကျွန်မက တံခါးဝမှ ရပ်ပြီး ၀င်လာသူတိုင်းကို လက်ဆွဲနှုတ်ဆက်သည်။ ည 7နာရီထိုးသောအခါ အစည်းအဝေး ခန်းမ ကြီးထဲတွင် ပြည့်ကျပ်သွားသည့်အတွက် လူတွေစင်္ကြံလမ်းများပေါ်အထိ လျှံကျသွားသည်။ ကျွန်မ ခန်းမ၏ ရှေ့ဘက်သို့ သွားသည်။ အားပါးတရာ ပြုံးပြီး သူတို့ဘက်သို့ မျက်နှာမူလိုက်၏။

"ခုလိုဒီနေရာမှာရှင်တို့နဲ့အတူဆုံရတဲ့အတွက် ကျွန်မအရမ်းဝမ်းသာကြည်နူးမိပါတယ်" ဟုစကားစ လိုက်၏။
"ရှင်တို့ ခုလိုလာကြလိမ့်မယ်ဆိုတာ ကျွန်မသိနေပါတယ် ဒါမှ ကျွန်မတို့တစ်တွေ စည်းစည်းလုံး လုံး ရှိတယ် ဆိုတာ ကျွန်မတို့ ကလေးတွေကို ပြသနိုင်မယ် မဟုတ်လား"
ထို့နောက် သူတို့အား ဆရာ၊ ဆရာမများနှင့် မိတ်ဆက်ပေးသည်။ ပြီးမှ ကျွန်မ၏ မိန့်ခွန်းကို စပြောသည်။

"ကျွန်မဒီကိုရောက်နေတာဟာ ကလေးတွေရဲ့ အကျိုးကို ဒီကျောင်းက သယ်ပိုးပေးနိုင်အောင် ဆောင်ရွက်ဖို့ဖြစ်ပါတယ်။ ဒီကျောင်းကို နေ့စဉ်နေ့တိုင်း လာပြီး ကျောင်းတက်၇တာကို သူတို့ကလေးတွေ ပျော်ရွှင်ကြည်နူးကြရမယ်။ ပြီးတော့သူတို့ကလေးတွေ ပညာသင်ကြားတတ်မြောက်ရမယ်"

ပရိတ်သတ်ကြီးကို ကျွန်မ၏ ငယ်ဘ၀အကြောင်းပြောပြသည်။ မောင်နှမ ၁၃ ယောက်ရှိသည့် အနက် ကျွန်မက ၁၃ယောက်မြောက်ဖြစ်ကြောင်း၊ ကျွန်မတို့တစ်တွေကြမ်းပြင်ပေါ်မှာ အိပ်ကြရသည့် အကြောင်း၊ ထို့နောက် အစိုးရ ထောက်ပံ့သည့် အခမဲ့တိုက်ခန်းသို့ ပြောင်းရွှေ့နေထိုင်ခဲ့ရသည့် အကြောင်း၊ တစ်ချီတွင် ကျွန်မတို့မှာ စီးစရာဖိနပ်ပင်မရှိကြောင်း၊ သည်တော့ မေမေကလွှင့်ပစ်ထားသည့် မိန်းမစီး ဒေါက်မြင့် ဖိနပ်တွေ ကို အိတ်ကြီး တစ်အိတ်ဖြင့် ကောက်ယူလာကြောင်း။ ဖေဖေက ၎င်းဖိနပ်များကို အိမ်နောက်ဘက် သို့ယူသွားကြောင်း၊ ဖိနပ်များကို သစ်ပင်ခြေရင်းတွင် ပုံပြီး ခွာမြင့်များကို ဓားဖြင့် ခုတ်ပစ် လိုက်ကြောင်း၊ ထို့နောက် ဖေဖေက ကျွန်မတို့ ကလေးတစ်သိုက်အား တစ်ရန်စီ ဝေငှပေးကြောင်း၊ ယောက်ျားလေး တွေကော မိန်းကလေးတွေပါ ၎င်းဖိနပ်များကိုသာ ရကြောင်း၊ နောက်တစ်နေ့တွင် ကျွန်မတို့ မောင်နှမ တစ်တွေ ကျောင်းသွားသောအခါ ၎င်းဖိနပ်များကိုသာ စီးသွားကြရကြောင်း။

