"မလွမ်းစကောင်းလွမ်းစကောင်း"

(ရှေးရှေးကမန်းတလေး အပိုင်း ၅)

မန်းလေးအကြောင်းရေးမယ်ဆိုရင် တစ်မြို့လုံးအနှံ့မှာရှိနေတဲ့ ဘုရားတွေအကြောင်းမှ မပါဘူးဆိုရင်မပြည့်စုံဘူးဖြစ်နေမှာပေါ့နော်။ တန်ခိုးအကြီးဆုံးနဲ့လူသိအများဆုံးလို့ပြောရရင်တော့ ရခိုင်ပြည်ကနေ ပင့်ဆောင်လာခဲ့တဲ့မဟာမြတ်မုနိရုပ်ရှင်တော်ပါဘဲ။ မန်းလေးမြို့ရဲ့တောင်ဘက်အဖျားမှာ ရှိတာပါ။ ရန်ကုန်-မန်းလေး ရထားလမ်းပေါ်က မန်းလေးကိုဝင်ခါနီး ရှမ်းစု ဘူတာရောက်လို့ အနောက်ဖက်ကိုလှည့်ကြည့်လိုက်ရင်ဘဲ ရွှေရောင်တွေပြောင်ဝင်းနေတဲ့ “မဟာမြတ်မုနိ” ဒါမှမဟုတ် မန်းလေး အခေါ်”ဘုရားကြီး”ကိုဖူးမြင်ရမှာပါ။ လမ်းအနေနဲ့ပြောရမယ်ဆိုရင် မြောက်ဘက်နေ တောင်ဘက်ကိုတည့်တည့်ကြီး လာတဲ့ 82လမ်းမက “ဘုရားကြီး”ရှေ့မှောက်မှာအဆုံးသတ်ပါတယ်။

“ဘုရားကြီး”ရဲ့ပုရ၀ုဏ်က တစ်ပြပါတ်ပါတ်လည် အကျယ်ကြီးပါ။ အရှေ့ဘက်ကနေလာမယ်ဆိုရင် 78လမ်းမကြီးဖြစ်တဲ့ ရန်ကုန်မန်းလေးလမ်းမကြီးကနေလာရင် ပြတိုက်ကွေ့လို့ခေါ်တဲ့နေရာရောက်ရင် အနောက်ဘက်ကိုချိုးဝင်လိုက်တာနဲ့ ဘုရားကြီး အရှေ့စောင်းတန်းကို ရောက်ပါတယ်။ အဲဒီလမ်းကတော့ တစ်လမ်းမောင်းပါ အရှေ့ကနေ အနောက်ကို ဘဲသွားလို့ရပါတယ်။ (အရင်ကတော့ ဒီလမ်းက စက်ဘီးတစ်စီးစာသာ သွားလို့ရတဲ့ လူနေအိမ်တွေနဲ့ပိတ်နေတဲ့ ကျပ်ညပ်နေတဲ့လမ်းပါ။ အခုခေတ်မှသာ လမ်းဖောက်လိုက်တဲ့အတွက် ကောင်းကောင်းသွားလို့ရတဲ့လမ်းဖြစ်သွားတာပါ)

အနောက်ဘက်ကလာမယ်ဆိုရင်တော့ ဈေးချိုနာရီစဉ်ကြီးရှိတဲ့ 84လမ်းကနေ တောင်ဘက်ကိုတည့်တည့်လာ ဘုရားကြီးလေးဆယ့်ငါးတာနားက သာသနာ(2500)ဗိမ္မာန်နားမှာရှိတဲ့စာတိုက်ကွေ့ဆိုတာကိုရောက်ပြီဆိုရင် အပေါ်တဲ့တဲ့တက်လိုက် (ဒီလမ်းကလဲ တစ်လမ်းမောင်းဘဲ အနောက်ကနေအရှေ့ဘက်ကိုဘဲသွားလို့ရပါတယ်) ခြင်္သေ့ကြီးနှစ်ကောင်ကိုမြင်ရတယ်ဆိုရင် ဘုရားကြီးမြောက်ဘက်စောင်းတန်းကိုရောက်ပြီလို့သာမှတ်လိုက်ပေတော့။ ဘုရားကြီးက အရှေ့အနောက်တောင်မြောက် လေးဘက်လေးတန် စောင်းတန်းတွေရှိပါတယ်။ အစည်ကားဆုံးကတော့ အရှေ့ဘက်နဲ့ မြောက်ဘက်စောင်းတန်းပါဘဲ။

မဟာမြတ်မုနိ ရုပ်ရှင်တော်မြတ်ရဲ့အံ့ထူးမကုန်တဲ့အကြောင်းတွေကတော့ စာမဖွဲ့တော့ပါဘူး။ မဟာမြတ်မုနိဘုရားရဲ့ မြောက်ဘက်ခြမ်းက အခန်းတစ်ခုထဲမှာရခိုင်ပြည်ကပါလာတယ်ဆိုတဲ့ လူပုံစံကြေးရုပ်ကြီးတွေ၊ဧရာဝဏ်ဆင်ပုံစံကြေးရုပ်ကြီးတွေ ရှိပါတယ်။ငယ်ငယ်တုန်းက အဖွားနဲ့သွားတယ်ဆိုရင်အဲဒီကြေးရုပ်ကြီးရဲ့ခေါင်း မျက်စေ့ ၀မ်းဗိုက် ခြေထောက်အစရှိတဲ့နေရာတွေကို လက်နဲ့ပွတ်ခိုင်းပြီး “ခေါင်းမကိုက်ပါစေနဲ့ မျက်စေ့မနာပါစေနဲ့ ဘိုက်မနာပါစေနဲ့ ခြေထောက်မနာပါစေနဲ့”ပါးစပ်ကလည်းရွတ်လို့ဆုတောင်းခိုင်းပါတယ်။

မဟာမြတ်မုနိရုပ်ရှင်တော်စံကျောင်း

လူကြီးကချီထားပေးပြီး မမှီမကမ်းနဲ့သာ ခိုင်းတဲ့အတိုင်းသာပွတ်ရတယ် စိတ်ထဲကတော့ကြောက်ပါတယ်။ ကြောက်ဆို လူတွေပွတ်လွန်းလို့ပြောင်လက်နေတဲ့အပြင် မျက်စေ့နေရာကဟောင်းလောင်း ၀မ်းဘိုက်ကချက်နေရာကဟောင်းလောင်း လက်တစ်ဖက်ကပြတ်နေသေးတယ်ဆိုတော့ ကလေးဆိုတော့လဲကြောက်တာပေါ့ဗျာ။

ဒီအရုပ်တွေရဲ့ဘေးမှာတော့ အလွန်ကြီးမားသော နတ်သားနှစ်ပါးကထမ်းထားတဲ့ ကြေးစည်အကြီးကြီးရှိပါတယ်။ အဲဒါကတော့ ကျနော်7တန်းနှစ်လောက်မှာမှ လှူထားတာပါ။ အဲဒီကြေးစည်ကြီးအတွက်အနယ်နယ်အရပ်ရပ်က လာလှူတဲ့ ကြေးတွေကို အရည်ကျိုပြီး ပုံစံလောင်းတာက ဘုရားကြီးအရှေ့ဘက်စောင်းတန်းက ဆိုင်ခန်းတွေရဲ့နောက်ကျေဘက်မှာဖြစ်မယ်ထင်ပါတယ်။

မြေကြီးထဲမှာတွင်းတူး ပြီးပုံစံလောင်းတာကိုတော့ မှတ်မိနေပါသေးတယ်။ ဘုရားကြီးမှာရောက်တယ်ဆိုရင် ငယ်ငယ်က တမက်တမောနဲ့ လူကြီးတွေကို အ၀ယ်ခိုင်းရတာကတော့ မြန်မာ့ရိုးရာကစားစရာ ” လင်းကွင်း”လေးတွေ”ဗုံ “လေးတွေ “အိုးစည် “လေးတွေပါ။ အိုးစည်ဆိုတာက တီးစရာသားရေမျက်နှာပြင်တစ်ဖက်တည်းဘဲပါတဲ့ လည်ပင်းရှည်ရှည်လေးကိုခေါ်ပြီး ” ဗုံ”ဆိုတာကတော့ သားရေမျက်နှာပြင်တစ်ဖက်ကကြီးပြီး တစ်ဖက်ကတော့ သေးပါတယ်။

ငယ်ငယ်က လူကြီးတွေက ဒါတွေဝယ်ပေးလိုက်လို့အိမ်ပြန်ရောက်တာနဲ့ အိမ်နီးနားချင်းကလေးတွေစုပြီး ဗုံတွေလင်းကွင်းတွေ အိုးစည်တွေနဲ့ ပေါက်တတ်ကရသီချင်တွေဆို တီးချင်တာတွေတီးပြီး ကတမ်းခုန်တမ်းကစားကြတာကို မှတ်မိနေပါသေးတယ်။ အခုလိုတိုးတက်နေတယ်ဆိုတဲ့ခေတ်ကြီးထဲမှာ ကလေးတွေက တီဗွီဂိမ်းလောက်ဘဲ ဆော့နေတာမြင်တော့ မြန်မာ့ကစားစရာကို နောင်မှာမြန်မာကလေးလေးတွေက မမက်တော့မှာကိုစိုးပါတယ်။

နောက်ကျနော်တို့ကလေးတွေပျော်ကြတာက ဘုရားကြီးအရှေ့ဘက်ခြမ်းမှာရှိတဲ့လိပ်ကန်ပါ။ လူကြီးတွေဆီက ပိုက်ဆံတောင်း လိပ်စာရောင်းတဲ့ဆီမှာပေါက်ပေါက်ဆုပ်တို့ ကန်စွန်းရွက်တို့ဝယ် လိပ်ကန်ထဲကိုပစ်ချ လိပ်တွေငါးတွေလာစားရင် ကလေးအချင်းချင်း အော်ဟစ်လို့ သူထက်ငါ ဟိုမှာဒီမှာဆိုပြီးလက်ညိုးတထိုးထိုးနဲ့ပြကြ သိပ်ပျော်ခဲ့ရပါတယ်။ (ဒီကန်မှာရောင်းတဲ့လ်ိပ်စာကို အစွဲပြုလို့ မသိသူက အိမ်လိပ်စာမေးရင် ပေါက်ပေါက်ဆုပ်နဲ့ကန်စွန်းရွက်လို့ပြန်ဖြေပြီး ခပ်တည်တည်နဲ့ ဟာသလုပ်တတ်တာ မန်းလေးသူတွေပေါ့)။

