မြောက်ကျွန်းသူ
မြောက်အရပ်မှ တောင်အရပ် ပင်လယ်ဆီသို့ စီးဆင်းလာသော မြစ်မကြီး တစ်နေရာတွင် မြစ်လယ်ကျွန်းသုံးကျွန်း အစဉ် လိုက်တန်းနေသော ရေလယ်ကျွန်း ဆက်တန်း တစ်တန်း ရှိသည်။ ကျွန်းဆက်တန်း ဆိုသော်လည်း တစ်ကျွန်းနှင့် တစ်ကျွန်းနီးနီး ကလေးလားဆိုတော့ မနီးပါဟုသာ ဖြေရပါမည်။ မနီးဘူးလား ဆိုတော့လည်း နီးသည်သာ။ ကျွန်းသုံးကျွန် ကြားမှာ အခြား ကျွန်းမရှိ။ တစ်နည်းအားဖြင့် အခြား ကျွန်းရွာ တစ်ရွာတစ်လေ ၀င်ခုနေတာမျိုး မရှိ။ မြစ်မသည် မြောက်ဘက်မှ စီးလာကတည်းက မြောက်ဘက်စွန်း ရေလယ် ကျွန်းမကို ခေါင်းဝှေ့သည်။ ကျွန်းမကို ရေဦးထိုးရာက ရေနှစ်မြွှာကွဲကာ ကျွန်းမကြီး၏ အရှေ့ ဘက်နှင့် အနောက်ဘက်မှ ရေကြောင်း နှစ်ကြောင်း ပေါ်သည်။ ရေကြောင်း နှစ်ကြောင်းစလုံး လှေသင်္ဘော သွားလို့ ရအောင် ပင် ကျယ်လှ နက်လှပါ၏။ ထိုရေကြောင်း နှစ်ကြောင်းက အောက်ဖက် အလယ်ကျွန်းကိုရော၊ တောင်ဘက် အစွန်က တောင်ကျွန်းကိုပါ ခွ၍ စီးဆင်း နေပေရာ ထိုနေရာတွင် ကျွန်း ဆက်သုံးကျွန်းသည် ရေလယ် ကျွန်းများ အဖြစ် သဘာဝ တရားကပင် နေရာချထား သကဲ့သို့ ရှိပါ၏။
ကျွန်းသုံးကျွန်းသည် ရွာသုံးရွာ ဖြစ်သည့် အလျောက် ကျွန်းသုံးကျွန်း ရေလယ်မှာ ထွန်းကတည်းက မြောက် ကျွန်း၊ အလယ်ကျွန်း၊ တောင် ကျွန်းလို့သာ အလွယ် ခေါ်ခဲ့ကြသည်မှ စကာ သည်အမည်များ တွင်ခဲ့လေတော့သည်။ ကျွန်းရွာ တွေဆိုတော့ ရွာချင်း ကူးချင် တော့လည်း လှေနှင့် တက်နှင့် ကူးကြရသည်။ ကျွန်းတစ်ကျွန်းစီ၏ တစ်ဖက် တစ်ချက်တွင် ကူးတို့လှေတွေ ရှိကြသဖြင့် ဖြတ်ကူးတို့၊၊ လျားကူးတို့ သွားချင်သလို သွားလို့ ရကြသည်။
ကျွန်းမကြီး သုံးကျွန်းမှာ အရွယ်အစားချင်းကလည်း မကွာ၊ ကျွန်းထွန်းခဲ့သည့် နှစ်တွေကလည်း မကွာ၊ လူနေ အိမ်ခြေတွေကလည်း မတိမ်း မယိမ်းဆိုတော့ ဘယ်ရွာက ဘယ်နေရာမှာ ဘယ်လိုသာ သည် ရယ်လို့မရှိ။ စီးပွားရေး၊ ကြီးပွားရေးတွေမှာလည်း မကွာပါ။ လှူရေးတန်းရေးမှာလည်း တန်းတူပင်။ စေတီ ပုထိုးကျောင်းကန် တန်ဆောင်း တွေကလည်း ရေလယ်ကျွန်း ရွာတွေဆိုပေသိ ပွင့်ပွင့်လန်း လန်းရှိကြပါသည်။ သို့သော် တစ်ကျွန်းတစ်ရွာ နေထိုင်ကြ ရသူတွေပီပီ ကိုယ့်ရွာကိုယ့် အစွဲအပြိုင် စိတ်ကလေးတွေ ကတော့ ရှိကြသည်။
“တောင်ကျွန်းက ကိုမှတ် ကြီး မဌေးမတို့အလှူ မနှစ်က တီးသွားတဲ့ဆိုင်း . . .ဘယ်သူ တဲ့ . . .စိန်ကျော်လှဆိုလား . . . ကောင်းလွန်းကောင်းလွန်းနဲ့ . . .သည်နှစ် တို့ရွာ အလှူတီး သွားတဲ့ စိန်မြညိုဆိုင်း မမီပေါင် ကွာ . . .တီးချက်ကတော့ဟေ့ ပတ်လုံးတွေများ ကွဲထွက်ရော မှတ်သာ . . .”
ကိုယ့်ရွာတီးတဲ့ ဆိုင်းက မှ ကောင်းကြောင်း အလယ် ကျွန်းသားက မှတ်ချက်ပြု သလို မြောက်ကျွန်းသားက လည်း စိန်မြညိုဆိုင်းကို မကြိုက်ဟု ပြောတတ်သည်။
“အလယ်ကျွန်းသားများ အလယ်ကလူ စကားဝဲ . . . ငှက်ပျောသီး အချို လုပ်ရသာနဲ့ ပြီးရသာပါကွာ . . .သူတို့ရွာ တီးတဲ့ စိန်မြညိုဆိုင်း ကောင်း လှပြောနေတော့ မခက်ပါလား . . . .ဗုံပတ်စာကပ် တီးရင် အရူး တီးသာတောင် မြည်တဲ့ဟာ . . . .ဆိုင်းကတော်တော်မယ် တော်က ကဲနေကြသာ . . .ဆိုင်း တကယ်ကောင်းသာက တို့ရွာ ဆွမ်းကြီးခံပွဲ လာတီးသဲ့ စိန်ဘကျော်မှ ဆိုင်းကောင်း ခေါ်သာဟ”
သည်စကားတွေက တောင်ကျွန်း ရွာနားပေါက်ပြန် တော့ တောင်ကျွန်းရွာသားတွေ က မခံနိုင်ကြ။ သူတို့ ရွာတီး သွားမှုတ်သည့် စိန်ကျော်လှ ဆိုင်းမှ မကောင်းရင် တာဝတိံသာက ဗေလုဝနတ်သား ခေါ်ပြီး စောင်းတီးခိုင်းဖို့ပဲ ရှိတော့ မှာပေါ့လို့ ခနဲ့ကြသည်။ ဒါမျိုး က မကြာခဏဖြစ်တတ်ပါ၏။ ဇာတ်ငှားကြတော့လည်း ကိုယ့် ရွာလာကသည့် ဇာတ်ကမှ ဇာတ်အသားပါသတဲ့။ သူတို့ မင်းသားကမှ ရုပ်ချောအသံ ကောင်းတဲ့။ အုပ်စုံကောင်းဆိုရ လောက်အောင် အော်ပရာ၊ ပြဇာတ်၊ နောက်ပိုင်း ပြောစရာ မရှိအောင် ကောင်းသတဲ့။ အလှူ လှူကြတော့ကော။ တစ်ရွာက ဘယ်သူ ဘယ်ရွာကမှ လိုက်မ မီအောင် ကြီးကြီးကျယ်ကျယ် လှူလိုက်သည်ဆိုပါစို့။ မမီမှန်း သိသော်လည်း အောက်ကျမခံ။
“ဘုန်းကြီးတစ်မတ် ဗျော ငါးကျပ် . . .ပကာသနများမှ တော့ ကုသိုလ်တစ်ပဲ ငရဲ တစ်ပိဿာပေါ့လကွာ . . .ဒါမျိုး အားမကျကြနဲ့ . . .တို့ရွာက မိတင်အေးတို့ လှူသာကြိုက် သယ် . . . လှူဖွယ်ပရိက္ခရာ အသားပေးသာ . . .ရောက်က ရောပေါ့ကွ နိဗ္ဗာန် . . .ဓာတ်လှေ ကားနဲ့ တက်သာကမှ ကြာဦး မယ် . . .”
