” မလွမ်းစကောင်း လွမ်းစကောင်း”
(ရှေးရှေးက မန်းလေး အပိုင်း ၃)

လွမ်းတယ်ဆိုတဲ့အကြောင်းပြောရရင်
မန်းလေးတောင်အတက်လမ်းက စကားဖြူပန်းနံ့လေးတွေကိုလည်းလွမ်းပါတယ်။
ကုသိုလ်တော်ဘုရားထဲက ခရေပန်းတွေကိုလည်းလွမ်းပါတယ်။
အောင်ပင်လယ်ကန်ဘောင်ရိုးကနေမြင်ရတဲ့ မူံပြပြရှမ်းရိုးမကိုလည်းလွမ်းပါတယ်။
ရန်ကင်းတောင်သွားတဲ့လမ်းက ကြာပင်အိုင်ကြီး ကိုလည်းလွမ်းပါတယ်။
လူငယ်လူကြီးအလယ်ရောက်ဘူးတဲ့ "မန်းသီတာဥယျာဉ်"ကိုလည်းလွမ်းပါတယ်။

တက္ကသိုလ်ထဲက တမာနံ့သင်းသင်းလေးကိုလည်းလွမ်းပါတယ်။
ချစ်သူနဲ့အတူထိုင်စကားပြောဘူးတဲ့ ရေနီမြောင်းထဲက ရေနီကျင်ကျင်တွေကိုလည်းလွမ်းပါတယ်။
ပေတရာလမ်းမပေါ်မှာ တခွပ်ခွပ်နဲ့ အသံပေးတဲ့မြင်းလှည်းလေးရယ် လှည်းဘီးကို ကြိမ်တုတ်နဲ့ထောက်လိုက်လို့ထွက်လာတဲ့ တတောက်တောက်အသံလေးကိုလည်းလွမ်းပါတယ်။
ကျုံးနံဘေးက အေးမြတဲ့အရိပ်တွေကိုပေးတဲ့ ကုက္ကိုပင် ကြီးတွေကိုလည်းလွမ်းပါတယ်။
လွမ်းမယ်ဆိုရင်တော့ လွမ်းစရာတွေချည်းပါဘဲ။

ကျောက်တော်ကြီးဘုရား ကတော့ မန်းလေးမှာရှိတဲ့ကြည်ညိုဘွယ်ရာ ဘုရားများထဲမှာ ထုထည်အကြီးဆုံးလို့ သတ်မှတ်လို့ရနိုင်ပါတယ်။
ရွှေကျင်ကျောက်စခန်းကနေထွက်ပေါ်လာတဲ့ ထုထည်ကြီးမားလှသောသောစကျင်ကျောက်တုံးကြီးတစ်တုံးကနေ ပြီး ကိုးကွယ်စရာ ဘုရားတစ်ဆူဖြစ်အောင်ထုလုပ်ထားတာပါ။
အင်မတန်မှ သပ္ပါယ်လှသော မျက်နှာတော်ရှိပြီးအချိုးအစားကျနလှသော ကျောက်ဆင်းတုတော်ကြီးဖြစ်ပါတယ်။

မြန်မာလူမျိုးတို့ အင်္ဂျင်နီယာအတတ်ပညာ ကျောက်ဆစ်အတတ်ပညာမှာ မညံ့ဘူးလို့ မြန်မာ့ဂုဏ်ရည်ကို ပြထားတဲ့ ပြယုတ်တစ်ခုလို့လဲဆိုနိုင်ပါတယ်။
ကျောက်တော်ကြီးဘုရားအရှေ့ဘက်စောင်းတန်းဘက်က ၀င်လာရင် စောင်းတန်းအဆုံး မှာ ရှေးရှေးတုံးကတည်းက ကြိုတင်နိမိတ်ဖတ်ထားတာ ယနေ့အထိခေတ်မီနေသေးတဲ့
ပန်းချီကားချပ်များဖြင့် သရုပ်ဖော်ရေးဆွဲထားတဲ့ "ကောသလမင်းကြီးရဲ့အိမ်မက်( 16)ချက် "ကိုတွေ့ရမှာဖြစ်ပါတယ်။

