နောင်နှစ်ခါလည်း ဆီးလို့ကြိုကွယ်..မောင်ကြီးလာပါမယ် ဟု
လက်ဆင့်ကမ်းခဲ့သော မန္တလေးရှေးဟောင်း သင်္ကြန် …၊
အခု …။ နိဂုံးကမ္ပတ်၊ အဆုံးသတ်ပြီလော …
ဆောင်းနှင်းငွေ့မပြယ်မီမှာပင် သင်္ကြန်ခံစားမှုက ပူးဝင်လာချေပြီ။
သည်လိုခံစားမှုလေးတွေ ပူးဝင်လာတော့ အိမ်ရှိသင်္ကြန်သီချင်းမူရင်း အဟောင်းလေးတွေ ပြန်ရှာနားထောင်ကာ ဆွတ်ပျံ့ဖွယ်အတိတ်စာမျက်နှာများကို ပြန်လှန်ရသည်ချည်း …။ သင်္ကြန်ရင်ခုန်သံကလည်း အတိတ်မှာပဲ ကျန်ရစ်ခဲ့ သည်လေ..။
တူးပို့ တူးပို့ ဒိုးဆစ်သံနှင့်အတူ ပိတောက်ပွင့်တွေ လှုပ်ခါနေ၏။ အစိမ်းစွက်သော အ၀ါရောင်ပုံရိပ်တွေ ယိမ်းထိုးသွားသည်။
(က)
ထိုနှစ်တွင် အိမ်ရှေ့ပိတောက်ပင်က ရှားရှားပါးပါး ပိတောက်တွေ ကြိုပွင့်သည်။ သင်္ကြန်ရောက်ဖို့ တစ် လနီးပါးတော့လိုသေး…။ သို့သော် ၀င်းထိပ် ကိုဘစိမ်းလက်ဖက်ရည်ဆိုင်ရှေ့ မန်ကျည်းပင်ကြီးမှာ သင်္ကြန်ကြော်ငြာဆိုင်းဘုတ် တွေ ပလူပျံနေ၏။
လှထိပ်တင် .. ရေသဘင်
ဝင်ကြေး ၁၅ ကျပ်နှင့်စာရင်း
ပေးနိုင်ပြီ
မြရိပ်ညိုတောင်သမန်နှင့်
မြောင်ပတ်ယံမန်းမြေအမော့မှာ
သလ္လာသက်ဦးတို့ပျော်မည်
နွေဦးပေါက်မို့
တစ်ခေါက်တစ်ခါ …
မန်းမြို့တော်မှာ
အလည်လာခဲ့ပေါ့၊
တောကသာဂိတို့ သင်္ကြန်ဝယ်
အမြင်မတော်တာတွေ
ပြောချင်လွန်းလို့
ဝင်ကြေး ၂၀ ကျပ်
သင်္ကြန်ကြော်ငြာဆိုင်းဘုတ်တွေနှင့်အတူ အရပ်ထဲ၊ ၀င်းထဲ၊ ပြထဲ မှာ သင်္ကြန်တီးလုံးတိုက်သံတွေကြား လာရ၏။ ၀င်းလယ်ကွက်လပ်ကြီး ထဲ အောက်လင်းမီးတွေ ထိန်ထိန်ထွန်းပြီး တီးလုံးတိုက်၊ သီချင်းတိုက်၊ အကတိုက်ကြသည်။ သည်ကတည်းက စွဲငြိဖွယ်၊ နှစ်သက်ဖွယ် သင်္ကြန်သီချင်းတွေက အရပ်ထဲ၊ ဈေးထဲအထိ ပျံ့လွင့်နေရာယူခဲ့ပြီ။ သည်နှစ် သင်္ကြန်အတွက် ဗဟိုဆုပေးမဏ္ဍပ်ကြီးက ဗိုလ်ချုပ်အောင်ဆန်းလမ်းမကြီးပေါ် ဟံသာဝတီသတင်းစာတိုက်ကြီး ရှေ့မှာ ဆောက်မှာတဲ့။ သစ်သားတွေပင် ချထားပြီးပြီတဲ့။ ဗဟိုမဏ္ဍပ်အတွက် သင်္ကြန်ယိမ်း အဖွဲ့ကို မြို့ တော်ခန်းမ (၁)မှာ တိုက်နေကြပြီ။ ဌာနဆိုင်ရာအသီးသီးက မန်းမြို့သူ ညိုပြာညက်တို့ ယဉ်ယဉ်ကြော့ကြော့ သီဆိုကခုန်ကြပေါ့။
ရွှေမန်းမေတဲ့၊ ယမင်းရွှေစင်တဲ့၊ ယမင်းသူဇာတဲ့၊ ပတ္တမြားသူဇာတဲ့၊ မေထားဝယ်တဲ့၊ ငုရွှေဝါတဲ့၊ မေသစ် လွင်တဲ့၊ အကကောင်း အမျိုးသမီး ရေသဘင်အဖွဲ့တွေက နှစ်စဉ်ပရိသတ်အာရုံစိုက်စရာတွေချည်းဖြစ်နေသည်။
ထိုနှစ် ဗဟိုမဏ္ဍပ်မှာ သင်္ကြန် ယိမ်းအကကို မန္တလေးပန်တျာက အကနည်းပြ ဆရာမလေးကတာဝန်ယူသတဲ့။ ထိုသတင်းကလည်း ဟံသာဝတီသတင်းစာမှာ ဖော်ပြပါရှိသည်။ ထို့ကြောင့်လည်း မြို့တော်ခန်းမ (၁)မှာ အကတိုက် နေသော ဗဟိုမဏ္ဍပ်ယိမ်းအဖွဲ့ကို မြို့လူထုက စိတ်ဝင်စားနေသည်။
ပြိုင်ပွဲဝင်အသင်းတွေ မရှိသေးသည်မို့ ဗဟိုမဏ္ဍပ်က သီချင်းတွေ၊ အက တွေချည်း ဆက်တိုက်ကြည့်ရှုရမည်မို့လည်း ပရိသတ်က ခဲခဲလှုပ်နေ၏။ မြောက်ဘက် ၂၉ လမ်းထိပ် ဘဂ၀မ်ဒတ်စ်ဘာဘူတိုက်အနီးကပင် ယာဉ်အ၀င်အထွက်မရှိရအောင် သံဆူးကြိုး တွေနှင့်လမ်းပိတ်ထားရ၏။ ထို့အတူ တောင်ဘက် ၃၁ လမ်းထိပ် ရွှေမောင်းတိုက်အနီးကလည်း အလားတူ လမ်းပိတ်ထားရသည်။