သည်နှစ် မူလတန်း ကျောင်းသား အောင်ချက်ချင်း ပြိုင်ကြသည်။ တကယ်တော့ မူလတန်း ကျောင်းကတော့ ဘယ်ရွာမှာမှ မရှိကြပါ။
အနောက်ဖက်မြစ် မကမ်းဘက်ကို လှေနှင့်ကူးကာ ကျောင်း တက်ကြရတာချင်း အတူတူဆို တော့ ကျောင်းချင်း မပြိုင်သာ။ သည်တော့ ကျောင်းသား အောင်ချက် ပြိုင်ကြသည်။ မြေနုကျွန်းတွေမှာ စိုက်ကြသည့် မြေပဲတောင့်ချင်း ပြိုင်ကြသည်။ နွားချောတာချင်း ပြိုင်ကြသည်။ ရွာလက်သမားချင်း ပြိုင်ကြသည်။ ရွာဝမ်းဆွဲချင်း ပြိုင်ကြသည်။ တံငါသည် ငါးရ တာချင်း ပြိုင်ကြသည်။
“အလယ်ကျွန်းက အောင်ဖေ အနောက်မြစ်မထဲ ကွန်ပစ်သာ မြစ်ငါးကြင်းကြီး ရှစ်ပိဿာ စီးရသွားသတဲ့ . . . ဟန်ကျချက်တော့ . . .”
“ငါ မြင်ပါ့ကွာ၊ သုံးပိ ဿာ လျော့လျော့ပါ . . . အလယ်ကျွန်းသားများ မောင်း ကွဲက ဒူဟူဟူ မြည်ချင်ကြ သေးသာ . . .ခက်ပါ့ကွာ . . . တို့ရွာက ငမောင်ရလိုက်သဲ့ ငါးချောင်း တွေ့စေချင်သယ်”
“မြောက်ကျွန်းသားတွေ ကလည်း တက်တက်စင်လွဲ သာတောင် အောင်လံထူ စစ်သူကြီး ပွဲလုပ်ချင်တုန်း . . .ငမောင် ရသဲ့ငါးက ငါးခုံးမသာသာ ပါကွာ . . .”
ရွာသုံးရွာက အဲသလို ရွာများပင်။ ရန်ပွဲရယ်၊ တုတ်ပွဲ ဓားပွဲရယ်လို့တော့ မရှိကြ။ စကား အရာမှာ မခံနိုင်အောင် ပြောကြတာတော့ ရှိကြပါ၏။ တစ်ရွာ့တစ်ရွာ ထမ်းပိုးအတင် မခံ။ ကိုယ့်ရွာက ကိစ္စသာ အကောင်းစား လုပ်ချင်တာက လွဲလို့ သုံးကျွန်းသုံးရွာစလုံး သဘောမနော ကောင်းကြသည်။ ၀ါးတစ်ရုံလုံး ဘုန်းကြီးတောင် ဝှေး၊ ပေတစ်ပင်လုံး ဘုန်းကြီး ယပ်တောင် ဖြစ်ကြရုံက လွဲလို့ အခြား အကုသိုလ်မရှိ။ သို့သော် ကိုယ့်ရွာက သာ လိုက်ရမှ ဆိုသည့်စိတ်တွေကတော့ မဖျောက်နိုင်။
“ရွာ အပျိုချင်းပဲ ယှဉ်လေကွာ . . .တောင်ကျွန်းသူများ အကျည်းတန်ချက်တော့ . . . .ပိန်ရတဲ့အထဲ နာတာရှည်စွဲ သာလိုဟာတွေ . . .”
