ကျာကျူး (page 1)
အပိုင်း (၁)
"ကျာကျူးရေ"
"..........."
"ကျူကျူး ... ဟေ ကျာကျူး"
"..........."
"ကျာ ... ကျူး"
"..........."
ကျာကျူး ဆိုတဲ့ နာမည် နှစ်လုံးကို ပုဒ်စု ပုဒ်ကျခွဲပြီး သုံးမျိုးလောက် အသံကုန်ဟစ်ခေါ်ပါမှ ကျာကျူး ဆီက "ဆရာမကြီး" လို့ အသံစူးစူးသေးသေးလေးနဲ့ ပြန်ထူးတတ်တယ်။ ကျာကျူးက ထူးရင် "ရှင်"တို့ "လာပါပြီ" တို့ ဆိုတာမျိုး ထူးလေ့ မရှိဘူး။ "ဆရာမကြီး" လို့ပဲ ထူးတယ်။ ကျွန်မကိုလည်း ဆရာမကြီးတဲ့။ ကျွန်မ အိမ်သားကို ဆရာကြီးခေါ်တော့ ကျွန်မကိုလည်း ဆရာမကြီး လိုက်ခေါ်တာ ထင်ပါရဲ့။ အဲသလို တုံ့ပြန်တာ က သူနဲ့ကျွန်မ လူချင်းအတူတူရှိနေရင်လည်း သည်လိုပဲ။ သူနဲ့ကျွန်မ နှစ်ယောက်သား တစ်ခုခု ပြောကြ လို့ သူလက်ခံတယ်ဆိုရင် အမူအရာနှစ်မျိုးနဲ့ တုံ့ပြန်တယ်။ တစ်မျိုးက အသံတိတ်။ ခေါင်းညိတ် တာပါ။ တစ်မျိုး က အသံထွက်။ ဒါပေမယ့် ဟုတ်ကဲ့လို့ မပြောဘူး။ ဆရာမကြီးတဲ့။ ကျာကျူးက ဆရာမကြီး လို့ ပြောပြီ ဆိုရင် ဟုတ်ကဲ့ရှင့်လို့ ပြောတယ်ဆိုတာ ကျွန်မ နားလည်ရတယ်။ အဲဒါ ကျာကျူး ရဲ့ စတိုင်။ ဆိုပါတော့။
"သည်လိုလေ ကျာကျူးရဲ့ ... ဖွေးဖွေးတို့ကျောင်း ရှိတယ် မှုတ်လား"
"ဆရာမကြီး ..."
"ကျောင်းရှေ့ပေါက်က ၆၆လမ်း ... ဟုတ်ပြီနော်" "ဆရာမကြီး ..." "ကျောင်းရှေ့ပေါက်တည့်တည့်မှာ မ၀င်းတို့ စက်ဆိုင် ရှိတယ်"
"ဆရာမကြီး ..." "မ၀င်းကို တွေ့ရင် ..." "ဆရာမကြီး ..." စောစောက ပြောသလို ကျွန်မ ခုနစ်သံချီ လောက် နဲ့ ကျာကျူးရေလို့ ဘယ်လောက်ပဲ အော်အော် ရှိလျက်နဲ့ ထူးချင်မှ ထူးတာပါ။ အသာ အောင်း နေမှန်း သိလို့ ကျွန်မက "ကြားရင် ထူးလေ ကျာကျူးရဲ့" လို့ အော်လိုက်ရင် "မကြားလို့ပါ ဆရာမကြီး"တဲ့။ ကျွန်မတို့နဲ့ ကျာကျူးတို့နဲ့က ၀ိုင်းချင်းကပ် ဆိုတော့ နီးနီးကလေးရယ်။ ကျွန်မတို့ အိမ်က အနောက်ဘက် ပြတင်း သုံးပေါက်က မြောက်ဘက်အစွန်းဆုံး ပြတင်းပေါက်ကို လှပ်ပြီး လှမ်းကြည့် လိုက်ရင် ကျာကျူးတို့ အိမ်ကို မြင်ရပြီ။ ဝေးလှရင် ပေသုံးဆယ်လောက်ပဲ ရှိလိမ့်မယ်။
တစ်ခါတလေတော့ သူ့အတွေးနဲ့သူ နစ်ဝင်နေပုံရ တယ်။ လူမြင်နေရတာတောင် ခေါ်သံက နားထဲ မ၀င်တာမျိုးလည်း ကြုံရတယ်။ တစ်ယောက်တည်း ငေးချင် ရာငေးနေတာမျိုး၊ တစ်ယောက်တည်း စကားပြော နေတာမျိုးကလည်း ရှိသေး။ ပုတ်နှိုးလိုက်သလို အော်လိုက်မှ မျက်လုံးအပြူးသားနဲ့ ဖြစ်ချင် ဖြစ်တာပါ။
တစ်ခါများ ကျာကျူးက သူတို့ဝိုင်းဘက် ကျွန်မတို့ ၀င်းထရံခြေမှာ ရှိနေတာကို မမြင်ရတော့ ကျွန်မက ကုန်းကျုံး အော်တယ်။ တကယ်ဆိုရင် ကျာကျူးနဲ့ ကျွန်မနဲ့ နှစ်ပေတောင် မကွာဘူး။ ၀င်းထရံ ကွယ်နေလို့ သာ မမြင်ရတာကိကုး။ သူ့အမေက "ဟဲ့ ထူးလိုက်လေ" လို့ လှမ်းအော်မှ ကျွန်မ အောက်နားဆီကမှ "ဆရာမကြီး"တဲ့။ ကျွန်မက "သည်လောက်ကပ်နေတာကို ဘာလို့မထူးတာလဲ ကျာကျူးရယ်" ဆိုတော့ "ထူးတော့မလို့ကာနီး ဆရာမကြီး" တဲ့။ သူ့စကားလုံးတောင် သဘောကျမိသေးတော့။ ထူးကာနီးဆဲဆဲလို့ ပြောတာပါ။
အဲသလို တကျာကျာ တကျူးကျူး ခေါ်လို့ ရောက်လာပြီဆိုပါတော့။ ဘယ်တော့မဆို သူ့ကိုယ်ပိုင် မျက်နှာ နှစ်မျိုးထဲက တစ်မျိုးမျိုးနဲ့ ရောက်လာတာချည်းပဲ။ တစ်မျိုးက ကြည်ကြည်သာသာ ရှိတဲ့ မျက်နှာ ကလေးနဲ့ပါ။ တစ်မျိုးက "ကိုယ့်ဟာကိုယ် အေးအေးမနေရဘူး ခေါ်နေတော့တာပဲ" ဆိုတဲ့ မျက်နှာအိုအိုနဲ့။ ကျွန်မ က ကျာကျူးကို မျက်နှာအိုသကော၊ မျက်နှာရွှင်သကော၊ မျက်နှာရွှင်သကောရယ်လို့ ကြေး မများဝံ့ဘူး။ ကျာကျူးက လှီလှီသေးသေးဆိုတော့ ရောက်လာရင် ပခုံးရိုး ငေါငေါကလေး ဆီးဖက်ရင်း ချော့ရတယ်။ ပိန်လိုက်တာကလည်း ထီးရိုးဝါး ကျစ်ကျစ်ကလေးကျလို့။
စိတ်ကြည်သာရင်တော့ ဘယ်သူကမှ မခေါ်ရဘဲ ရောက်လာပြီး အိမ်ရှေ့က လူခေါ်ဘဲလ်ကို နှိပ်တော့တာပဲ။ တစ်ကြိမ်မက နှစ်ကြိမ်မက အိမ်ထဲက လူလုံးမမြင်ရမချင်း နှိပ်တော့တာပါ။ "တင်း ... တောင် ... တင်း ... တောင်"နဲ့ အသံတွေ ပွက်ပွက်ရိုက်ပြီဆိုရင် ဒါကျာကျူးလက်ချက်ပဲ။ ဒါကိုလည်း ခွင့်လွှတ် ထားရတယ်။ တစ်ချက်ပဲနှိပ် ကျာကျူးရဲ့ဆိုတော့ "တစ်ချက်ပဲနှိပ်ရင် နှစ်ခါပဲ မြည်မှာပေါ့။ ခဏခဏ နှိပ်တော့ အများကြီး မြည်တာပေါ့"တဲ့။
သည်လို ပြောလာရင် ကျွန်မက "အဲဟုတ်သားပဲ၊ ဆရာမကြီး ကျာကျူး လို မတွက်မိဘူး" ဆိုရင် ပြုံး နေတော့တာပါ။ တစ်ခါတစ်လေများ ကျွန်မတို့ အိပ်နေကြသလား၊ စာရေးနေကြသလား မသိဘူး။ လူခေါ်ဘဲလ် တတောင်တောင် တတင်တင် နှိပ်နေလို့ လူလုံးပြရင်း "ဘာတုန်း ကျာကျူးရဲ့" ဆိုတော့ "ဆရာမကြီး ခေါ်သလားလို့" ဆိုတာမျိုးက ရှိသေး။ တစ်ခါတလေကျ ပြန်တော့လည်း သည်လို ရောက်လာ လို့ မယ်မင်းကြီးမ ကျေးဇူးတင်ရသေးတယ် ...