အဲဒီကနေရှေ့ဆက်သွားရင်တော့ အလွန်ကြီးမားလှတဲ့ ကျောက်သပိတ်ကြီးကို မြင်ရမှာပါ။
ကျောက်တော်ကြီးဘုရားက အရှေ့ဘက်ကို မျက်နှာတော်မူထားတဲ့ဘုရားပါ။
ဘုရားစောင်းတန်းကနေအရှေ့ဘက်ထွက်မယ်ဆိုရင် မြောက်ဘက်ခြမ်းမှာ မန်းလေးတောင် နဲ့ မန်းလေးဘိုးဘိုးကြီးနတ်နန်းကိုရောက်မှာပါ။

မန်းလေးဘိုးဘိုးကြီးနန်းကတော့ ရှေးပဝေသဏီကတည်းက ဘယ်သူစလိုက်တဲ့ဇာတ်လမ်းလဲ မသိပေမယ့် အခုလက်ရှိအချိန်ထိတိုင်အောင်
သားလေးတွေရှင်ပြုရင်လဲ ဘိုးဘိုးကြီးကိုလာပြပါတယ်။ ကားလေးတွေအသစ်ဝယ်ရင်လဲ လာပြပါတယ်။ဆိုင်ကယ်လေးတွေအသစ်ဝယ်ရင်လဲလာပြတယ်ဆိုတော့
နတ်နန်းကို ထိန်းသိမ်းစောင့်ရှောက်သူအစဉ်အဆက် အလုပ်မပျက်ဘူးပေါ့ဗျာ။

ကျောက်တော်ကြီးဘုရားရဲ့အရှေ့ဘက်ကလမ်းလေးကိုကျော်လိုက်တာနဲ့ မြန်မာပြည်မှာ အကြီးဆုံးသောစာအုပ်လို့ တင်စားထားတဲ့ ကျောက်စာများရှိတဲ့ စန္ဒာမုနိဘုရားကိုရောက်မှာပါ။
ဒီဘုရားမှာလွမ်းစရာကောင်းတာကတော့ မြန်မာတွေကို ခေတ်မှီအောင် ကြံဆောင်ခဲ့သူ ရှာမှရှားတဲ့ အိမ်ရှေ့စံကနောင်မင်းကို အသိဥာဏ်မဲ့သော မြန်မာမင်းသားဖြစ်တဲ့ မြင်းကွန်း-မြင်းခုန်တိုင်ညီအကိုက လုပ်ကြံခဲ့တဲ့အတွက်ကွယ်လွန်ခဲ့ရပြီး ကြွင်းကျန်ရစ်သောရုပ်ကလပ်တော်ကို မြုတ်နှံထားခဲ့သော ဘုရားလည်းဖြစ်ပါတယ်။

အခုတော့ဆွေတော်မျိုးတော်တွေက ပြန်လည်ဖော်ယူလို့ သွားပြီလို့လည်းသိရပါတယ်။
စိတ်ပျက်စရာကောင်းတဲ့အချက်ကတော့ စနစ်တကျစီတန်းတည်ဆောက်ထားတဲ့များပြားလှစွာသော ကျောက်စာချပ်များကို မပျက်စီးအောင် ဂူလေးတွေနဲ့စောင့်ရှောက်ထားတဲ့နေရာများမှာ
မသိသားဆိုးဝါးလှတဲ့ သမီးရီးစားစုံတွဲများရဲ့ ကွန်းခိုရိပ်သာလေးတွေဖြစ်နေတာရယ် ရုပ်ပျက်ဆင်းပျက်ဖြစ်လောက်အောင် မြင်နေရတဲ့ အတွဲချောင်းသူတွေရယ်ပါ။

စန္ဒာမုနိဘုရားနဲ့ကုသိုလ်တော်ဘုရားကြားမှာ ရေကန်လေးနဲ့ဇရပ်တစ်ဆောင်တည်ထားပုံက အင်မတန်မှ ပဏာရလှပါတယ်။
ကန်လယ်မှာကြာပွင့်လေးတွေပွင့်နေတာက လည်းစိတ်ကြည်နူးစရာပါ။
ကုသိုလ်တော်ဘုရားဝင်းအတွင်းမှာ ရှေးကတည်းကတည်ရှိခဲ့တဲ့ သက်တမ်းရင့်ခရေပင်ကြီးတွင်က ဘုရားပရ၀ုဏ် ပါတ်ပါတ်လည်မှာ စီတန်းလို့ အိနြေ္ဒကြီးစွာနဲ့ ဘုရားကိုစောင့်ရှောက်ကာရံထားသလိုပါဘဲ။