ထိုပြ ပေါက်များအတွင်း ပရိသတ်က အပြည့်အကျပ်ညပ်လို့။ ဟံသာဝတီ သတင်းစာတိုက်ဖွင့်လှစ်ထားသော နီညိုရောင် ရှေးဟောင်းအုတ်တိုက်ကြီးရှေ့က ဗဟိုမဏ္ဍပ်ကြီးကလည်း မီးရောင်များအောက်ခံ့ညားလှပနေ၏။ ကခွင်စင်က ပိုမိုကျယ်ဝန်းသည်။ မြန်မာမှုပန်းကနုတ်တွေပင်ဆင်ထားသော နောက်ခံစင်မြင့်ရှေ့မှာ ပဉ္စရူပရုပ်ကြီးနှင့် မှန်စီရွှေချဆိုင်းဝိုင်းကြီးက နေရာယူထားသည်။ မြန်မာ့ဆိုင်းဝိုင်းကြီး၏ ဘယ်ဘက်မှာ နီကယ်ရောင် တောက်ပနေသော လေမှုတ်တူရိယာများနှင့် ခေတ်ပေါ်တီးဝိုင်း။
စင်ပေါ်မှာ တီးမှုတ်သီဆိုကခုန်မည့်သူများမှအပ အခုလို ဆိုဖာခုံကြီးများ၊ ဆက်တီများနှင့်စားသောက်ဖွယ်ရာအစုံအလင်ဖြင့် ဇိမ်ခံအသား ယူကြမည့် မိသားစုများ၊ ဧည့်သည်တော်များမရှိကြသေး။ တီးမှုတ်သီဆို ကခုန်မည့် အနုပညာရှင်များ၏ မိသားစုများ၊ မြို့ခံ စာပေဂီတသဘင် အနုပညာရှင်များ၊ သတင်းစာဆရာများနှင့် အကဲဖြတ်များအတွက်သာ ကခွင်စင်ကြီး တဖက်တချက်မှာ ခေါက်ကုလားထိုင်များစီတန်းချထားသည်။ သို့သော် ထိုစင်က ကခွင်စင်ထက် နှိမ့်ထား၏။ တစ်ပြေးညီမဟုတ် …။ ပါသည်ဆိုရုံ …။
အကြို့အရင်ညကပင် ဗဟိုမဏ္ဍပ်က သီချင်းတွေက ပရိသတ်ရင်ထဲစွဲသွားသည်။ ထိုသီချင်းများနှင့်အတူ ထူးခြားစွာညက်ညောလှပသော ကကွက်များကလည်း ပရိသတ်ကို တသသဖြစ်သွားစေ၏။ နားဆင်ကြည့်ပါဦးလေ …
အို .. အမောင်လူသား အသင်
ဟိုမှာကြည့်စမ်း ..၊
အခိုင့်အခိုင်ဝေဆာလွင် …
ဝေဖြာပွင့်လန်း ..
ပန်းမျိုးတစ်ရာစုံလင်
ဒီအတာရေသဘင်
ရောက်ပြန်လေလျှင် …
အမြင်မဆန်း၊ ညစ်နွမ်းသမျှ
ရေစင်ပက်ဖျန်းရွှင်လန်းစေချင်…
(ခ)
ထိုနှစ်က အမျိုးသားအလှပြယာဉ်ထဲမှာ နာမည်ကြီးနေတာက စေတနာ ဖြစ်၏။ မန္တလေးဆေးတက္ကသိုလ်က အနုပညာဝါသနာရှင်များဟု ဆိုသည်ထက် အဆိုအတီးတွင်ပညာရှင်များဟုပင် ဆိုရလောက်သည့် ပုဂ္ဂိုလ်များအပြင် ဂုဏ်ထူး ဦးသိန်းနိုင်ကဲ့သို့သော ပြင်ပပညာရှင် ကလည်း ၀န်းရံသည်။ ဂုဏ်ထူး ဦးသိန်းနိုင်၏ သင်္ကြန်နှင့်ပတ်သက်သည့်၊ မြန်မာ့ယဉ်ကျေးမှုနှင့်ပတ်သက်သည့် ပရိကံစကားများကလည်း ပရိသတ်ထောင်သောင်း ညွှတ်ကျသွား လောက်သည်။
ထိုစိန်ပွင့်များကို ပတ္တမြားရံသည့်အနေနှင့်မန္တလေးမှ အော်တိုဆိုက်ဆိုဖုန်း လေမှုတ်ပညာရှင်
လူငယ်တစ်ဦးကလည်း စေတနာ မှာပါဝင်လာသည်။ သူက အော်တို ဆိုက်ဆိုဖုန်းကို မြန်မာ့နှဲဝိဇ္ဇာတစ်ယောက်ကဲ့သို့ နိုင်နင်းလှသည်။ မြန်မာမှုသံစဉ်များကို အော်တိုဆိုက်ဆို ဖုန်းဖြင့် အတွဲ့အနွဲ့၊ အမဲ့အရွဲ့၊ အဆွဲ အဖဲ့များဖြင့် မနားတမ်းဒရစပ်မှုတ်နိုင်သူလည်း ဖြစ်သည်။
သင်္ကြန်အကြိုနေ့ကတည်းက စေတနာ အလှပြယာဉ်က တောင်ပြင်တစ်ဝိုက်မှာ လှည့်လည်ဖျော်ဖြေ ရင်း နာမည်ကျော် မင်းသမီးများ ဦးစီးသော အမျိုးသမီးမဏ္ဍပ်များတွင် အော်တိုဆိုက်ဆိုဖုန်းနှင့်မင်းသမီးများ ပြိုင်ပွဲသတင်းက တစ်မြို့လုံးတမု ဟုတ်ချင်းပျံ့နှံ့သွားတော့၏။ ဘယ် မဏ္ဍပ်မှာ ဘယ်မင်းသမီးဖြင့် က ရင်း ပုံကျသွားလို့တဲ့။