သည်ဇာတ်လမ်းကို ကြားရတော့ ပရိသတ်တွေ အားလုံး ရယ်မောကြသည်။ အားရပါးရနှင့် ကျယ်လောင် စွာ ရယ်လွန်းသဖြင့် တစ်မိနစ်လောက် စကားဆက်မပြောဘဲ စောင့်နေရသည်။
"ရှင်တို့ရဲ့ ရင်သွေး ရတနာကလေးတွေ ပညာတွေ အများကြီး တတ်အောင် ကျွန်မတို့ သင်ကြား ပေးနိုင် သလောက် အစွမ်းကုန် သင်ပေးမယ်လို့ ကျွန်မ ကတိပေးတယ်။ သူတို့အားလုံး တန်းတူရည်တူ အခွင့်အရေး ကို ခံစားကြရမယ်။ တစ်ခုပြောပြထားချင်တာက ကလေးတစ်ယောက်ဟာ တခြားကလေး တစ်ယောက်ကို ဒါမှမဟုတ် အမှုထမ်းတစ်ယောက်ကို သိသိသာသာ အန္တရာယ်ပြုတယ်လို့ မသေချာမခင်ျး ကျောင်းထုတ် ပစ်တဲ့ အရေးယူမှုမျိုးကို မလုပ်ဘူး။ ဒါပေမဲ့ ကျွန်မ မထိန်းကျောင်းနိုင်တဲ့ ၁၁နှစ်သား၊ ဒါမှမဟုတ် ၁၂နှစ်သား အရွယ်ကလေးမျိုး ကို ကျွန်မ မကြုံဖူးသေးပါဘူး"

ပရိသတ်ကြီးက လက်ခုပ်တီး သြဘာပေးသည်။ ကျွန်မရောက်မလာမီက ဘလိန်းတွင် ကျောင်းထုတ်ပြီး အရေးယူမှုတွေ အများကြီး ဖြစ်ခဲ့၏။ စည်းမျဉ်းစည်းကမ်းများက တင်းကျပ်သည်။ တင်းကျပ်သည် ဆိုသည် ထက် တင်းကျပ်လွန်းသည် ဆိုရမည်။ ကလေးတွေမှာ စိတ်တင်းကျပ်နေသည်။ တွန့်ရွံ့နေကြသည်။ မိမိတို့၏ လုပ်ရပ် တစ်ခု မှားသွားမှာ ကြောက်နေကြသည်။ သူတို့၏ စိတ်အခြေအနေ သည်လို ဖြစ်နေလျှင် ကျောင်း သင်ခန်းစာ များကို စိတ်ပါလက်ပါ သင်ယူ ဆည်းပူးဖို့ ခက်ခဲပါသည်။ နောက်ပြီး ကျောင်းထုတ် ပစ်သည့် နည်းဖြင့် အရေးယူခြင်းသည် မထိရောက်ပါ။ အကျိုး မရှိပါ။ ကျောင်းထုတ် ပစ်လိုက်သည့်အတွက် ထိုကလေး သည် ကျောင်းတက်ခွင့် မရတော့။ ပညာသင်ယူခွင့် မရတော့။ ထိုကလေးသည် လမ်းပေါ်သို့သာ ရောက်သွားတော့၏။

"ဒါပေမဲ့ ရှင်တို့ရဲ့ ကလေးတွေက ကျွန်မတို့ကို ဂါရ၀တရား ရှေ့ထားပြီး ဆက်ဆံကြရမယ်။ ကျွန်မတို့ရဲ့ ဆရာ၊ ဆရာမတွေဟာ သူတို့နဲ့ ပတ်သက်လာရင် ကျေနပ်ပီတိ ဖြစ်နေစေရမယ်။ ဒီည ဒီကို ကြွရောက် လာ တဲ့ ရှင်တို့ ကျောင်းသားမိဘတွေ ကြည့်ကြပါ။ ဒီ ဆရာ၊ ဆရာမတွေ ဘယ်လောက် ရည်မွန်ပြီး သထောထား ပြည့်ဝပုံရသလဲဆိုတာ ရှင်တို့ မျက်ဝါးထင်ထင် မြင်တွေ့ပါလိမ့်မယ်။ ဒီတော့ သူတို့ကို လက်ခုပ်တီး သြဘာ ပေးလိုက်ကြပါလားရှင်"