ကျနော်တို့ငယ်ငယ်က ဆိုရင်အိမ်နီးနားချင်းတွေစု  ထမင်းချိုင့်တွေ စားစရာတွေအပြည့်သယ် မြင်းလှည်းလေးတွေနဲ့ ဒီဘုရားကို အုပ်စုလိုက်ကြီးလာကြပါတယ်။
လူကြီးတွေက ဥပုဒ်သီတင်းဆောက်တည်နေတဲ့အချိန်မှာ ကျနော်တို့ကလေးတွေက ကျယ်ပြန့်လှတဲ့ ပရ၀ုဏ်ထဲမှာ အားပါးတရကစားကြပါတယ်။
မောရင်နား ဆာရင်စား ပြီးရင်ထပ်ကစား နဲ့ လူကြီးတွေကတော်တော့လို့မပြောမခြင်းကစားကြတာပါ။
ခရေပင်အောက် သန့်ရှင်းလှတဲ့မြေပြောင်ပြောင် တွေက ကျနော်တို့ကလေးများအတွက် အဘိုးတန် သဘာဝကစားကွင်းကြီးပါဘဲ။

မိုးတွင်းဆိုရင် ခရေပန်းတွေကိုတစ်ယောက်နဲ့တစ်ယောက်အပြိုင်အဆိုင်ကောက် နှီးတံနဲ့သီလို့ ပန်းကုံးတွေလုပ်ပြီးရင် ဘုရားကိုအပြိုင်အဆိုင်ကပ်လှူကြပါတယ်။
အခုတော့ မြေပြောင်ပြောင်နေရာမှာ အင်္ဂတေအုတ်ခုံတွေဖြစ်သွားသလို အရင်က စိမ်းစို နုဖတ်ခဲ့တဲ့ ခရေပင်တွေကလဲ တစစအိုမင်းလို့လာပါပြီ။
ပိုဆိုးတာက အရှေ့ဘက်က သက်တမ်းရင့်အထီးကျန်နေတဲ့ခရေပင်ကြီးကတော့ တစ်ပိုင်းစို တစ်ပိုင်းခြောက် ပြိုလဲမသွားအောင် ဒေါက်တွေနဲ့ထောက်ထားတာကို မြင်ရတော့
မမြဲသောတရား မလွန်ဆန်နိုင်သော အိုခြင်းတရားကို အသံတိတ်တရားပြနေသလိုပါဘဲ။

 အတုမရှိကျောင်းတော်

အတုမရှိကျောင်းရှေ့က ရွှေကျောင်းတော်

ကျောက်တော်ကြီးဘုရားရဲ့တောင်ဘက်ပေါက်ကနေ တဲ့တဲ့ထွက်သွားရင်နာမယ်ကျော် "အတုမရှိကျောင်းတော် "ကိုရောက်ပါတယ်။
ကျနော်တို့ငယ်စဉ်ကတည်းကစလို့သိတတ်တဲ့အရွယ်ထိ ဒီကျောင်းတော်ကြီးက အမိုးမရှိ နံရံလေးဘက်သာရှိတဲ့ ကျောင်းကြီးပါ။
ဒီပြိုပျက်နေတဲ့ ကျောင်းပါတ်ပါတ်လည်မှာ အရင်ကအေးမြတဲ့အရိပ်ကိုပေးတဲ့ ထနောင်းပင် စိမ်းစိမ်းလေးတွေရှိပါတယ်။