ဘယ်မင်းသမီးကတော့ ၄၅ မိနစ်အကြာမှာ ဆက်မကနိုင်လို့ အရှုံးပေးလိုက်ရသတဲ့စသည့် စသည့် သတင်းက ထိုနှစ်သင်္ကြန်၏ အမျိုးသမီးဧည့်ခံ မဏ္ဍပ် ၁၀၀ ကျော်၊ အမျိုးသားအလှပြနှင့် သံချပ်အသင်းပေါင်း ၁၀၀ ကျော်၊ စင်ချင်း၊ ကားချင်းဆက်မျှ မြို့လုံးကျွတ်အုန်းအုန်းကြွက်ကြွက်ညံသည်။ သင်္ကြန်သီချင်းသံများအကြား ထူးထူးခြားခြား ထင်ရှားထွက်ပေါ်နေသည့် သတင်းလည်း ဖြစ်သည်။ မြို့က မွေးထုတ်ပေးသည့် မြို့ခံပညာရှင်များအချင်းချင်း အနိုင်မခံ ယှဉ်ပြိုင်ကြသည့် အနုပညာပြိုင်ပွဲမို့လည်း ပိုမိုစိတ်ဝင်စားကြ၏။ စေတနာ အလှပြယာဉ်၏ အော်တိုဆိုက်ဆိုဖုန်းအစွမ်းက ပြိုင်ပွဲတိုင်းမှာ အနိုင်ချည်းဖြစ်နေသည်။ အကြို၊ အကျ၊ အကြတ် .. ရက်များအထိ..။
ကဲ ..သင်္ကြန်အတက်နေ့ရောက်ပြီ။ စေတနာ အလှပြယာဉ်ရောက်ဖို့က ဗဟိုမဏ္ဍပ်ပဲရှိတော့၏။ သေချာပြီ။ သည်နေ့ ဗဟိုမဏ္ဍပ်မှာ စေတနာ ရောက်မည်။ အော်တိုဆိုက်ဆိုဖုန်းဆရာလေးနှင့် ဗဟိုမဏ္ဍပ်က အကနည်းပြ ဆရာမလေးတို့ တွေ့ကြမည်။ ပွဲကြီးပွဲကောင်း …။
အကနည်းပြဆရာမလေးကလည်း ဆရာမဟုဆိုသော်လည်း အသက် ၂၀ ကျော်သာရှိသေး။ သူက အငြိမ့် မင်းသမီးတော့မဟုတ်။ ပန်တျာက ကျောင်းဆင်းအပြီး နာမည်ကျော် အငြိမ့်အဖွဲ့တစ်ဖွဲ့တွင် ရှေ့ထွက် အဖြစ် (၆) လမျှပင် မကရသေး။ အိမ်တော်အစီအစဉ်နှင့် မြန်မာအကဗေဒ ပြဋ္ဌာန်းမှတ်တမ်းတင်ရေး အစီအစဉ်တစ်ခုအတွက် နည်းပြဆရာမအဖြစ်တာဝန်ယူထားရသူဖြစ်သည်။
ပန်တျာကျောင်းသူ ဘ၀မှာလည်း သင်္ကြန်တစ်ခု၌ တိုင်းလုံခြုံရေးနှင့် အုပ်ချုပ်မှုကော်မတီဥက္ကဋ္ဌ(ထိုစဉ်က အနောက်မြောက်တိုင်းစစ်ဌာနချုပ် တိုင်းမှူး) ၏ ဂုဏ်ထူးဆောင် ငွေဖလားဆုကြီး ရရှိထားသူလည်းဖြစ်၏။ သူကလည်း မြန်မာအကနှင့်ပတ်သက်လျှင် ထိုအချိန်က နာမည်ကျော် …။ သင်္ကြန်အတက်နေ့ည ဗဟိုမဏ္ဍပ်မှာ မြန်မာ့အနုပညာအကျော်အမော်နှစ်ဦး ပြိုင်ပွဲမြင်ကြရမှာမို့ ပရိသတ်က ညနေစောင်းကတည်းက ဗိုလ်ချုပ်အောင်ဆန်း လမ်းမကြီးပေါ် ပြည့်လျှံသွားတော့၏။
အတက်နေ့မို့လည်း ဆုယူမည့်အလှပြယာဉ်တွေ၊ သံချပ်အဖွဲ့တွေကလည်း ဗဟိုမဏ္ဍပ်တောင်ဘက်ခြမ်းမှာ တန်းစီနေရာယူထားကြသည်။ အတက်နေ့မို့ နောက်ဆုံးပိတ် အိတ်နှင့်လွယ်ဆိုသလို တစ်မြို့လုံးလည်း အခါတိုင်းနေ့များ ထက် စောစီးစွာ သီချင်းသံ၊ ဂီတသံ၊ သံချပ်သံတွေ လွှမ်းနေသည်။
ဗဟိုမဏ္ဍပ်ယိမ်းအဖွဲ့ကလည်း ပရိသတ်အင်အားကြောင့် အချိန်မဆိုင်းဘဲ သီဆိုကပြဧည့်ခံနေသည်။
သည်ကမ်း … သည်သောင်၊
သည်တောင် .. သည်ယာ
သည်ရွာ .. သည်မြို့၊
သည်သို့ .. သည်ဓလေ့ ..
ပျော်မွေ့နှစ်ခြိုက် ..
စရိုက်အစဉ်အလာ …။
သည်မြေမှာမွေး ..
သည်မြေသွေးပင် …
သည်မြေကိုလျှောက် …
သည်ရေသောက်လျှင်
ပန်းပိတောက်တို့ပမာထင်
အပင်ချင်းယှက် ..
အခက်ချင်းယှဉ် …
ပန်းပိတောက်ရဲ့ ရွှေမျက်နှာ
ဝင်းထိန်လို့ဝါ …
အနွယ်ချင်းယှက် ..
အခက်ချင်းယှဉ် ..
တစ်ပွင့်မြေသက်၊
တစ်ပွင့်တက်
တစ်ခက်ပက်ကြွေ ..
