နားတွေကိုစွင့်ထားပြီး

ရင်တံခါးကိုဖွင့်ထားကြမယ်..

လူတစ်ယောက်နှင့်တစ်ယောက် အတွေးအမြင်ခြင်း ထပ်တူကျဖို့ မလွယ်ကူပါ။ တစ်ခါတစ်ရံ ဆန့်ကျင်ဘက်ပင် ဖြစ်တတ်ပါသေးတယ်။ ဝါးခြမ်းတစ်ခုကို ထောင်ကြည့်ရင် တစ်ဘက်မှာ ဝါးခြမ်းလို့မြင်ရပေမဲ့ တစ်ဘက်မှာ ဝါးလုံးလို့မြင်တတ်ပါတယ်။ ခက်တာက တစ်ဘက်ကမှားနေတယ်လို့ထောက်ပြတာကို တစ်ဘက်က ဒီလူတော့မှားနေပြန်ပြီ လို့မြင်မိကြတဲ့အခါ ပေါင်းသင်းဆက်ဆံရေး ပျက်စီးတတ်ပါတယ်။

လူမှုဆက်ဆံရေးနယ်ပယ်မှာ လူရာဝင်ဆန့်တဲ့သူတစ်ယောက်ဖြစ်ဖို့ဆိုတာ လွယ်ကူသည်တော့မဟုတ်ပါ။ သို့ဆိုပါလျှင် ဘာတွေဆောင်ရန်၊ရှောင်ရန် လိုအပ်မည်နည်း။ အရေးကြီးသောအချက်တွေထဲမှ တစ်ခုတင်ပြပါမည်။ “နားတွေကိုအရင်ဆုံးအလုပ်လုပ်ပါ” ဟုအကြံပေးလိုပါသည်။

တစ်ကယ်တမ်းတော့ ဒီအလုပ်က လွယ်ကူလှသည်မဟုတ်ပါ။ လူတော်တော်များများက ကိုယ်ကသာပြောချင်ကြပြီး သူများပြောတာနားထောင်ဖို့ ဝါသနာနည်းကြသည်။ ဆုံတာနဲ့ အလုအယက်ပြောကြတာများပါတယ်။ မိတ်ဆွေကြုံဖူးပါလိမ့်မယ်။ တစ်ယောက်နဲ့တစ်ယောက် (သို့) တစ်ဖွဲ့နဲ့တစ်ဖွဲ့ ငြင်းကြခုန်ကြသည်။ အချို့တစ်ဝက် လူစုံပြီဆိုတာနဲ့ လူမိုက်ဂုဏ်ဖော်ချင်ကြသည်။ အချို့တစ်ဝက် မရှိတာကိုရှိဟန်ပြပြီး ဟန်လုပ်ချင်ကြသည်။ ဘာရယ်ညာရယ်တော့မဟုတ်။ လူရှိန်စေချင်တဲ့သဘောပါပေ။ နောက်ဆက်တွဲ အကျိုးဆက်ကတော့ ရှိတဲ့ဂုဏ်သိက္ခာတစ်ချို့သာပဲ့ပါသွားတတ်ပါ၏..ကောင်းကျိုးမပေးပါချေ။

လူမှာ နားနှစ်ဖက်ပါပြီး ပါးစပ်တစ်ပေါက်သာပါပေမဲ့ နားတွေကိုသိပ်ပြီးအသုံးမချချင်ကြပါဘူး။ ပါးစပ်ကိုသာ အလိုလိုက်ကြတာများပါ၏။ ကိုယ်ကသာပြောချင်ပြီး သူများပြောတာ စိတ်ဝင်တစ်စားနားထောင် မပေးတတ်တဲ့သူတွေဟာ လူချစ်လူခင်နည်းတတ်ပါတယ်။ ဒီနေရာမှာ အမေရိကန် အင်ဒီးယန်းတွေရဲ့စကားပုံလေးတစ်ခုဟာ အတော်သဘောကျစရာကောင်းပါတယ်။ “နားရွက်တွေကိုအလုပ်ပေးပါ..မဟုတ်ရင်..လျှာ..က နားရွက်တွေကိုပိတ်ဆို့ပစ်လိမ့်မယ်” တဲ့။