"အမေ က ဈေးသွားမလို့ ဘာမှာဦးမလဲ မေးခိုင်းလိုက်လို့" "မှာချင်တယ် ... ညည်းအမေကော ... အိမ်ကို ၀င်ခဲ့ဦးလို့ ပြောလိုက်" "ဆရာမကြီး လှမ်းပြောလိုက် ... အမေနဲ့ ကျွန်မနဲ့ မခေါ်ဘူး" "ဟော်တော် ... ညည်းပဲ အမေက မေးခိုင်းလို့ဆို ... အဲဒါ ခေါ်လို့ မဟုတ်ဘူးလား"
"မဟုတ်ဘူး ... အမေက ခေါ်တာပေါ့လေ ကျွန်မက မခေါ်ဘူး"
"ကိုင်း ... ဟုတ်ပါပြီ ... လောလောဆယ် ကျာကျူး ရောက်လာတုန်း အ၀တ်တွေ ကူလှမ်းပေးခဲ့ဦး"
သည်လို ကြုံတုန်း ကြုံသခိုက် ကြားဖြတ်ခိုင်းရင်လည်း ကျာကျူးက လုပ်ပေးရှာပါရဲ့။ အ၀တ်စိုတွေ အ၀တ်လျှော်စက်ထဲက ဆွဲဆွဲထုတ်၊ ပလတ်စတစ် ဇလားထဲထည့်၊ အပြင်က ပဲစင်နဲ့ အ၀တ်တန်းမှာ သွားလှန်း။ လှန်းတော့လည်း ဘောက်တိဘောက်ထိုး၊ ရွဲ့တိရွဲ့ထိုးကိုး။ တစ်ခါတည်း သင်တဲ့သဘောနဲ့ အ၀တ်ခါပုံခါနည်း၊ ချိတ်ပုံချိတ်နည်း၊ တန်းမှာ စီစီရီရီ လှမ်းနည်းတွေ လက်တွေ့ပြရင်း ပါးစပ်က တတွတ်တွတ်သင်တော့ ကျာကျူးက ခေါင်းတော့ ညိတ်ပါရဲ့။ ပြန်တော့ ပြောသေးတာပါ။ "ဘယ်လို လှန်းလှန်း ခြောက်တာချည်းပါပဲ ဆရာမကြီးရဲ့" တဲ့လေ။
ကျာကျူးတို့နေတဲ့ ၀ိုင်းထဲမှာက သုံးအိမ်ထောင်နေကြတာပါ။ အိမ်မကြီးမှာက နှစ်အိမ်ထောင်ကန့်ပြီး နေတယ်။ ကျာကျူးတို့က နောက်ဖေးဘက်မှာ မြေစိုက်အိမ်ကလေးနဲ့ နေကြတာပါ။ အိမ်မကြီးမှာ ဒီဗီဒီပြစက် ရှိလို့ ကျာကျူးက အိမ်ရှင့်ကလေး ကူထိန်းပေးရင်း ဇာတ်ကားကြည့်တာမျိုး ရှိတတ်တယ်။ ဇာတ်ကား က ရယ်စရာဆိုရင် ကျာကျူးက ကျုံးရယ်တာပဲ။ ဇာတ်ကားက ငိုစရာဆိုရင် တအိမ်းအိမ်း ငိုသံ ကလည်း ကျွန်မတို့ အိမ်ဘက်က ကြားရတတ်တယ်။ ကျွန်မ ကျာကျူး ရယ်သံကြားထားရင် အိမ်ပေါက် ရောက်လာတဲ့ ကျာကျူးကို "ကျာကျူးငိုတာ ဆရာမကြားရတယ်။ ဇာတ်ကားက တော်တော် သနားစရာ ကောင်းလို့လား" လို့ မသိသလို မေးတယ်။ ကျာကျူး က သူ့ကိုယ်သူ ငါငိုခဲ့တာလား။ ရယ်ခဲ့တာလား။ ပြန် စဉ်းစားပြီးမှ ပြုံးတယ်။
"အယ် ... မဟုတ်ဘူး ဆရာမကြီးရဲ့ ... ရယ်တာ ... စိုးမြတ်သူဇာလေ အားကြီးရယ်ရတယ်"
"ကျာကျူးပဲ ဟိုတစ်နေ့တုန်းက စိုးမြတ်သူဇာက ငိုရတယ်ဆို" "အဲဒါ ငိုကား ပြီးသွားပြီလေ ... အခုက ရီ(ရယ်)ကား" "ဒါဆို စိုးမြတ်သူဇာက ရယ်လိုက် ငိုလိုက်ပါလား ကျာကျူးရဲ့" "ဟုတ်တယ် ... သူက အဲသလိုပဲ ... တစ်ခါတစ်ခါ ရီ(ရယ်)တယ် တစ်ခါတစ်ခါ ငိုတယ် ... သူဒါပဲ လုပ်တယ်"
ကျွန်မက ရယ်ချင်ပေမယ့် မရယ်ဝံ့ဘူး။ ကျာကျူးကို အဖြောင့်ပြောရတယ်။ ကျွန်မတို့က စချင်နောက်ချင်လို့ တလွဲပြောရင်လည်း အဖြောင့်ထင်ရှာသူကလေးပါ။ သူကိုယ်တိုင်ကလည်း အဖြောင့်ပြောတာပါပဲ။ တစ်ခါ "ကျာကျူးရယ် ညည်းခေါ်ရတာ အာခေါင်စပ်လို့၊ ညည်းက မထူးတော့ ငါမမောရပေဘူးလား" ဆိုတော့ "မောရပါတယ် ဆရာမကြီး"တဲ့။
"တစ်နေ့တစ်နေ့ ကျာကျူးခေါ်ရတာ လည်ချောင်းတွေ ကွဲကုန်ပြီ" ဆိုတော့ ဆရာမကြီး ပူရှိန်းပြားငုံရင် ပျောက်တယ်" တဲ့။ ရွဲ့ပြောနေတဲ့အတိုင်း။ တစ်ခါတစ်ခါလည်း ခိုင်းရတဲ့ဆီ မရောက်ပါဘူး။ သူကြည့်လာတဲ့ ဇာတ်ကားအကြောင်း ပြောနေသေးတာပါ။ မင်းသမီးထဲမှာ ဘယ်သူ့ အကြိုက်ဆုံးလဲ ဆိုတော့ ကျာကျူးက ခိုင်သင်းကြည့်တဲ့။ အခုလည်း ခိုင်သင်းကြည်ကား ကြည့်လာတာတဲ့။ ဘာကားတုံးဆိုတော့ "မော်ဒယ် ဗွေးတုတ်" တဲ့။ ကျွန်မက ရန်ကုန် အသွားကားပေါ်မှာ အဲသည်ဇာတ်ကား ကြည့်လာခဲ့တာ သတိရ လိုက်လို့ စချင်တာနဲ့ "ဟုတ်ပါ့ ကျာကျူးရယ်၊ မော်ဒယ်ဗွေးတုတ် ဆိုတဲ့ ကားမှာ ခိုင်သင်းကြည် တောသူ လုပ်တာ လှလိုက်တာ" ဆိုတော့ ကျာကျူးက ပြုံးတယ်။ ညံ့ပါဆိုတဲ့ မျက်နှာခံနဲ့ပါ။
"မလှဘူး ဆရာမကြီးရဲ့ ... သနပ်ခါးတွေ အများကြီး လိမ်းထားတာ မတွေ့ဘူးလား ... မြို့ရောက်တော့မှ လှသွားတာလေ ... သူ့ယောက်ျားက တောသူကို မကြိုက်ဘူး ... မြို့သူကို ကြိုက်တယ် ... ခိုင်သင်းကြည် ချင်းက အတူတူပဲလေ ... တော်သူလည်း လုပ်တယ် မြို့သူလည်း လုပ်တယ်"
"ဟော ... သူယောက်ျားက သူ့မိန်းမသူ မမှတ်မိဘူးလား ကျာကျူးရဲ့" "ကျွန်မက မှတ်မိသားပဲ ... ဇာတ်ကားထဲမှာ သူ့ယောက်ျားက မမှတ်မိဘူး လုပ်ထားတယ် ... ကျွန်မက ဟဲ့ အဲဒါ ခင်ဗျားမိန်းမပဲလို့ ပြောချင်လိုက်တာ ဆရာမကြီးရယ် ... ဇာတ်ကားထဲ ပြောမရလို့" "ပြောလိုက်ရောပေါ့ အေ"
"မပြောတော့ဘူးလေ ... မင်းသားလုပ်ပြီး ခိုင်သင်းကြည့်မှ မမှတ်မိရင် နေပေါ့နော် ... ဆရာမကြီးရယ်" ကျွန်မတို့က ဟုတ်ပါ့တော် ဆိုတဲ့ မျက်နှာလုပ်ထားရသေးတာပါ။ ကျွန်မအိမ်သားက နောက်ကောဘာကား ကြည့်သေးတုံးဆိုတော့ အဲသည်ကားပဲ နှစ်ခါကြည့်တယ်တဲ့။ "ဟဲ့ ဘယ်လို နှစ်ခါတုံး" ဆိုတော့ အဲသည် စီဒီ ဓာတ်ပြားကိုပဲ နှစ်ခါထိုးကြည့်ကြတာတဲ့။ မေးကြည့်တော့မှ သဘောပေါက်ရတာပါ။ ဓာတ်ပြား တစ်ပြားကို သွားငှားရင် နှစ်ရာပေးရတော့ အိမ်မကြီးက လူတွေက တစ်ရာ၊ ကျာကျူးတို့က တစ်ရာ ထည့်ပြီး စပ်ငှားနေ ကျတဲ့။ အဲသလိုဆိုတော့ အိမ်မကြီးကစိုက်တဲ့ တစ်ရာအတွက် တစ်ခေါက်ကြည့်၊ ကျာကျူး တို့ စိုက်တဲ့ တစ်ရာအတွက် တစ်ခါပြန်ကြည့်၊ "နှစ်ရာပေးရတော့ နှစ်ခါကြည့်မှ တန်တာပေါ့ ဆရာကြီး ရဲ့" တဲ့။ ကျာကျူးက ဇာတ်လမ်းပြောပြနေလို့ ကျွန်မတို့မှာ ငုတ်တုတ်ထိုင် နားထောင်ကြ ရသေးတာပါ။ ကျာကျူးက ရုပ်ရှင်နဲ့ ပတ်သက်လာလို့ကတော့ ဆရာမကြီး ကျွန်မလောက် မသိဘူးဆိုတဲ့ မျက်နှာနဲ့ပါ။ မင်းသား မင်းသမီးတွေလည်း သိလိုက်တာမှ ဂျောင်းဂျောင်းပြေး။
ကျွန်မတို့အိမ်မှာ သမီးနဲ့ မင်းသားမင်းသမီးအတော်များများ အမှတ်တရရိုက်ထားတဲ့ ဓာတ်ပုံတွေ အယ်လ်ဘမ်နဲ့ထည့်ထားတာ ရှိပါတယ်။ အကယ်ဒမီဆုပေးပွဲမှာ တွေ့လို့ မင်းသမီးနဲ့ တွဲပြီး ရိုက်ကူးယူထား တဲ့ ဓာတ်ပုံတွေပါ။ သည်ဓာတ်ပုံတွေထဲက မင်းသားမင်းသမီးကလေးတွေကို ကျာကျူးက အကုန် မှန်အောင် ပြောနိုင်တယ်။ တစ်ခါတော့ အယ်လ်ဘမ်ကို ကြည့်ရင်းက သရုပ်ဆောင်ဒါရိုက်တာ ကိုပေါက် ဓာတ်ပုံကို တွေ့သွားတယ်။ သည်မှာတင် ကျာကျူး ထခုန်တာပဲ။ မျက်နှာကလည်း ချက်ချင်းပဲ ၀င်းမှည့် သွားလိုက်တာ မပြောပါနဲ့တော့။ မျက်လုံးကလေးတွေဆိုတာ တောက်လက်နေကြလေရဲ့။ "ကိုပေါက် က ဆရာကြီးတို့နဲ့ ခင်တယ်ပေါ့" "ခင်တာပေါ့ ကျာကျူးရဲ့ ... ကျာကျူးက ကိုပေါက်ကို သိတယ်ပေါ့" "သိတယ် ... ကျွန်မက ကိုပေါက်ကို အကြိုက်ဆုံးပဲ" "ကြိုက်ရင် ဖုန်းဆက်ပေးမယ် ... ကျာကျူး ပြောမလား" သည်လိုဆိုတော့ ကျာကျူးမျက်နှာကလေး ရွံ့သွားလေရဲ့။ "မပြောတတ်ဘူး ဆရာမကြီး ရဲ့ ... ဘာပြောရမှန်းမှ မသိတာ"