တစ်ခက်ဝေ
သည်အတာ သည်ရေသဘင်
အားသစ်မာန်သစ်ဝင် …
ဆန်းသစ်လှသောစာသား၊ တေးသွားနှင့် သီချင်းဂီတသံတွင် ညီညာညက်ညောလှသော သင်္ကြန်အကများက ထောင်သောင်းချီပရိသတ်၏ အာရုံကို တုတ်တုတ်မျှမလှုပ်အောင် ဖမ်းစားထားနိုင်၏။ ဤသို့ဖြင့် သင်္ကြန်ယိမ်းတွေကအပြီး လှုပ်လှုပ်ရွရွဖြစ်သွားသော ပရိသတ်အသံနှင့် အတူ တောင်ဘက်ကျောက်သွေးတန်းဆီမှ ဗိုလ်ချုပ်အောင်ဆန်းလမ်းအတိုင်း အလှပြယာဉ်တစ်စီးက မီးရောင်စုံထွန်းညှိပြီး တေးဂီတသံသာများနှင့်အတူ ဆုယူရန် တန်းစီရပ်ထားသော အခြားအလှပြယာဉ်များ၊ သံချပ်အဖွဲ့ယာဉ်များကိုကျော်၍ ဗဟိုမဏ္ဍပ်သို့ တငြိမ့်ငြိမ့်ဝင်ရောက်လာ၏။
ပရိသတ်များကအချင်းချင်း ပူးကပ်ရှဲပေး၍ အလှပြယာဉ်ကို နေရာပေးသည်။ ကားဦးမှာသမားတော်၏ ဆေးကြိမ်လုံးကို မြွေနှစ်ကောင် ရစ်ကာ ပါးပြင်းထောင်နေသည့် တံဆိပ်က အော်တိုမစ်တစ်မီးလုံးများနှင့် ထင်ရှားနေသည်မို့ ပရိသတ်၏ သြဘာသံက ဆူညံသွားသည်။ မျှော်လင့်တောင့်တနေသည့် စေတနာ အလှပြယာဉ်။
စေတနာက ဗဟိုမဏ္ဍပ်ရှေ့ ရောက်သည်နှင့် ဂုဏ်ထူးဦးသိန်းနိုင်၏ ပဏာမအဖွင့်စကားအပြီး အော်တိုဆိုက်ဆိုဖုန်းဆရာက သူကိုယ်တိုင် ရေးစပ်သော သီချင်းလေးကို တိုက်ပုံအင်္ကျီအပေါ်အိတ်မှာ အသင့်ထိုးထားသော ပိတောက်ခက်လေး ကိုင်ကာကိုင်ကာ သီဆိုတော့၏။ ပရိသတ်က ကြုံဖူးပြီးမို့ သြဘာ လက်ခုပ်ကျသွားသည်။ ဆက်တိုက်ဆိုသလို ဘ၀ဂ်ညံမျှ သြဘာလက်ခုပ်ကျသွားပြန်တာက သင်္ကြန်ယိမ်းသမများအလယ် ကျုံ့ကျုံ့လေး ထိုင်နေသော အကနည်းပြဆရာမလေးက ထကာ ထဘီကိုပြင်ဝတ်ပြီး စင်ရှေ့ထွက်၍ ကပြလိုက်ခြင်းမို့ ဖြစ်သည်။ ပွဲကြီးပွဲကောင်းတွေ့ပြီ။
အော်တိုဆိုက်ဆိုဖုန်းဆရာက သီချင်းအပြီး သူ့လက်စွဲအော်တို ဆိုက်ဆိုဖုန်းကိုကောက်ပြီး သီချင်းသွားကိုမှုတ်လိုက်၏။ သီချင်းသွားက ယိုးဒယားအသွားဖြစ်သည်။ အက ကလည်းညက်ညက်ကလေး။ ထိုယိုးဒယားအသွားမှာ ဖျင်းချဉ်အပိုဒ်လို ရေလည်စိမ် ပဒေသာသီချင်း များအကုန်ဆိုပါတော့ …။
အက နည်းပြဆရာမလေးကလည်း တေးသွားစည်းချက်အလိုက် နုနုလှလှလေးကနေ၏။ ပရိသတ် သြဘာ လက်ခုပ်ကျသွားသည်။ ဤသို့ဖြင့် နာရီဝက်၊ ၄၅ မိ နစ်၊ ၁ နာရီ။ နှစ်ယောက်စလုံး အလျှော့မပေးကြ သေး …။
အတက်နေ့မို့ ဆုပေးမည့် အစီအစဉ်တွေ မစရသေး။ ဗဟိုမဏ္ဍပ်မှ တာဝန်ရှိလူကြီးများက ရပ်စေချင်ပြီ။ ထို့ကြောင့် ပြိုင်ပွဲဝင်အသင်းများ အတွက် တပ်ဆင်ထားသော ချိန်မှတ် မီးနီကို မကြာခဏ အချက်ပြ၍ စေတနာအသင်း၏ တီးမှုတ်မှုကို ရပ်စေ၏။ မရ။
စေတနာအသင်းက အော်တိုဆိုက်ဆိုဖုန်းဆရာကလည်း အပွဲပွဲအနိုင်ယူခဲ့သမျှ အခုအလျှော့မပေး။ ထို့အတူ အကနည်းပြဆရာမလေး ကလည်း အလျော့မပေးနိုင်။ သည်လိုနှင့် ၁ နာရီနှင့် မိနစ် ၃၀ ခန့် ကြာလောက်ပြီ။ မည်သို့မှ တားမရသည့်အဆုံး၊ နယ်မြေပိုင်ရဲစခန်းကို အကူအညီတောင်းလိုက်ရတော့သည်။ ဗဟိုမဏ္ဍပ်နှင့် ၂ ပြကျော်သာဝေးသော ယိုးဒယားဈေးဂတ် (ယခုအမှတ် ၈ ရဲစခန်း) သို့ စေတနာအလှပြယာဉ်ကို ခေါ်ဆောင် သွားသည်။ သည်အထိ အော်တို ဆိုက်ဆိုဖုန်းဆရာက အမှုတ်မပျက်။ မဏ္ဍပ်ပေါ်မှ အကနည်းပြဆရာမလေးလည်း အကမပျက်။ အသံတွေ ဝေး .. ဝေး၍ ပျောက်သွားမှ အက ရပ်တော့သည်။ ပညာရှင်နှစ်ဦးပြိုင်ပွဲက ဘယ်သူ့ဘယ်သူမှ မနိုင်….။
သို့သော် နိုင်သူက နိုင်သွားပါ၏။ ပရိသတ်ဖြစ်ပါသည်။ ပရိသတ်က အုံနှင့်ကျင်းနှင့်တောင်းဆိုမှုကြောင့် တာဝန်ရှိလူကြီးများ အစီအစဉ်ဖြင့် အော်တိုဆိုက်ဆိုဖုန်း ဆရာကို ဗဟိုမဏ္ဍပ်ပေါ်သို့ ပြန်လည်ခေါ်ယူကာ .. ပရိသတ်စိတ်ကြိုက် ကျေနပ်သည်အထိ အကနည်းပြ ဆရာမလေး၏ အကနှင့်အတူ ဖျော်ဖြေစေခြင်းပဲဖြစ်ပါ၏။ သည်တစ်ခါ သူနိုင်ကိုယ်နိုင်ပြိုင်ပွဲမဟုတ်။ အနုပညာရှင်နှစ်ဦးနှင့် အပြန်အလှန် အပေးအယူနှင့် အနုပညာကွန့်မြူးမှု …။ ပရိသတ်ကြီးကလည်း ၄ ပြနီးပါးလောက်ထိ ကပ်ညပ်ခဲကာ သြဘာလက်ခုပ်မစဲ အားပေးကြဆဲ …။