“မြောက်ကျွန်းက အပျို တွေ အလှူ လှည့်ကြသာ တစ်ရက် လှေနဲ့ ကူးပြီးကြည့်မိပါ သယ် ပုန်းမကြည်အိုး မုန့်နှစ် တို့ထားသလိုကွာ . . .မြန်မြန် ပြန်လှော်ခဲ့ရသယ်” “အလယ် ကျွန်းသူတွေ လှသယ် လှသယ်နဲ့. . .ရွာခရိုး စပ်ပစ်ထားသဲ့ ခေါပတောင်းကမှ လှသေး ”
ပြိုင်စရာမရှိတော့လည်း အပျိုချင်း ပြိုင်ကြ။ တစ်ရွာ့ တစ်ရွာ မှိုချိုးမျှစ်ချိုးပုတ်ခတ် ကြ။ တကယ်တော့ ကျွန်းသူတွေ အားလုံး သူ့အဆင်းနှင့် သူ့အချင်းလှကြသည်သာ။ ဘ၀ ကံအကျိုးပေး ကောင်းသူတွေ ရှိကြသလို အကျိုးပေး မကောင်းလို့ အလှရည် လျော့ကြတာလည်း လူ့သဘာဝ ရှိကြ ပေမပေါ့။ သို့သော် ကိုယ့်ရွာသူမှ ချောသည်လို့ ထင်ကြသူတွေ ဖြစ်ပါ၏။ ရွာ့မိန်းမပျိုတွေခမျာ ချောကြသည်ဖြစ်စေ၊ မချော ကြသည်ဖြစ်စေ ဘယ့်နှယ်မှ မနေခဲ့ကြပေသိ ရွာက ပြိုင် ကြတော့ သူတို့လည်း ကြာတော့ “နဲ့” ကြရသည်သာ။
(၂)
တကယ်တမ်း ပြောကြ ကြေး၊ ၀န်ခံကြကြေးဆိုလျှင် မြောက်ကျွန်းသူကလေးတွေက အလှပိုကြပါသည်။ သည်ရေ သည်မြေ သည်လေ လက် တစ်ကမ်းက ကျွန်းရွာချင်း တူပါလျှက် မြောက်ကျွန်းသူ ကလေးတွေက လှရိုးအမှန်ပင်။ မြောက်ကျွန်းက ဘူးရွက် ဘူးညွှန့် ဘူးသီးက ပိုချိုသည်။ မြောက်ကျွန်းက မြေပဲက အဥကောင်း အဆန်ကောင်း၊ ဆီထွက်သန်သည်။ မြစ်မရေ သောက်ကြသည့် ရွာချင်း အတူတူ မြောက်ကျွန်း သူကလေးတွေက အသားအရေ ပိုလှကြသည်။ ဆယ်ကျော်စွန်းစ အပျိုနုနုက လေးတွေ လှကြသလို နှစ်ဆယ်ကျော် သုံးဆယ်တွင်း အပျို အူလည်တွေကလည်း လှကြသည်။ အပျိုအူလည်တွေ လှ ကြသလို လေးဆယ်ကျော် အပျိုထော်ထော်တွေကကော။ လှကြပါ၏။ ဘယ်လိုပင် မခံချင်အောင် ပြောကြပြောကြ၊ ကိုယ့် ရွာကိုယ် ဘယ်လိုပဲ အမွှမ်း တင်တင်၊ မြောက်ကျွန်းသူတွေ အလှူ လှည့်ကြပြီ ဆိုလျှင် မြောက်ကျွန်းရွာ ကျွန်းပတ်လည် လှေတွေ ကြက်တောင် စိုက်ကြတာ မည်းမည်းတုတ် လို့။ မြောက်ကျွန်းရွာ ကာလ သားတွေက မစည်ကြရဘဲ အလယ်ကျွန်းနှင့် တောင်ကျွန်း ကာလသားတွေ တိုးမပေါက် နိုင်တာလည်း မြောက်ကျွန်းရွာ သူတွေ လှကြတာကို ၀န်ခံ ခြင်းတစ်မျိုး မဟုတ်လား။ ကာလသားချင်း တစ်ရွာ့တစ် ရွာ ခင်ကြသူတွေဆိုတော့ ဧည့်ရွာသားတွေကို ရွာခံကာလ သားတွေက ခနဲ့ကြသည်။
“မင်းတို့ပြောတော့လည်း တို့မြောက်ကျွန်းသူတွေက နဘဲ တုံးမိုးကြိုး ပစ်ထားသလို ဟာတွေ ဆိုကွာ . . .အခုတော့လည်း မင်းတို့ ရွာလှေတွေ တို့ရွာ ကြက်တောင်လာစိုက်ကြသာ များ လှေစည်းရိုးခတ်ထားသာ ကျလို့ . . .”
ဟုတ်ကလည်းဟုတ်နေ တော့ တောင်ကျွန်းသား၊ အလယ်ကျွန်းသားတွေ မလှုပ်သာပါ။ သို့သော် အားကျမခံ တော့ ပြန်တွယ်ကြပါ၏။
“မြောက်ကျွန်းသူတွေ လှ လွန်းလို့ ဟုတ်ရပေါင်ကွာ . . . ဘဲဥတစ်လုံး သုံးရွာဝေ . . . မင်းတို့ ရွာအလှူ စည်အောင် လာကြသာပါ”
မြောက်ကျွန်းသူတွေ မနက်ခင်း နေရောင်ထဲ အလှူ လှည့်တန်းစီကြပြီ ဆိုလျှင် တဖိတ်ဖိတ် တောက်နေတော့သည်။ ရွာ့အပျိုခေါင်း မအုန်းရီက ပ၀ါ စုံချ၊ နဖူးပြောင်ပြောင် ဆံမြိတ် ကျနှင့် အပျိုတန်းကို လိုက် ကြည့်ရတာ အမော။ တစ်လှူ တစ်ရောင်ဝတ်နိုင်အောင် စီစဉ် ထားကြသူတွေဆိုတော့ လှချင် တိုင်းလှကြပါ၏။ ဘယ်သူ့ ဘယ်ဝါက ပိုလှလို့ ဘယ်သူဘယ်ဝါက ကုသိုလ် နည်းသည်လို့ပင် မပြောသာ။ ရှေးက ရာဇ၀င်နိ ပါတ်တော်တွေထဲမှာပါသည့် မြောက်ကျွန်းသူတွေလို အလှ နှင့် အယဉ်၊ အသွင်နှင့်အဆင်း ဘက်ချင်းညီကြသူတွေချည်း ပင်။ သည်လို ညီအောင် လှ အောင် ရွာအိမ်ကြီးတစ်အိမ်မှာ အပျိုတွေစုကာ ဖြီးကြ လိမ်း ကြ။ ၀တ်ကြ စားကြ၊ ခြယ်ကြ သကြ၊ ပန်ကြ ကုံးကြ၊ ပြင်ကြ ညှိကြတာဆိုတော့ တစ်ယောက်တစ်ပေါက်မရှိ။
မိဘတွေကလည်း ကျွန်း သုံးရွာ ပြိုင်ပွဲ စိတ်ကလေးရှိ ကြသူတွေချည်း ဆိုတော့ အများ က ဒါဆိုလျှင် ကိုယ့်သားသမီး ခါးပေါ် ရောက်အောင် ဆင်ကြသည်။