တစ်ခါတစ်လေ သူငယ်ချင်းတွေစုလို့စက်ဘီးကိုယ်စီနဲ့ ဒီကျောင်းတော်ကို အကြိမ်ပေါင်းများစွာလာခဲ့ဘူးပါတယ်။
ရောက်တိုင်းလဲ ပြိုပျက်နေတဲ့ ထုထည်ကြီးမားလှတဲ့ဘုရားကို ကြည့်ရင်း ရင်ထဲမှဘာကိုလွမ်းမှန်းမသိတဲ့ လွမ်းဆွတ်တဲ့ခံစားမူ့ကိုရပါတယ်။
"သင်္ကြန်မိုး" ရုပ်ရှင်ကား ကို ပြန်ပြလို့ ကြည့်မိတိုင်း ဒီကျောင်းကြီးရဲ့ပြိုပျက်နေတဲ့ ရှေးမူမပျက်တဲ့မြင်ကွင်းကို မြင်တိုင်းကျောင်းသားဘ၀ကို ပြန်သတိရစေပါတယ်။
အခုလက်ရှိအချိန်မှာတော့ ရှေးမူမပျက်ခမ်းနားကြီးကျယ်စွာ ပြန်လည်တည်ဆောက်လို့ထားပါတယ်။

နုိုင်ငံခြားသားဧည့်သည်များလာရောက်လည်ပတ်ရင် "ငါတို့မြန်မာတွေ ဘယ်လောက်ခမ်းနားကြီးကျယ်အောင်တည်လှူဒါန်းထားတယ်"ဆိုတာကို သူတို့သိအောင်ပြနိုင်ပေမယ့်
ရှေးဟောင်းအမွေအနှစ်မဟုတ်ဘူး ပြန်ဆောက်ထားတဲ့အသစ်ဆိုတာကို တွေးမိတဲ့အခါ ရင်ထဲမှာတစ်စုံတစ်ရာပျောက်ဆုံးသွားသလိုခံစားရပါတယ်။
ဒီကျောင်းတော်ကြီးရဲ့အရှေ့ဘက်မှာရှိနေတဲ့ရွှေကျောင်းကြီးကို တော့ မသိတတ်ခင်အရွယ်ကရောက်ရင် သစ်သားကျောင်းအိုကြီးဆိုတဲ့အသိဘဲရှိပါတယ်။

နောက်ကြီးလာမှ နန်းတော်အဟောင်းကိုဖျက်ပြီး ဘုန်းကြီးကျောင်းအဖြစ်ပြန်လှူဒါန်းထားတာ၊အင်မတန်မှလှပသေသပ်သော သစ်ထွင်းလက်ရာတွေရှိတာ၊
ကျွန်းအစစ်နဲ့ဆောက်လုပ်ထားတာ အစရှိတဲ့ တန်ဘိုးကြီး ရှေးဟောင်းအမွေဆိုတာကို သိလာပါတယ်။

ငယ်စဉ်ကတော့ ပဒေသရာဇ်တွေရဲ့ထီးသုံးနန်းသုံးပစ္စည်းဆိုပြီး နှာခေါင်းရှုံချင်ခဲ့ပေမယ့် ကြီးလာတဲ့အခါမှာတော့ ငါတို့ရှေးမြန်မာဘိုးဘွားတွေရဲ့အဘိုးမဖြတ်နိုင်သော
လက်မူ့အတတ်ပညာ လို့ရင်ထဲမှာတန်ဘိုးထားတတ်လာပါတယ်
အခုထိမပျက်မစီးရှိနေတဲ့နှစ်ပေါင်းရာကျော်က အမွေအနှစ်ကို ဒီထက်ဆက်ပြီးနှစ်ပေါင်းများစွာ ရှိနေစေချင်ပါသေးတယ်။

ဒီရွှေကျောင်းကြီးကနေ့ အရှေ့ဘက်ကိုထွက် 62လမ်းပေါ်ကနေတောင်တည့်တည့်သွား 19လမ်းရောက်တော့ အရှေ့ဘက်တည့်တည့်ထွက်လိုက်တာနဲ့ အောင်ပင်လယ်နဲ့ရန်ကင်းတောင်သွားတဲ့လမ်းကိုရောက်သွားမှာပါ။
အောင်ပင်လယ်ဆိုတာ ရှေးကရေတွေသွင်းထားတဲ့ကန်ကြီး ကြာမျုိးထုံထုံငှက်ပေါင်းစုံတဲ့ ရေကန်ကြီးလို့ စာထဲမှာဖတ်ဘူး သီချင်းထဲမှာကြားဘူးပေမယ့် ကျနော်တို့ခေတ်မှာတော့
အစိမ်းရောင် ကော်ဇောတစ်ချပ်ဖြန့်ခင်းထားသလိုသာယာလှတဲ့ လယ်ကွင်းကြီးပါ။