သည်တစ်ချီတော့ ဆရာ၊ ဆရာမတွေလည်း အားရပါးရ ရယ်မောနေကြပြီး ကျောင်းသားမိဘများနှင့်အတူ သူတို့ပါ တစ်ညီတည်း လိုက်ပြီး လက်ခုပ်တီးကြသည်။
"ကျွန်မက အောင်မြင်သူတစ်ဦး ဖြစ်ချင်တာရှင့်။ ရှင်တို့ရဲ့ ကလေးတွေက သင်ယူ ဆည်းပူးကြမယ်ဆိုရင် ကျွန်မကို ကူညီရာ ရောက်လိမ့်မယ်။ တကယ်လို့ ရှင်တို့ရဲ့ ကလေးတွေက သင်ယူ ဆည်းပူးမှု မပြုကြဘူး ဆိုရင်တော့ … ရပ်မိရပ်ဖများရှင် … ကျွန်မ အလုပ်ပြုတ်ပါလိမ့်မယ်။ ဒါပေမဲ့ ဒီအလုပ်ကို ကျွန်မ ဆက်လုပ် နေရဖို့ လည်း လိုအပ်တယ်လေ။ ကျွန်မ ကလေးတွေကို ချစ်ပါတယ်။ ဒါပေမဲ့ ကျွန်မ လခလည်း ရနေမှ ဖြစ်မယ်ရှင့်။ အပြင်ဘက်မှာ ရပ်ထားတဲ့ ဟိုကဲဒိလက် ကားကြီးကို ကျွန်မ ပိုင်တယ်။ ဒါပေမဲ့ ရှင်တို့ မကူညီ ဘဲ အဲဒီ ကားကြီးကို စရိတ်စကတွေကို ကျွန်မ မခံနိုင်ဘူးရှင့်။ ဒီတော့ အဲဒီကားကြီးကို ကျွန်မ ဆက်ထိန်း ထားနိုင်အောင် ရှင်တို့ ကျွန်မကို ကူညီကြမှာလား"

အစည်းအဝေးခန်းမကြီး တစ်ခုလုံး ပွင့်ထွက်မတတ် လက်ခုပ်သြဘာသံများ မြည်ဟိန်းသွားသည်။
"ကျွန်မ ဒီကားကြီးကို ဆက်စီးနေနိုင်ရမယ်လို့ ရှင်တို့ ပြောနေတာလား"
အားပေးသံ နှင့် လက်ခုပ်သံတွေ ပို၍ ကျယ်လောင်စွာ ထွက်ပေါ်လာသည်။

သူတို့ တကယ်ပင် အသည်းလှိုက်အူလှိုက် ကတိပေး သွားကြခြင်းပါ။ ထိုနှစ် ဇွန်လတွင် ပြုလုပ်မည့် ကျောင်းဆင်းပွဲ အခမ်းအနားတွင် ကျွန်မက သူတို့အား စစ်ကူတောင်းသည်။ ကျွန်မတို့ ကလေးတွေအတွက် သန့်ရှင်း သော ကျောင်းအဆောက်အအုံ လိုအပ်ပါသည်။ ထို့ကြောင့် ကျွန်မအား ၀ိုင်းဝန်း ကူညီကြပါဟု မေတ္တာ ရပ်ခံလိုက်သည်။
"ကျွန်မ ဂျင်းဘောင်းဘီ ၀တ်ပြီး ရေပုံးတစ်ပုံးနဲ့ လာမယ်။ ရှင်တို့လည်း ဂျင်းဘောင်းဘီ ၀တ်ပြီး ရေပုံးတစ်ပုံး စီ ဆွဲလာခဲ့ဖို့ လိုအပ်ပါတယ်"
ဇူလိုင် ၁ရက်နေ့တွင် ကျောင်းသို့ ကျွန်မ ကားမောင်းပြီး ရောက်လာသောအခါ ကျောင်းသားမိဘ ၁၈ဦး စောင့်ကြို နေသည်ကို တွေ့ရသည်။ နောက် တစ်လလုံးလုံး ကျွန်မတို့ ရေဆေးကြသည်။