မရှိသူတွေကလည်း သမီးပျိုတွေ မျက်နှာ အညှိုးမခံ။ မရှိတာ ရှိတာထား။ ဈေးစပါး အဖျင်းများသည် အပြောမခံ ချင်။ သူတကာ သားသမီးဝတ် နိုင်မှတော့ ငါတို့ သားသမီးလည်း ၀တ်နိုင်ရမှာပေါ့ဆိုသည့် စိတ်သာ ရှိကြပါ၏။ သည်စိတ်ကိုပင် ရွာစိတ်လို့ သဘောထား ကြသည်။ သည်ဂုဏ်ကိုပင် ရွာ့ဂုဏ်လို့ မှတ်ယူကြသည်။ သည်တော့လည်း မြောက်ကျွန်း ရွာသူတွေ ရိပ်ရိပ်ပြေးနေကြ တာ မဆန်းပါ။ ရွာအပျိုတွေက ရွာရေးရပ်ရေး ရှိလာလျှင် ငရံ့ ရတော့ စပ်တူ ငခူရတော့ ခွဲ ခြမ်းခွဲခြမ်းမရှိကြ။ အလွန်ညီ ကြပါသည်။ မရှိသူကလေးတွေ ကို ဝေကြ မျှကြရာက ပြည့်ရတာလည်း ရှိကြပါ၏။ အပျို ခေါင်း မအုန်းရီက ပါဝါရှိ သည်။ မအုန်းရီ၏ စကား တစ်ခွန်းက တာသွားသည်။
“သည်မယ် . . .ငါပြော မယ် . . .တို့ရွာက အလှူပြီး သာနဲ့ တောင်ကျွန်းကအလှူ ဆက်ဝင်မှာ . . .ကိုယ်က ဦး အောင် အ၀တ်အစားနဲ့ ဖိထားမှ မလှန်နိုင်မှာ . . .အဖိုး တန်တော့လည်း မဟုတ် ဘူးပေါ့အေ . . .အဖိုးနည်းအိုး ကွဲကျတော့လည်း သူတကာ အထင် လျော့မခံနိုင်ဘူး . . .ငါ မြို့က အဆင်ကလေး သဘော ကျထားသာရှိသယ် . . .ညည်းတို့လည်း ကြည့်ကြပါဦးပေါ့”
သည်စကားက အတည် ဖြစ်ရတော့သည်။ မြောက်ကျွန်း သူတွေ လှကြတယ်ဆိုရာမှာ အ၀တ်အစား ၀တ်တတ်စား တတ်ကြတာလည်း ပါသလို လူညီကြတာလည်း ပါသည်။ သူ့ရုပ်ရည်ကိုယ့်ရုပ်ရည်မတူနိုင် ကြပေမယ့် စိတ်ထားညီတော့ လှကြတာလည်း ပါပါလိမ့်မည်။ တကယ့်ကို စက်စက်ယိုလှသူ က နှစ်ယောက်သုံးယောက်သာ ရှိပါ၏။ ထွေးပိုနှင့်အေးညို။ သည်နှစ်ယောက်ကတော့ တကယ် လှကြသူကလေးတွေ။ ကျွန်းသုံးရွာက ကာလသားတွေက မျက်စိကျကြတာလည်း မပြောနှင့်။ မြင်းတစ်ပြေးကြည့် ကြည့်၊ ကွမ်းတစ်ပေးကြည့် ကြည့် လှကြသူတွေ မဟုတ် လား။ အလှူ မဏ္ဍပ်ဝင်ကြပြီ ဆိုသည်နှင့် ရွာလုံးကျွတ်အောင် ကြည့်ကြ ငေးကြရသူကလေး တွေ။ သည်နှစ်ယောက်နှင့်ပင် မြောက်ကျွန်းသူတွေ နိုင်လှပေါ့။
(၃)
နို့ဖြင့် မြောက်ကျွန်းမှာ မလှသူရယ်လို့ မရှိဘူးပေါ့။ အဲသလို မေးလျှင်တော့ အကျည်းတန်သူလည်းရှိသပေါ့ လို့သာ ဖြေရမည်။ တစ်ခါ တလေ မိဖုရားကင်းကိုက်မိ သလို ဘေးကလူတွေ နေမထိ ထိုင်မသာ ဖြစ်ရတာများလည်း ရှိပါ၏။ အထူးသဖြင့် “မချုံ တင်”ကြောင့်ပင်။ ချုံတင်က လည်း မြောက်ကျွန်းရွာသူ ဓမ္မစစ်။ ပြီးတော့ အပျို။ အပျို မှ အသက် နှစ်ဆယ်ကျော် မနွံမရေအပျိုထဲက ဖြစ်သည်။ ဘ၀က ကံမပါတော့ ရုပ်က လည်း ဆိုးလွန်းလှပါ၏။ သည် ကြားထဲ လူကောင်ကလည်း ကြမ်းလိုက်သမှ တော်ရုံမြေ တစ်ကျင်းစာလောက်တော့ ချုံ တင်တစ်ယောက်တည်း မွန်း မတိမ်းခင် တူးနိုင်သည်ဆိုတာ မျိုး။ ခမျာ သောင်သာတာ မဟုတ်တော့ နေပူစပ်ခါး ပြဲပြဲစင် လုပ်စားရတာကလည်း နဂိုအသားအရေကို လှော်ထား သလို ရှိရသည်။ အဆိုးဆုံးက တော့ သွားများပင်။ ကွမ်းညှပ် ကောင်းကောင်းဖြင့် ညှပ်ထားသော ကွမ်းသီးပြားကြီးတွေ ထောင်လိုက် ကပ်ထားသလို ရှိနေကြသော သွားတွေက ကြီး ရုံမက ရှေ့ကို ခေါထွက်နေကြ၏။ မျက်စိက မှေးမှေး၊ နားရင်းက ကားကား၊ မျက်နှာက ဆယ်ပြားစေ့ကြီးနှင့်ဆိုတော့ အမှတ်တမဲ့ဆိုလျှင် ယောက်ျား သားသန်သန်ကြီးနှင့်ပင် တူနေ တတ်ပါ၏။
“ချုံတင်က ငယ်ငယ်က အလွန် ချူချာသလို . . .အခုမှ ဆင်ပေါက် ကျားပေါက်ကြီးဖြစ် လာသာ . . .မွေးတုန်းကလည်း ချုံတင့်ရှေ့က ကလေးတွေ အဖတ် မတင်ကြလေတော့ ချုံတင်လည်း မွေးရော ဆန် ကောထဲထည့်ပြီး ချုံပေါ်တင် ထားရမယ်လို့ ဗေဒင်က ဟော သယ် . . .ပြောသဲ့အတိုင်း တင် လိုက်တာ အဖတ်လည်း တင် ရှာပါရဲ့ ကျန်းလည်း ကျန်းမာ ပါရဲ့ . . .သို့ပေသိခမျာ ရုပ်မပါရှာ ပါဘူးအေ . . .ညည်းတို့ လက် ငါ့သမီးကလေး အပ်ပါသယ် . . . . ..”