"သြော် ... ကျာကျူးရယ် ... ကိုပေါက် နေကောင်းလား ... ကိုပေါက်ကို အားပေးနေတယ် ဘာညာ ပြောပေါ့" ကျာကျူးက ရှက်ပြုံး ပြုံးနေလေရဲ့။ သူ့စိတ်ထဲ ကိုပေါက်မျက်နှာလည်း မြင်နေပုံပါ။ ကျွန်မက တယ်လီဖုန်း ထယူပြီး ဆက်မယ်လုပ်တော့ ကျွန်မလက်ကို ဆွဲထားတယ်။ နေဦးပေါ့လေ။
"ဆရာမကြီးပဲ ပြောပေးလိုက်တော့ ... စလုံး တစ်လုံးက ကျာကျူးက မေးနေတယ်လို့"
စလုံး တစ် (စ-၁)ဆိုတာက ကျွန်မတို့နေတဲ့ မန္တလေးမြို့သစ်က ရပ်ကွက် အမှတ်စဉ်ပါ။ ကျွန်မဖြင့် ရယ်ချင် လိုက်တာ မပြောနဲ့တော့။ "မန္တလေးက ကိုပေါက်ရဲ့ ပရိသတ် မကျာကျူးပါရှင်လို့ ပြောလေ ... စလုံးတစ်က ဆိုတော့ ဘယ်သိပါ့မလဲ" "မဟုတ်ဘူးလေ ဆရာမကြီးရဲ့ ... ကကြီးထဲမှာလည်း ကျာကျူး ရှိတယ် ကျာကျူး ချင်းမှားမှာစိုးလို့" "သြော် ... ဟုတ်သားပဲ ... ကျာကျူးကမှ စဉ်းစားတတ်သေးတယ် ... အေးအေး ပြောပေး မယ်" ကကြီးထဲမှာဆိုတော့ က ကကြီးရပ်ကွက်ကို ပြောတာပါ။ ကကြီးရပ်ကွက်ထဲမှာ ကျာကျူး တစ်ယောက် ရှိတာတော့ သိထားပုံရပါရဲ့။ ကျွန်မက အယ်လ်ဘမ်ထဲက ကိုပေါက်ဓာတ်ပုံတစ်ပုံ ဖြုတ်ပေး လိုက်တော့ ကျာကျူးက ပျော်သွားလိုက်တာများ အိမ်ကျရင် ထရံမှာ တုတ်နဲ့ ထိုးထားရမယ်တဲ့။
ကျာကျူး ကို အားအကိုးရဆုံးကတော့ ဈေးလွှတ်ပြီး ဟင်းချက်စရာ ၀ယ်ခိုင်းရတဲ့အခါတွေမှာပါ။ ဈေးက ကျွန်မတို့ ဝေးတယ် မဆိုသာပေမယ့် ကျွန်မအဖို့ရာ ချက်ချင်းထသွားလို့ မဖြစ်နိုင်လေတော့ ပြေးပါဦးတဲ့ ကျာကျူးရဲ့ လုပ်ရတယ်။ အေးအေးဆေးဆေးရှိတဲ့ အခါများတော့ ကျွန်မပဲ သွားလိုက်တာပါ။ များသော အားဖြင့်ကတော့ ကျာကျူး လွှတ်ရတာများတယ်။ ဈေးတင် မကပါဘူး။ လမ်းထိပ်က စတိုးဆိုင်မှာ ရေသန့်ဘူး နှစ်တွဲလောက် ၀ယ်ချေတို့၊ ပေါင်မုန့်တစ်လုံးလောက် ၀ယ်ပေးပါဦးတို့၊ ခြင်ဖျန်းဆေးဘူး တစ်ဘူး လောက် ၀ယ်ပေးပါဦးတို့ဆိုတော့လည်း ကျာကျူးမှ ဇိုးဇိုးဇတ်ဇတ် ပြေးနိုင်တာပါ။ ဈေး လွှတ်ရင်တော့ အမယ်များရင် များသလို အူသွားတာမျိုး ရှိလေတော့ စာတိုကလေး ရေးပေး လိုက်ရတယ်။ စာရယ်လို့ သတ်ပုံတို့ ရေးထုံးတို့နဲ့ ကိုက်ချင်လို့တော့ မဖြစ်ဘူး။
စပါးလင်ကို ဇဘလင်လို့ ရေးပေးရတယ်။ ချင်းတက်ကို ဂျင်းဒက်ဆိုမှ သိတယ်။ ချင်ဘောက်ရွက်၊ ဂဇွန်းရွက်၊ ရုံးပဒီသီးဆိုတာမျိုးမှ အဆင်ပြေတာပါ။ တစ်ခါများ ကျွန်မရေးပေးလိုက်တဲ့ ဈေးစာရင်းထဲမှာ ကြာညို့ ဆိုတာပါတယ်။ ကျာကျူးဈေးပြန်လာတော့ ကြာပန်း တစ်စည်း ငေါက်ငေါက်ကြီး ပါလာပါလေရော။ ကြာညို မရလို့ အပြာရောင်ပဲ ၀ယ်ခဲ့တယ် ဆရာမကြီးတဲ့။ ကျွန်မမှာ ရယ်လိုက်ရတာ။ ကျွန်မ က အိမ်က ကြာညို့ပုလင်းဟောင်းပြပြီး ကြာညို့ဆိုတာ သည်ပုလင်းမျိုး ပြောတာဆိုတော့ အဲဒါ ပဲငံပြာရည် ခေါ်တယ်လေ ဆရာမကြီးရဲ့တဲ့။ သူက ဟုတ် ဟုတ်သေးတော့။ ကြာပန်း တော့ ဘုရားတင် ရပါရဲ့။
ကျာကျူး စာတတ်သလားဆိုတော့ တစ်တန်းနဲ့ ကျောင်းထွက်ထားသတဲ့။ အက္ခရာတွေ၊ ဗျည်းတွေ မမေ့သေး လို့ တွဲစပ်ပြီး ဖတ်ပုံ ရပါတယ်။
ကျာကျူး မဖတ်တတ်ရင် ဈေးသည်တွေ မေးနော် ဆိုပေသိ မေးပုံ မရပါဘူး။ ရှက်က ရှက်သေးတာ။ ဈေးလွှတ်ရင် တလှုပ်လှုပ် တနွဲ့နွဲ့ သွားနေလို့ ဈေးလည်း တော်တော်နဲ့ မရောက်ဘူး။ ၀ယ်တော့လည်း ဈေးထဲ ချာချာလည်နေတာ အကြာကြီး၊ ပြန်လာတော့လည်း ခြေလှမ်းက နောက်ပြန်ဆွဲနေတာနဲ့ ရှစ်နာရီက လွှတ်လိုက်လို့ ဆယ်နာရီပြန်ရောက်လာရင် အာဂ။ ကျာကျူးရယ် ညည်းဟာက ဆွမ်းခံပြန်ချိန်တောင် မကတော့ဘူး။ ဘုန်းကြီးကျိန်းချိန်တောင် ရောက်ပါပကော ဆိုတော့ ဆရာမကြီးက ဘုန်းကြီး တွေ ပင့်ထားတယ်ပေါ့တဲ့။ ကိုယ်မှာ လိုက်တာက တီလားပီးယား ငါးပေမယ့် ပါလာောတ့ ငါးဇင်ရိုင်း။ ငါးတော့ငါးပဲ။ တစ်ခါတစ်လေ မှားလာခဲ့တာ ရှိသလို တစ်ခါတလေ သူ ၀ယ်လာတာက အဟုတ် ဖြစ်နေလို့ ချီးကျူးရတာမျိုးလည်း ရှိသေး။
"ကျာကျူးက ၀ယ်တတ်လိုက်တာတော် ... မြစ်ငါးကလေးတွေတောင် ရလာလိုက်သေးဟဲ့" "မြစ်ငါးဆိုတာ ဘာကို ပြောတာလဲ ဆရာမကြီး" "ဟဲ့ မြစ်ထဲက ငါးပေါ့ ... မြစ်ငါးက သိပ်ချိုတာ ကျာကျူးရဲ့ ... ငါးသည်တိုင်း မြစ်ငါးမကိုင်ကြဘူး ... မြစ်ငါးသည်ကို မှတ်မိခဲ့ရဲ့လား" "ငါးသည် မမှတ်မိဘူး ဆရာမကြီးရဲ့ ... ငါးဗန်းတော့ မှတ်မိတယ် ... သံချေးတွေ တက်နေတာ" "ကောင်းပေါ့အေ ... နောင်များ ငါးဝယ်ချင်ရင် သံချေးတက်ဗန်း အရင်ရှာရမလိုပါကော ကျာကျူးရဲ့" ကျာကျူး ဈေးသွားတယ်ဆိုလို့ ဖြောင့်ဖြောင့်ဖြူးဖြူး မထင်ပါနဲ့။ လူချည်းလွှတ်ရင် ကြာလွန်းလို့ ကျွန်မ ကျောင်းဆရာမဘ၀က ကျောင်းသွား ကျောင်းပြန် စီးခဲ့ရတဲ့ ဖီးဆင့်စက်ဘီးကလေး စက်ဘီးဆိုင်အပ်ပြီး ပြင်ပေးထားရတာပါ။
ကျာကျူး စက်ဘီး ကျင်ကျင်လည်လည် စီးတတ်မယ် ကျွန်မ မထင်ဘူး။ ကျာကျူးတို့ ပြောင်းလာကာစက ကျွန်မတို့ အိမ်ရှေ့ လမ်းပေါ်မှာ ခရိုးခရိုင်စီးနေတာ တွေ့ဖူးတာတော့ ရှိပါရဲ့။ ဘယ်သူ့စက်ဘီး ငှားစီးတယ် မပြောတတ်ပါဘူး။ ကျွမ်းကျင်ကျင်ထဲက ဟုတ်ပုံမရတော့ စက်ဘီးနဲ့ မလွှတ်ဝံ့ဘူးလေး။ လမ်းမှာ လဲမှာ ပြုမှာ ပူရ၊ တိုးမှာ တိုက်မှာ ပူရ မဟုတ်လား။ နောက်တော့ ကျာကျူးအမေက "ဆရာမကြီး ကျာကျူးက စက်ဘီး ကောင်းကောင်းစီးတတ်တယ် ... စက်ဘီးပြင်ပေးလိုက်ရင် မြန်မြန်သွက်သွက် ရောက်တာပေါ့" ဆိုတော့မှ စက်ဘီးလည်းပြင် ကျာကျူးကိုလည်း လွှတ်ဝံ့တာပါ။ ကျာကျူးက ကျွန်မကို လက်တစ်ဖက် လွှတ်တောင် စီးပြနေလို့ မလုပ်ပါနဲ့အေ ပြောရတယ်။ ကျာကျူး စက်ဘီးဆွဲထွက်လာပြီဆိုရင် သေချာ အောင် မှာရပြီ။
"ကျာကျူး ... ဆရာမကြီး ပြောမယ် ... စက်ဘီးစီးရင် မငေးရဘူး ... လမ်းကို သေချာကြည့်ရတယ် ... လမ်းကူကာနီး ရှေ့ကိုလည်းကြည့် နောက်ကိုလည်းကြည့် ဘေးကိုလည်းကြည့် လမ်းရှုပ်နေရင် စက်ဘီးကို ဆင်းတွန်း ... စက်ဘီးလေ လျော့ရင် လေထိုးစီး ... ဘရိတ်မိ မမိကြည့် ... ဆိုင်ကယ်တွေ ဂရုစိုက် ... ဈေးရောက်ရင် စက်ဘီးအပ်တဲ့နေရာကို သေသေချာချာအပ် ... စက်ဘီးဆိုင်က ပေးတဲ့ ကတ်ပြားကလေး မပျောက်စေနဲ့ ... စက်ဘီးကို အပ်တယ်ဆိုပေသိ ကိုယ်တိုင်သော့ခေတ်နော် သော့လည်း ကျမကျန်စေနဲ့ဦး ... တစ်ခု ရှိသေးတယ်"