တိုက်ချွတ်ကြသည်။ လှည်းကျင်းကြသည်။ ကျွန်မတို့ စာသင်ခန်းတိုင်းသို့ ၀င်သည်။ ဗီရိုတိုင်း၊ လက်ဆေး ကြွေခွက်တိုင်း၊ အိမ်သာတိုင်းကို ဆေးကြောကြသည်။ တိုက်ချွတ်ကြသည်။ နှစ်ပေါင်းများစွာအတွင်း တို့ခြင်း ထိခြင်း မပြုခဲ့သည့်ထောင့်ကလေးတွေ၊ အစွန်းကလေးတွေကိုပင် တိုက်ချွတ်သန့်စင်ပစ်ကြသည်။
နောက်တစ်ပတ်လောက်ကြာသောအခါ ရုပ်မြင်သံကြား ရိုက်ကူးရေးအဖွဲ့တစ်ဖွဲ့ ရောက်လာသည်။ ထိုည သတင်း အစီအစဉ်တွင် ကျွန်မတို့၏ အားထုတ်မှုများကို ရုပ်မြင်သံကြားမှ ပေအနည်းငယ်မျှ ထုတ်လွှင့်ပြသသည်။ နောက်နေ့ နံနက်ကျတော့ လုပ်အားပေးခဲ့သည့် မိဘများက သတင်းဖြန့်တော့၏။

"သူတို့ သေနတ်ပစ်ခံရတဲ့ လူတစ်ယောက်အကြောင်း သတင်း မလုပ်တော့ဘူးလေ။ ဘယ်သူ့အိမ်မှ မီးလောင်ပြာကျ သွားတဲ့ အကြောင်းလည်း မဟုတ်ဘူး။ ဒီတစ်ခါ ရုပ်မြင်သံကြား အစီအစဉ်မှာ ပြတာ ကောင်းသတင်း၊ မင်္ဂလာသတင်းပဲ" မိဘတစ်ဦးက မှတ်ချက်ချသည်။

ဘလိန်းသို့ ကျွန်မရောက်လာသည်မှာ ၁၉၈၀ ပြည့်နှစ် စက်တင်ဘာလ ကျောင်းဖွင့်ချိန်တွင် တစ်နှစ် တင်းတင်း ပြည့်သည်။ ကျောင်းပြန်ဖွင့်၍ ကလေးတွေ ကျောင်းသို့ လာကြသောအခါ သူတို့သည် တစ်မူ ထူးနေပြီဖြစ်သော ကျောင်းအဆောက်အအုံထဲသို့ ၀င်လာကြရသည်။ ယခု အဆောက်အအုံက သန့်ရှင်း သည်။ သပ်ရပ်နေသည်။ လက်လက်တောက်နေသည်။ တောက်ပသစ်လွင်သော ဆေးများ သုတ်ထားသည်။ ကျောင်းကြီး ကို ကြည့်ရသည်မှာ ကျောင်းအသစ် တစ်ကျောင်း ဖွင့်လှစ်လိုက်သည့်နှယ် ရှိ၏။ တကယ့် တော့လည်း သည်ကျောင်းကြီးသည် ဘက်စုံထောင့်စုံမှ ကျောင်းသစ်ကြီး တစ်ကျောင်း ဖြစ်သွားပါပြီ။