အတိအကျပြောရမယ်ဆိုရင် “ပထမဆုံး သူများကိုနားလည်အောင်ကြိုးစားပါ။ ကိုယ့်ကိုလဲ သူများကနားလည်နိူင်ပါစေ” ( Seek first to understand, Them to be understood ) ပေါ့။ အရင်ဆုံးနားထောင်၊ ပြီးမှပြောစရာရှိတာပြောဆိုတဲ့သဘောပါ။ နားတွေကို ကောင်းကောင်းအသုံးချတတ်ဖို့ လိုအပ်ပါတယ်။

(၂)
ကျွန်တော် ရင်ဘတ်ထဲမှာသိမ်းထားတာတွေများလာတဲ့အခါ ကျွန်တော့်ရဲ့အမဝမ်းကွဲတစ်ယောက်ဆီမှာ ရင်ဖွင့်လေ့ရှိပါတယ်။ အဲဒီနေ့က အမဆီသွားဖြစ်တယ်။ အမက သဘောကောင်းတယ်။ စကားလဲမများဘူး။ ကျွန်တော်ပြောသမျှကို စိတ်ဝင်စားစွာ နားထောင်ပေးတတ်တယ်။ အမဆီမှာ လဖက်သုပ်နဲ့အကြမ်းရေသောက်ရင်း စကားပြောကြတာပေါ့။ ကျွန်တော်ကချည်းပြောတာပါ။ ရင်ထဲက မကျေနပ်ချက်တွေ အားရပါးရသွန်ချပစ်လိုက်တယ်။ အမက နားထောင်ရင်းမျက်လုံးရွဲကြီးနဲ့ ကျွန်တော့်ကိုငေးနေတယ်။ တစ်ခါတစ်ခါ နှစ်သိမ့်စကားဆိုတယ်။ များသောအားဖြင့်တော့ ဘာမှမပြောပဲ နားထောင်ပေးပါတယ်။ ဒီလိုနဲ့ နှစ်နာရီလောက်လဲကြာရော။ ကျွန်တော်လဲမောလှပြီ။ ဒီတော့မှ အမက ခုလိုပြောပါတယ်။

“တစ်ခါတစ်လေ နားထောင်ကြည့်ပါလား မောင်လေး..ပြောတဲ့လူရဲ့စိတ်ထဲမှာ ဘာတွေရှိမလဲစဉ်းစားရင်းနားထောင်..သိပ်စိတ်ဝင်စားဖို့ကောင်းတာပဲ” တဲ့။

 ကျွန်တော့်ရဲ့အိမ်ပြန်လမ်းမှာ အမရဲ့ စကားသံကပ်ပါလာခဲ့ပါတယ်။ အမပြောတဲ့အတိုင်း ကြိုးစားကြည့်ပါတယ်။ ပထမတော့ မလွယ်လှပါဘူး။ လူတွေ့တာနဲ့ ကိုယ်ကစပြောချင်တာ ပါးစပ်ကိုရွလို့။ နောက်တော့ တစ်ဖြည်းဖြည်းအကျင့်ရလာပါတယ်။ တစ်ဘက်လူရဲ့ရင်ထဲကို ထိုးဖောက်ကြည့်တတ်လာပါတယ်။ မှန်လိုက်တာ။ သိပ်ကိုစိတ်ဝင်စားဖို့ကောင်းတာပဲ။ တစ်ဘက်လူရဲ့ခံစားချက်တွေကို နားလည်လာတဲ့အခါ ကျွန်တော် ဆက်ဆံရေးတိုးတက်လာပါတယ်။ လူချစ်လူခင်လဲ များလာခဲ့ပါတယ်။ နားထောင်ခြင်းရဲ့ အကျိုးကျေးဇူးတွေပေါ့။

 “နားထောင်တာများခက်တာမှတ်” လို့ ဆိုပြီး စောဒက တက်ချင်တက်ကြပါလိမ့်မယ်။ နားရွက်ပါတိုင်း နားထောင်တတ်တာ မဟုတ်ပါဘူး။ ပြောတဲ့သူကပြောနေပေမဲ့ နားထောင်သူက ဘာမှမကြားဘူး။ သူ့စိတ်က တစ်ခြားစကြဝဠာဆီ ရောက်နေတာကိုး။ သာမန်ကြည့်လိုက်ရင် နားထောင်နေသလိုပါပဲ။ တစ်ကယ်တော့ နားထောင်ချင်ယောင်ဆောင်နေတာပါ။ စကားစပြတ်သွားရင် “ဟုတ်တာပေါ့”၊ “အင်း..ဟုတ်တယ်နော်”၊ စသဖြင့် ခပ်တည်တည်နဲ့ ဝင်ထောက်တတ်သေးတယ်။ “စောစောက ငါဘာပြောလိုက်သလဲ” လို့သာ သူ့ကိုမေးကြည့်။ အဲဒီလူ ဘာမှပြန်ပြောနိူင်မှာမဟုတ်ဘူး။ ကြာတောမှာ ရွာတဲ့မိုးလို စိုချင်တဲ့နေရာစို မစိုချင်တဲ့နေရာမစို ဆိုသလိုပေါ့။ သူအာရုံကျတဲ့ အပိုင်းလေးပဲကြားရတယ်။ ဒါမျိုးလဲရှိတတ်ရဲ့။