အပျိုခေါင်း မအုန်းရီကို မချုံတင် အမေ အရီးကောက်က အပျိုစာရင်း ပေါက်သည့် နေ့က ပြောခဲ့ဖူးသော စကား ဖြစ်သည်။ ရွာရေး ရပ်ရေးရှိလို့ အပျိုဖိတ် အဖိတ်ခံရခြင်းသည် အပျိုစာရင်း ပေါက်ခြင်း မဟုတ်လား။ ရုပ်မလှတော့ကော ရွာ ရေးရပ်ရေး မပါလို့ ဖြစ်ကရော လား။ မဖြစ်ပါ။ ချုံတင်က သူ တကာ မလုပ်ချင်သည့်အလုပ် တွေမှာ အားကိုးရသည်။ ပေပေ ကျံကျံအလုပ်တွေမှာ ချုံတင် မရှိလို့ မရ။ ချုံတင်က ပုဆိန် တစ်လက်နှင့် ထင်းခြမ်းခွဲနိုင် သည်။ ယောက်ျားရေထမ်းပုံး လောက်တော့ ပါသည်မထင်။ ခြေကားကြီးတွေက အက်ကွဲ နေကြတာလည်း မပြောနှင့်။ ရှားနက်စူး၊ ဆီးနက်စူးခံရတာ တျွေကလည်း မနည်းလှပြီ။
အိမ်မှာ ချုံတင်ရှိတော့ လူပိုငှားစရာ မလိုသကဲ့သို့ ရပ်ရေးရွာရေးမှာလည်း တော်ရုံ့ အပျိုလေးယောက်စာလောက် အားကိုးရတာလည်း အမှန်ပင်။ သို့သော် လူပြမလှတာကိုတော့ မအုန်းရီ စိတ်ညစ်ရပါ၏။ချုံတင်က အပျိုစာရင်းဝင် ဆိုတော့ အပျိုကိစ္စတွေမှာ ရုပ်မလှလို့ ထားခဲ့ရသည်မဖြစ်စကောင်း။ ချုံတင့်မှာလည်း အပျိုတစ် ယောက်၏ အခွင့်အရေးတွေ ရှိရမှာပဲ မဟုတ်လား။အပျိုတ ကာ အလှူလှည့်တော့ မဖိတ် မဖြစ် ဖိတ်ရသည်။အပျိုတကာ ရပ်ရေး ရွာရေးဆိုတော့ ပါရ သည်။တချို့ ရွာထဲက စိတ်ရင်း ညံ့ကြသူများဆိုလျှင် ချုံတင်ကို မဖိတ်ပါနဲ့၊ လူရှေ့မရပ်ပါစေနဲ့ ဆိုတာမျိုးအထိ ပြောတတ်ကြ သည်။ ဒါမျိုးတော့ မအုန်းရီက လက်မခံဘဲ ချုံတင်ဘက်က ခုခံသည်။
“ဟဲ့ . . .ဘယ့်နှယ်ပြော လိုက်သာတုန်း . . .ချုံတင်လည်း အပျိုပဲ . . .မြောက်ကျွန်းရွာသူ ပဲဟာ . . .ရုပ်ရည်က ဂုဏ် မဟုတ်ပါဘူးအေ . . .အပျိုဆို တာသာ ဂုဏ်ပါ . . .သူလည်း ပျိုရတုန်း အပျို ကိစ္စပါရသာပါ . . . . လင်ရတော့လည်း ညည်းတို့က ပါပါဆိုတောင် မပါ ပါဘူး . . . . အရုပ်ဆိုးဆိုး ကျိုးကျိုးကန်းကန်း အပျိုဆိုရင် အပျိုစာရင်း မဖျက်နိုင်ပေါင် အေ . . . .”
မအုန်းရီကို ကြောက် တော့လည်း သည်စကား သည်မှာတင် ပြီးရပါ၏။ မအုန်း ရီ ကိုယ်တိုင်က စိတ်ညစ်သည် မှန်သော်လည်း အပျိုခေါင်း ဆိုတော့ မျှမျှတတပြောရ သည်။ မျှမျှတတ စဉ်းစားရသည်။ မျှမျှတတ နေရာပေးရ သည်ပင်။ မြောက်ကျွန်းရွာက ချုံတင်တစ်ယောက်နဲ့တင် တို့ရွာတွေက ရှုံးပါသကွာလို့ တောင်ကျွန်းနဲ့ အလယ်ကျွန်း ရွာတွေက ခနဲ့တာများလည်း သိပါ၏။ သို့သော် ရုပ်ဆိုး သကောရယ်လို့ ရွာက နှင်ထုတ်လို့ မဖြစ်ပါ။ စာရင်းက ပယ်လို့ မရပါ။ တော်ရာသင့်ရာ ချောင်မှာခိုနေပါအေလို့ မပြောသာ။ ရွာချင်းခါးစောင်းအတင် မခံကြသူတွေဆိုတော့ သည် ကိစ္စက ခုစရာဖြစ်နေရပါ၏။ ဟင်္သာတွေထဲက ဒင်ကျီးတစ် ကောင်ဆိုသော်လည်း ချုံတင် ကို အကြောင်းကြောင်းကြောင့် မပစ်ပယ်သာခဲ့။
ချုံတင်ကလည်း ချုံတင်ပင်။ အလှူရှိလို့၊၊ ဆွမ်းကြီး လောင်းလှည့်လို့၊ ဆွမ်းသိမ်း လှည့်လို့ ပွဲမရှိုလိုက်နှင့်။ ရှိတာ နှင့် ထိပ်ဆုံးကရောက်လာပြီ။ ရွာအပျိုတွေ အလှပြင်ကြသည့် အိမ်ကြီးဆီ ပထမဆုံးရောက် လာသူက ချုံတင် . . .။ သည် တော့ သူများအပျိုတွေ မပြင် ရခင်က ချုံတင်ကို ပြင်နှင့်ကြ ရသည်။ ချုံတင် အရောင် ထွက်လျှင် တိုင်ပေါ် အလံစိုက် နိုင်ပြီ မဟုတ်လား။ ချုံတင်ကို မအုန်းရီနှင့်အတူ အပျိုကြီး လေးယောက်လောက်က ပြင် ကြရပါ၏။
“ချုံတင့်အသားက မည်း လှသအေ မိတ်ကပ်မလူးနဲ့. . . မျက်နှာချေ ရေနဲ့ဖျော်စမ်း . . . .အခံလိမ်းရအောင် . . . ပြီးရင် သနပ်ခါးမှုန့် ထူထူပုတ် . . . သနပ်ခါးအ၀ါမှုန့်ပုတ်နော် . . . . .နားရွက်တွေပါ နာနာလိမ်း . . . .ဂုတ်တွေ လည်ပင်းတွေ . . . . . ဟဲ့ . . .များများ ဖျော်ပါဟဲ့ . . .ကတည်း . . .”