နောက်ဘုရားကြီးမှာ အနီးအနားက ဘုရားကြီးသူတွေရော အဝေးက ဧည့်သည်တွေပါနေ့စဉ်ကုသိုလ်ယူစရာအလုပ်လေးတစ်ခုရှိပါတယ်။ နံက်တိုင်းမျက်နှာသစ်တော်ရေဆပ်ကပ်တဲ့အခါအမွှေးနံ့သာအဖြစ်အသုံးပြုမယ့် သနပ်ခါးတွေကို ကျောက်ပြင်ကြီးတွေနဲ့သွေးနေတာကို ကိုယ်တိုင်ဝင်ပြီးလုပ်အားဒါနပြုနိုင်တာကြောင့်ပါ။ အဲဒီနေရာကတော့ မြောက်စောင်းတန်းရဲ့အရှေ့ဘက် က ကုက္ကိုပင်ကြီးအောက်မှာပါ။

ဘုရားကြီးထဲလာရင်စိတ်ညစ်စရာကောင်းတာတစ်ခုကတော့ မျက်နှာသစ်တော်ရေထည့်ထားတဲ့ပုလင်းလေးရယ် မျက်နှာသစ်တော်ကျလို့ယူဆရတဲ့ တဘက်ကလေးတွေကိုခပ်တည်တည်လက်ထဲဇွတ်လာထည့်ပြီးနောက်မှ ပိုက်ဆံတောင်း လို့ရောင်းတတ်တဲ့သူတွေကိုပါ။

ဘုရားကြီးရဲ့လေးဘက်လေးတန်က စောင်းတန်းမှာရှိတဲ့ဆိုင်ခန်းတွေကတော့အများအားဖြင့် “နိဗ္ဗာန်ကုန်” လို့ခေါ်တဲ့ဘုရားနဲ့ပါတ်သက်တဲ့ ပစ္စည်းရောင်းချတာများပါတယ်။့ုဘုရားဆင်းတုတော်တွေ၊ စိတ်ပုတီးတွေ၊ သာသနာ့အလံတွေ၊ ယကြာချေတဲ့နေရာမှာ သုံးကြ တဲ့ တံခွန်ကုက္ကားတွေ ထီးဖြူတွေရွှေထီးတွေငွေထီးတွေကိုလည်းရနိုင်ပါတယ်။

ပိုများတာကတော့ကြေးထည်ပစ္စည်းဆိုင်တွေပါ။ ကြေးဘုရားပန်းအိုး၊ကြေးခေါင်းလောင်း၊ကြေးစည်၊ကြေးဆွမ်းတော်ခွက်။ကြေးမီးပူ တွေကိုရနိုင်ပါတယ်။ ထူးခြားတာကတော့တောင်ဘက်စောင်းတန်းပါ။အဲဒီမှာဗေဒင်ဆရာတွေရှိပါတယ်။ တစ်ခါကပေါ့ဗျာ ရန်ကုန်ကိုကျောင်းသွားတက်နေတဲ့ သူငယ်ချင်းနှစ်ယောက်ရယ်ကျနော်ရယ်ပေါင်းသုံးယောက်ဘုရားကြီးကိုသွားကြပါတယ်။ ဘုရားဖူးပြီးတဲ့အခါမှာ ဘုရားကိုလက်ယာရစ်ပါတ်ရင်း ဗေဒင်ဟောခန်းနားရောက်တော့ ဟိုဗေဒင်ဆရာကလဲခေါ် ကျနော်တို့ထဲကတစ်ယောက်ကလဲမေးချင်ဆိုတော့ အံကျဘဲပေါ့။ဒါနဲ့ဘဲ ဗေဒင်ဝင်မေးဖြစ်ကြပါတယ်။

ဗေဒင်ဆရာက ကျနော့်သူငယ်ချင်းကိုဟောတဲ့အခါမှာအိမ်တောင်ဘက်မှာရှိနေတဲ့မန်းကျည်းပင်က
မြောက်ဘက်ထွက်နေတိုင်းကိုင်းကို ခုတ်လိုက်ပါတို့။ မကြာခင်ကာလက ခြေနှစ်ချောင်းထွက်ခဲ့မယ်တို့ အိမ်ရဲ့အရှေ့ဖက်အရပ်က မနာလိုလို့ရန်ပြုတဲ့သူရှိမယ်တို့ ဟောတဲ့ပြီးယတြာချေခိုင်းပါတယ်။

သူစီရင်ထားတယ်ဆိုတဲ့ အင်းချထားတဲ့ ဖယောင်းတိုင်ကို ယတြာချေတဲ့အခါမှာထွန်းးဘို့ ဆိုပြီး ရောင်းလိုက်ပါတယ် ။ဗေဒင်ဟောခနဲ့ ဖယောင်းတိုင်ဘိုးက သိပ်တော့မများပါဘူး နှစ်ဆယ်ငါးကျပ်ထဲပါ။အဲဒီတုန်းကလက်ဖက်ရည်တစ်ခွက်မှ တစ်ကျပ် ပါ။ ဒါနဲ့ဘဲသူ့အိမ်ပြန်ရောက်တော့ ဗေဒင်ဆရာဟောတာ ကွက်တိကို မှန်တဲ့အကြောင်းတွေကို သူ့အိမ်ကိုပြန်ပြောတာပေါ့။ သူပြောပြီးမှ သူ့အမေက ဗေဒင်ဆရာက နည်းနည်းလေးဝမယ် အသက်သိပ်မကြီးသေးဘူး မေးမှာ ၀င်းဦးလိုမေးမွှေးလေးရှိလားလို့မေးတဲ့အခါ ဟုတ်တယ်လို့လဲပြန်ဖြေရော “အ တဲ့ကောင်ခံရတာ နည်းတောင်နည်းသေးတယ် မှန်မှာပေါ့ အဲဒါဟိုဘက်နှစ်အိမ်ကျော်ကနေပြောင်းသွားတဲ့ မောင်ညို “လို့ပြောလိုက်ရော အားလုံးက ၀ါးကနဲရီလိုက်ကြတော့ ခံလိုက်ရတာကိုသိလိုက်ရပါတယ်။

နောက်ဘုရားကြီးမှ ကောင်းတာတစ်ခုက ကိုယ်တိုင်ကိုယ်ကျ ရွှေသင်္ကန်းကပ်နိုင်တာကိုပါ။ ကျနော်တို့မန်းလေးက တော့ ရွှေချတယ်လို့ဘဲသုံးပါတယ်။ ရင်ဘတ်မနာအောင် ရင်ဘတ်တော်ကိုရွှေချ ၊နှလုံးမနာအောင်နှလုံးတော်နေရာမှရွှေချ ၊လက်မနာအောင်လက်မောင်းတော်နေရာမှာရွှေချ ကိုယ့်အယူအဆနဲ့ကိုယ်ကတော့ဟုတ်နေပါတယ်၊ ဒါပေမယ့်လည်းရွှေချတဲ့အခါမှာ ဖြစ်ကတတ်ဆန်းချလို့တော့မရပါဘူး။ရွှေချလို့ရနိုင်တဲ့နေရာလေးတွေမှ စစ္စည်းအညိုလေးတွေသုတ်ပေးထားပါတယ်။ အဲဒီနေရာမှာရွှေချမှလည်း ရွှေက ဘုရားကိုယ်တော်ပေါ်မှာစွဲမြဲစွာကပ်နေနိုင်မှာပါ။ စံနစ်တကျ စစ္စည်းသုတ်ပြီး ပုံစံပြလို့ဘဲပြောပြော ဘုရားတန်ခိုးတော်ကြောင့်ဘဲပြောပြော နှစ်စဉ်နှစ်တိုင်းရွှေဆိုင်းပေါင်းများစွာကပ်လှူနေတာတောင် မဟာမုနိဘုရားကြီးရဲ့မျက်နှာတော်နဲ့ ခန္ဓာ ကိုယ်တော်တို့က အချိုးအစားညီလို့လိုက်ဖက်တင့်တယ်သပ္ပါယ်နေတုံးပါဘဲ။

ဘယ်လောက်ဘဲ စိတ်တွေညစ်လာလာ ထွေလာလာ ပူလာလာ မဟာမြတ်မုနိကိုယ်တော်မြတ်ရှေ့ရောက်လို့ ဦးနှိမ်ကန်တော့ပြီးဖူးမျှော်လိုက်တယ်ဆိုရင်ဘဲ စိတ်ထဲမှာ အနည်းနဲ့အများ ငြိမ်းချမ်းလို့သွားတာကတော့ အမှန်ပါဘဲ။ (တစ်ခါတစ်ရံစိတ်ညစ်ရတာကတော့ ကြက်တူရွေးတော်တော် မယ်ဘော်က ကဲဆိုသလိုပါဘဲ ဘုရားလာဖူးမယ်ဆိုတဲ့ VIP ကဘယ်နေမှန်းတောင် မသိဘူး ဒီမှာက ဘုရားဖူးတွေကိုဟိုနားမဖူးရ ဒီနားမ၀င်ရဆိုပြီး ကန့်သတ်လို့ထားတာပါ။

ကျနော်ကတော့ ဘုရားလာလို့ အ၀င်ဝမှာကော်ဇောခင်းထားတာမြင်ရင် လှည့်ပြန်လိုက်တာပါဘဲ။အဲဒီနေ့က VIP လာမယ့်နေပါဘဲ)။ ဘုရားကြီးမှာ စိတ်ဝင်စားစရာကောင်းတာတစ်ခုကတော့ ဘုရားပါတ်ပါတ်လည်က ပြတိုက်လေးတွေမှာ လူတွေလှူဒါန်းထားကြတဲ့ပစ္စည်း လေးတွေကိုပါ။ ဆံပင်တွေ ပိုက်ဆံတွေ ကွယ်လွန်သွားသူရဲ့ဓါတ်ပုံတို့လက်ဝတ်ရတနာတို့ကို (ဘယ်နေ့ ဘယ်ရက်မှာကွယ်လွန်သွားတဲ့မောင်ဘယ်သူ မဘယ်သူကိုရည်စူး၍ဆိုတဲ့)စာလေးတွေကပ်ပြီးလှူထားတာတွေကိုလိုက်ဖတ်ရတာကိုက ၀တ္ထုတပုဒ်ကို ဖတ်နေရသလိုပါဘဲ။