ကျွန်မအဖို့ရာ လွှတ်သာလွှတ်ရတာ စိတ်မချနိုင်လေတော့ မှာချင်တာတွေ တွန်းမှာ ရတယ်။ ကျွန်မကသာ မှာတာပါ။ ကျာကျူးက ခေါင်းထဲတောင် ရောက်ပုံမရပါဘူး။ ဘွားတော်နှယ် ဖြစ်ရလေလဆိုတဲ့ပုံနဲ့ စူတူတူ ကြည့်နေတာပဲ ရှိတယ်။ ဟုတ်ကဲ့ တစ်ခွန်း မဟဘူး။ ဈေးမှာပြန်တော့လည်း ပထမအရေးကြီးတာ အရင်မှာ ရတယ်။ ကျန်တဲ့ ဟင်းသီးဟင်းရွက် တိုလီမိုစကလေးတွေက မေ့လို့မ၀ယ်ခဲ့ရင်လည်း ဖြစ်တယ်။ သတိရ တော့လည်း ၀ယ်ခဲ့လိမ့်မယ် သဘောထားရတော့တာပဲ။
"ကျာကျူး ... ဆိတ်သား အစိတ်သားဝယ်ခဲ့ ... ဆိတ်သားသည်ကို ဆရာမကြီးက ၀ယ်ခိုင်းတာလို့ ပြောပြ ... ဆရာမကြီးကို ဆိတ်သားသည်းက သိတော့ အရိုးတွေ အရွတ်တွေ မထည့်ဘူးပေါ့ ကျာကျူးရယ် ... ပြီးတော့ တစ်တုံးတည်းသားပေးပါလို့ ပြောနော် ... ဟိုတစ်စ သည်တစ်စ ကောက်မထည့်စေနဲ့ ... ကျာကျူးကို ကလေးဆိုပြီး မကောင်းတာ အထည့်မခံနဲ့ ... ကိုယ့်ကို အအလို့ ထင်တတ်တယ် ကြားလား ... ၀ယ်ပြီးရင် ဒိုင်မှာ ငွေတစ်ရာ ပေးပြီး ချိန်ခဲ့ ... မပြည့်ရင် ဆိတ်သားသည် ကို ပြန်ပြော ဟုတ်ပြီနော်"
"ကျာကျူး ... မြန်မာကြက်ကို သိတယ်နော် ... စီပီကြက်လို အသားပွပွ အကောင်ကြီးတွေ မဟုတ်ဘူး ... အမွေးနုတ်ပြီးသား ကြက်သေးသေးကလေးတွေ ... အကောင်လိုက် ရောင်းတာ ရှိတယ် ... လေးဆယ်သား ကောင်ဆိုရင် ရင့်လည်း မရင့်ဘူး နုလည်း မနုဘူး ... မြန်မာကြက် ဝယ်ရင် ခြေထောက်ကို ကြည့်ဝယ် ... ခြေထောက်စိမ်းတာကို ရွေးဝယ်ရတယ် ... ခြေစိမ်းဖင်ညို အလွန်ချိုတဲ့ ... မှတ်ထားနော် ... မြန်မာကြက် ခြေစိမ်း လေးဆယ်သားကောင်"
ကျာကျူးက သူ မရှင်းတဲ့ စကားလုံး၊ ဒါမှမဟုတ် နည်းနည်း ထူးခြားတဲ့ စကားလုံး ပါလာရင်တော့ ပြန်မေးတတ်တယ်။ ခြေစိမ်းဖင်ညို ကို နားလည်လိုက်ပုံ မရဘူး ထင်ပါရဲ့။
"ခြေစိမ်းဖင်ညို ဆိုတာ ဘယ်လို ပြောတာလဲ ဆရာမကြီး" "ကြက်ခြေထောက် နှစ်ချောင်း ရှိတယ် မဟုတ်လား ... ခြေထောက်က အခွံကလေးတွေ စိမ်းနေတာကို ပြောတာ ... ဖင်ညိုက ကြက်ဖင်ကို ကြည့်လိုက် ... ညိုတိုတိုလေး" ကျာကျူးက ပြုံးတယ်။ ဟုတ်ပြီပေါ့။ ကျွန်မက အဲသလို ထပ်ပြန်တလဲလဲ မှာရတာပါ။ ဈေးထဲက ကျွန်မဖောက်သည်ဈေးသည်တွေကိုလည်း ကျာကျူးနဲ့ မိတ်ဆက် ပေးထား လေတော့ ဈေးစာရင်း စာရွက်ပိုင်းကလေးပြလိုက်ရင် သိကြတာလည်း ပါပါတယ်။
ကျာကျူး ကို ဈေးလွှတ်တဲ့ ပထမဆုံး ရက်တွေတုန်းကတော့ မှာတာပါတယ် မရှိဘူး။ ဆိတ်သားမှာတော့ တစ်တုံးတည်းသား မရလိုတဲ့။ မြန်မာကြက်ကတော့ ခြေမစိမ်းလို့တဲ့။ ခြေစိမ်းပြန်တော့ ဖင်မညိုလို့တဲ့။ ကျွန်မ လည်း ကိုယ့်အမှာနဲ့ကိုယ် မိနေလို့ ရှိတာနဲ့ စားလိုက်ရတာပါ။ သည်တော့ ကျွန်မဘက်က တစ်ထစ် လျှော့ရတယ်။ ပါအောင်သာ ၀ယ်ခဲ့ပါအေ ဆိုတော့မှ ပါတော့တာပါ။ ဟင်းသီးဟင်းရွက်လည်း သည်လို တတွတ်တွတ် မှာရတာပါပဲ။ မိန်းကလေးဆိုတော့ တစ်ချိန် မီးဖိုချောင် ၀င်ရမှာ မဟုတ်လား။ သိထားတော့ ကောင်းတာ ပေါ့ဆိုတဲ့ စိတ်နဲ့ သင်ရင်း ဈေးဝယ်၊ ဈေးဝယ်ရင်းသင် လုပ်ရတာပါ။ ကျွန်မတို့ ငယ်ငယ်က အမေ တို့ ကြီးတော်တို့က သည်လို သင်ခဲ့ကြားခဲ့တာ မဟုတ်လား။
ကိုယ့်အိမ်ထောင်နဲ့ကိုယ်ကျမှ သည်တန်ဖိုး နားလည်ခဲ့ရတယ်။
"ခရမ်းသီးဝယ်ရင် အညှာကို ကြည့်ရတယ် ... အညှာကလေး စိမ်းနေမှ ... လတ်တယ်ခေါ်တာ ... ဟင်းရွက် ၀ယ်ရင် အညွန့်ကို ကြည့်ရတယ် ... အညွန့်ကလေး လန်းကော့နေတာကိုဝယ် ... ခရမ်းချဉ်သီး ကျတော့ အသီးမာတာကို ရွေးရတယ် ... အရောင်ကလေး နီရောင်ပြေးရင် တော်ပြီ ... နီမာ ခေါ်တာပေါ့အေ ... လိုက်လုံးလို့လည်း ခေါ်တယ် ..."
"နေဦး ဆရာမကြီး လိုက်လုံး ခရမ်းချဉ်းသီးလို့ မေးရမယ်ပေါ့" "မဟုတ်ဘူးလေ ... လိုက်လုံးဆိုတာ နောက် တစ်ရက် နှစ်ရက်ကျရင် မှည့်တော့မယ် အလုံးမျိုးကို ပြောတာ ... တဖြည်းဖြည်း မှည့်လိုက်လာမယ့် အလုံး ပေါ့အေ"
"နောက်တစ်ရက် နှစ်ရက် မှ မှည့်မှာကို ဆရာမကြီးက ကြိုသိတယ်ပေါ့" ကျွန်မလည်း ဘာဆက်ပြောရမှန်း မသိတာနဲ့ ညည်းကြိုက်တာဝယ်ခဲ့ပါအေ လုပ်ရပြန်ပါရော။
ကျွန်မက အဲသလို တစ်မျိုးချင်း တစ်မယ်ချင်း ဘယ်ဟာ ကောင်းတယ် ဘယ်ဟာ မကောင်းဘူး သင်ပေမယ့် ကျာကျူးက ကျောင်းဆရာမရှေ့ အလီမရတဲ့ ကလေးလို မျက်စိထဲ ဂဏန်းတွေတော့ မြင်ပါရဲ့၊ နှုတ်ထွက် ကျမလာသလို မျက်လုံးပြူးကလေးနဲ့ နားထောင်နေသလိုပါပဲ။ ဟုတ်ကဲ့နေ့များတော့ ဟုတ်လို့။ မဟုတ်ပြန် တော့လည်း ဈေးကွဲချိန် ပုံတိုက်ထုိးပေးလိုက်တာတွေ ယူလာသလိုပါပဲ။
ကျွန်မက ကျာကျူး ဈေးဝယ်ပျော်အောင် "ဈေးဝယ်တော့ အဖြစ်တော်ရေ" လို့ ကျွန်မ အိမ်သားကို လှမ်း ပြောရတယ်။ အဲသလိုများ ဆိုရင် ကျာကျူးက သိပ်ကျေနပ်ရှာတာပါ။ ကျွန်မ အိမ်သားက မီးဖိုထဲ ၀င်လာပြီး ကျာကျူးကို "ဈေးဝယ်ပါရဂူဘွဲ့ ပေးရမကွ" တဲ့။ တစ်ရက်တော့ ကျာကျူးရဲ့ ကျွန်မကွယ်ရာက မှတ်ချက် စကား ပြန်ကြားရတယ်။ မအေလုပ်သူက ပြောပြလို့ သိရတာပါ။ "ကျာကျူးက အိမ်မှာ ပြောနေတာ ဆရာမရဲ့" "ဟုတ်လား ... ဘာတဲ့တုံး" "ဆရာမကြီးက အရင်က ဟင်းရွက်လည်း ရောင်းဖူး တယ် ထင်တယ် အမေရဲ့ ... သမီးကို ဈေးဝယ်လွှတ်ရင် အကုန်သင်ပေးတတ်တယ်တဲ့" ကျွန်မဖြင့် ရယ်လိုက် ရတာ။ ကျာကျူးက အဲသလို။
ကျာကျူးတို့ မိသားစုတစ်ဖက်ခြံကို ရောက်တာ ကျွန်မတို့ မြို့သစ်ရောက်တာနဲ့ သိပ်မကွာပါဘူး။ ကျွန်မတို့ ပြောင်းလာတော့ ခေါင်းရင်းခြံက လူတွေ ရှိကြပါသေးတယ်။ ကလေးတွေလည်း ရှိတော့ ပြေးပါဦးဟဲ့၊ လွှားပါဦးဟဲ့ ဆိုရင် အဲသည်ကလေးတွေကို ခိုင်းရတာပါ။ နောကတော့ ခေါင်းရင်းအိမ်ကလည်း ပြောင်းသွား၊ ခြေရင်းဘက်ခြံမှာ ကျာကျူးတို့ မိသားစုကလည်း ရောက်လာဆိုတော့ ချိတ်မိသွားတယ် ပြောပါတော့။ ကျာကျူးတို့ နေရတဲ့အိမ်ကလည်း အိုးပိုင် အိမ်ပိုင်တော့ မဟုတ်ပါဘူး။
ခြံရှင်က သူ့ဝိုင်းကို ထားခဲ့ပြီး အဝေးမှာ စီးပွား ရှာနေသူဆိုတော့ သူ့အိမ်နဲ့ ၀ိုင်းကို သူငယ်ချင်းလင်မယားနဲ့ ကျာကျူးတို့ကို စောင့်ရှောက်ဖို့ အပ်ထားခဲ့တာပါ။ ကျာကျူးအဖေက မနက်လင်းရင် အလုပ်ထွက် သွား တတ်လေတော့ မတွေတာ များတယ်။ ကျာကျူးအအမေကတော့ ငုံးဥချိန်ငုံးဥ၊ ပြောင်းဖူးချိန်ပြောင်းဖူး၊ ဖရဲသီးချိန်ဖရဲသီး တောင်းတစ်လုံး၊ ဗန်းတစ်ဗန်းနဲ့ ဈေးလည်းရောင်းသူပါ။ ဘယ်မှာ ရောင်းတာလဲဆိုတော့ ဆေးရုံကြီး ဘက် မှာတော့။ မနက်စောစော ချက်ပြုတ်စားသောက်ပြီးရင်၊ ဒါမှမဟုတ် လက်ဖက်ရည်နဲ့ အီကြာကွေး ကလေး တချို့တစ်ဖဲ့ စားကြပြီးရင် ဖအေကလည်း အလုပ်သွား၊ မအေကလည်း ဈေးရောင်းထွက်။ မအေးဈေးရောင်း ထွက်ရင် ကျာကျူးလည်း ပါသွားတတ်တယ်။ မအေက အထိုင်ရောင်း၊ ကျာကျူးက ဗန်းနဲ့ကဲ့ပြီး ဆေးရုံ တစ်ဝိုက်လည် ရောင်းကြသတဲ့။ တစ်ခါတလေတော့လည်း သားအမိ နှစ်ယောက် ဈေးမထွက်ကြပြန်ဘူး။ ကျာကျူး ရောက်လာလို့ မေးကြည့်တယ်။