ချုံတင်ကတော့ ပြဲပြဲကြီး ထိုင်ကာ မျက်နှာလေးထောင့် ကြီးကို မော့ထားလိုက်တာ ကြိုက်သလိုလုပ်ကြစမ်းဆို သည့်ပုံ။ မျက်နှာပြီးတော့ ဆံ ထုံးဘက် လုကြရသည်။ ဆံထုံး ထုံးပြီးတော့မှ အ၀တ် အစား ၀တ်ခိုင်းရပါ၏။ အား လုံးပြီးပြီဆိုတော့ အချောကိုင် ရပြန်သည်။ဆံထုံးဘေးကနေ ပန်းတစ်ခွေကပ်ပန်ပေးကြရ၏။
“ချုံတင်က မျက်ခုံးတုတ်တော့ စင်ရော ထောင်ကလေးလောက် ပါးပါးလေးမှေး ဆွဲစမ်း . . . .နှုတ်ခမ်းနီ အညိုရောင် ဘယ်သူ့ရှိသလဲဟေ့ . . .တစ်ဆိုး စာလောက်ပေးကြစမ်းအေ . . အဲ ဟုတ်ပြီ . . .တစ်ယောက် ဆိုးပေးစမ်းဟေ့ . . .နှုတ်ခမ်း ရစ်အထိ မဆိုးနဲ့. . .ချန်ဆိုး စမ်း . . .လှချက်တော့အေ . . . ပပ၀တီက မမ ခေါ်ရပြီပေါ့”
မအုန်းရီက ချုံတင်ရှေ့ တည့်တည့်ကနေ တင်ပျဉ်ခွေ ထိုင်ပြီး စီစဉ် ညွှန်ကြားသမျှ ကျန် အပျိုကြီးတွေက တစ် သဝေမတိမ်း လိုက်လုပ်ပေးရ သည်။ ချုံတင်က မအုန်းရီ စကားကို တကယ် ထင်ရှာပါ ၏။ ချုံတင်ကိစ္စ ပြီးပြီဆိုတော့မှ ဖြီးလိမ်း ပြင်ဆင်ပေးရသူတွေ တစ်လှည့် ပြင်ရပါသည်။ ချုံတင်ကို ငြိမ်ငြိမ်ကလေး ထိုင်ခိုင်းထားရသည်။ ချုံတင် ကလည်း တောင့်တောင့်ကြီး ထိုင်နေတာပါပဲ။ ချုံတင်က လေးထောင့်ပြားပြားကြီးဆို တော့ ထိုင်နေတာ ကိုယ်က မအောင်ဖြူ ဖျာလိပ်နတ်နှင့်ပင် တူတော့သည်။ ချုံတင်ကို ညွှန်ကြားချက်တွေလည်း ထုတ်ရသည်။
“ချုံတင် . . .လူထူရင် မရယ်နဲ့ . . .ပါးစပ်ကလေးစေ့ ပြီးပြုံး ကြားလား . . .လျှောက် ရင်လည်း ဒေါင်းတိမောင်းတိ မလျှောက်နဲ့ နွဲ့နွဲ့ကလေး လျှောက် . . .ဘေးဘီကို မကြည့်နဲ့ ငုံ့လျှောက် . . .မောင်းထောင် ချိုင့်ထဲ ရွှေပန်းခက် မတ်မတ် ထည့်ပြီး မျက်နှာကလေး ကာရုံပွေ့ . . .”
တစ်ဖက်သား နှိမ်ရာကျမှာ စိုးတော့ လှသည်ထက် လှအောင် ပြောရတာမျိုး သုံးနှုန်း ရသည်။ ချုံတင်ကလည်း သူ တကာ အပျိုလိုလှည့်ခွင့်ရ လျှင် ကျေနပ်ပြီ။ ဘယ်သူ ဘာပြောပြော ခွန်းတုံ့ပြန်တာ မျိုးတော့ မရှိ။ သွားကလေးစေ့ ကာ ပြုံး၍ပင်ပြလေ၏။ ချုံတင့် ကွယ်ရာမှာတော့ နေရာ ပြဿနာရှင်းကြရသည်။
“ချုံတင့်ကို နောက်ဆုံးက ထားလိုက်အေ . . .ပြီးသာပဲ”
“မလုပ်ပါနဲ့ မမအုန်းရီ ရယ် . . .နောက်ဆုံးပိတ် အိတ်နဲ့လွယ် . . .ကြည့်ကြသူတွေက ချုံတင်ကြီး စွဲကျန် နေကြပါ့ မယ်”
“ဒါဆို ရှေ့ဆုံးက ထား”
“ဗွေဆော်ဦး ဘူးနဲ့လွယ် . . . .စစချင်း ချုံတင်နဲ့ ထိပ်တိုက်တွေ့တော့ လန်ကြက ရောပေါ့”
“ဒါဆို . . .အလယ်ထား”
“အလယ်က အသား မမအုန်းရီရဲ့. . .အလယ်ရောက်လေ လှလေဖြစ်ရမှာလေ”
“နို့ . . .ချုံတင်ထားဖို့ ခက်ကရောပေါ့”
“ကျုပ်တော့ ချုံတင်ကို ဒိုးပတ်ဝိုင်းထဲသာ ထည့်လိုက် ချင်တော့သယ် . . .”
တကယ်တမ်းနေရာချ တော့လည်း နေရာက မကျ ချင်။ ဟိုရွှေ့ကြည့် သည်ရွှေ့ ကြည့်။ ဟိုနောက်ထား၊ သည် နောက်ထား။ မဟုတ်ရပြန်။ တစ်ခါရွှေ့လိုက်ကြ၊ ပြန်ခေါ် လိုက်ကြ။ ကြာတော့ ချုံတင် ရိပ်မိရာက စိတ်တွေ ဆိုးတော့သည်။ သည်တော့လည်း အပျိုခေါင်း မအုန်းရီမှာ စကားလှ အောင် ချော့ရသည်။
“ဟဲ့ . . .ချုံတင်ရဲ့ . . . ညည်းကို အသား လုပ်ရသာ . . ညည်းက မိန်းမခန့်ဆိုတော့ ထားတတ်မှ လှမှာပေါ့ . . . တခြား ရွာတွေက လာကြည့် ကြမှာအေ့ . . .ညည်းနဲ့လှန့်ရ မှာ . . .”