တစ်ခါကတော့ တောင်ဘက်ခြမ်းမှာရှိတဲ့ ပြတိုက်ထဲကိုခေါင်မိုးကိုဖောက်ပြီးသူခိုးဝင်လာတာ အုဌ်နံရံမှာ သူခိုးခြေရာကြီးကျန်နေတာကို မဖျက်ဘဲထားတာကိုတွေ့ဘူးပါတယ်။ အဲဒီပြတိုက်တွေထဲမှာ ရှေးက ၀န်ကြီတွေရဲ့အ၀တ်အစားတွေ ပုံတူတွေရှိတာကိုတော့မှတ်မိလို့နေပါတယ်။ ဘုရားကြီးရဲ့အနောက်ဘက်ခြမ်းမှာတော့ ပိဋကတ်တော်တွေကို ပေစာနဲ့မှတ်တမ်းတင်ထားတဲ့ ပေစာတိုက်ရှိပါတယ်။

အနောက်တောင်ဘက်အခြမ်းမှာရှိတဲ့ရေသပ္ပါယ်တဲ့နေရာရဲ့အနောက်နားက အမြဲတမ်သော့ပိတ်ထားတဲ့ အဆောက်အဦးတစ်ခုထဲမှာ ကျောက်စာတွေကို မြင်ဘူးပေမယ့် ဘာအတွက်ရေးထိုးထားတယ်ဆိုတာကိုတော့ ၀င်မကြည့်ရလို့မသိခဲ့ရပါဘူး။ ဘုရားကြီးရဲ့အရှေ့မြောက်ဘက်မှာတော့ မဟာမုနိဘုရားကို ပင့်ဆောင်လာပုံ ပန်းချီကားတွေကလဲ အသက်ဝင်လှပါတယ်။သူ့ရှေ့မှာတော့ နောင်-ဒိုင်းဆိုပြီးအချက်ပေးနာရီသံကို တီးခတ်ဘို့ ဆယ်ငါးပေလောက်အမြင့်မှာ စင်နဲ့တင်ထားတဲ့ စည်ကြီးကလဲ ခန့်ခန့်ထည်ထည်ပါ။

အဲဒီနေရာကနေမြောက်ဘက်ကို ဆက်လျှောက်လိုက်မယ်ဆိုရင်တော့ ဗုဒ္ဓ၀င်ပြခန်းရှိပါတယ်။ မဟာမြတ်မုနိဘုရားရဲ့အရှေ့ဘက်စောင်းတန်းအလယ်လောက်နေပြီးတောင်ဘက်ကို ထွက်လို့ လမ်းကလေးကိုကူးမယ်ဆိုရင် အာလိန်ငါးဆင့်ပုံသဏ္ဍာန်နဲ့တည်ထားတဲ့ အာနန္ဒာဘုရားကိုဖူးမြင်ရမှာဖြစ်ပါတယ်။ဒီဘုရားကလဲ ကပ်ကျော်ဘုရားလို့ခေါ်နိုင်ပါတယ်။ ဘုရားကြီးကိုသာလာကြတယ် အာနန္ဒာဘုရားဘက်ကို ကူးပြီးလာဖူးသူကနည်းလို့ပါ။

ဘုရားကြီးရဲ့တောင်ဘက်စောင်းတန်းကထွက်လိုက်မယ်ဆိုရင်တော့ ကြီးမားခိုင်ခန့်တဲ့ မဟာရမ်အုတ်တံတိုင်းကြီးတွေ မုဒ်ဦးတွေနဲ့ခန့်ထည်လှတဲ့ ရှေးကတည်းက တည်ရှိနေတဲ့ ဘုန်းကြီးကျောင်းတွေကို တွေ့ရမှာဖြစ်ပြီး အနောက်ဘက်ကိုဆက်ဆင်းမယ်ဆိုရင်တော့ ဘုရားဆင်းတုတော်တွေကို အထိမ်းအမှတ်ကျောက်ပြားတွေကို လုပ်ဆောင်နေကြတဲ့ မြန်မာတင်မက က မ္ဘာကပါသိတဲ့ နာမယ်ကျော် ကျောက်ဆစ်တန်းကိုရောက်သွားမှာဖြစ်ပါတယ်။

ကျောက်ဆစ်တန်း

ဘုရားကြီးရဲ့တောင်ဘက်မှာရှိတဲ့ဘုန်းကြီးကျောင်တွေကိုကျော်လွန်လို့ဆက်သွားလိုက်တဲ့အခါ အခုနောက်ပိုင်းမှာတည်ဆောက်ထားတဲ့ ကုန်းကျော်တံတားဘေးမှာ မြန်မာ့သမိုင်းရဲ့ ကြီးမားသောအပြောင်းအလဲမှာတုန်းက စုရပ်အဖြစ်အသုံးချခဲ့ နာမယ်ကျော် ” ဦးပွားဘုရား”ကိုရောက်မှာပါ။ ဒီဘုရားကို အမှတ်သညာပြုလို့ ဘုရားဘေးမှတည်ဆောက်ထားတဲ့ ကုန်းကျော်တံတားကိုတောင် ကျနော်တို့က ” ဦးပွားကုန်းကျော်”လို့ခေါ်ခဲ့ပါတယ်။

....................................

မန်းလေးမြို့မှာ မဟာမြတ်မုနိရုပ်ရှင်တော် ဒါမှမဟုတ် ဘုရားကြီးကတော့အထင်ရှားဆုံးဖြစ်ပါတယ်.။ မန္တလေးတောင်တော် ကတော့ မန်းလေးမြို့ရဲ့ သင်္ကေတဖြစ်ပါတယ်။ မန္တလေးတောင် ပေါ်ကို မရောက်ဘူးဘူး ဆိုရင် မန်းလေးသာမဟုတ်ဘူးလို့ပြောနိုင်ပါတယ်၊ အရင်ကတော့ မန်းလေးတောင်ကိုတက်ရင် ခြင်္သေ့ကြီးနှစ်ကောင်ရှိတဲ့ တောင်ဘက်ခြမ်းစောင်းတန်းကနေ
တက်ကြတာများပါတယ်။

တချို့တစ်လေကျတော့လဲ အခုရွှေမန်းတောင်ဂေါက်ကွင်းရှိတဲ့ အနောက်ဘက်ခြမ်းကနေတက်ကြပါတယ် လမ်းကတော့တောလမ်းပါ။ အရှေဘက်က အင်ကြင်းတောဘက်ကတက်ရင်လဲရပါတယ် သူကတော့တောလမ်းသက်သက်။ အဲဒီလမ်းကိုတော့ မန်းလေးတောင်ပေါ်ကိုလာကဲတဲ့ အတွဲတွေကိုချောင်းတဲ့သူတွေဘဲအသုံးများပါတယ်။ အခုအချိန်မှာတော့ မန်းလေးတောင်ကို ကားတက်လမ်းဖောက်ပြီးပြီဖြစ်ပါတယ်။တောင်ရဲ့အနောက်ဘက်ခြမ်းက အတက်လမ်း အရှေ့ဘက်လမ်းကတော့အဆင်းလမ်းဖြစ်ပါတယ်။ အတက်လမ်းက သိပ်မမတ်ပေမယ့်တစ်ဆစ်ချိုးကွေ့လေးတွေကတော့ မတ်စောက်ပြီး တက်ရတာနည်းနည်းလေးခက်ပါတယ်။

အဆင်းလမ်းမှာရောအတက်လမ်းမှာပါ “ချောင်ကြိုက်တဲ့”အတွဲများက နေ့ရောညပါရှိနေတတ်ပါတယ်။ ညဆိုရင်ပိုများတတ်ပါတယ် များဆိုမှောင်လဲမှောင် လူလည်းပြတ်တာကိုးဗျ အဲ့တော့ ကဲလိုကဲ သဲလိုသဲ စိတ်တိုင်းကျပေါ့။ ကျနော်ကတော့ဆိုင်ကယ်နဲ့ ညပိုင်းမှာ မကြာခဏရောက်တတ်ပါတယ် မန်းလေးတောင်ပေါ်က ညရူ့ခင်းက တော်တော်လေးလှပါတယ်။ တောင်ပေါ်ကကြည့်ရင် နေရာကွက်ကြားမီးလေးတွေလင်းနေတာကို က ကဗျာဆန်တာကိုးဗျာ။ ကွက်ကြားလင်းရတာကတော့ လျှပ်စစ်မီးက အလှည့်ကျခွဲတမ်းနဲ့သုံးရတာကိုး။ နေ့ဘက်မှာဆိုရင်တော့ တစ်မြို့လုံးကို စီးမြင်ရတဲ့အလှက ဘာနဲ့မှမတူပါဘူး။

တောင်ပေါ်ကလှမ်းကြည့်ရင်ထူးခြားတယ်ဆိုတဲ့ မြင်ကွင်းကတော့ မန်းလေးတောင်ရဲ့အနောက်မြောက်ဘက်မှာရှိနေတဲ့ “အိုးဘိုထောင် “ပါ။ အဝေးကလှမ်းကြည့်ရင် ဘုရာလေးတစ်ဆူရှိမယ် သူ့နဲ့ဘေးမှာတော့ အထဲမှာနေသူတွေက အရှေ့အနောက်တောင်မြောက်ကို အလွယ်တကူ ခွဲလို့မရအောင် ညီညီညာညာမဟုတ်ဘဲ ကန့်လန့်တိုက်ဆောက်ထားတဲ့ ထောင်သားတွေနေတဲ့ထောင်အဆောက်အဦးတွေကိုတွေ့နိုင်ပါတယ်။ (အရင်က မန်းလေးထောင်ဆိုတာ နန်းတွင်းအနောက်ဘက်ခြမ်း မတ္တရာကိုသွားတဲ့ရထားလမ်းဘေးမှာရှိတာပါ အခုနောက်ပိုင်းမှ အိုးဘိုကိုပြောင်းလိုက်ပါတယ်။)