အော်တိုဆိုက်ဆိုဖုန်းဆရာက ကချင်မြေ သိန်းနိုင်လေး …။
အကနည်းပြဆရာမလေးက ဒေါ်ခင်ဝင်းနွယ် …။
(ဂ)
ကျုံးနဘေး အာဇာနည်လမ်းပေါ်တွင် သက်တမ်းရင့်ကုက္ကိုပင်ကြီးများက အရွက်တို့ ဖွေ့ဖွေ့ကြွေပြီ။ မကြာမီ လမ်းလယ်ကျွန်းပေါ်က စီမံကိန်းတယ်ပင် လူပျိုပေါက်တို့လည်း သူ့ရွက်ဝါဟောင်းတွေ ခါချနေတော့၏။ တောင်လေအဝှေ့ တွင် ကတ္တရာလမ်းပေါ်မှာ ရွက်ဝါတို့ ရှပ်တိုက်ပြေးနေသည်။ ကျုံးရေပြင်မှာ မြူငွေ့ပါးပါးထင်နေသည်။
ကပြသည့်ခွင်အတွက် ပေ ၆၀ ပတ်လည်နေရာအပြင် ဘေးတစ်ဖက်တစ်ချက်မှာ ပေ ၅၀ ပေ ၇၀ စီ ပွဲကြည့်ဆောင်များပါ ပူးတွဲပါဝင်သည့် ပေ ၁၆၀ ပေ ၇၀ ရှိ သင်္ကြန်မဏ္ဍပ်ကြီးအတွက် ၂၀၀၀ ခု နှစ်ကတည်းက သံမဏိဘောင်ကြီးများနှင့် ခြင်းကြားထည်ကို ပုံစံသေ အခိုင်အခံ့ တည်ဆောက်ခြင်းဖြစ်၏။
ရန်ကုန်က ခေတ်ပေါ်တီးဝိုင်းကို ငွေကျပ်သိန်း ဘယ်နှရာနှင့် ငှားရမ်းမှာ၊ လတ်တလော နာမည်ကျော်အဆိုတော်မလေး ကို ငွေကျပ်သိန်း ၈၀ နှင့်အပြေးအလွှားရက်ချိတ်ငှားရမ်းရတာ၊ ဒါတောင် ထိုအဆိုတော်မလေးက သင်္ကြန် ၄ ရက်မှာ ၃ ရက်မှာ သီဆိုနိုင်မှာ၊ အခြား ရုပ်ရှင်မင်းသားမင်းသမီးများ၊ နာမည်ကျော်အဆိုတော်များ၊ မော်ဒယ်များကို ငွေကျပ်သိန်း ဘယ်နှဆယ်စီဖြင့် ငှားရမ်းပြီးတာ စသည့်စသည့် သတင်းများကို ကြားနေရတော့ …။
မြန်မာလူမျိုးတို့၏ ရိုးရာပွဲလမ်းများတွင် သင်္ကြန်ပွဲတော်သည် ယဉ်ကျေးမှု၏ အထင်ကရ အဓိကအမှတ်အသား စရိုက်လက္ခဏာကြီး ဖြစ်သည်။ တစ်လျှောက်လုံး မြန်မာ့ရိုးရာယဉ်ကျေးမှုအတာသင်္ကြန် ဟု လေးနက်စွာ တခုတ်တရပြောဆို သုံးနှုန်းထုတ်ပြန်ခဲ့သည်။ အထူးသဖြင့် မန္တလေးကဲ့သို့သော ကျန်ကောင်းကျန်ရာ မြန်မာ့ဓလေ့စရိုက်လက္ခဏာ အစုအဝေးတည်ရှိရာ မြို့ကြီး၏ သင်္ကြန်ပွဲတော်များတွင် ထိုအပြောအဆို၊ ထိုအသုံးအနှုန်း၊ ထိုအမူအကျင့်တို့ကို တစိုက်မတ်မတ် တစ်လျှောက်လုံး ထိန်းသိမ်းခဲ့သည်။ လက်ဆင့်ကမ်းခဲ့သည်။ မြို့လူထုသာမက (အထူးသဖြင့်) တာဝန်ရှိသူများကလည်း (တာဝန်ရှိသည့်ပမာ) အထူးအလေးအနက် ထားခဲ့ကြသည်။
ထို့ကြောင့်လည်း တစ်လျှာက်လုံး မြန်မာရိုးရာယဉ်ကျေးမှု မန္တလေးမဟာသင်္ကြန် ဟု သုံးနှုန်းခဲ့ကြသည်။ သုံးနှုန်းသလိုလည်းလိုက်နာခဲ့ကြသည်။ ထို့ကြောင့်လည်း သင်္ကြန်ရောက်သည်နှင့် မြန်မာဆန်ဆန်ယဉ်ကျေးစွာ ရေပက်ကစားခြင်း၊ ဂီတ၊ အက၊ အလှတို့ကို တစ်ဝကြီးခံစားလိုကြခြင်းဖြင့် မြန်မာသင်္ကြန်၏ အမှတ်အသားတစ်ခုပမာ မန္တလေးသင်္ကြန်ကို ပြည်တွင်းသာမက ပြည်ပမှပါ အာရုံစိုက်ခဲ့ကြခြင်းဖြစ်သည်။
အခုတော့ မန္တလေးသင်္ကြန်နှင့် ပတ်သက်သည့် အသုံးအနှုန်းတွင် မန္တလေးမြို့တော် မြန်မာ့ရိုးရာမဟာသင်္ကြန် ဟု သုံးနှုန်းနေပါ၏။ ယဉ်ကျေးမှု ဟူသော စကားလုံးကာ မပါတော့….။
(ဃ)
အဆိုတော်ရုပ်ရှင်မင်းသား ၀င်းဦးသည် ၁၉၆၈ ခုနှစ်မှစ၍ ၁၉၇၈ ခုနှစ်အထိ ဆယ်နှစ်ကျော် ဆယ့်တစ်နှစ်ကာလမျှ မန္တလေး သင်္ကြန်တွင် ပါဝင်ဆင်နွှဲခဲ့သည်။ ၀င်းဦးသည် ထိုစဉ်က နံပါတ်(၁)မင်းသားဟု ပြောရလောက်အောင်လျှမ်းလျှမ်းတောက် နေသော ကာလလည်းဖြစ်ကာ မိန်းကလေးပရိသတ် အများဆုံးရရှိထားသည်။ ၀င်းဦးသည် ရုပ်ရှင်မင်းသားသာမက စာရေးဆရာလည်းဖြစ်ကာ အထူးသဖြင့် နာမည်ကျော် အဆိုတော်တစ်ဦးလည်းဖြစ်သည်။