သည်လိုဆိုတော့လည်း ချုံတင် ကျေနပ်ရှာသည်။ တကယ်ပြောနေကြတာလို့ ထင်သည်။ သည်လိုနှင့် တစ်ပွဲ ပြီးရပြန်ပါ၏။ ရွာကလည်း ချုံတင့်ကြောင့် အတန်းပျက် ရမှန်း သိကြပါ၏။ သို့သော် ပွင့်ပွင့်လင်းလင်း မပြောရက်ကြတော့ ကွယ်ရာမှာ ပြောကြသည်။ ကာလသားတွေကပါ ချုံတင်ကြောင့် ခက်ပါရဲ့ ဖြစ် ကြရပြီ။ သည်စကားတွေ ကြားတော့ ချုံတင့်အမေ အရီးကောက်က ထဘီစွန်တောင် ခါးတက်ချိတ်ရင်း အော်လေသည်။
“ဘယ် ကောင်မတွေကများ ဖုတ်သွင်း ရထားဆိုက်ကြ လို့တုန်းဟေ့ . . .ငါ့သမီးများ မခြောက်ရပါဘဲနဲ့ သရဲအထင် ခံရလို့အေ . . .ချုံတင့်ကို အပျိုစာရင်း နှုတ်ချင်သဲ့ ကောင်မတွေ ထွက်ခဲ့ကြစမ်း။ ထဘီကလနားချင်း ချည်ဆွဲ ပစ်လိုက်စမ်းမယ်”
မြောက်ကျွန်းသူတွေ လှ သည်ဆိုပေမယ့် ချုံတင်က ကြားခုနေလေတော့ အလယ်ကျွန်း တောင်ကျွန်း ရွာတွေက ဒါကို လက်ညှိုးထိုးလာကြ သည်။ နဂိုကမှ ကိုယ့်ရွာကိုယ် အမွှမ်း တင်ချင်ကြသည့် ရွာတွေ ဆိုတော့ ဆွမ်းဆန်ထဲ ကြွက်ချေးပါသလို ပြောစရာ လုပ်လာ ကြသည်။ ဟုတ်ကလည်း ဟုတ်နေတော့ မြောက်ကျွန်း ရွာသူတွေ အခံရခက်လှပါ၏။ ချုံတင်ကလည်း ဖျောက်ထား လို့မရတော့ လူလုံးပြရ။ လူလုံး ပြရပြန်တော့ ပြောစရာဖြစ်ရ။ အပျိုတွေ အိမ်ထောင်ရက်သား ကျကုန်လို့ နောက်ပေါက် ကလေးတွေ အပျိုစားဝင်ကြ ပြန်သည့်တိုင် ချုံတင်က အပျို စာရင်းပေါက်ရတုန်းဆိုတော့ ပြဿနာက တသီကြီးပါနေရ သည်။
“ပြဿနာက ချုံတင်လင် ရမှ ပြီးမှာအေ့ . .ချုံတင်မှ မဟုတ်ပါဘူးအေ . . .ငါပါ လင်ရမှ ပြီးမှာပါ”
တစ်ရက်တော့ မအုန်းရီ က ညည်းသည်။
“လင်ရ ရအောင်ကလည်း ကိုယ့်ရွာသားကလည်း မကြိုက် တစ်ရွာသားကဆို ဝေးရော့ ဆိုတော့ မခက်ဘူးလား . . . အခုဟာက ချုံတင်ကြောင့် ရွာက ပြတ်ပြတ်သားသား မနိုင် ရသာကို အခံရခက်သာ . . .”
တစ်ယောက်ကလည်း ထောက်ခံသည်။ မအုန်းရီက မျက်စိကလေး မှေးရင်း စဉ်းစားသည်။ ဘယ်လိုများ လုပ်ရင် ကောင်းမှာပါလိမ့်။ စဉ်းစား တာက အခုမှစဉ်းစားတာတော့ မဟုတ်ပါ။ တစ်လျှောက်လုံး စဉ်းစားလာခဲ့ရခြင်းဖြစ်၏။ သို့သော် အဖြေ မတွေ့ခဲ့။ ချုံတင် အပျိုစာရင်းက ပျောက်ဖို့ လင်ရမှ ဖြစ်မည်။
“သည်လိုဆိုရင်ကော အေ . . . .”
မအုန်းရီက စကား စ လိုက်တော့ အားလုံးက မအုန်း ရီဘက် လှည့်ကြည့်ကြသည်။
(၄)
“ချုံတင်ရယ် . . ညည်း အလှူလှည့်သဲ့ရက်က တို့ရွာ က ကိုအေးမောင်ကြီးက ညည်းကို လှလွန်းလို့တဲ့ . . . ပေါ်လိုက်သဲ့ ရုပ်နှယ်ဗျာ မိန်းမ သားဆိုသာ ဒါမျိုးခေါ်သာ . . . အလုပ်များတော့လည်း ဖျန်း ဖျန်းကွဲ . . .ချုံတင့်ရသဲ့သူတော့ ကံကောင်းပါ့ဗျာသဲ့ . . .ငါက တောင် ပြောခဲ့သေးသာ . . . ချုံတင်ကြားရင် စိတ်ဆိုးလိမ့် မနော် . . .တောစကား တော ပျောက်ပစေလို့ . . .”
အပျိုခေါင်း မအုန်းရီ အပါအ၀င် ရွာ့မိန်းကလေးတွေက သည်စကားမျိုး ချုံတင်ကို အကြောင်းဆိုက်တိုင်း ပြောကြသည်။ ပထမတော့ ချုံတင်က မျက်နှာကြီးနီကာ “သေချင်းဆိုးက လူ ဘာမှတ်လို့တုန်း” လုပ်ပါသေးသည်။ ကြားရဖန် များတော့ “တကယ်လားအေ” ဖြစ်လာခဲ့သည်။ ရွာကာလသား တွေကလည်း ကိုအေးမောင်ကို အရက်ဝိုင်း ခေါ်တာတွေ များပြီ။
“ကိုအေးမောင်တို့များ စွဲချက်တော့ဗျာ . . .မိန်းကလေးက စရတာမျိုး ပါလားဗျာ . . ချုံတင်က ကိုအေးမောင်ကြီး ရိုးသယ် အေးသယ်နဲ့ . . .ယောက်ျားဆိုသာ အဲသလို ကျားစီးဖားစီးရှိမှ စီးပွားဖြစ်သာ တဲ့ဗျာ . . .မဟုတ်မှလွဲရော . .”
ကိုအေးမောင်ကြီးက လည်း ချုံတင်ဆိုတော့ စိတ်မပါ။ သို့ပေသိ လူကလည်း ခပ် ရူးရူးဆိုတော့ ကြားရဖန်များရာ က “မင်းတို့ဟာက ဟုတ်ရဲ့ လားကွာ” ဖြစ်လာတော့သည်။ယာထဲ အခင်းထဲကို အေးမောင်နှင့် ချုံတင် မတွေ့မရှိ တွေ့ကြရတာဆိုတော့ တစ် ယောက်တစ်ယောက် ခိုးကြည့် ကြရာက ရင်နွေးရတာတွေ ဖြစ်လာပါ၏။ ရွာကာလသား၊ ကာလသမီးတွေ လှော်ဖန်များ တော့လည်း “ပေမကုန်ပဲ စာကျ” ကြလေသည်။
ကိုအေးမောင်နှင့် ချုံတင်တို့ မင်္ဂလာဆောင်တော့ ရွာကာလသား ကာလသမီးတွေက မြေတစ်ကွက် စုဝယ်ကာ လက်ဖွဲ့ကြသည်။ မင်္ဂလာ ဆောင်ကလည်း စည်လိုက် သည့်ဖြစ်ချင်း။ ရွာကလည်း သည်အခါမှ “ဟင်း”ချကြရသ လို မင်္ဂလာဆောင်ကို ၀ိုင်းလိုက်ကြတာ လက်ဖွဲ့တွေများ သိမ်း၍ပင် မနိုင်။ သတို့သမီး ချုံတင်ကို တစ်ရွာလုံးက အပျိုတွေ ၀ိုင်းပြင် ပေးလိုက်ကြတာ မကန်းလှေကားကြီးထုံးသုတ် ထားတာနှင့်ပင် တူ၏။ အပျို ခေါင်း မအုန်းရီက မင်သေသေ မျက်နှာဖြင့် နှမျောဟန်ပြ သည်။
“ချုံတင်ရယ် . . .ညည်း နှယ် . . .နှမျောချက်တော့အေ . . . .လင်ရမှများ ပိုလှလာ သလား အောက်မေ့မိသယ် . . .ကိုအေးမောင်နဲ့တောင် မတန် ပေါင်အေ . . .နေပါဦး . . .ညည်းတို့ ဘယ်သူတွေကများ အောင်သွယ်တာပါလိမ့် . . .”