မြောက်ဘက်ခြမ်းမှာကြည့်မယ်ဆိုရင် ရာသီဥတုသာယာလို့ ကြည်လင်တဲ့နေ့များမှာဆိုရင် “မယ်ဥတောင် လို့ခေါ်တဲ့ သခင်မတောင်တော် “ ဟိုးခပ်ဝေးဝေး မှာ မူန်ပြပြဘဲမြင်ရတဲ့ မင်းကွန်းပုထိုးတော်ကြီးရဲ့အုဌ်ဖိနပ်တော် ရေကြီးနေတဲ့အခါမှာဆိုရင် ဧရာဝတီမြစ်ကြီးရဲ့တပြန့်တပြောရှိနေတဲ့ရေပြင်ကြီးတွေနဲ့လူနေရပ်ကွက်တွေကိုမြင်နေရပါတယ်။

မင်းကွန်းပုထိုးတော်ကြီး

မင်းကွန်းခေါင်းလောင်းကြီး

တောင်ဘက်ခြမ်းကနေ ငုံ့ကြည့်မယ်ဆိုရင်တော့ ခုနောက်ပိုင်းခေတ်သစ်လက်ရာဖြစ်တဲ့ မန်းလေးမြို့ရဲ့ခေတ်မှီအဆင့်မြင့်ဟိုတယ် “နိုဘိုတယ်တစ်ဖြစ်လဲ မန်းလေးရီဆော့ “။ ဆက်ပြီးလှမ်းကြည့်ရင် ကျုံး မြို့ရိုးနဲ့ နန်းတွင်ထဲက သစ်ပင်တောအုပ်ကလေး။ အရှေဘက်မှာတော့ ရှမ်းရိုးမ နဲ့အောင်ပင်လယ် ရန်ကင်းတောင် အပါအ၀င် ရူ့မဆုံးတဲ့လယ်ကွင်းပြင်။ ငယ်ငယ်ကတော့ မိဘတွေနဲ့မန်းလေးတောင်ကို လာရင် ဦးခန္တီဆိုတဲ့ရသေ့ကြီးက မန္တလေးတောင် ကို ပြုစုပျုိးထောင်ခဲ့တဲ့ကျေးဇူးရှင်ကြီးဖြစ်တဲ့အတွက် ရသေ့ကြီး နာမယ် အစွဲပြုလို့မှည့်ထားတဲ့ ဦးခန္တီဇရပ် လို့ခေါ်တဲ့အလယ်ပစ္စယံမှာ ထမင်းချိုင့်တွေကို အစောင့်နဲ့ထား။ ကလေးတွေက သူအရင်ရောက်ငါအရင်ရောက် အပြိုင်အဆိုင်အော်လို့ပြေးတက်၊လူကြီးတွေကလဲမှာပြုမှ စိတ်မချလို့နောက်ကလိုက် တပျော်တပါးကြီးပါ.။ တောင်ပေါ်ရောက်တာနဲ့ တစ်ယောက်တစ်နဲ့တစ်ယောက်ကိုယ်သိတဲ့နေရာကိုလက်ညိုးထိုးလို့ ဒါကဘယ်နေရာ ဟိုဟာကဘာကြီးဆိုပြီး ဟုတ်တာမဟုတ်တာအပထားစကားနိုင်လုလို့ငြင်းကြခုံကြနဲ့ ကြွက်ကြွက်ညံပါဘဲ။

အခုလိုမန်းလေးတောင် မှာ ကားတက်လို့ ဆိုင်ကယ်တက်လို့ရအောင် တည်ဆောက်ပေးထားတာ ကျေးဇူးတကယ်တင်ပါတယ်။ အသက်အရွယ်ရတဲ့လူတွေ အချိန်မရသူတွေအနေနဲ့တောင်ပေါ်ကိုသွားချင်တယ်ဆိုရင် အလွယ်တကူရောက်နိုင်လို့ပါဘဲ။ မန်းလေးတောင်ပေါ်မှာ ဓါတ်လှေကားလဲရှိသလိုစက်လှေကားလဲရှိပါတယ်။ ဒါပေမယ့်ဒါတွေက အခါကြီးရက်ကြီးတွေဖြစ်တဲ့ လူစည်ကားတဲ့နေ့တွေမှာ သာဖွင့်ပေးပါတယ်။

မန်းလေးတောင်

မန်းလေးတောင်ရဲ့စက်လှေကားကတော့ထူးခြားတယ်လို့ဆိုနိုင်ပါတယ်။ တော်တော်လေးကိုမတ်မတ်ကြီးတက်သွားရလို့ပါ။နောက်ပြီးသူက အတက်သက်သက်အတွက်ဘဲသုံပြီး အဆင်းကတော့ ဓါတ်လှေကားကို အသုံးပြုကြပါတယ်။ မန်းလေးတောင် တောင်အဆင်းလမ်းတ၀က်လောက်မှာ ထူးခြားတာတစ်ခုတွေ့နိုင်ပါတယ်။ လဲကျသွားတဲ့ညောင်ပင်ကြီးကို အမြစ်ဆုံကနေပြီးတော့ ထိုင်တော်မူဘုရားတစ်ဆူထုလုပ်ထားတာဘဲဖြစ်ပါတယ်။ တောင်အဆင်းလမ်း မန်းလေးတောင်အရှေ့ဘက်က ပါတ်လို့ဆင်းပြီးရင် ကျောက်တော်ကြီးဘူရားရှေ့ကိုပြန်ရောက်ပါတယ်။

ဒါကတော့ မန်းလေးမြို့ရဲ့တောင်ဘက်ဖျားနဲ့ မြောက်ဘက်ဖျားမှာ စံပ္ပါယ်တော်မူနေ့တဲ့ မြို့ကျက်သရေဆောင် မြို့အထိမ်းအမှတ် မန်းလေမြို့ရဲ့အသဲနှလုံးလို့ဆိုရင်လဲ လွန်မယ်မထင်ပါဘူး။ လွန်ခဲ့သောနှစ်များစွာကမန်းလေးတောင်မှာသစ်ပင်တွေခြောက်သယောင်းလို့ တောင်ကတုံးဖြစ်မယ့်အရေးကိုတွေးပူခဲ့ကြရပေမယ့် ကယ်တင်သူများကြောင့်စိုပြေစိန်းလန်းလို့နေပြီး နွေအလှ မိုးအလှ ဆောင်းအလှ မတူသောရသတွေကို ပေးနိုင်စွမ်းတဲ့ မန်းလေးတောင်ဖြစ်ပါတယ်။

မန်းလေးမှာ လှည့်ဖူးစရာ ဒါအကုန်ဘဲလားလို့ မေးများမေးရင် မန်းလေးသူ အဆိုတော်ကြီး “မစိမ်းစိမ်း”ဆိုထားခဲ့တဲ့ “ရွှေမန်းဆီသို့”သီချင်းလေးထဲမှာပါတဲ့စာသားလေးကတော့ ” ‘ဒါတွေစုံပါပြီ မြို့တွင်းကိုလှည့်မည်”ဆိုထားတဲ့အတိုင်း ဘုရားဖူးမယ်ဆိုရင်ဖြင့် ....

မန်းလေးမြို့တွင်းမှာတော့ အရှေ့ပြင် အနောက်ပြင် တောင်ပြင်မြောက်ပြင် လေးပြင်လေးရပ်စလုံးမှာ ရှိတဲ့ ရပ်ကွက်တိုင်းရပ်ကွက်တိုင်းမှာနာမယ်ကြီး တန်ခိုးကြီးဘုရားတွေ ရှိပါတယ်။ ဟိုးမြောက်ဘက်အစွန်ဆုံး ကစပြောရင် ” အရိပ်မထွက်ဘုရား”ကနေစပြောရမယ်ထင်ပါတယ်။ သူကတော့ လမ်း80နဲ့တည့်တည့်မြောက်ပြင် (5)လမ်းလောက်မှာရှိပါတယ်။ ငယ်ငယ်ကတော့ အရိပ်မထွက်ဆိုတာကို စေတီတော်က အရိပ်မထွက်ဘူးလို့ထင်မှတ်မှားမိခဲ့ပါတယ်။ အမှန်တကယ်ဆိုလိုရင်းကတော့ ဘယ်အချိန် ဘယ်ကာလ ဘယ်ရာသီမှာမဆို စေတီတော်ရဲ့အရိပ်က ဘုရားတံတိုင်းရဲ့အပြင်ဘက်ကိုမကျရောက်ဘူးလို့ဆိုလိုတာပါ။

တနည်းအားဖြင့်ပြောရရင် ရှေးမြန်မာတွေ ခေတ်သစ်ဂဏန်းသင်္ချာဖြစ်တဲ့ တြီဂိုနိုမေထရီ အတတ်ပညာကိုကျွမ်းကျင်တယ်ဆိုတာပြလိုက်တာပါဘဲ။ နောက်ဘုရားနှစ်ဆူကတော့ ပုလဲငွေရောင်ရပ်ကွက် 81လမ်း (22စီလမ်းနဲ့ 20လမ်းကြား)မှာရှိတဲ့ “ဘုရားနီဘုရား”နဲ့ “ဗောင်းတော်ကျဘုရား” ဖြစ်ပါတယ်။ ရှေးစကားအကြားကိုပြန်လည်ဖောက်သည်ချရရင်ဖြင့် ဘုရားနီဘုရားကိုမော့ဖူးလိုက်တဲ့ဘုရင်ရဲ့ ခေါင်းပေါင်းတော် ပြုတ်ကျသွားတဲ့နေရာမှာ “ဗောင်းတော်ကျဘုရား”ကိုတည်ထားခဲ့ပါသတဲ့။ဒါကြောင့်လဲဗေဒင်ဆရာများက ယတြာချေခိုင်းရင် ဒီဘုရားမှာ ယတြာမချေဘို့မှာတတ်ပါတယ်။ ယကြတာမအောင်မှာစိုးလို့ပါတဲ့။