မန္တလေးသင်္ကြန်သို့ ရုပ်ရှင်မင်းသားအဆိုတော်ဝင်းဦး ဆယ်နှစ်ကျော်ကြာလာရောက်ခြင်းမှာ သိန်းဘယ်နှစ်ဆယ်နှင့် ငှားရမ်း၍ သို့မဟုတ် ဘယ်သူဘယ်ဝါက စပွန်ဆာပေး၍ လာရောက်ခြင်းမဟုတ်။ ကိုယ်ကိုယ်နှိုက်က အနုပညာအပေါ် နှစ်ယူခံစားလေးစား မြတ်နိုးလွန်း၍ အနုပညာများ အတောက်စား၊ အမြူးတူးဆုံး မန္တလေးသင်္ကြန်တွင် ကိုယ်စရိတ်နှင့် ကိုယ်လာရောက်ကာ ဆင်နွှဲခြင်းဖြစ် သည်။
သည်နေရာတွင် အကြောင်းတိုက်ဆိုင်၍ ပြောရလျှင် ရုပ်ရှင်မင်းသားဝင်းဦးက မန္တလေးသင်္ကြန်တွင် ကိုယ့်စရိတ်နှင့်ကိုယ် လာရောက်ကာ ဖျော်ဖြေခြင်းဖြစ်သည်ဟု သုံးနှုန်းသော် ရုတ်တရက်ဆိုလျှင် လျော်ကန်သည်ဟု မှတ်ယူနိုင်၏။ သို့သော် မဟုတ်။ တကယ်တော့ ရုပ်ရှင်မင်းသားဝင်းဦးက လာရောက်ဖျော်ဖြေခြင်းမဟုတ်။ မန္တလေးသူ၊ မန္တလေးသားတိုင်း တစ်ယောက်ချင်းစီ အသီးသီး အသက အသက မိမိတို့တတ်ကျွမ်းသော ပန်းချီ၊ ပန်းပု၊ အက၊ အဆို၊ အတီး၊ အနုသုခုမပညာကိုယ်စီဖြင့် မိမိဆန္ဒအလျောက် အမှီခိုကင်း စွာဖြင့် သင်္ကြန်တွင်ဆင်နွှဲကြသည့် နည်းတူ ရုပ်ရှင်မင်းသားဝင်းဦးကလည်း အများသူငါလို ဆင်နွှဲခြင်းဖြစ်သည်။ လာရောက်ဖျော်ဖြေခြင်း မဟုတ်။
ထို့ကြောင့် ရုပ်ရှင်မင်းသား ၀င်းဦး သီဆိုသလို မန္တလေးသူလေးတွေ က ပြသည်။ မန္တလေးသားများ အလှပြယာဉ်အသင်းအဖွဲ့တွေ ကလည်း ပြန်လည်သီဆိုတီးမှုတ်ကြသည်။ ရုပ်ရှင်မင်းသားဝင်းဦး အပါအ၀င် သူတို့သူတို့ သီဆိုတီးမှုတ် ကပြကြသည့် သီချင်း၊ တီးလုံး၊ တီးကွက်တိုင်းကလည်း မန္တလေးသားတွေအားလုံး၏ အနုပညာပစ္စည်းချည်းပဲလေ။
သင်္ကြန်သည် မည်သူတစ်ဦးတစ်ယောက်ကမျှ အပေါ်ဆီးဖြင့် သိမ်းပိုက်ကာ ခံစားခြင်းမဟုတ်။ အသားယူခြင်းမဟုတ်။ ဇိမ်ခံခြင်းမဟုတ်။ အဖျော်ဖြေခံခြင်းလည်း မဟုတ်။ ထို့အတူ ဖျော်ဖြေခြင်းလည်းမဟုတ်။ ၀င်ခွင့်လက်မှတ်မရှိ။ VIP ROLL မရှိ။ အသင်းဝင်ကတ်မရှိ။ အခြွေအရံမရှိ။ ဆိုဖာခုံမရှိ။ အအေးဗူး သစ်သီးလင်ပန်းမရှိ။ သံဆူးကြိုးမရှိ၊ ကော်ဇောနီ မရှိ။ အားလုံးတန်းတူရည်တူ အနုပညာတောက်စားမှု …။ ပျော်ရွှင်မှု။
သို့သော် …
(င)
ရာချီသော ဧည့်ခံအလှပြမဏ္ဍပ်တွေ မြို့လုံးပတ်လည်ရှိသောကြောင့် မြို့လယ်လမ်းမကြီးတွေပေါ်မှာ မဏ္ဍပ်များဆီ ကူးသန်းကြသည့် အလှပြယာဉ်ကြီးများ၊ သင်္ကြန်ပျော် ဂျစ်ကားများက ပျားပန်းခတ်မျှ ဥဒဟိုသွားလာနေကြသည်။ လမ်းမကြီးတွေပေါ် သာမက လမ်းသွယ်၊ လမ်းကြားများထိ လျှပ်စစ်မီးတထိန်ထိန်၊ မီးစက်သံ တညံညံနှင့် အလှပြယာဉ်ကြီးများ ဖြတ်သန်းသွားကြသလို ဘောနက်ဖုံးကို စည်းချက်ကျကျ ထုရိုက်သံနှင့် ဂျစ်ကားများကလည်း ဆူညံစွာအော်ဟစ်ရင်း အပြေးအလွှားမောင်းနှင် သွားကြသည်။
အထူးသဖြင့် ချစ်ပန်းနွယ်၊ ဈေးချိုသူ၊ ဗဟိုမဏ္ဍပ်၊ နဂါးမယ်၊ အောင်မြေသူဇာ စသည် မဏ္ဍပ်ကြီးများ တစ်ဆက်တည်းရှိနေသော မြို့လယ် ဗိုလ်ချုပ်အောင်ဆန်း လမ်းမကြီးနှင့် ဈေးချိုသူ၊ မီးရထား၊ ဆောက်လုပ်ရေး၊ ငုရွှေဝါမဏ္ဍပ်များသို့ ဆက်စပ် သွားလာနိုင်သည့် အာဇာနည်လမ်း၊ ၇၈ လမ်းနှင့် လမ်း ၃၀ မှာလည်း အလှပြယာဉ်တွေ၊ ဂျစ်ကားတွေအကြား မလပ်မရှိ တေးသံမြိုင်မြိုင်နှင့် ဆက်စပ် သွားလာလျက်ရှိ၏။
ညဥ့်ဦးယံ ၇ နာရီကျော်သည်နှင့် ဟို .. အနောက်ဘက် နာရီစင်ဆီမှ အာဇာနည်လမ်းအတိုင်း အမိုးပွင့်ဂျစ်ကား နှင့် လင့်ရိုဗာကားအစီး ၂၀ ခန့်က ကားဦး၌ ငွေငန်းရုပ်များကို ဆင်ယင်ထားပြီး မြို့မငွေငန်းအလှပြယာဉ်ကြီးကို ဦးဆောင်ကာ အရှေ့သို့တက် လာသည်။ မီးလုံးရောင်စုံများ၊ အလှဆင်မီးဆိုင်းများဆင်ယင်ထားသော ငွေငန်းယာဉ်ကြီးပေါ်မှာ ရုပ်ရှင်မင်းသားဝင်းဦးက မိုက်ကရိုဖုန်းတိုင်ကို ကိုင်ရင်း သီချင်းတစ်ပုဒ်ကို သီဆိုလာသည်။ သီချင်းနှင့်အတူ ဥရောပ ဗုံချက်အသွားဖြင့် တေးသံစုံကိုလည်း ညက်ညက်ညောညော တီးမှုတ်လာလို့ အလှပြယာဉ်ကြီးမှာ စည်းချက်နှင့်အတူ တငြိမ့်ငြိမ့်ဖြင့် ရွေ့လျားမောင်းနှင်လာ၏။