"ကျာကျူးတို့ ကနေ့ဈေးရောင်း မသွားကြဘူးလား" "မသွားဘူး ... ဖမ်းလို့လေ" "ဟဲ့ ဘယ်သူက ဖမ်းတာလဲ ... ငုံးဥပြုတ်ရောင်းတာ ဖမ်းတဲ့လူ ရှိသလား" "ဈေးသည်တွေကို လိုက်ဖမ်းတဲ့လူ ရှိတယ် ဆရာမကြီး ရဲ့ ... သူက မဖမ်းတဲ့နေ့ မဖမ်းဘူး ... ဖမ်းတဲ့ နေ့ဖမ်းတယ်" "ညည်းဟာ မဟုတ်သေးပါဘူး ကျာကျူးရယ် ... ဖမ်းမှတော့ နေ့ရယ် ရက်ရယ် ရှိလို့လား" "မဟုတ်လား ... သူတို့ကို ပိုက်ဆံပေးရင် မဖမ်းဘူး ... မပေးရင် ဖမ်းတယ်" "ညည်းတို့က မပေးလို့လား" "ပေးတယ် ဆရာမကြီးရဲ့ ... အခုက ပေးလို့ ဖမ်းတာ" ကျွန်မလည်း တော်တော့ တော်တော့လို့ပဲ ညည်းလိုက်မိတယ်။ ပိုက်ဆံပေးတဲ့ကြားက ဖမ်းတယ် လို့ ပြောတာလား၊ အပေးမတတ်လို့ ဖမ်းတာလား၊ တစ်ခုခုကို ပြောတာနေမှာပေါ့။ ကျာကျူးက ကလေး သာသာဆိုတော့ အဲသလောက်လည်း သိပုံမရပါဘူး။ ကျွန်မက အဲသလို လိုက်ဖမ်းတော့ ပြုတ်ပြီးသား ငုံးဥ တွေ ဘယ်လို လုပ်ကြသလဲဆိုတော့ သားအမိနှစ်ယောက် ထိုင်စားပစ်လိုက်တယ်တဲ့။ ကျာကျူး ဆက်ပြောတဲ့ စကားကတော့ ယုတ္တိတန်သား။
"ဟုတ်တယ်လေ ... ဖမ်းတဲ့ လူက ဖမ်းပြီး စားပစ်မှာပေါ့ ဆရာမကြီးရဲ့ ... သူအစားမခံဘူး ... ကိုယ့်ဟာကိုယ် စားပစ်လိုက်တာ ကောင်းတယ်" "အေး ... ဒါလည်း ဟုတ်တာပဲ" တစ်ခါတစ်လေလည်း ပျားလိမ္မော်ခေါ်ကြတဲ့ တရုတ်လိမ္မော်တွေ၊ စပျစ်သီးခိုင်တွေ ဗန်းနဲ့ရွက်ပြီး ထွက်ကြတာလည်း ကျွန်မ မြင်နေရ တယ်။ သားအမိနှစ်ယောက် သနပ်ခါးတွေဖွေး။ အပြန်တော့ မိုးချုပ်တဲ့အခါချုပ်၊ စောတဲ့ အခါ စော ပေါ့။ ရောင်းရတာ အဆင်မှပြေရဲ့လား။ ပြေးပဲပြေးလွှားနေကြရော့လား။
အိမ်ရောက်မှ မီးရောင်လက်လက်နဲ့ ချက်ပြုတ်နေကြတာ တွေ့တော့လည်း အိမ်မှာရှိတာ လှမ်းခေါ် ပေးပေါ့။ ကျာကျူးက ဟင်းကြေးများသတဲ့။ ကြေးများတယ်ဆိုလို့ ဟင်းကောင်းမှ စားချင်တယ်ဆိုတာမျိုး မဟုတ်ပါဘူး။ အမဲသား၊ ၀က်သား၊ ဆိတ်သား မစားဘူးတဲ့။ ငါးလည်း အကောင်ကြီးရင် မစားဘူးတဲ့။ အကောင်သေး လွန်းတော့လည်း မစားဘူးတဲ့။ ကျွန်မတို့အိမ်က ထမင်းဟင်းပေးရင် ဖအေမအေက စား ပေမယ့် ကျာကျူးက မစားဘူးဆိုတာလည်း နောက်မှ သိရတာပါ။ သူ့အမေ ပြောပုံတော့ ကျွန်မတို့အိမ်က ဆန်က စေးလို့တဲ့။ စေးတော့ အီသတဲ့။ အဲသလို ဆိုတော့ စားစေချင်သကောရယ်လို့ ဘာပေးပေး ကျာကျူး ၀မ်းရောက်ဖို့ မသေချာဘူး။
အိမ်မှာလည်း သည်လိုပါပဲ။ ကျွန်မတို့ ကော်ဖီသောက်ချိန်နဲ့ တိုးလို့ သူ့ခြေသူ့လက် ဖျော်သောက်ချေ ဆိုတော့လည်း ကော်ဖီ မကြိုက်ဘူးတဲ့။ လက်ဖက်ရည်မှ ကြိုက်သတဲ့။ ကျွန်မတို့ အိမ်မှာ ဧည့်သည်များ၊ မိတ်ဆွေများ က စားစေချင်လို့ ၀ယ်လာကြတဲ့ မုန့်ပဲ သရေစာတွေ များပါတယ်။ တစ်ခါတစ်လေများ ထမင်းစားပွဲပေါ် စုတင်ထားရင် တစ်ပုံကြီး။ ကျာကျူးက ရေခဲသေတ္တာထဲ၊ ကြောင်အိမ်ထဲ ထည့် သို့ ပေးတာမျိုးတော့ ရှိပါရဲ့။ တစ်တုံးတစ်ချိုး လူရင်းမိတ်ဆွေတွေက လက်ဖက်ရည်လို၊ ပဲနံပြားလို ၀ယ် လာရင် ကျွန်မတို့ ပထမဆုံး သတိရတာ ကျာကျူးတို့သားအမိပဲ။
"ကျာကျူးရေ ... လက်ဖက်ရည်လာယူလှည့်" အဲသလို ကြားရင်တော့ ပြေးလာတော့တာပါ။ လက်ဖက်ရည် အင်မတန် ကြိုက်ရှာမှန်းသိလို့ တကန်တက ၀ယ်တိုက်ရတာမျိုးလည်း ရှိတယ်။ မအေ ဖအေ က မနက်မိုးလင်းလို့ လက်ဖက်ရည်တစ်ခွက် ၀မ်းထဲမကျရင် ဆတ်ဆတ်တုန်နေကြသူတွေဆိုတော့ ကျာကျူး ခမျာလည်း လက်ဖက်ရည် စွဲနေပုံပေါ်ပါရဲ့။ တစ်ခါတလေ လက်ဖက်ရည် သောက်ရရင် တစ်နေကုန် ထမင်းမစားဘဲ နေနိုင်တယ်ဆိုလို့ အံ့သြရတယ်။ ခက်တာက ခုခေတ်ပေါ်နေတဲ့ ရယ်ဒီမိတ် တီးမစ် ဆိုတာမျိုးကျတော့လည်း မက်ပုံမရဘူး။
"အဲဒါတွေက လက်ဖက်ရည်အစစ် မဟုတ်ဘူး ဆရာမကြီးရဲ့ ... ကော်ဖီက အမှုန့်ရှိတယ်လေ ... လက်ဖက် ရည်က အမှုန့်မှ မရှိတာ ... ဘယ်လိုလုပ်ပြီး အထုပ်ထဲ ထည့်မလဲ ... နော ဆရာမကြီးရယ်"
"ဟုတ်ပါ့အေ ..." ကျွန်မလည်း ထောက်ခံတဲ့နည်းနဲ့ ခေါင်းညိတ်ရတာတွေ များလှပေါ့။ ကျာကျူးက လက်ဖက်ရည် တစ်ခွက်သားအမိနှစ်ယောက် မျှ သောက်ထားရင် တစ်နေကုန် ဈေးလည်း ရောင်းလည်း မမော ဘူးတဲ့။ လက်ဖက်ရည် အာဟာရသိဒ္ဓိ ပြီးတဲ့ပုံမျိုး ပြောသေးတာပါ။ ကျွန်မက "လက်ဖက်ရည် ကလည်း လက်ဖက်ရည်ပေါ့အေ ... ထမင်းတော့လည်း တစ်လုတ်တစ်ဆုတ် စားကြပါမှပေါ့ ... အစာအိမ် ရောဂါ ဖြစ်တတ်တယ်" လို့ ပြောမိတယ်။ ကျာကျူး ပြန်ပြောလိုက်တဲ့ စကားကြောင့် ကျွန်မမှာ ဘာပြန် ပြောရမှန်းတောင် မသိတော့ပါဘူး"
"အစာအိမ်ရောဂါ က ထမင်းစားတဲ့လူမှ ဖြစ်တာ ဆရာမကြီးရဲ့ ..."တဲ့။
အပိုင်း (၂)
ကျာကျူး က အရွယ် မရောက်တရောက် ဆိုတော့ စိတ်က `နှစ်ဖန်လှ’ ပါ။ ကြီးပြင်းရတဲ့ ပတ်ဝန်းကျင် နဲ့ အခြေခံ ပညာချို့တဲ့ရှာသူဆိုတော့ လူရေလည်လှတယ် ပြောမဖြစ်ပါဘူး။ တစ်ခါ တစ် လေ ကြီးကောင်ဝင်စိတ် ကလေးနဲ့ ရေချိုမိုးချိုး၊ ဖြီးဖြီး လိမ်းလိမ်း ရှိသလို၊ တစ်ခါတလေ ပေစုတ် စုတ်နိုင်တဲ့ ကလေးဆိုး တစ်ယောက် လို ခေါင်းမလျှော်ရေမချိုး ညှင်းသိုးသိုးနဲ့ ရှိချင်းလည်းရှိ တယ်။
မအေးပြောပုံတော့ ရေတိုင်မှာ ရေချိုးဖို့ တစ်ခါတလေ ရိုက်နှက်လွတ်ရသတဲ့။ မချိုးပါ ဘူးရယ်လို့ဇွတ်ကြီး ပေနေတာမျိုး နဲ့ ခံတန်တန် လုပ်နေတတ်သတဲ့။ ရေချိုးချင်တော့လည်း ရေတိုင်ကျောက်ပြားပေါ် တင်ပြင်ချိတ် ပြီး သီးချင်းအေးအေးနဲ့ ချိုးနေလိုက်တာ အသာတွေပြာ၊ လက်ချောင်းတွေ ပဲကြီး ရေတွန့်တာတောင် မထဘူး ဆိုတာတောင် ပါရဲ့။ မအေက `ညည်း ဟာက လွန်လွန်တယ်... ခုထခဲ့’ ဆိုပြန်တော့ `အမေတို့ပဲ အမျိုးမျိုး’လို့ အသံဆူးဆူးနဲ့ ပြန်အော် တာလည်းရှိသတဲ့။ တကယ်တော့ ကျာကျူး က ရွဲ့နေတာမဟုတ်ပါဘူး။ သူ့စိတ်ထဲရေချိုး ချင်လို့ထချိုး တာပဲ။ သူ့ဝသီဖြစ်တဲ့ အထနှေးခြင်း နဲ့ ပေါင်းလိုက်တော့ ကြာချင်တိုင်ကြာပြီးပေါ့။ သုံးလေးရက် ရေမ ချိုးထား ၀တ်ထားတဲ့ အင်္ကျီ၊ ထဘီ၊ ဂါဝန်၊ စကပ် ဆိုတာ များကလည်း သုံးလေးရက် မချွတ်တော့တာ များလည်းရှိတယ်။ ကန့်လန့်လိုင်းစင်း တီရှပ်လို အင်္ကျီကိုအ၀တ် များလို့ တစ်ခါတော့ ကျွန်မက မေး ကြည့်တယ်။
``ကျာကျူးအင်္ကျီကလေးလှလိုက်တာ ဘယ်က ၀ယ်တာလဲ’’
``ကူမဲ က အဒေါ်ရှိတယ်မဟုတ်လား.. ကျွန်မတို့အိမ်လာတဲ့ ရာဂျားတို့ အမေလေ... အမေ အမလေ.. သူ့ယောကျာ်း က ဈေးထဲမှာ စမူဆာတို့ ရောင်းတယ်လေ...’’