ဒီဘုရားနှစ်ဆူကနေတောင်ဘက် ဆက်သွားမယ်ဆိုရင် 24လမ်းနဲ့23လမ်းကြား 82လမ်းမှာရှိတဲ့ အရပ်အခေါ်”ရွှေကျီးမြင့်” တကယ်ဘွဲ့တော်က “ရွှေကျီးမြင်” လို့နာမတော်ရှိတဲ့ဘုရားကိုဖူးတွေ့ရမှာဖြစ်ပါတယ်။ ထူးခြားချက်လို့ဆိုနိုင်တာက “ရွှေကျီးမြင့်”ဘုရားတည်နေရာက 82လမ်းဆိုတဲ့လမ်းဖောက်တဲ့အခါ လမ်းကြောနဲ့တည့်တည့်ဖြစ်နေပါတယ်။ ဒါပေမယ့် ဘုရားပရ၀ုဏ်ကို ကွင်းရှောင်လို့လမ်းဖောက်လိုက်ပါတယ်။ ဒါကြောင့်မို့လဲ 82လမ်းမကြီးဟာ “ရွှေကျီးမြင့်”ဘုရားကိုရောက်တဲ့အခါ ဘုရားရဲ့အရှေ့ဘက်ကနေ ကွေ့ပါတ်ပြီးတော့ မှ မြောက်ဘက်နဲ့တောင်ဘက် ပြန်ဆက်သွားပါတယ်။

“ရွှေကျီးမြင့်”ဘုရား

နောက်တစ်ချက်ကတော့ “ရွှေကျီးမြင့်”တည်နေရာအရပ်က ပြည်ကြီးကျက်သရေ အရှေ့ နဲ့ပြည်ကြီးကျက်သရေအနောက် ရပ်ကွက်နှစ်ခုကြားမှာတည်ရှိတဲ့အတွက် ဘုရားပွဲကျင်းပတဲ့အခါမှာ ရပ်ကွက်ကြီးနှစ်ခုစလုံးကအရှေ့ခြမ်းအနောက်ခြမ်းခွဲလို့ တစ်ရက်တည်းကျင်းပကြပါတယ်။ နောက်ဒီဘုရားထဲမှာရှေးကတည်းက စံပ္ပါယ်တော်မူတဲ့
” စိန်ဘုရား မြဘုရား”ရှိပါတယ်။

စိန်ဘုရား မြဘုရား

အဲဒီဘုရားနှစ်ဆူကိုတော့ေ၇ွှကျီးမြင့် ဘုရားပွဲတော်ရက် ရယ် ၀ါဆိုလပြည့်နေ့ သီတင်းကျွတ်လပြည့်နေ့နဲ့ မြန်မာနှစ်ဆန်းတစ်ရက်နေ့များမှသာ အပြင်ကိုအပူဇော်ခံဘို့ ပင့်ဆောင်လို့ အများပြည်သူများကိုဖူးမျှော်ခွင့်ပေးပါတယ်။ ကျန်အချိန်များမှာတော့ ဘုရားအတွင်းတော်ထဲမှာသာ စံပ္ပါယ် တော်မူကြပါတယ်။ နောက်ကျနော်တို့ငယ်ငယ်က ကြားခဲ့ဘူးတာတော့ 82လမ်းတည့်တည့် ဒီဘုရားရဲ့တောင်ဘက်မုဒ်စောင်းတန်းဒါယိကာကတော့ အခြားဘာသာကနေ ကူးပြောင်းကိုးကွယ်လာပြီး ဒီတန်ဆောင်းကို လှူဒါန်းခဲ့တယ်ဆိုတာပါဘဲ။ အခြားသောဘာသာကပြောင်းခြင်းမပြောင်းခြင်းက ကျနောတို့်အတွက်ဘယ်လိုမှသက်ရောက်မူ့မရှိပေမယ့် လေဒဏ် မိုးဒဏ်ကနေကာကွယ်လို့ရအောင်အမိုးပါတဲ့ တန်ဆောင်းကိုဆောက်လုပ်ပေးထားတာကတော့ အင်မတန်မှကို ကျေးဇူးကြီးလှပါတယ်လို့ဆိုချင်ပါတယ်။

ဒါပေမယ့် ……………ဆိုပြီးဆက်ပြောလိုက်ချင်ပါသေးတယ်။ အရင်ကတော့ အမိုးအကာပါတဲ့အတွက် ဘုရားဖူးလာသူများ မိုးလုံနေလုံရှိပေမယ့် အခုအခါမှာ စောင်းတန်းအမိုးကို ဖျက်လိုက်ကြပါတယ်။ ပြီးတော့အရင်က အုဌ်သမံတလင်းနေရာမှာကျောက်ရောင်စုံပြားလေးတွေကိုခင်းလိုက်တော့ မိုးရွာတဲ့အခါမှာဆိုရင် ချော်မလဲအောင်တော်တော်လေးကိုသတိထားလို့လျှောက်ရပါတယ်။ နေပူတဲ့အခါကြပြန်တော့ အောက်ကကျောက်ပြားတွေက ပူကျက်လို့နေပြန်ပါရော။ ကောင်းနေတာကိုဘာအကြောင်းကြောင့်ပြောင်းလိုက်တယ်ဆိုတာကို စဉ်းစားလို့မရနိုင်အောင်ပါဘဲဗျာ။

အဲဒီစောင်းတန်းနဲ့တဆက်တည်းမှာရှိနေတဲ့ “ဒေါ်ဖွားမယ်ဇရပ်”လို့အမည်တွင်တဲ့ဇရပ်ကလေးဖြစ်ပေါ်လာပုံကတော့ပုံပြင်လေးတပုဒ်ပါဘဲ။ ဒေါ်ဖွားမယ်ဆိုသူက 25လမ်း သူဌေးတန်းမှာနေပါသတဲ့။သူနေတဲ့အိမ်က ရှေးတိုက်အကြီးကြီးဖြစ်ပြီး အိမ်အပေါ်ထပ်ကို သူ့အိမ်သူအိမ်သားကလွဲရင် ဘယ်သူမှ ညအိပ်ညနေတည်းလို့မရပါဘူးတဲ့။တည်းတယ်ဆိုရင်လဲညအိပ်ပြီဆိုတာနဲ့အိပ်လို့မရအောင်ခြေထောက်ကိုလာဆွဲလိုဆွဲ အိပ်ပျော်သွားပြန်ရင်လဲနေရာရွှေ့လိုရွှေ့ ဆိုပြန်တော့ ဘယ်လာတည်းရဲပါမလဲနော်။

“ဒေါ်ဖွားမယ်ဇရပ်”

တစ်ရက်မှာ ဒေါ်ဖွားမယ် ကို ထူးထူးဆန်းဆန်းအိပ်မက်ပေးတာကတော့ အိမ်အောက်ထပ်မှာ သိုက်ရှိတယ်။ ဥစ္စာစောင့်တွေကလည်းကျွတ်ချင်လွတ်ချင်လှပြီ ဒါပေမယ့် ဒီသိုက်ကိုဖော်ချင်တယ်ဆိုရင် ဖော်လို့ရသမျှထဲကတစ်ဝက်တိတိကို လှူဒါန်းရမယ်လို့အိပ်မက်ပေးပါသတဲ့။ ပထမတော့သူတို့ကလဲ အမူ့မဲ့အမှတ်မဲ့နဲ့နေပါသတဲ့။နောက်ထပ်ခါထပ်ခါမက်လာတော့ လူကြီးသူမတွေနဲ့တိုင်ပင်ကြည့်လိုက်တဲ့အခါ ဖော်သင့်တယ်လို့ ဆုံးဖြတ်ပါသတဲ့။ အိပ်မက်ထဲက ညွှန်ပြတဲ့နေရာကတော့ အိမ်အောက်ဆုံးထပ်အလည်ခေါင်တည့်တည့်ဖြစ်ပါသတဲ့။

စစချင်းအိမ်အောက်ဆုံးထပ်မှာ ကန့်တော့ပွဲတွေပေး သိုက်ဆရာတွေခေါ်ပြီး သိုက်တူးဘို့စီစဉ်ပါသတဲ့။ ပထမဆုံးအကြိမ်စတူးတော့ အပြင်မှာ စိတ်ဝင်တစားနဲ့လာကြည့်ကြတဲ့ ပရိသတ်တွေက အိမ်အပြင်မှာမနည်းဘူးဆိုဘဲ။ စစချင်းအခေါက်က တူးလို့တော်တော်လေးနက်နက်ကိုရောက်တဲ့အခါမှာ အောက်မှာပစ္စည်းတွေကိုမြင်ရတဲ့ အချိန်သိုက်ဆရာရဲ့ပါလာတဲ့တပည့်ကစိတ်မထိန်းနိုင်ဘဲ အောင်ပြီအောင်ပြီလို့အော်လိုက်တဲ့အတွက် တွင်းကအလိုလိုပိတ်ပြီးပျက်သွားပါသတဲ့။ နောက်ထပ်သိုက်ဆရာတစ်ယောက်နဲ့တူးပြန်တော့လည်း တူးလို့တော်တော်လေးလဲ ရရော အပေါ်မှာစောင့်နေတဲ့သူတွေက မြေပြင်ကို ရေထင်လို့ကူးနေပါသတဲ့၊ နောက်သုံးလေးကြိမ်တူးတဲ့အခါမှာလဲ ဒီလိုဘဲ အကြောင်းအမျိုးမျိုးကြောင့်ပျက်သွားပါသတဲ့။