ခါသင်္ကြန်တေးသံ ယဉ်ယဉ်
ငြိမ့်ညောင်းစွာ နားမှာချိုရွှင်
ဗေလုဝ ညင်းသွဲ့သွဲ့မို့ပင် …
နှစ်ဦးငွေငန်းမောင်ပျော်ရွှင်
တင့်ထူးစွာ အမြဲသာဆင်ယင်
စိတ်ရောကိုယ်
ချမ်းမြေ့ကြည်ကြည်လင် …
မြို့မအလှပြယာဉ်ကြီး၏ ဘေး တစ်ဖက်တစ်ချက်စီမှာ ကားတန်းကြီးနှစ်တန်းက လမ်းလုံးပြည့်ယှဉ်၍ လိုက်လာကြသည်။ ကားပေါ်ပါလာသူ ရွှေမန်းသူ ပျိုပျိုရွယ်ရွယ်အားလုံးကလည်း ကားအမိုးကိုင်းကို ကျောမှီပြီး အကဲပိုလှစွာဖြင့် အလှပြယာဉ်ကြီးပေါ်က မင်းသားဆီ မျက်နှာမူကြသည်။ အလှပြယာဉ်ကြီး၏ ဘေးမှာ၊ နောက်မှာ အမိုးဖွင့်ထားသော ကားအမျိုးအစားပေါင်းစုံက အစီးလေးဆယ်၊ ငါးဆယ် အနည်းဆုံးရှိမှာပေါ့။
ထိုယာဉ်တန်းကြီးက အာဇာနည်လမ်းအတိုင်း မစိုးရိမ်မီးပွိုင့်ကို ကျော်သည်။ ၇၈ လမ်း ဓာတ်ဆီဆိုင်ရောက်တော့ တောင်ချိုးသည်။ မီးရထားမဏ္ဍပ်မှာ ခေတ္တခဏဖျော်ဖြေသည်။ ထို့နောက် လမ်း ၃၀ အတိုင်း အရှေ့တက်ပြီး ဗထူးကွင်းတောင်ဘက်က ဆောက်လုပ်ရေးမဏ္ဍပ်မှာလည်း အပြန်အလှန်သီဆိုကြသည်။ ထို့နောက် အရှေ့သို့ ဆက်တက်ကာ မန္တလေးတွင် အကနာမည်ကျော်သော ငုရွှေဝါ အမျိုးသမီးအလှပြမဏ္ဍပ်သို့ ၀င်တော့ ညသန်းခေါင်တိုင်လုပြီ။
မန္တလေးသင်္ကြန်ပျော်ပရိသတ်ကလည်း မြို့မငွေငန်း အလှပြယာဉ်ကြီးနှင့် နာမည်ကျော် ရုပ်ရှင်မင်းသား ၀င်းဦး…။ ထို့ပြင် အစီး ၅၀ ကျော်နီးပါးကားများဖြင့် ကျိတ်ကျိတ်ခဲအားပေးကြသည့် ရွှေမန်းသူ သည်းသည်းလှုပ်များကို နာမည်ကျော် ငုရွှေဝါမဏ္ဍပ်မှာ မည်သို့မည်ပုံဆုံကြမလဲ ဆိုတာ အလွန်စိတ်ဝင်စားကြ၏။ ထို့ကြောင့်လည်း ငုရွှေဝါမဏ္ဍပ်သို့ မြို့မရောက်ရှိမည့်နေ့၊ အချိန်ကို စောင့်စားနေကြခြင်းဖြစ်သည်။
အဘယ့်ကြောင့်ဆိုသော် ….
(စ)
လမ်းသူရဲယောင်
အမောက်ထောင်
မျောက်ကောင် အသုံးအဆောင်
သူ့ခမျာ ပြူးကြောင်ကြောင်…
တော့။
ဘိုးဘွားအစဉ်အဆက်
မြန်မာမှုမဟုတ်ပြန်
နားမှာလည်း ဆံပင်အုပ်
ယောက်ျားမပီလေပြန်၊
ဘောင်းဘီကျပ်မောင်တို့
ဆင်ယင်မှုမပီသလေ ..တော့
သူ့အဖေက ဒက်ဒီ
သူ့အမေက မာမီ
စကားမပီရှာသလေ …
ပျို့မောင်ကြီးရေ .. တော့၊
ခေါင်းမှာလည်း
ကောက်ရိုးတွေပုံ …
မြန်မာဆန်ဆန်ဆံတောက်များ ဖားလျားချကာ ပိတောက်တွေဝေနေ အောင်ပန်ပြီး သနပ်ခါးပါးကွက် ကျားများဖြင့် မြန်မာဆန်ဆန် ချော မောလှသော ငုရွှေဝါ နှမငယ်တို့က သီဆိုကပြဖျော်ဖြေသည်။
ကျိတ်ကျိတ်ခဲမျှအားပေးနေသော ပရိသတ်ကြီးက သီချင်းတစ်ပိုဒ် ပြီးတိုင်းပြီးတိုင်း အားပါးတရလက်ခုပ်တီး အားပေးကြသည်။ စာသားသာမက သံစဉ်ပါ ထူးခြားလှသော သီ ချင်းတွင် ငုရွှေဝါတို့က လှပညီညာစွာ ကပြအသုံးခံသည်။ ထို့နောက် မောင်ကြီးမြို့မတို့က နှုတ်ဆက်သီချင်းသီဆိုပြီး ထွက်ခွာမည် ဖြစ်သည်။ ပရိသတ်ကြီးကလည်း မြို့မအလှပြယာဉ်ကြီးပေါ်မှ ရုပ်ရှင်မင်းသားဝင်းဦးကို ဒီဘက်လှည့်ပြီး သီဆိုဖျော်ဖြေပါဦး ဟု တောင်းဆို အားပေးကြသည်။
ငုရွှေဝါ အမျိုးသမီးရေသဘင် အဖွဲ့ကြီး ကျန်းမာပါစေ ဟု သုံးကြိမ်သုံးခါနှုတ်ဆက်ပြီး …