“ဖူးစာပါတော့လည်း မရှောင်သာဘူးပေါ့ မမအုန်းရီ ရယ် . . .စဥ့်အိုးထဲ ၀င်ပုန်းတောင် လွတ်မထင်ပါဘူး . . . ဘ၀က အကြောင်းပါသာကိုး မမရဲ့. . .”
ချုံတင်က သည်လို ပြောလေ ကာလသား ကာလ သမီးတွေက ကွယ်ရာမှာ ရယ်ကြလေ။ မင်္ဂလာဆောင်ပြီး နောက်ရက်မှာ ချုံတင် အပျို စာရင်းက အဖျက်ခံရလေပြီ။ ချုံတင်က သွားခေါတော့ ရွာက အေးမောင်တို့များ ကံကောင်း ပုံများ အိမ်ထောင့်တစ်သက် အုန်းခြစ်ဝယ်စရာ မလိုဘူးတဲ့။
(၅)
ကိုအေးမောင်နှင့် ချုံတင် ညားကြရာက သမီးနှစ်ယောက် ရတော့မှ အဖြစ်မှန်ကို သိကြသည်။ စိတ်လည်း မဆိုးသာတော့“သေနာမတွေ”ဆိုတာ လောက်နှင့် ပြီးခဲ့ရသည်။ အပျို ခေါင်းမအုန်းရီကပဲ ဖွင့်ချခြင်း ဖြစ်ပါ၏။
“ညည်းသာ လင်ရအောင် လှော်ရသာပါအေ . . ငါဖြင့် ခုထိ လင်မရနိုင်သေးဘူး”
“အပျိုခေါင်း ဇာတာ မကုန်သေးလို့ပေါ့ မမအုန်းရီရယ်”
အခုတော့လည်း ရွာပြိုင် ရပ်ပြိုင်ရယ်လို့ သိပ်မရှိတြော့။ ကျွန်းသုံးရွာစလုံး တစ်ရွာတစ်ရွာ စကားနာထိုးတာတွေ မရှိကြတော့။ အလှူပွဲ လှည့်ရယ်လို့၊ ဆွမ်းကြီးပွဲလှည့် ရယ်လို့လည်း စည်စည်ကားကား သိုက်သိုက်မြိုက်မြိုက် မရှိတော့တာလည်း ပါပါလိမ့်မည်။ မြစ်မကြီးကလည်း မြောက်အရပ်မှ တောင်အရပ် ပင်လယ်ဆီ စီးဆင်းမြဲ စီးဆင်းလျက် ရှိပါ၏။ ကျွန်းသုံးရွာစလုံးကို မြစ်ရေက ခေါင်းဝှေ့မြဲ ဝှေ့ဆဲပင်။ မြေပဲ၊ ဘူး၊ ဖရုံ၊ သခွားတွေလည်း ဥမြဲဥလို့ သီးမြဲသီးလျက် ရှိပါ၏။ သို့သော် ကျွန်းရွာ အချင်းချင်း ရွာပြိုင်ရပ်ပြိုင် စိတ်တွေ ခန်းခြောက် ကုန်ကြတာကတော့ ဘယ်လိုပြောရမည်မသိ။
အရုပ်ဆိုးလှသူ မချုံတင်နှင့် အကျည်းတန်လှသူ ကိုအေးမောင်တို့က မွေးသည့် သမီးနှစ်ယောက်စလုံး စက် စက်ယိုအောင် လှနေခြင်းကတော့ ထူးဆန်းလှပါ၏။ကျွန်း သုံးရွာမှာ အပျိုတွေများလှ သော်လည်း မချုံတင့်သမီး မိချာရစ်နှင့် မိသေးတာတို့ကို မီသူ မရှိ။ မချုံတင်တို့ လက်ထက်ကတည်းက မြောက် ကျွန်းသူတွေ အချောအလှမှာ နိုင်စားကြရသလို မိချာရစ်တို့ မိသေးတာတို့ လက်ထက်မှာလည်း နာမည်ကောင်းရဆဲပင်။ မြောက်ကျွန်းက မိန်းမချော ထွက်မှာပေါ့၊ မြောက်ကျွန်းမ ကြီးက မြစ်ရေအောက်က သိုက်နန်းပေါ် ကျနေသာ ကိုးလို့ပင် ပြောကြရသည် အထိ မိန်းမချော မျိုးမပြတ်တာကို ၀န်ခံကြရပြီ။ အရင်တစ်ခေတ် တစ်ခါကလို ရပ်ပြိုင်ရွာပြိုင် စိတ်တွေ မရှိကြတော့ အပျိုလှတာ ရွာအတွက် မဟုတ် တော့ဘဲ ကာလသားတွေကိစ္စ လောက်သာ သဘောထားကြ ပါ၏။ဒါကို မချုံတင်က မခံချင်။
“ငါ့သမီးများ ခေတ်ကျမှ ပါအေ . . .အမေတို့ ခေတ်တွေ တုန်းက တစ်ရွာ့တစ်ရွာသူသာ ကိုယ်သာ ကြည့်နေကြသာ . . . . .မြောက်ကျွန်းသူတွေ လှ လွန်းလို့ လာပိုးကြသာများ လှေကြက်တောင်စိုက် . . . ညည်းတို့ အဖေဆိုရင် အမေ အလှူ လှည့်ထွက်ရင် ကြည့်ရ တာ အမော . . .အမေ့ကို ပိုး သာပဲ သုံးနှစ်ကြာသယ်”
တစ်ခါက ကွမ်းသီးပြား ကြီးတွေလို ခေါထွက်နေတဲ့ သွားကြီးတွေ မရှိတော့ပေမယ့် ချုံတင်က တစ်ချီတစ်မောင်း ဂိုက်ထုတ်လိုက်ချင်သေးဆိုသည့် ပုံ။ သမီးတွေကတော့ မအေ့ မျက်နှာကို ကြည့်နေကြရုံသာ။ နွားစားကျင်းမှာ နွားစာကျွေး နေသည့် ကိုအေးမောင်က “ပုန်းမကြည်မ . . .ရူးသာ ကောင်းမှတ်လို့”တဲ့။
ခင်ခင်ထူး
No comments:
Post a Comment