နောက်ဆုံး ဆရာတော်တွေနဲ့တိုင်ပင်လိုက်တဲ့အခါ တကယ်လို့သိုက်များအောင်ခဲ့ရင် ဘယ်လိုလုပ်ပေးမယ်ဆိုတဲ့ ကတိကိုတိတိကျကျပေးဘို့ အကြံပြုပါသတဲ့။ အဲဒါနဲ့ဘဲ တကယ်လို့များတူးလို့ရခဲ့ရင် ရွှေကျီးမြင့်ဘုရားထဲမှာ ဇရပ်တစ်ဆောင်ဆောက်လုပ်လို့ လှူဒါန်းပြီးအမျှအတန်းဝေပေးပါမယ်နောင်ဆွေစဉ်မျုိးဆက်လဲ ဒီဇရပ်ကိုစောင့်ရှောက်ပါမယ်ဆိုပြီး အဓိဌာန်ပြု သိုက်တူးမယ့်ဆရာအပါအ၀င်ကူညီလုပ်ကိုင်မယ့်သူရောအိမ်ပိုင်ရှင်ရော သတ်သတ်လွတ်စား ဥပုသ်သီတင်းဆောက်ည်ပြီး တူးတဲ့အခါမှာ သိုက်အောင်သွားပါသတဲ့။ လက်စွတ်တွေ လက်ကောက်တွေ ဆွဲကြိုးတွေဒေါင်းဘယက်တွေ ခြေချင်းတွေက ကွမ်းအစ်တွေနဲ့အများကြီးကိုတူးဖော်လို့ရခဲ့ပါသတဲ့။ ဘယ်လောက်များသလဲဆိုတာကတော့ ကာယကံရှင်တွေဘဲသိမှာပါ။

ငယ်ကတည်းကြားဘူးခဲ့တဲ့ ဒီပုံပြင်လေးက ဟုတ်လား မှန်လားဆိုတာကိုကျနော် မျက်မြင်မဟုတ်လို့ ကံသေကံမတော့ အာမခံရဲပါဘူး။ ဒါပေမယ့် ဒေါ်ဖွားမယ်ဇရပ်ဆိုတာကတော့ တောင်ဘက်စောင်းတန်းအဆုံးအရှေ့ဘက်ခြမ်းမှာအခုချိန်ထိတွေ့နိုင်ပါသေးတယ်။ နောက်ငယ်ငယ်ကလူကြီးတွေပြောခဲ့ဘူးတာက ဒုတိယကမ္ဘာစစ်ကြီးတုံးက ရွှေကျီးမြင်ဘုရားခေါင်မိုးပေါ်ကို အင်္ဂလိပ်တွေလေယာဉ်ပျံပေါ်ကချလိုက်တဲ့ဗုံးတစ်လုံးလာကျပါသတဲ့။ ဒါပေမယ့် ဒီဗုံးကလုံးဝမပေါက်ပါဘူးတဲ့။နောက်မှ စစ်သားတွေလာဖယ်ယှားလိုက်ပါသတဲ့။

ရွှေကျီးမြင်ဘုရားထဲမှာ သက်တမ်းရင့်ခရေပင်ကြီးတွေရှိပါတယ်။ ဘုရားရဲ့အနောက်ဘက် ခြမ်းကဇရပ်ထဲမှာ သူအိုသူနာသူသေသရုပ်ဖော် ရုပ်လုံးကြွရုပ်ထုတွေက သရုပ်ပါလွန်းတော့ ငယ်ငယ်က အဲဒီအရုပ်တွေကိုကြည့်ရမှာကြောက်ပါတယ်။ အဲဒီအထဲမှာလဲ ရှေးက အသူံးပြုတဲ့ ဝေါကြီးတစ်ခုက အခုထက်ထိတွေ့နိုင်ပါသေးတယ်။ နောက်ဘုရားရဲ့မြောက်ဘက်ခြမ်းမှာ ဘုရားလေးတစ်ဆူရှိပါတယ်။ လူကြီးတွေပြောတဲ့ပါးစပ်ပုံပြင်ကတော့ အဲဒီဘုရားကို အသက်အောင့်ပြီး ခုနှစ်ပါတ်ပါတ်ရင် လူနီထွက်လာပါသတဲ့။ (လူနီဆိုတာ မှင်စာအငယ်စားလေးပါ)။လူနီထွက်လာရင်နပန်းလုံးသတ်ပြီး သူဆောင်းတဲ့ဦးထုပ်ကိုရအောင်လုနိုင်ရင် ကိုယ်ကြိုက်တာကိုဆုတောင်းလို့ရပါသတဲ့။ ကျနော်တို့အရပ်ထဲမှာ လူနီနဲ့နပန်းလုံးဘူးသူရှိခဲ့ပါသတဲ့။ သူ16နှစ်သားလောက်ကတုံးကပါတဲ့။ သူက ဦးထုပ်ကိုရအောင်လုပြီး ရွှေချောင်းပေးဘို့တောင်းတဲ့အခါပေးပါသတဲ့။ ဒါပေမယ့် သူအိမ်ကသူပျောက်လို့လိုက်ရှာတဲ့အခါ မှာ အဲဒီဘုရားဘေးမှာ လက်ထဲမှာ မန်းကျီးသီးတောင့်တွေကိုဆုပ်ထားပြီးသတိမေ့နေတာကို တွေ့ရလို့ အတော်လေးကိုဆေးကုယူလိုက်ရပါသတဲ့။ ဟုတ်မဟုတ်တော့ မသိဘူး ငယ်ငယ်ကတော့ ရွှေကျီးမြင့်ဘုရားထဲသွားမယ်ဆိုရင်လူကြီးတွေက အဲဒီဘုရားကိုမပါတ်ဘို့ မှာပါတယ်။

ဒါပေမယ့်လည်း အဲဒီဘုရားရဲ့အရှေ့ဘက်မှာရှိတဲ့အောင်မြေဆိုတဲ့ မြေကွက်ကွက်လေးကိုတော့ အမြဲနင်းခိုင်းပါတယ်။ အခုချိန်မှာတော့ ရွှေကျီးမြင်ဘုရားက ဇရပ်အိုဇရပ်ဟောင်းတွေကိုဖယ်ယှားလို့ အသစ် အသစ်တွေနဲ့ခန့်ညားသစ်လွင်လို့နေပါတယ်။ အရင်ကဆို ၀ါတွင်းကာလ ဥပုဒ်ရက်များမှာဆိုရင် မနက်စောစော မှာ”ဆွမ်းကြီးခံ “လိုက်ရပါတယ်။ ရွှေရောင်ဆွမ်းအုပ် ရွှေရောင်ဆိုင်းထမ်းမှာပါတဲ့ ဆွမ်းဟင်းဆွမ်းထမင်းက ရွှေကျီးမြင့်ဘုရားအတွက် ဆွမ်းအုပ်အနီဆိုင်းထမ်းအနီကတော့တရားလာပေးမယ့်ဘုန်းတော်ကြီးအတွက်ဆိုပြီးခွဲခြားလို့လှူဒါန်းပါတယ်။

ဘုရားအတွက်လို့သတ်မှတ်ထားတဲ့ဆိုင်းထမ်းကတော့ ဘုရားဆွမ်းတော်ကပ်ပြီးတော့စွန့်ရင် ဘုရားလူကြီးတွေအတွက်ပေါ့။ အရင်က တရားပွဲကိုဒေါ်ဖွားမယ်ဇရပ်ထဲမှာကျင်းပပါတယ်။ အခုတော့ အသစ်ဆောက်လုပ်ထားတဲ့ အနောက်ဘက် က ဇရပ်မှာတရားပွဲတွေကျင်းပပါတယ်။ ဒီလောက်ပြောနိုင်တာကတော့ကျနော်က သူဌေးတန်းအရပ်မှာကြီးပြင်းခဲ့တဲ့လူဖြစ်လို့ပါဘဲ။ ရွှေကျီးမြင့်ဘုရားဆိုတာ ကိုယ်အရပ်ဘုရားဖြစ်နေလို့ပါ။

ရွှေကျီးမြင့်ဘုရားကနေ အနောက်ဘက်ဆက်သွားလုိ့ 24လမ်းအဆုံးဖြစ်တဲ့ 86လမ်းကိုရောက်ရင် တောင်ဘက်ကို သွားလိုက်ပါ။ တည့်တည့်သွားလို့ ဈေးချိုကိုရောက်ရင် ဆင်ရုပ်ကြီးနှစ်ကောင် ကိုတွေ့တာနဲ့အနောက်ဘက်ကိုကြည့်လိုက်ပါ။့ ရွှေရောင်ဝင်းနေတဲ့ဘုရားတစ်ဆူကိုတွေ့ရပါမယ်။အဲဒါကတော့ “မဟာလောကရံသီ ဘွဲ့ခံအိမ်တော်ရာ “ဘုရားပါဘဲ။ ရှေးကဘုရင်တစ်ပါးခေတ္တခဏစံတော်မူခဲ့တဲ့ အိမ်တော်ရာနေရာမှာ ဘုရားတည်ခဲ့တာဖြစ်ပါတယ်။ ဆင်ရုပ်ရှိတဲ့တံတားကိုတော့ အလွယ်တကူဘဲ “ အိမ်တော်ရာဆင်တံတား“လို့ခေါ်ပါတယ်။

ဒီဘုရားကတော့ မြန်မာ့လွတ်လပ်ရေးသမိုင်းနဲ့လဲဆက်စပ်နေခဲ့ဘူးပါတယ်။ ပြည်တွင်းဖြစ်ပစ္စည်းတွေကိုသာ သုံးစွဲမယ်ဆိုပြီးတော့ရယ် ကိုယ့်ဘာသာကိုယ် ဘုရားအရိပ်မှာ ဈေးဖွင့်ကြမယ်ဆိုပြီး မန္တလေးဈေးချိုသူ ဈေုးချိုသားတွေက အင်္ဂလိပ်အစိုးရ ကိုဆန့်ကျင်လို့ ရဲရဲဝံ့ဝံ့ ဖွင့်ခဲ့တဲ့ဈေးကြီးပါ။ “လေပြေဆော်လာရင် ညောင်ရွက်သံတရှဲရှဲ ဆည်းလည်းသံညံစီစီ အော်တွေးမိပြီ တွေးမိပြီ လောကရံသီ အိမ်တော်ရာစေတီ ဘုရားဈေးပြေးလို့မြင်နိုင်သည် ဒို့မြန်မာ ဂုဏ်ရောင် စည်းလုံးရေးကြောင့်ဆောင်ပေသည် “လို့ မြို့မငြိမ်းက ဂုဏ်ပြုလို့ “ဘုရားဈေး “ဆိုတဲ့သီချင်းတစ်ပုဒ်ကိုစပ်ဆိုခဲ့ပါတယ်။