``အေး...ပြောပါဦး’’
စကားက အင်္ကျိဆီမရောက်နိုင်သေးပေ သီးခံရတယ်။ သူပြောချင်တာတစ်ခုခုရှိလို့ စကားခင်း နေမှာ လို့ လည်း တွေးမိလို့ပါ။ ဒါပေမဲ့ စကားက ထွက်မလာပါဘူး။ ၀ါကျတစ် ကြောင်းပြောင်းသွားပြီးလို့ ပုဒ်မ နှစ်ချောင်း ချလိုက်သလို ရပ်သွားတာပါ။ ကျွန်မတို့တောင် သဘောပေါက်ပြီလာဆိုတဲ့ မျက်နှာနဲ့ ကြည့် နေလေရဲ့။ ကျွန်မက `ဟဲ့ ဆက်ပြောဦးလေ’ ဆိုတော့မှာ `ဘာကိုလဲ’ တဲ့။ `အင်္ကျီကလေးက လှလို့ ဘယ်က ၀ယ်တာလဲ မေးတာလေ’ ဆိုတော့မှပြုံးတယ်။ ပြီးမှာ ကျွန်မကို သဘောမပေါက်ရန် ကောဆိုတဲ့ လေနဲ့ပြောလေရဲ့။
``ဦးဘာဘူ ၀ယ်ပေးတာလေလို့ ဆရာမကြီးကို ပြောပြောပြီးပြီးလေ’’
``ဦးဘာဘူ က ဘယ်ကပါလာတာတုန်း ကျာကျူးရဲ့... လုပ်ပြန်ပြီး’’
``ရာဂျား တို့ အဖေလေ ကူမဲက’’
အဲသလို့ဖြစ်တာတွေများလို့ ကျွန်မစဉ်းစားကြည့်တယ်။ သူ့စိတ်ထဲတော့ စကားတွေ စဉ်စားပြီး သား ဖြစ်လောက် ပါတယ်။ နူတ်ကထွက်လိုက်လို့ စကားကျန်ပေမယ့် ပြောမီလိုက်တယ်လို့ ထင်ပုံရရဲ့။ သူပြောချင် တော့လည်း စကားမကျန်ရုံမကဘူး၊ စကားတွေပိုလွန်းလို့ တော်ပါ တော့အေအော်ယူရ တယ်။ ပြောခဲ့ သလို့ပါပဲ။ ကျာကျူးကတစ်ခါတလေ ကလေးစိတ်၊ တစ်ခါတလေ ကြီးခေါင်ဝင်စိတ်နဲ့ဆို တာ့ ကျွန်မတို့က နားလည် ပေးရတယ်။ ကျွန်မက တစ်ကိုယ်ရေသန့်ရှင်မူနဲ့ မိန်းကလေးတစ်ယောက်နေ ပုံထိုင်ပုံ တွေ ဟင်းရွက်သင်ရင်း၊ ပဲစေ့ညှစ်ရင် ပြောပြရတယ်။
``မိန်ကလေးဆိုတာ နေ့တိုင်း ရေချိုးရတယ်...လက်သည်းခြေသည်းတွေရှည်တော့ လှီးရ တယ်... လက်သည်းကြား ထဲမှာ ပိုးမွှား တွေ ခိုနေတတ်တယ် ကျာကျူးရဲ့... ၀မ်းပျက်ဝမ်းနာ ဖြစ်တတ်တယ်။
``ဗီဒီယိုထဲက မင်းသမီးတွေကျတော့ ဘာဖြစ်လို့လက်သည်းမလှီးကြတာလဲ အရှည် ကြီးတွေ ပဲ...သူတို့ ကျတော့ ပိုးမွှားမ၀င်ဘူးလား’’
သူတို့လည်းဝင်မှာပေါ့ ကျာကျူးရဲ့...ဒါပေမဲ့ သူတို့က သန့်သန့်ရှင်းရှင်းနေကြတာပေါ့... မင်းသ မီး တွေဆိုတော့ လက်ကလေး လှအောင်ထားကြရတာကိုး... လက်သည်းပေါ် ပန်းချီ ပုံကလေးတွေ တောင် ဖော်ထားကြတာမတွေ့ဘူးလား’’
``တွေ့တယ် ဆရာမကြီး...’’
ကျာကျူးက နည်းနည်းတော့ တွေသွားပုံရတယ်။ ရိုးရိုးလူတွေကို လက်သည်း အရှည်မထားရ ဘူး၊ မင်းသမီးတွေကျတော့ ထားစေဆိုတော့ ဘာသဘောများပါလိမ့်လို့ တွေမိတယ်ထင်ပါရဲ့။ ကျွန်မက သည်စကား ဆက်ရှင်းနေရင် ရှည်မှာစိုးတာနဲ့ သွားလည်း မှန်မှန်တိုက်ရတယ်၊ သနပ်ခါးလည်း မှန်မှန်လူး ရတယ် စသည့်ဖြင့် ပြောပြတယ်။ ကျွန်မက သနပ်ခါးတုန်းကလေးတွေ ပေးတော့လည်း မက်စပ်ရှာတယ်။ သနပ်ခါးတုန်းပေးပြီး နှစ်ရက် သုံးရက်ကတော့ သနပ်ခါးတွေဖွေးနေတော့တာပါ။ ရေချိုး မချိုးတော့ ကျွန်မလည်း မသိတော့ အာမ မခံနိုင်ဘူးပေါ့။ သုံးရက်ကျော်လို့ လေးရက်လောက်ဆို ရင်တော့ မျက်နှာ အဆီပြန်ကလေး နဲ့ ဒုံရင်းဒုံရင်းပါပဲ။ တစ်ခါတော့ ကျွန်မနဲ့တင် မဖြစ်လောက်လို့ ကိုယ် စောင့်နတ်နဲ့ ခြောက်ရတယ်။
``ကျာကျူး... လူတစ်ယောက်စီမှာ ကိုယ်စောင့်နတ်ရှိတယ် သမီးရဲ့... သန့်ရှင်တဲ့လူတွေကို စောင့်ရတဲ့ ကိုယ်စောင့်နတ်က အင်မတန် စိတ်ချမ်းသာသတဲ့၊ သြော်... ငါစောင့်ရတဲ့လူက သန့်ရှင်လိုက် တာ... ရေလည်းမှန်မှန်ချိုးတယ်၊ သွားလည်းမှန်မှန်တိုက်တယ်၊ အ၀တ်အစားလည်း နေ့တိုင် သန့်သန့် ရှင်းရှင်းဝတ်တယ်ပေါ့လေ... အဲဒီလို့ဆိုတော့ ကိုယ်စောင့့်် နတ်က ချစ်တယ် ကိုယ်စောင့်နတ်က ချစ်ရင် ကိုယ်ကို အမြဲတမ်း စောင့်ရှောက်နေတာပဲ အိပ်မက်ကောင်းမက်တယ်... ပိုက်ဆံတွေဝင်တယ်...လူချစ် လူခင် များတယ်... လမ်းမှာခလုတ်မတိုက်ဘူး ဆူးမညိဘူး...။ ရေလည်းမချိုးဘူး၊ သွားလည်းမတိုက်ဘူး.. မိန်းကလေး ဖြစ်ပြီး ကစုတ်ကညစ်နေရင် ကိုယ်စောင့်နတ်ကမုန်းရော’’
``ဆရာမကြီး ကိုယ်စောင့်နတ်မြင်ဖူးလား’’
``မြင်ဖူးတာပေါ့ ကျာကျူးရဲ့’’
``ဘယ်လို့ဟာလဲ’’
``နတ်သားပေါ့... ပွဲထဲမှာ နတ်သားတွေမြင်ဖူးလား... အဲဒါမျိုးပေါ့... ကိုယ်စောင့် နတ်ကျတော့ ကိုယ်ရောင် ကိုယ်ဝါ တောင်ပတာပေါ့...တဖိတ်ဖိတ်နဲ့ပေါ့အေ... နတ်ခေါင်းဆောင်းတို့ စလွယ်တို့ ဖိနတ် တို့ က ရွှေအစစ် နဲ့ လုပ်ထားတာဆိုတော့ ၀င်းစက်နေတာပဲ’’
``ကိုယ်စောင့်နတ်က မြန်မာလို့ပြောတာပေါ့... ဟုတ်လားဆရာမကြီး’’
``အေးပေါ့ ကျာကျူးရဲ့...မြန်မာလို့ပြောလို့ ဆရာမကြီး နားလည်းတာပေါ့... နတ်စကား နဲ့ပြော ရင် ငါ ဘယ်သိ ပါ့မလဲ’’
ကျာကျူးက ကိုယ်စောင့်နတ်ဆိုတာတော့ စိတ်ဝင်စားပုံပါ။ သူ့မျက်စိထဲ ကိုယ်စောင့် နတ်ကို ရုပ်လုံးဖော် ကြည့်နေတယ်နဲ့ တူပါရဲ့။ စကားသံတိတ်သွားပြီး မျက်လုံးပြူးကလေးနဲ့ ကျွန်မကို စိုက်ကြည့်နေ တော့ တာ။ ကျွန်မ က သူ့စိတ်ဝင်စားတုန်း ဆက်ပြောလိုက်တယ်။
``ကိုယ်စောင့်နတ်က နတ်ဘင် အစည်းအဝေးသွားတဲ့ခါ ကိုယ်စောင့်ရတဲ့လူအကြောင်း နတ် ပြည်မှာ ပြောပြရတယ်... ဆိုပါတော့...ကျာကျူးကို စောင့်တဲ့နတ်က နတ်သဘင် အစည်းအဝေးမှာ ကျုပ်စောင့်ရတဲ့ မိန်းကလေး က အင်မတန် ညစ်ပတ်ပါတယ်၊ ရေလည်းမချိုးဘူး... အ၀တ်အစားလည်း မလဲဘူး... သနပ်ခါး လည်း မလိမ်းပါဘူးဆိုရင် နတ်စာရင်းကိုင်က မှတ်ထား တာ... နှစ်ခါက သုံးခါစာရင်း ထဲပါရင် အပြစ်ပေး တာပေါ့’’
ကျာကျူး ယုံသလား၊ မယုံလေသလား တော့ မသိပါဘူး။ ကျွန်မက စိတ်ကလေးမှာ ပြင်ပါရစေ တော့ ဆိုပြီး ပြောရတာပါ။ အကဲခတ်ရသလောက်တော့ နည်းနည်းကလေး လန့်သွားပုံတော့ ပေါ်ပါရဲ့။ ခတ်တာက ကျာကျူးမျက်နှာက အကဲဖမ်းလို့ မရဘူး။ ကျာကျူးက မေးပါလေရော။
``ကိုယ်စောင့်နတ်က ကျွန်မနာမည် သိပါမလား’’
``ဟဲ့... ကျာကျူးဆိုမှတော့ သိပြီးပေါ့ဟဲ့... သည်းနာမည် ကျာကျူးပဲဟာ’’
``ကျာကျူးက နာမည်အရင်း မဟုတ်ဘူး ဆရာမကြီးရဲ့... နာမည်အရင်က မြသန္တာနွယ်လေ’’