လိုအပ်သူကို လိုအပ်သလို ကူညီ
ဘလိန်းကျောင်းသို့ ရောက်လာပြီးနောက် ကျွန်မ အဓိက စိုးရိမ်သည့် အချက်တစ်ချက် ရှိ၏။ သည်ကျောင်းမှာ ရှိနေသည့် ကလေးတွေ၏ ငုပ်နေသော အရည်အသွေးများ အပြည့်အ၀ ပေါ်လာမည်ဟု ကျွန်မတို့ ဘယ်လိုလုပ်ပြီး သေချာပေါက် ပြောနိုင်ပါမည်နည်း။

ကျွန်မ သူတို့နေအိမ်များကို သွားလည်သည်။ သူတို့ ကလေးတွေ နေ့စဉ်နှင့်အမျှ ရင်ဆိုင်နေရသည့် ထိတ်လန့်စရာများ၊ ကြောက်ရွံ့စရာများ၊ စက်ဆုပ်စရာများကို မြင်ရတွေ့ရသည်။ သည်တော့ သူတို့ ကလေးတွေ ကျောင်းသို့လာပြီး ပညာသင်ယူမှု မပြုမီ သူတို့မှာ ဘာတွေလိုအပ်နေသလဲ ဆိုသည့် လိုအပ် ချက်များကို သိခွင့်ရလာသည်။

သူတို့ကလေးတွေ နေ့စဉ် နံနက်တိုင်း ကျောင်းသို့ လာကြသည်။ ကျောင်းပရ၀ဏ်ထဲသို့ ခြေမချမီ သူတို့ကလေးတွေ ဘယ်လို ဘ၀မျိုးတွေဖြင့် ရင်ဆိုင်ခဲ့ရသည်ကို ကျွန်မတုိ့ မသိ။ သို့သော် ကျောင်းတွင်း သို့ ရောက်ပြီး နောက်ပိုင်းမှာတော့ သူတို့ကလေးတွေ ဘာဖြစ်နေသည် ဆိုသည်ကို ကျွန်မတို့ မြင်ရသိရသည်။ သည်တော့ ကျွန်မတို့ ဘာလုပ်ပေးနိုင်မည်လဲ။ အနိမ့်ဆုံး လုပ်ဆောင်ပေးနိုင်သည်မှာ သူတို့၏ ကျောင်း သည် သူတို့ ပြုံးနိုင် ရယ်နိုင်သည့် နေရာ။ သူတို့ ပျော်ရွှင် မြူးထူးနိုင်သည့်နေရာ၊ သူတို့အတွက် အန္တရာယ် ကင်းသည့်နေရာ ဖြစ်ကြောင်း သည်ကလေးတွေ သိမြင်လာအောင် ပြုလုပ်ပေးဖို့ပဲ ဖြစ်၏။ အထက်ပါ အချက်များကို ကျွန်မက ဆရာ၊ ဆရာများကို ပြောပြ၏။ ရှင်းပြ၏။

ကျွန်မဆိုလျှင် နံနက်ခင်းတစ်ခုကို ကျွန်မ တစ်သက်လုံး မေ့လို့ရတော့မည် မဟုတ်။ ထိုနံနက်က ကျွန်မ ကျောင်းသို့ ရောက်လာသောအခါ ကျောင်းဝင်းတံခါးရှေ့တွင် ရပ်စောင့်နေသည့် ကိုးနှစ်သားကလေး တိုင်ရွန်ကို တွေ့ရ၏။ တိုင်ရွန်က စိတ်သိပ်မနှံ့သည့် မိခင်နှင့်အတူ နေသည်။ သားသမီး သုံးယောက်အနက် တိုင်ရွန်က အငယ်ဆုံး။ သူတို့ မိသားစုအတွက် အစားအစာနှင့် ငွေကြေးမှာ လူမှုဖူလုံရေးမှ ထောက်ပံ့ကြေး ငွေ နောက်ထပ် မရမီအတွင်း ကုန်ခန်းနေတတ်သည်မှာ မကြာခဏ ဖြစ်၏။ တိုင်ရွန် နေထိုင်သည့် အိမ်ခန်း မှာလည်း နီးနားဝန်းကျင်ရှိ တခြားကလေးတွေ နေထိုင်ရသည့် အိမ်ခန်းများ အတိုင်းပင်။ အိမ်ခန်းတွေက မလုံမခြုံ။ တသီကြီး ဆက်တွဲ ဆောက်ထားသည့် အိမ်များက ယိုယွင်း ပျက်စီးနေပြီ။ သည်အိမ်တွေထဲတွင် ကလေးတွေ ပြည့်လို့ကျပ်လို့။