မြို့မငြိမ်းရဲ့သီချင်းထဲမှာတော့ ညွှန်းထားတဲ့စားစရာကတော့ “ယုတ်စွအဆုံးပင် မလိုင်ပေါက်စီသုံးဆောင်နိုင်ပါသည် “တဲ့။ အဲဒီအိမ်တော်ရာဘုရား ပုရ၀ုဏ်အတွင်းက မြောက်ဘက်ဝင်ပေါက်မှာရှိတဲ့ (14)ခန်းဇရပ်မှာ မြန့်မာ့သမိုင်းဝင်အစည်းအဝေးကို စည်းဝေးလို့ နယ်ချဲ့ကိုဆန့်ကျင်ဘို့ ဆုံးဖြတ်ချက်တွေကို ချခဲ့ဘူးတယ်လို့လဲ ရှေးလူပြောစကားနဲ့မှတ်သားခဲ့ရပါတယ်။

အိမ်တော်ရာဘုရား

အိမ်တော်ရာဘုရားရဲ့အနောက်ဘက်စောင်းတန်းမှာတော့ ငရဲပြည်ကိုရောက်ရင်ဘယ်လိုဒုက္ခတွေခံစားရမယ်ဆိုတာကို ပန်းချီကားနဲ့သရုပ်ဖော်ထားတဲ့ နာမယ်ကျော်“အိမ်တော်ရာငရဲ ခန်း”ပန်းချီများကို တွေ့နိုင်ပါတယ်။ ဘုရားရဲ့တောင်ဘက်ခြမ်းမှာ တရားကျင့်လိုသူများအတွက် ဂူဘုရားလေးတွေရှိပါတယ်။

အဲဒီဘက်ခြမ်းမှာရှိတဲ့ ကျိုက်ထီးရိုးဘုရားပုံစံတည်ထားတဲ့ ဘုရားလေးနဲ့ မနီးမဝေးကညောင်ပင်အောက် မှာ “တရူးရူး တရှဲရှဲ”အသံတွေပေးလို့ ၀င်သက်ထွက်သက်ကိုမှတ်လို့ တရားကျင့်တဲ့ အုပ်စုကလေးလည်းရှိခဲ့ဘူးပါတယ်။ 1980ပါတ်ဝန်းကျင်လောက်ဖြစ်မယ်ထင်ပါတယ်။

တွေးကြည့်ရင် ရှက်စရာလို့ ထင်ရတာကလေးကတော့…………………. လေဘေးထိတဲ့ နိုင်ငံများကို ၀ိုင်းပြီး လှူဒါန်းလိုက်တဲ့ နိုင်ငံခြားဖြစ်အဟောင်းထည်တွေ( ကျနော်တို့က “လေဘေးထည် “ ဘေထုပ်” ဖျာပုံထည်” ပုံပုံ”လို့အမည်ပေါင်းများစွာပေးထားခဲ့တဲ့အဟောင်းထည်တွေဒီဇိုင်းဆန်းတဲ့အနွေးထည်တွေ အရောင်စုံအဆင်စုံတဲ့သိုးမွှေးတွေပါသပေါ့) ကို နိုင်ငံခြားဖြစ်ကို ဆန့်ကျင့်လုိ့ပြည်တွင်းဖြစ်ကိုသုံးစွဲဘို့ တိုက်ပွဲဝင်ပြီးဖွင့်ခဲ့တဲ့” အိမ်တော်ရာဘုရားဈေး”နေရာမှာဆိုင်ခန်းတွေဆောက်လို့ ဆိုင်တွေဖွင့်ပြီးစတင်ပြီးရောင်းချခဲ့ရာကနေပြီး “အဟောင်းဈေးတန်းကြီး”ပေါ်ထွက်လာတာကိုပါ။

တစ်မြို့လုံးအုံးအုံးကြွက်ကြွက်နဲ့ရောင်းလိုက်ကြ၀ယ်လိုက်ကြနဲ့ အတော်လေးကို စည်းကားသိုက်မြိုက်လို့ အလုပ်ဖြစ်ခဲ့ကြဘူးပါတယ်။ အရင်ကဘေထုပ်ဆိုတာ ဆင်းရဲစသား တွေသာ သုံးစရာလို့ ယူဆရာကနေ ချမ်းသာတဲ့သူရော ဆင်းရဲသားပါ အများသုံးတဲ့ အထည်တွေဖြစ်လာပါတယ်။ အဲဒီအချိန်ကစလို့မန်းလေးမြို့မှာအဟောင်းထည်ကို ၀တ်ရကောင်းမှန်းသိလာ တယ်ထင်ပါတယ်။

မန်းလေးမြို့မှာ ဘေထုပ်အစ အိမ်တော်ရာကလို့တောင် ဆိုနိုင်ပါသေးတယ်။ အခုတော့လည်း မသင့်တော်ဘူးဆိုတဲ့အတွေးနဲ့ ဒီအဟောင်းဆိုင်တန်းကို 19လမ်း -86လမ်းရွှေတချောင်းဘေးမှာရှိတဲ့ညောင်ပင်ဈေးကို တရားဝင်ပြောင်းရွှေ့ပေးခဲ့သူကိုတောင် ကျေးဇူးတင်သင့်ပါတယ်။

ဒီအိမ်တော်ရာဘုရားအနောက်ဘက်ပေါက်ကထွက်လိုက်ရင် နာမယ်ကျော် မိချောင်းတံတားအစကိုမြင်ရမှာဖြစ်ပါတယ်။ မိချောင်းတံတားလို့ခေါ်ရခြင်းကတော့ တံတားအစမှာမြောက်အရပ်ကိုလှည့်လို့ ပါးစပ်ဟနေတဲ့မိချောင်းနှစ်ကောင်ပုံကိုထုလုပ်ထားလို့ပါဘဲ။ မိချောင်းတံတားကိုတော့ အုဌ်စီတံတားအဖြစ်ရှေးက မင်းသားကြီးဦးကျောက်လုံးကဆောက်ခဲ့တယ်လို့ ဆိုပါတယ်။ရည်ရွယ်ချက်ကတော့ မိုးတွင်း အခါသမယမှာ သံဃာတော်များ ဆွမ်းခံကြွရာမှာ အများသူငါသွားလာကြရာမှာ ရွှံ့ဗွက် ကင်းဝေးစွာသွားလာနိုင်အောင် လို့ ခင်းခဲ့တယ်လို့သိရပါတယ်။

အဲဒီလမ်းကတော့ 89လမ်းဖြစ်ပါတယ်။ ဒီအုဌ်စီလမ်းကတော့ ရှေးက အတော်လေးကိုရှည်လျားတဲ့လမ်းဖြစ်ပါတယ်။ အ်ိမ်တော်ရာဘုရားတံတိုင်းအဆုံး28လမ်း လမ်းတ၀က်လောက်ကစလိုက်တာ 34လမ်းမှာမှ ဆုံးတယ်ဆိုတော့ မန်းလေးအခေါ်(6)ပြလောက်ဝေးပါတယ်။ အဲဒီလမ်းအဆုံးမှာတော့ ခြင်္သေ့ကြီးနှစ်ကောင်ကို ထုလုပ်ထားပေမယ့် အခုတော့အိမ်တွေကြားထဲမှာ ပျောက်ကွယ်သလိုဖြစ်နေပါတယ်။ နောက် ကျနော်တို့ငယ်ငယ်တုံးကတော့ အုဌ်စီလမ်းကိုမြင်ခဲ့ရသေးပေမယ့် အခုအချိန်အခါမှာတော့ ကျောက်လမ်းဖြစ်သွားတဲ့အတွက် မိချောင်းတံတားအဆုံးဟာ 34လမ်းက ခြင်္သေ့ကြီးမှာဆုံးတယ်တယ်ဆိုတာကို ခုခေတ် ကလေးတွေမသိနိုင်တော့ဘူးလို့ထင်ပါတယ်။

အိမ်တော်ရာဘုရားအနောက်ပေါက်ကိုထွက်လိုက်တာနဲ့ ထီးလင်းတိုက် ၊မိုးကောင်းတိုက်၊ ဂွေးချိုတိုက်၊ခင်ပုဂံတိုက်အစရှိတဲ့ ဘုန်းတော်ကြီးကျောင်းတွေကို တွေ့ရမှာဖြစ်ပါတယ်။ငယ်ငယ်ကဆိုရင်အိမ်ကလူကြီးတွေက ကိုးကွယ်တဲ့ဘုန်းကြီးကျောင်းတွေကို သွားရောက်လို့ လှူဒါန်းတဲ့အခါမှာကျနော်တို့ကလေးတစ်သိုက်ကလဲ အတူလို်က်ရလေ့ရှိပါတယ်။ လူကြီးတွေကဆရာတော်တွေနဲ့ စကားကောင်းနေချိန် ကျနော်တို့က ဘုန်းဘုန်းချကြွေးတဲ့ မုန့်ပဲသွားရေစာတွေကို လက်နဲ့ရသလောက်ကုပ်လို့ ကျောင်းအောက် ကိုဆင်းဆော့ပါတယ်။ ကျောင်းဝင်းကြီးတွေက ကျယ်ကျယ် သစ်ပင်တွေက ကြီးကြီး အေးမြကျယ်ပျံ့တဲ့လွတ်လပ်မူ့ကို အပြည့်အ၀ခံစားလို့တပျော်တပါးကြီးကစားကြပါတယ်။