ကျာကျူးကို မြသန္တာနွယ်ဆိုတဲ့ နာမည်ရှိမှန်း ကျွန်မတို့မသိပါဘူး။ မအေကလည်း ကျာကျူး၊ ဖအေ ကလည်း ကျာကျူး၊ ကူမဲ၊ မြစ်သားဘက်က သူတို့ဆွေမျိုးတစ်သိုက် လာကြ တော့လည်း ကျာကျူး ခေါ်ကြတာပဲ မဟုတ်လား။ ကျာကျူးက မြသန္တာနွယ်ဆိုတော့ ကျွန်မ မရယ် မိအောင် မျက်နှာပိုး သတ် ထားရတယ်။ ကိုယ်စောင့်နတ်ရှိတယ်ဆိုတာလည်း ယုံပုံရပါရဲ့။ နတ် သဘင်အစည်းအဝေး ဆိုတာလည်း ယုံပုံရပါရဲ့။ ညစ်ပတ်ရင် နတ်စာရင်းမှတ်တယ် ဆိုတာ လည်းလက်ခံပုံပေါ်ပါရဲ့။ ဒါပေမဲ့ နတ်စားရင်မှာ ကျာကျူးဆိုတဲ့နာမည်နဲ့ စာရင်းပေါက်လေသလား၊ မြသန္တာနွယ် စာရင်းပေါက်လေသလား ဆိုတာကို ဝေခွဲမရဖြစ်နေပုံပါ။ ကျွန်မ ထင်မထားတဲ့ ထောင့်ကတွေးတဲ့ ကျာကျူးကို ဘယ်လို့နား လည်းရမှန်းတောင် မသိတော့ ပါဘူး။ ကျွန်မကလည်း ဘယ်လို့ပြန်ပြောရပါမလဲ တွေးရပါပြီး။
``ကျာကျူး ခေါ် မြသန္တာနွယ်ပေါ့အေရဲ့’’
``တစ်မျိုးရှိသေးတယ် ဆရာမကြီးရဲ့’’
``ဟေ... လုပ်ပါဦးအေ... တို့လည်း မသိရပါလား’’
``ကုလား နာမည်လေ ကျွန်မ မမှတ်မိတော့ဘူး’’
``ကျာကျူးက ကုလား နာမည်မဟုတ်ဘူးလား’’
``ကျာကျူးက တခြားနာမည်’’
``ဘယ်လို့ တခြားနာမည်တုန်း ကျာကျူးရဲ့ သည်းဟာ ခေါင်းရှုပ်လိုက်တာအေ’’
``ဆရာမကြီးတောင် ခေါင်းရှုပ်ရင် ကိုယ်စောင့်နတ်လည်း ခေါင်းရှုပ်မှာပဲ’’
ကျွန်မလည်း သည်စကား သည်မှာတင်ရပ်လိုက်ရတာပါပဲ။ ကျာကျူးက တစ်ခြားနာမည်ဆိုို တာ အိမ်မှာ ချစ်စနိုးခေါ်တဲ့နာမည်ထင်ပါရဲ့။ အဲသလိုမပြောတတ်လို့ တခြားနာမည်လို့ ပြောတာနေ မှာပါ ကျာကျူးက ကိုယ်စောင့်နတ်လည်း ခေါင်းထဲ ထည့်ပုံမပေါ်ပါဘူး။ ခါးတိုင်လို့ပဲ ရေချိုးချင် ချိုတယ်၊ မချိုးချင် မချိုးဘူး။ အင်္ကျီအ၀တ်အစား လည်း လဲချင်းမှလဲတယ်။ ကျွန်မ သမီး ဖွေးဖွေးက အရွယ်သာ ခုနှစ်သမီး၊ လူပုံကထွားထွားဆိုတော့ သမီးအင်္ကျီတွေက ဆယ့်သုံးနှစ်သမီး ကျာကျူး နဲ့ အတော်ပဲ။ အဲဒီလို့ဆိုတော့ သမီးအင်္ကျီလတ်လတ်လောလော ကလေးတွေ ကျာကျူးကို ပေးရတယ်။ ၀တ်လည်းဝတ်ပါရဲ့။ ကျာကျူး က ပိန်ပိန်ပါးပါး ကျူရိုး ကလေး လောက်ရှိတာ မဟုတ် လား။
တစ်ခါများ ရယ်စရာကြုံရတာလေး မှတ်မိတယ်။ ကျွန်မတို့ ခြံထဲမှာ ပန်းပင်တွေစိုက်ထား တော နှင်းဆီလို၊ စံပယ် လို ပန်းတွေ အူနေအောင် ပွင့်ကြပြီးဆိုရင် လိပ်ပြာကလေးတွေ တ၀ဲဝဲရှိ တတ်ပါတယ်။ သမီးက လိပ်ပြာကလေးတွေ ဟိုဟိုသည်သည် ကူးကူးလူးလူး ပျံကြနားကြတာကို သဘောကျလို့ လိုက်ဖမ်း တတ်တယ်။ လိပ်ပြာကလေးတွေက အရောင်စုံတော့ ကလေးသဘာဝလို့ ချင်ရှာတာပေါ့။ ဖမ်းလို့ မရနိုင်တော့ ကျာကျူးကို လိပ်ပြာကလေးတွေ ဖမ်းပေးဖို့ပြောနေတာ ကျွန်မ ကြားတယ်။ ကျွန်မလည်း ကိုယ်အလုပ်နဲ့ကိုယ် ဆိုတော့ ကျာကျူးနဲ့ သမီးခြံထဲမှာ ဘာတွေဖြစ်လို့ ဖြစ်နေမှန်း မသိလိုက်ဘူး။ တအောင့်လောက်နေတော့ သမီးကငိုပြီးလာတိုင်တယ်။ ကျာကျူးက လိပ်ပြာဖမ်းမပေးတာတစ်ပြစ်၊ သမီး ကို ရန်လုပ်တယ်ဆိုတာက တစ်ပြစ်တဲ့။ အသံပြဲကြီးနဲ့ အော်ငိုး နေတော့ ကျွန်မလည်း ကပျာကယာ ပြေးထွက် သွားပြီး အကျိုးအကြောင်းမေးရတယ်။ ကျာကျူးက လည်း မျက်နှာတွေပျက်လို့။
``ဖွေးဖွေးက လိပ်ပြာဖမ်းခိုင်းတယ် ဆရာမကြီးကျွန်မက ဖမ်းမပေးဘူး... ဖွေးဖွေးကို လည်း မဖမ်းနဲ့လို့ ပြောရတယ်...ကျွန်မက လိပ်ပြာတွေ ပန်းပွင့်ပေါ်နားရင် ခြောက်ထုတ်ပစ်လို့ငို တာ’’့
ကျွန်မ က ကျာကျူးမှာ သနားစိတ်ကလေး ရှိရှာလို့ အောက်မေ့မိတယ်။ လိပ်ပြာကလေး တွေကို သမီးဖမ်းတယ် ဆိုတာလည်း မိရတယ်မရှိပါဘူး။ မိရင်လည်းအတောင်ပံကလေးတွေကို ကြည့်ပြီး ပြန်လွတ်မယ် ဆိုတာလည်း ကျွန်မသိတယ်။ ဒါပေမဲ့ ကျာကျူးက လိပ်ပြာဖမ်းတာကိုပဲ ခါးခါးသီးသီး ရှိနေလို့ သေချာအောင် မေးတော့မှ သိရတာပါ။
အပိုင်း (၃)
ပြောတာလည်း ကြည့်ဦးလေ။ ကျွန်မဖမ်းပေးရင် ကျွန်မကို လိပ်ပြာနုတ်မှာပေါ့ ဆရာမကြီးရဲ့" တဲ့။ ကျွန်မလည်း ကျာကျူးပြောမှ အားရပါးရ ရယ်မိတော့တယ်။ သည်စကားကလေးမ ဘယ်ကများကြား ထားပါလိမ့်။ လူကြီးတွေပြောတာကြားရာက သည်လိပ်ပြာကောင်လေးတွေလို့ ထင်ရှားတယ်နဲ့တူပါရဲ့။ ကျွန်မ က လိပ်ပြာဆိုတာ သည်လိပ်ပြာကို ပြောတာမဟုတ်ပါဘူးကျာကျူးရယ် ဆိုတော့လည်း မျက်လုံး လေး ပြူးလို့။
ကျွန်မတို့ ပန်းပင်တွေကြား တစ်ခါတစ်လေ တွေ့တတ်တဲ့ ခရုကောင်ကြီးတွေကို ကျွန်မကိုယ်တိုင် အူယားလွန်းလို့ ကျာကျူးလုပ်ပါဦးဆိုရင်လက်ကို ကျွတ်ကျွတ်အိတ်စွတ်ပြီး ကောက်တယ်။ ပြီးရင် လမ်းပေါ် မှာ တစ်ကောင်ချင်းသွားထားတော့တာပါ။ ခရုလုံးကြီးတွေကို အကြောက်အလန့်မရှိဘူး ခရုတွေပုံပြီး ပြီဆိုမှ ဆားဖြူးတော့တာပါ။ ကျွန်မက ကျာကျူးရဲ့ ခရုစစ်ဆင် ရေးကို မကြည့်ဝံ့ဘူး အဲသလို ခရုလုံးကြီးတွေကို မကြောက်တဲ့ကျာကျူးက လိပ်ပြာအသေ တစ်ကောင်တွေ့ရင်တော့ ငန်တော်ကျား တွေ့သလိုပါပဲ။ ထခုန်တော့တာပါ။
တစ်လောက ကျာကျူးကျွန်မတို့အိမ်ကို အကူးအသန်းမရှိပြန်ဘူး သူတို့အိမ်ကဘေးဘက် လှမ်းကြည့် တော့လည်း လူမရှိတာများလို့ ဈေးတစ်လှည့်ရောင်းကြပြန်ပြီနဲ့တူပါရဲ့အောက်မေ့မိတယ်။ ကျာကျူး ရရင် ရသလို ဈေးထရောင်းချင် ရောင်းတာဆိုတော့ မိုးလင်းရင်ထွက် မှောင်မှပြန်ရောက်နေ ကျကိုး။ ကျွန်မတို့ လမ်း ထဲမှာလည်း မျက်နှာစာမှာ အိမ်ခြေမရှိသလောက်ဆိုတော့ လူသူလေးပါး ရှင်းတယ်။ ရင်ပေါင်တန်း အိမ်တွေကလည်း ကလေးသူငယ်မရှိကြတာတစ်ကြောင်း၊ ကျာကျူးလို ကောက်ကာငင်ကာ ခိုင်းနိုင်တဲ့ အရွယ် မရှိတာ တစ်ကြောင်းဆိုတော့ ကျာကျူးမရှိတာ ကျွန်မအဖို့ရာ နှံကောင်များ လက်အဆစ်ပြုတ် သလိုပဲ။
တစ်ရက်တော့ မိုးတောင်မလင်းသေးဘူး၊ ဆိတ်အော်သံတွေကြားလို့ ဘယ့်နှယ့်ကပါလ်ိမ့်လို့ အိပ်ရာထဲက တွေးမိတယ်။ အိမ်ရာကနိုးလို့ လှမ်းကြည့်တော့ ကျာကျူးတို့အိမ်ရှေ့က သစ်ပင်ကလေးမှာ ဆိတ် နှစ်ကောင် ပြူးပြူးပါလို့။ အဝေရာကိုင်းနှစ်ကိုင်း ခုတ်ပြီးချထားတာလည်းတွေ့တယ်။ အော်လိုက် တာလည်း ပွက်ပွက်ကြီးရိုက်နေတော့ စာရေးဆရာနဲ့ ဆိတ်ခြံ မဟန်နိုင်ဘူးဆိုတာ သေချာသွားပြီ။
ကျွန်မတို့လမ်းထဲမှာ နွားမွေး ဆိတ်မွေး မရှိကြဘူး။ လမ်းတိုလေးဆိုတော့ အိမ်က လည်းမများဘူး အိမ်မများသလို အကြောင်းဗာဟီရတွေကလည်း မရှိကြတော့ အရင်က ဘာသံမှ မကြားရသလောက်ဘဲ။ ကျွန်မတို့ ပြောင်းလာကာစက ကျွန်မတို့အိမ်နဲ့ မျက်နှာချင်းဆိုင် လူမနေတဲ့ဝိုင်း ကြီးထဲမှာ သံပန်းသံတံခါး လုပ်တဲ့လုပ်ငန်းအဖွဲ့တစ်ဖွဲ့ ရှိခဲ့ဖူးတယ်။ ယောက်ျားကြီးလေးငါးယောက်က သံတံခါးကြီးတွေ၊ သံထည်ပစ္စည်း တွေ တဒိန်းဒိန်း တဒေါင်းဒေါင်း ရိုက်ပုတ်ထုနှက်နေကြတဲ့ အသံတွေဆိုတာ နားမခံ သာဘူး။ အဆိုအဆဲ ကလည်း ပါသေးတာပါ။