 ကြည့်မှန်တစ်ချပ်ဟာ ဘယ်လိုတုန့်ပြန်တတ်ပါသလဲ။ အားလုံးသိကြပါတယ်။ မှန်ကြည့်လိုက်ရင် “လှလိုက်တာ” (ဒါမှမဟုတ်) “အကျည်းတန်လိုက်တာ” လို့ မှန်ကစီရင်ချက်မချဘူး။ “ပြုံးလိုက်” ၊ “ခေါင်းလေးမော့လိုက်” လို့လဲ အကြံမပေးဘူး။ မှန်ရဲ့အလုပ်က အရှိကိုအရှိတိုင်း ရောင်ပြန်ဟပ်ပေးတာပါ။ အဲဒီလိုပဲ နားထောင်ရာမှာလဲ မှန်လိုကျင့်ဖို့ လိုအပ်ပါတယ်။ ဆိုလိုတာက ပြောသူရဲ့ ခံစားမှုကို တူညီတဲ့ ခံစားမှုနဲ့ ရောင်ပြန်ဟပ်ပေးဖို့ ဖြစ်ပါတယ်။ ဒါဆိုရင် အတွင်းကျကျ ဆက်သွယ်နိူင်ဖို့ လမ်းပွင့်သွားပါလိမ့်မယ်။

နောက်ထပ်အရေးကြီးတာတစ်ခုကတော့ နေရာတစ်ကာ မြုံစိမြုံစပ် မလုပ်မိဖို့ပါ။ ရင်ထဲကမကျေနပ်ချက်တွေ စိုးရိမ်သောကတွေ သံသယတွေကို ကြာရှည်ကြာမော မျိုသိပ်ထားတာမျိုးဟာ စိတ်ကျန်းမာရေးကို ထိခိုက်စေပါတယ်။ ဖွင့်ထုတ်မပစ်တဲ့ ခံစားမှုဆိုတာ ဘယ်တော့မှ သေဆုံးတယ်မရှိပါဘူး။ နေမြင့်လေ အရှုးရင့်လေဆိုသလိုပဲ တစ်ဖြည်းဖြည်းအစိုင်အခဲ ဖြစ်လာပြီး ဆိုးဆိုးဝါးဝါး ပုံသဏ္ဍန်တွေနဲ့ အချိန်မရွေးကန်ထွက်တတ်ပါတယ်။ ဒါကြောင့် ကိုယ့်ကိုကိုယ် နားလည်အောင်ကြိုးစားဖို့ လိုအပ်သလို၊ သူများက ကိုယ့်ကိုနားလည်ဖို့ လုံလောက်အောင်ပွင့်လင်းဖို့ လိုအပ်ပါတယ်။

လူမှုဗေဒပညာရှင်တွေက လူ့အဖွဲ့အစည်းတစ်ခု အဓွန့်ရှည် တည်တံ့နိူင်ဖို့ “ယုံကြည်မှုဝင်ရိုး” က အရေးကြီးဆုံးလို့ ဆိုစမှတ်ပြုကြပါတယ်။ ယုံကြည်မှုဝင်ရိုး တည်ဆောက်ဖို့အတွက် မရှိမဖြစ် လိုအပ်ချက်ကတော့ “နားလည်မှု” ပါ။ အပြန်အလှန် နားလည်မှုအရယူဖို့အတွက်ဆိုရင်တော့ “နားတွေကိုစွင့်ထားဖို့..လိုအပ်သလို..ရင်တံခါးကိုလဲ..ဖွင့်ထားဖို့ လိုအပ်ပါလိမ့်မယ်”...

 ဆရာဂြိုလ်သား
(“နားရွက်နှစ်ဖက်နဲ့ပါးစပ်တစ်ပေါက်” ဆောင်းပါးမှကောက်နှုတ်ချက်)