မာကလာပင်တွေ့ရင်မာကလာပင် သြဇာပင်တွေ့ရင် သြဇာသီး ဇီးပင်တွေ့တော့ဇီးသီးသရက်ပင်တွေ့တော့သရက်သီးကျနော်တို့လက်နဲ့လွတ်တာကိုမရှိဘူးထင်ပါတယ်။ မှတ်မှတ်ရရပြောရင် ဘယ်ကျောင်းလဲလို့ မမှတ်မိပေမယ့် သီးသီးပင်တွေ သစ်ချိုသီးပင်တွေရှိတာကိုတော့မှတ်မိပါတယ်။ သစ်ချိုသီးကတော့ အလွန်စားကောင်းတဲ့အသီးပါဘဲ။အထဲက အစေ့ကကြီးတာလေးတစ်ခုပါဘဲ။ (အခုစစ်ကိုင်းမန်းလေးလမ်းကို သွားလို့ ဘုရားကြီးကျောက်ဆစ်တန်းကလွန်လို့အောက်ကျင်းရောက်ရင်လမ်းအနောက်ဘက်ဘေးမှာ ရှားရှားပါးပါးသစ်ချိုပင်ကြီးတပင်ရှိပါတယ်။

အသီး သီးချိန်မှာ အသီးတွေမြေပေါ်ကိုကြွေကျနေတာတွေ့ တော့ ခုခေတ်ကလေးတွေက သစ်ချိုသီးကို စားလို့ရမှန်းတောင် မသိဘူး ထင်မိတာပါဘဲံ။တစ်ခါတစ်လေမှာ သွားရင်းလာရင်းဆိုင်ကယ်ရပ်လို့ကောက်စားချင်စိတ်တောင်ပေါ်လာမိတတ်ပါတယ်။) ဆက်ပြောရမယ်ဆိုရင် ကျနော်တို့ငယ်ငယ်က မိဘတွေက ဘုန်းကြီးကျောင်းကို သွားတိုင်းခေါ်ပါတယ်။ ဘုန်းကြီးကို ၀တ်ချခိုင်းပါတယ်။ပြီးရင် ဆရာတော်တွေကိုရိုသေစွာလျှောက်ထားလို့ စကားပြောခိုင်းပါတယ်။

ဆရာတော်ဘုရားများကလဲ ကလေးနဲ့တန်တဲ့ ဆုံးမစကားများကို တစ်ခါသွားရင် နည်းနည်းနဲ့ ဆုံးမပဲ့ပြင်ခဲ့တာတွေက အခုကြီးတဲ့အခါမှာ ရင်ထဲထိရောက်နေအောင်ကို ငယ်ကအသိတွေက စွဲမြဲခဲ့ပါတယ်။ အခုခေတ်ကလေးများကတော့ အကြောင်းတစ်ခုခုရှိလုိ့ဘုန်းကြီးကျောင်းကိုများသွားခိုင်းရင် ဘုန်းကြီးနဲ့စကားမပြောတတ်ဘူးကအရင်စလာတော့တာပါဘဲ။ နောက်တစ်ချက်က ဘုန်းကြီးကျောင်းတိုင်းတိုင်းကျောင်းတိုင်းဟာ ကျယ်ဝန်းတယ် အေးမြတယ် လွပ်လပ်တယ်ဆိုတဲ့ဂုဏ်ပုဒ်တွေနဲ့ပြည့်စုံနေသလို ဘုန်းကြီးကျောင်းရောက်တိုင်းမုန့်တွေစားရတော့ သွားရတိုင်းကစားရ စားရတော့ပျော်ပါတယ်။ ပိုပျော်စရာကောင်းတာကတော့ ၀ါဆိုပန်းကပ်သွားရတဲ့ဝါဆိုလပြည့်ကျော်တစ်ရက်နေ့ပါ။

အဲဒီနေ့ရောက်တိုင်းမန်းလေးမှာရှိတဲ့ဘုန်းကြီးကျောင်းတိုင်း ကျောင်းတိုင်းက ဆရာတော်များက ကိုယ့်ဒကာ ဒကာမများကို ၀ါမဆိုခင်မှာ ပြန်လည်လို့ ဧည့်ခံတာကြတာကတော့ ထုံးစံပါ။ ကလေးဘ၀ကစားခဲ့ရတဲ့ ကြက်သွန်နီဥကြီးကြီးကို အကွင်းလိုက်လှီး ပဲကြီးခြမ်းကြော်ကို ကြာညို့ထဲ့လို့သုတ်ထားတဲ့ ပဲလှော်ကြော်သုတ်နဲ့ ညဂျင်းသုတ်ပါဘဲ။ အခုခေတ်မှာတော့ စားဝတ်နေရေးကိုဦးစားပေးနေရတဲ့ ဘ၀တွေနဲ့လူသားတွေဖြစ်နေကြတဲ့အတွက် ကျနော်အပါအ၀င်မိဘများဟာ ကျနော်တို့ရဲ့ မိဘများ အဘိုးအဘွားများလို ကိုယ့်သားသမီးမြေးမြစ်များကိုဘုန်းတော်ကြီးကျောင်းများနဲ့ယဉ်ပါးအောင် မလုပ်နိုင်တော့တာကတော့ အမှန်ပါဘဲ။

ဒီအ်ိမ်တော်ရာဘုရားကအရှေ့ပေါက်ကနေထွက်လို့ 87လမ်းအတိုင်းတောင်ဘက်ကိုဆက်လျှောက်မယ် 29လမ်းရောက်တော့ အရှေ့ဘက်တက် ပြီးရွှေတချောင်းမြောင်းဘောင်အတိုင်းဆူညံရှုပ်ထွေးနေတဲ့ နေရာတွေကို တိုးဝှေ့လို့သွားလို့ လမ်3း0ကိုရောက်ပြီဆိုတာနဲ့ ရွှေတစ်ချောင်းကိုကျော် ပြီးလမ်3း0အတိုင်းရှေ့တက်လိုက်မယ်ဆိုရင် အရပ်အခေါ် “စင်္ကြာသီဟဘုရား” ဘွဲ့တော်အမှန်က “သကျသီဟဘုရား”ကိုရောက်မှာဖြစ်ပါတယ်။

စင်္ကြာသီဟဘုရားကလည်းအတော်ကျယ်ဝန်းပြီးလေးဘက်လေးတန်မှာဝင်ပေါက်ရှိပါတယ်။85လမ်း (31လမ်3း2လမ်း တပြလုံးကြီးက ဘုရားပုရ၀ုဏ်ကြီးဖြစ်ပါတယ်။ ဘုရားမျက်နှာတော်က အရှေ့ဘက်လှည့်တော်မူတဲ့ထိုင်ကိုယ်တော်ကြီးဖြစ်ပါတယ်။ ဘုရားကိုတော်တော်လေးမြင့်တဲ့ နေရာမှာ တည်ထားတဲ့အတွက် အုဌ်လှေခါးကနေတက်မှရောက်ပါတယ်။

ချစ်သူနဲ့ဒီဘုရားကိုသွားစဉ်အချိန်ကတော့ စိတ်ထဲမှာ “မောင်မယ်တူ တောင်ဘက်မုဒ်က တက်ရင်းနဲ့လေ လှေခါးထစ်တွေ ရေ ကြည့်ကြတာပေါ့ ရိုးရိုးလေးသာဝတ်ခဲ့ပါနော် အေးမြလို့ ” ဆိုပြီး ညည်းခဲ့သေးတာပေါ့။ ဘုရားရဲ့အောက်ခြေကွက်လပ်မှာ ခိုတွေငှက်တွေသောက်ဘို့ စဉ့်အင်တုံလေးတွေကိုရေအပြည့်ဖြည့်လို့ချထားပေးတဲ့အပြင် ကုလားပဲပြောင်းဖူးစေ့ ဆန်စေ့တွေကိုလာကြွေးလို့ကုသိုလ်ယူတွေလဲရှိကြပါတယ်။

ဒီဘုရားမှာမန်းလေးမြို့သမိုင်း ခေတ်အပြောင်းအလဲမှာမေ့မရနိုင်တဲ့ပုံရိပ်တွေနဲ့ပြည့်နှက်လို့နေပါတယ်။ ကျနော်တို့ ကျောင်းသားဘ၀ ဦးသန့်အရေးအခင်းမှာလဲ ဒီဘုရားက သပိတ်စခန်းဖြစ်ခဲ့ပါတယ်။ နေ့လည်ပိုင်းမှာဆိုရင် အရှေ့ဘက် အုဌ်တံတိုင်းပေါ်တက်လို့ တစ်ယောက်တစ်လဲ တရားဟောကြတာတွေကိုလည်းသွားလို့နားထောင်ဘူးပါတယ်။ အိမ်ကသိတော့ဆူတာပေါ့။ နောက်မြန်မာပြည်ရဲ့အကြီးမားဆုံးသောပြောင်းလဲမူ့ဖြစ်တဲ့အခါမှာလည်း သပိတ်စခန်းအဖြစ်စခန်းချခဲ့ပါတယ်။

အဲဒီတုန်းကတော့ လဲ ၀င်လိုက်ထွက်လိုက်ကြနဲ့စည်ကားလို့နေခဲ့ဘူးပါတယ်။ ဆရာမင်းသိင်္ခစကားငှားပြောရင်တော့ “ပြီးတော့လဲ ပြီးသွားတာပါဘဲ “။ စင်္ကြာသီဟဘုရားကနေ 85လမ်းအတိုင်းတောင်ဘက်ကိုဆက်လျှောက်သွားမယ်ဆိုရင်ဖြင့် 34လမ်းမကိုရောက်လို့ အနောက်ဘက်ကိုမျှော်ကြည့်မယ်ဆိုရင် တော့ ရှင်ပင်ပက်လက်ရေစက်လက်ဆိုတဲ့ဘုရားလေးကိုလှမ်းမြင်ရမှာဖြစ်ပါတယ်။

အဲဒီကနေဆက်လျှောက်လို့ 35လမ်းပေါ်ကိုရောက်ပြီဆိုရင် မြန်မာနောက်ဆုံးဘုရင်လှူခဲ့ပေမယ့် ကျောင်းရေစက်ချခွင့်မကြုံခဲ့တဲ့ ပါတော်မူချိန်မှာ သခင်ကိုယ်တော်မိူင်းရယ်လို့ ဖြစ်လာမယ့် ဆယ်နှစ်သားအရွယ် မောင်လွန်းက ကျောင်းပေါ်ကနေရပ်ကြည့်ခဲ့တယ်ဆိုတဲ့ နာမယ်ကျော်…………………

ကိုပေါက်