သူတို့သုံးတဲ့ မီးစက်ကြီးကလည်း တစ်ရပ်ကွက်လုံး စကားပြောမဖြစ်ဘူး။ အဲသလောက် အသံမြည်တဲ့ မီးစက်မျိုး ကျွန်မမကြုံဖူးဘူး မြေကြီးတွေတောင်တုန်လို့ အနားက အိမ်တွေကရပ်ကွက် လူကြီး တိုင်တော့လည်း အကြောင်းမထူးဘူးဆိုလို့ စိတ်များတောင် ပျက်မိပါရဲ့ နောက်တော့လည်း ခြံဝိုင်းက ဈေးတည့်သွားလို့တဲ့၊ အုံလိုက်ပြောင်းသွားကြလို့ ခြံဝယ်သူဌေးကို ကျေးဇူးတောင် တင်မိပါရဲ့။ သံပန်းဆရာ က ထွက်ကာနီး ရပ်ကွက်ကို ရန်လုပ်သွားသေးတာပါ။ သည်ကတည်းက အင်မတန် အေးချမ်း သွားခဲ့တယ်၊ တစ်ကွက်ငုတ်ရပ်ကွက်ဆိုတာ့ လမ်းမကြီးနဲ့၊ လှမ်းတဲ့အပြင်၊ တစ်ဘက်လမ်းက လည်းလမ်း ပျက် ဆိုတော့ တ်ာရုံကားဆိုင်ကယ်အသွားနည်းတယ်။
အဲသလိုလမ်းထဲမှာ ကျာကျူးတို့အိမ်က ဆိတ်နှစ်ကောင် ရောက်လာခြင်းဟာ သံပန်းသံတံခါးလုပ် ငန်းရောက်လာသလိုပါပဲ။ ဆိတ်နှစ်ကောင်က ကိုယ့်နေရာမဟုတ်၊ ကိုယ့်သခင်မဟုတ်လိုက်လာ ရတာကို သိပုံ ပေါ်ပါရဲ့။ သံချီသံချနှစ်ကောင် ပြိုင်တူ၊ တစ်ခါတလေနှစ်ကောင် တစ်လှည့်စီ အော် နေကြတာ အရပ်အစဲမရှိကြဘူး။ လှမ်းမြင်ရသလောက်တော့ ဆိတ်နှစ်ကောင်က မတိမ်းမယိမ်းရယ်၊ ကျာကျူးက ရှေ့မတိုးတော့ဘူး။
"လာဟဲ့ လာလေ.... နငတို့ကို အစာကျွေးမှာလေ...ဒါအရင်က နင်တို့အိမ် မဟုတ်တော့ဘူး..နင်တို့ သခင်လည်း မဟုတ်တော့ဘူး....နင်တို့ ဆိတ်ဖြစ်ပြီး သည်လောက်တောင် နားမလည်ဘူးလား... ငါ နင်တို့ကို ဘာမှမလုပ်ဘူး....ငါ့စကားနားမထောင်ရင် နင်တို့ဘယ်လို အစာစားမလဲ...လာလေ"
ကျာကျူးက ဆိတ်ကိုအော်နေတဲ့အသံ ကျွန်မတို့အိမ်က ကြားနေရလို့ လှမ်းကြည့်ရင် ကျာကျူးက ဆိတ်လည်ပင်းကို ချည်ထားတဲ့ ကြိုးရှည်စကို တရွတ်ကန်ဆွဲ နေတာမြင်ရပြီ၊ ဆိတ်ကလည်း ပေရွက်ရွက် ဆိုတော့ ကျာကျူးရယ် နင့်လောက်တော့ အပျော့်ပေါ့ဆိုတဲ့ အာခံမှုနဲ့ နောက်ကို ပြန်ကန် ထားလိုက်တာ တစ်ထစ်မ ရွေ့ဘူး၊ ကျာကျူးကလည်းဆွဲ၊ ဆိတ်ကလည်းထောင့်ခံ။ ကျွန်မက ကျွန်မ အိမ်သားကို ခေါ်ပြတော့ သူကလည်း အသာကြည့်ရအောင်တဲ့။ ကျာကျူးက ကြိုးကိုလည်း မလွှတ်ရဲဘူး၊ မသကာ ကြိုးလွတ်ပြေးရင် လိုက်ဖမ်းဖို့ခက်ပြီလေ။ သူ့နဂိုချည်တိုင်မှာလည်း ကျန်တဲ့တစ် ကောင်က တပဲပဲ အော်လိုက်တာ နားမံသာဘူး။ တစ်ကောင်ကို ဆွဲလွဲနေတာတွေ့တော့ ကြောက်ရှာလို့နဲ့တူပါရဲ့။ ငယ်သံများ ပါလို့။ ခဏခဏတော့ ကျာကျူးက ဆိတ်ဆွဲရာပါရပါပြီ။ ပါးစပ် ကလည်းအသံစူးအသံကြောင် ကလေး နဲ့အော်နေသေးတာပေါ့။
"နင်တို့မိဘက မသင်ဘူးလား...သူများတွေ ဆိတ်မွေးတာ အကုန်လုံးလိမ္မာတယ်...ပြော စကား နားထောင် တယ်... နင်တို့မလိမ္မာဘူး စကားလည်း နားမထောင်ဘူး... မနေ့က ငါခေါ်တုန်းက အသာ လိုက်လာပြီးမှ အခုနင်တို့ သည်လိုလုပ်တာ ကောင်းသလား...နင်တို့စားဖို့ အဝေရာကိုင်းချ ကျွေးတာ လည်း နင်တို့မစားဘူး...မစားရင် ငတ်ကြလေ...နင်တို့ကိုဘယ်သူသနားမှာလဲ... အစာကျတော့ မစားဘူး.. ဆိတ်ချေးတွေကျတော့ ပါလိုက်တာ မနည်းဘူး...နင်တို့ဘာတွေနဲ့ ချီးပါတုန်း ငါ နားမလည်ဘူး"
ကျာကျူး က ပါးစပ်ထဲရှိတာတွေ ဗျစ်တောက်ဗျစ်တောက် အော်ရင်းဆိတ်ဆွဲတဲ့နောက် ပါနေတော့ တာပါ။ သူတို့ အိမ်ရှေ့ကွက်လပ်မှာက အိမ်မကြီးရဲ့နောက်ဘက် အုတ်ရေအိမ်တစ်လုံး ရှိတော့ ဆိတ်က ရေအိမ်ကို ပတ်ဆွဲလေ၊ ကျာကျူးကလည်း ကြိုးစကို ဆွဲရင်းလိုက်နေရလေ။ အခုမှ ကြည့် မိတယ်။ လူကလည်း ဂျစ်ခြောက်လိုက်လို့၊ ဆိတ်နှစ်ကောင် အော်သံတွေကြားမှာ ကျာကျူးအသံက မတိုးနိုင်ဘူး။ ကျွန်မ တို့ကတော့ ကြားနေရတာပေါ့လေ။ ပြတင်းပေါက်က ကျွန်မတို့နှစ်ယောက် ရပ်ကြည့် နေတာလည်း မြင်ပုံမရဘူး၊ ကျာကျူးအော်သံတွေကြားမှာ ကျွန်မတောင်ပါလာလေရဲ့။
"နင်တို့ အဲသလိုအော်နေ... ဟိုဘက်အိမ်က ဆရာမကြီးတို့က စာရေးဆရာတွေ.... သူတို့က ဆူတာ ပူတာ လုံးလုံး မကြိုက်ကြဘူး...နင်တို့အော်တာ အရေးမကြီးလူး ငါအပြောမခံရမှာ.. နင်တို့ ကလည်း အော်ကို အော်လွန်းပါတယ် ငါကသဘောကောင်းရင် ကောင်တယ်နော် မကောင်းရင် ဈေးထဲက ဆိတ်သားကုလားဆီ ပို့လိုက်မယ် ငါ့ကိုပေါ့ပေါ့ ကောင်မ မမှတ်နဲ့"
တစ်ခါ မှာတော့ ကျာကျူးက အနားကသစ်ငုတ်မှာ ကြိုးပတ်လိုက်တယ်။
သစ်ငုတ်ကိုတော့ ဆိတ်ကရုန်း မရဘူးကို။ ဆိတ်လည်းရပ်လိုက်ရသလို ကျာကျားခမျာလည်း ဖင်ထိုင် လျက်လဲ တော့တာပဲ။ ချွေးတွေ သံတွေနဲ့ မောပန်းတကြီး ဖင်ထိုင်ချလိုက်တော့မှ ကျွန်မတို့ ပြတင်းပေါက် က လှမ်းကြည့်နေတာကို မြင်သွားတာပါ။ ကျွန်မက "ကျာကျူး ဘယ်ကဆိတ်တွေလဲ... ဆိတ်ချောကလေးတွေပါကောဟဲ့"ဆို တော့ ကျာကျူးကသူ့ခေါင်းစုတ်ဖွားကို တဗျင်းဗျင်းကုတ်ရင်းက မျက်လုံး ပြူးကြီးနဲ့ လှမ်းကြည့် တယ်။ တစ်ခုခုပြောလိုက်တာမှန်းတော့ သိပုံပါ။ ဆိတ်အော်သံ တွေနဲ့ ဆိုတော့ လေလုံးမကွဲဘူးနဲ့ တူပါရဲ့။
"ကျာကျူးဆိတ်တွေလား...အကောင်ချောသာပဲလို့..."
ကျာကျူးက သစ်ငုတ်မှာ ချည်ထားတဲ့ ဆိတ်ကို ခဲသေးသေးတစ်လုံးနဲ့ လှမ်းထုရင်းက ပြုံးတယ်။ အားမပါ လှတဲ့ အပြုံးပါ။
"ချောတော့ ချောပါရဲ့ ဆရာမကြီးရယ် ဆိုးတာတော့ ဆိုးတယ်..... ကူမဲက လာလားပြောတာတော့ ဟိုမှာ ချည်ထားတဲ့ဆိတ် က သဦးစနေတဲ့...သဦးစနေဆိုတော့ ဆိုးတာပေါ့"
ကျွန်မက ကျာကျူးပြောလိုက်တဲ့ သဦးစနေ (သားဦးစနေ)ဆိုတာကို သဘောကျလို့ ရယ်တော့ ကျာကျူး က ငုတ်တုတ်ထိုင်လျက်က သွားဖွေးဖွေးလေးတွေပေါ်အောင် ပြုံးလေရဲ့။ သူ့စကားသူ သဘောကျ နေပုံပါ။ ကျွန်မက ဆိတ်တွေ ဘယ်ကရလာတာတုန်းဆိုတော့ ဆရာမကြီးသိချင်ရင် လာခဲ့ မယ်တဲ့၊ အခုတော့ ဆိတ်တွေ အပြင်ထုတ်ရဦးမှာဆိုပြီး သစ်ငုတ်မှာချည်ခဲ့တဲ့ ဆိတ်ကို ထဆွဲပြန်ရော။ ကျွန်မတို့ စကားပြော နေတုန်း ခဏကလေး အအော်ရပ်နေတဲ့ ဆိတ်နှစ်ကောင်က ကြိုးစလည်းထဆွဲ ရော ပြိုင်တူအော်ကြပြန်ရော။ ကျွန်မက ကျာကျူးကိုစချင်လို့ မျက်နှာတည်တည်နဲ့ လှမ်းပြောလိုက်တယ်။
ခင်ခင်ထူး
No comments:
Post a Comment