ထိုနေ့နံနက်က တိုင်ရွန်၏ မျက်လုံးညိုညိုကလေးတွေမှာ မျက်ရည်စများဖြင့် ရွှဲစိုနေသည်။ သူက သူ့လက်ကလေးတစ်ဖက်ကို အသာအယာ ဖေးမထားသည်။ သူ့လက်မောင်းကလေးပေါ်မှာတော့ အပူ လောင်ထားသည့် ဒဏ်ရာတွေ။ သူ့ကို ကျောင်းတွင်းသို့ ကမန်းကတန်း ခေါ်ခဲ့သည်။ ဖြစ်ကြောင်းကုန်စင် ပြောပြဖို့ မေးရသည်။ ထိုအခိုက်တွင် လစ်မက်ကိန်းက တိုင်ရွန့်မိခင်ကို သွားရှာသည်။ တိုင်ရွန်ကို ဆေးရုံသို့ ခေါ်သွားလျှင် သူ့မိခင်ပါမှ ဖြစ်မည်။

တိုင်ရွန်က အဖြစ်အပျက်ကို ရှင်းပြသည်။ မနေ့ညက သူ့အမေကို ကူညီ လုပ်ကိုင်ပေးရင်း ဒယ်အိုး ထဲမှ ဆီပူ တွေကို ဖန်ခရားတစ်လုံးထဲသို့ လောင်းထည့်ကြသည်။ တိုင်ရွန်က ဖန်ခရား လဲမသွားအောင် ကိုင်ပြီး ထိန်းထား ပေးသည်။ ထိုအခိုက် ဖန်ခရား ကွဲသွားသည်။ အထဲမှ ဆီပူတွေ သူ့လက်ပေါ်သို့ စီးကျ ကုန်သည်။

ဆေးရုံသို့ အကူအညီတောင်းရန် သူတို့ နေထိုင်သည့် အဆောက်အအုံတွင် တယ်လီဖုန်း မရှိ။ ဆေးရုံသို့ ပြေးရန် မော်တော်ကား မရှိ။ သို့သော် ကျောင်းရှိသည်။ ကျောင်းကတော့ အကူအညီ ပေးလိမ့် မည်။ သို့ဖြင့် အရိုးထိလောက်အောင် ဆီပူလောင်ထားသည့် ဒဏ်ရာတွေနှင့် တိုင်ရွန် တစ်ညလုံး ကြိတ်မှိတ် နေခဲ့သည်။ နံနက်မိုးလင်း သို့ ကျောင်းသို့သွားလျှင် ဆရာ၊ ဆရာမများနှင့် ကျောင်းအုပ်ဆရာမကြီးကတော့ ကူညီလိမ့်မည် ဆိုတာ သူသိနေသည်။

ဘလိန်းကျောင်းသည် တိုင်ရွန်လို ကလေးတွေအတွက် အန္တရာယ်ကင်းပြီး ငြိမ်းချမ်းစွာ ခိုလှုံနိုင် သော နေရာဌာန တစ်ခုဖြစ်ကြောင်း သူတို့ကလေးတွေ သိအောင်လုပ်ဖို့ ကျွန်မက ဆရာ၊ ဆရာမများအား အမြဲ မှာကြား ထား၏။ နောက်တစ်ချက်မှာ သူတို့ကလေး၏ ကိုယ့်ကိုယ်ကိုယ် ယုံကြည်လေးစားစိတ်ကို မြှင့်တင် ပေးဖို့ ဖြစ်၏။ ဆရာ၊ ဆရာမများ အနေဖြင့် ကလေးတွေကို သွန်သင်ဆုံးမနိုင်သည်။ ကျောင်း၏ စည်းမျဉ်း စည်းကမ်း များ လိုက်နာဖို့ ကြပ်မတ်နိုင်သည်။ သို့သော် သူတို့ကလေးတွေ စိတ်ဓာတ် သိမ်ငယ် သွားအောင် ဘယ်တော့ မှ မလုပ်ပါနှင့်။ သူတို့ကို နှိမ်ချပြီး မဆက်ဆံပါနှင့်၊ သို့မဟုတ် အလွန်အကျံ မဝေဖန် ပါနှင့်ဟု ဆရာ၊ ဆရာမ များကို မှာကြားထားသည်။