ရုပ်ရှင်မင်းသားဝင်းဦးနှင့် မြို့မ ငွေငန်းအလှပြယာဉ်ကြီး ကျန်းမာပါစေ ဟု ငုရွှေဝါနှမငယ်တို့ကလည်း ပြန်လှန်နှုတ်ဆက်ချိန်တွင် မြို့မက နှုတ်ဆက်တေးသွားကို ခပ်ညက်ညက်လေး တီးမှုတ်ပြီး စောစောက ပရိသတ်ကြီးက သူတို့ဘက်လှည့်ပြီး သီဆိုပါဦးဟု တောင်းဆိုသဖြင့် ရုပ်ရှင်မင်းသားဝင်းဦးက အလှပြယာဉ်ပေါ်မှ မတ်တပ်ရပ်၍ ရှေ့တူရှုရှိ ပရိသတ်ကြီးဘက်လှည့်ကာ နှုတ်ဆက်သီချင်းကို သီဆိုရင်း ..အလှပြယာဉ်ကြီးကတရွေ့ရွေ့ထွက်ခွာသွားတော့၏။
(ဆ)
နောက်နေ့နံနက်တွင် မန္တလေး မြို့ထုတ် သတင်းစာ၌ ဆောင်းပါး ရှင်တစ်ဦးက မဏ္ဍပ်ပေါ်မှ (ဘောင်း ဘီဖင်ကျပ်အကြောင်း၊ မြန်မာမဆန် သူတို့အကြောင်း၊ သတိပေး ပညာ ပေးသည့်သီချင်းများ သီဆိုကြရာ ဘောင်းဘီဝတ်လာသူကိုဝင်းဦးက သူ့ကိုစောင်းမြောင်းသီဆိုရပါ့မလား ဟု မျက်မာန်ရှကာ အလှပြယာဉ်အ ထွက်တွင် မဏ္ဍပ်ကိုနှုတ်မဆက်ဘဲ တမင်ကျောပေးပြီး ထွက်ခွာသွား ကြောင်း ဤအပြုအမူမှာ အရုပ်ဆိုး ရိုင်းစိုင်းလှပါကြောင်း စသည့် အဓိပ္ပာယ်သက်ရောက်သောဆောင်းပါးကို ရေးသား ဖော်ပြပါရှိခဲ့သည်။
ထိုအဖြစ်အပျက်ကား ထိုနှစ် သင်္ကြန်တွင် ပရိသတ်အကြား အထူးအသားပေး ပြောကြားငြင်းခုန် ဖြစ်ခဲ့ကြသည်။ ဆောင်းပါးရေးတာမှန် တယ်။ မန္တလေးလို ယဉ်ကျေးမှုမြို့ တော်မှာ ဒီလိုအပြုအမူမျိုးခွင့်မလွှတ်နိုင်ဟူသော သုံးသပ်မှုမျိုး။ ထိုကိစ္စ မဟုတ်ပါ။ မင်းသားကြီးက ပရိ သတ်အများစုဘက်လှည့်၍ သီချင်းသီဆိုသဖြင့် မဏ္ဍပ်ကိုကျောပေးသလိုဖြစ်ရတာပါ။ အဲဒီအချိန် ကိုယ်တိုင်မြင်ရတာပါ ဟု အတွေ့အကြုံ ဖြင့် ပြောဆိုမှုမျိုး … စသည်ဖြင့် စီစီညံခဲ့၏။
မည်သို့ဆိုစေ နိုင်ငံကျော်ရုပ်ရှင်မင်းသားမို့ သတင်းဖြစ်သွားတာ သေချာသည်။ မန္တလေးကလည်း တာဝန်ရှိသူမှအစ မြို့သူမြို့သား အားလုံးကလည်း ယဉ်ကျေးမှု သင်္ကြန် ဟူသော အနှစ်သာရကို မည်သို့မျှ အပွန်းအပဲ့မခံတာလည်း သေချာသည်။ ထို့အတူ အလွန်ယဉ် ကျေးသိမ့်မွေ့သော ရုပ်ရှင်မင်းသား ၀င်းဦးကလည်း ထိုကိစ္စအတွက် ဆောင်းပါးရှင်၏ ထင်မြင်ယူဆချက်လည်း မမှားပါ။ မိမိဝတ်လာသော အ၀တ်အစားနှင့်မဏ္ဍပ်မှ သီချင်းတို့ တိုက်ဆိုင်မှုတွင် မိမိစိတ်ကသိကအောက်ဖြစ်ကာ ဤသို့ပြုမူခြင်းဖြစ်လိမ့်မည်ဟု ဆောင်းပါးရှင်က ယူဆသော်လည်း တကယ့် ဖြစ်ရပ်မှာမဟုတ်ပါ။ မိမိမှာ ပရိသတ်အားလုံး၏ဆန္ဒကို လိုက်လျောလိုသဖြင့် မိမိတို့အလှပြယာဉ်အထွက်တွင် အများစုပရိသတ်ကြီးအား ဖျော်ဖြေလို၍ မျက်နှာမူမိရာမှ မဏ္ဍပ်အား ကျောပေးသကဲ့သို့ဖြစ်ရပါသည်ဟု ပြန်လည်ဖြေရှင်းခဲ့သည်။
ကိစ္စမရှိ။
ထိုစဉ်က ရုပ်ရှင်မင်းသားဝင်းဦး နှင့် မန္တလေးပရိသတ်မှာ အဝေးရောက် မိမိအိမ်သားတစ်ယောက် သင်္ကြန်ပြန်လာခိုက် ၀မ်းပန်းတသာ ကြိုဆိုကြသည့် အမူအကျင့်ပဲဖြစ်သည်။ နောက်နှစ်ကစ၍ မင်းသား ၀င်းဦးကလည်း ချိတ်ပိုးလုံချည်၊ တိုက်ပုံနှင့် ၀တ်စားသီဆိုသည်။ ပရိသတ်ကလည်း ထွေးထွေးပိုက်ပိုက် စောင့်ရှောက်အားပေးခဲ့၏။ ဆယ်နှစ်ကျော် ဆယ့်တစ်နှစ်တိုင်။
မကြာမီ သင်္ကြန်ကျတော့မည်။ မနက်လင်းသည်မှ မိုးစုပ်စုပ်ချုပ်သည်အထိ ကျုံးလေးဘက်လေးတန်မှာ ကျုံးရေတွေ ဂါလံသန်း ၃၀ ကျော်သုံးပြီး မွန်းအောင်ပက်ကြမည်။ ၁၀ ပေနီးပါးမြင့်ပြီး ပေ ၁၀၀ ကျော် ကျယ်သော စင်ကြီးတွေပေါ်က နာမည်ကျော် အနုပညာရှင်တွေ ခေတ်အဆန်ဆုံး အ၀တ်အစားများဝတ်ဆင်ပြီး သူတို့ကိုယ်တိုင် သီချင်းတွေသီဆိုကြမည်။ ဘယ်ပရိသတ်ကို ကျောပေးပေး ကိစ္စမရှိ။ ပရိသတ်ခေါင်းပေါ်က စင်မှာ ခြေထောက်တင်၊ ခြေထောက်မြှောက်လည်း ကိစ္စမရှိ။ စင်အောက်က ပရိသတ်ကလည်း သူတို့နှင့်အပြိုင် ၀တ်စားပြီး ခုန်ပေါက်မြူးတူးကြဖို့ပဲဖြစ်သည်။
စည်းချက်ကမြန်၊ ရင်ခုန်သံက မြန်၊ မြန်လွန်းမက မြန်တော့ ပေါက် ကွဲ …။
ဆူးငှက်
No comments:
Post a Comment