ကိုယ့်ကိုယ်ကိုယ် ယုံကြည်လေးစားစိတ် ပြုစုပျိုးထောင်ပေးရေးမှာ အရေးကြီးလှပါသည်။ ကျွန်မက ကျောင်းတစ်ကျောင်းလုံးကို နေ့စဉ်နေ့တိုင်း လှည့်ပတ်သွားလာသည်။ ကလေးတွေ၏ ပခုံးကို ကိုင်သည်။ ခေါင်းကို အသာအယာ ပုတ်သည်။ လက်မောင်းကလေးတွေကို ဖျစ်ညှစ်သည်။ သူတို့ ကလေးတွေကို ရင်ခွင်ထဲ မှာ ထွေးပွေ့သည်။ တချို့ကလေးတွေဆိုလျှင် သူတို့ နေ့စဉ်နှင့်အမျှ ကြုံတွေ့ဖူးသည့် ထိတွေ့မှု ဆိုသည် မှာ အတွန်းခံရခြင်း၊ အတိုက်ခံရခြင်း၊ အထိုးခံရခြင်းတို့သာ ဖြစ်၏။

ကျွန်မကတော့ သူတို့အားလုံးသိအောင် ပြောပြထားသည်။ ကျောင်းဝိုင်ငးအတွင်းတွင် ဘယ်သူ့ ဘယ်သူမျှ ထိုးခြင်း၊ ရိုက်ခြင်း လုံးဝ မပြုလုပ်ရ။ လိုအပ်၍ ရိုက်နှက် ဆုံးမရမည် ဆိုလျှင် ရိုက်နှက်ဆုံးမခွင့် သည် ကျွန်မ တစ်ဦး တည်းမှာသာ ရှိသည်ဟု ညွှန်ကြထားသည်။ ထိုသို့သော ဆုံးမမှုမျိုးကိုလည်း ကျွန်မက ပြုကျင့်ခဲ့ ပါသည်။

ကျွန်မ သိမြင်သဘောပေါက်ထားသည့် နောက်ထပ်အချက်တစ်ချက် ရှိသေးသည်။ ကလေးတွေ သည် အခြေခံမူလတန်းမှာပင် ရှိနေသေးသည့်တိုင် သူတို့၏ အပြင်ပန်း အသွင်အပြင်များသည် သူတို့၏ ခံစားချက် များကို များစွာ အကျိုးသက်ရောက်စေနိုင်သည် ဟူသည့် အချက်ဖြစ်၏။ သည်တော့ သူတို့ကလေးတွေကို ကူညီ နိုင်သည့် လုပ်ငန်းမှန်လျှင် ကူညီရမည် ဖြစ်ကြောင်း ကျွန်မ၏ အမှုထမ်းများအား မှာကြားထားသည်။ နံနက် ၈နာရီမှ ညနေ ၄နာရီအတွင် သူတို့ကလေးတွေ သန့်ရှင်း သပ်ရပ်နေစေရမည်။ သူတို့ကလေးတွေ ခေါင်းမော့ ရင်ကော့ပြီး ကြွားကြွားဝင့်ဝင့် ဖြစ်နေစေရမည်။

မြတ်ငြိမ်း (ဘာသာပြန်သည်)
(ရွှေစင်ဦး မှရယူပါသည်။)

(ငယ်စဉ်အခါ ပညာရှာ အကုန်အဆင်ပြေပါစေ ကလေးတွေ တောင်းတဲ့ဆုများ ပြည့်မလား၊)