ဒါလေးကတော့ မန်းလေးမြို့အရှေ့ဘက်က နာမယ်ကျော် ဆရာနန်းတော်ရှေ့ဆရာတင်ရဲ့ သီချင်းထဲမှာ အမြဲပါတဲ့ “အောင်ပင်လယ် ” လယ်ကွင်းကြီးပါဘဲ။
ရှေးကတော့ ဟိုးဝေးဝေးမှာမြင်နေရတဲ့ ရန်ကင်းတောင်အထိက ရေပြင်ကျယ်ကြီးပါတဲ့။
အခုတော့ ရိတ်သိမ်းပြီးစ လယ်ကွင်းကို အပြာရောင်မိုးကောင်းကင်အောက်မှာမြင်နေရပါတယ်။

အောင်ပင်လယ်….ရှေးကတော့ရေပြင်ကျယ် အခုတော့လယ်ကွင်း အဝေးကရှမ်းရိုးမ

အောင်ပင်လယ်ကန်ဘောင်ရိုးကနေ အရှေ့ဘက်မျှော်ကြည့်ရင် ရှမ်းရိုးမ သူ့အောက်ဖက်မနီးမဝေးမှာ ရေတံခွန်တောင်၊တောင်ဘက်ကြည့်လိုက်တော့ ထူးဆန်းလှတဲ့ပုံစံနဲ့တည်ရှိနေတဲ့ "ကြွက်နဖားတောင်"။သိပ်အလှမ်းမဝေးတဲ့နေရာမှာက "ရန်ကင်းတောင်" ဆိုပြီး အစီအရီတည်ရှိနေပါတယ်။

ဒီအောင်ပင်လယ်ကိုရောက်ရင် "နန်းတော်ရှေ့ကဆရာတင်"ရဲ့
" စိန်မြ စိန်မြလျှံခြယ်အောင်ပင်လယ်တောနဲ့တောင်စွယ် ကိုကြီးတင်ပျော်တဲ့နယ်...................ရွှေနန်းတော်ရှေ့ပြုဗ္ဗာဝယ်
ကုမ္မာရီကောက်စိုက်မတွေအသွယ်သွယ် ဆိုတေးသံချိုလှတယ်............" ဆိုတာရယ်
"တကယ်တောအစစ်ကဲ့သို့ အခုတော့လယ်ကောဖြစ်လို့မို့ ကောင်းဘို့ရွယ်သောခေတ်ကို အထူးသဖြင့်မျှော်မိတယ်" ဆိုတဲ့
နေရာဒေသတစ်ခုတည်းကို မတူညီသောခံစားချက်နဲ့ရေးဖွဲ့ထားတဲ့ သီချင်းစာသားများက တိုက်ခတ်နေတဲ့လေအေးအေးနဲ့အတူ နားထဲ ရင်ထဲကို တိုးဝှေ့လာစမြဲပါ။

ဒီအောင်ပင်လယ်ကနေရှေ့ဆက်သွားရင် နန်းဦးလွင်ဆိုတဲ့ရွာကလေးကိုကျော်လိုက်တာနဲ့ကန်လယ်လို့အရပ်ကခေါ်တဲ့ နေရာမှာ ဆရာတင်ရဲ့ ကြာပင်အိုင်ကြီးကိုဘွားကနဲ့တွေ့ရမှာပါ။
ကြာပန်းတွေလှိုင်လှိုင်ပွင့်တဲ့အချိန်ရောက်ရင် တောထအောင်ပွင့်နေတဲ့ ပဒုမ္မာကြာပန်းနီနီတွေကိုတွေ့ရမယ်။

လိုချင်သလား ကိုယ်တိုင်ဆင်းခူးစရာမလိုပါဘူးနော်။
ကြာပန်းလေးတွေ ကြာဖူးလေးတွေ ကြားသီးတွေကိုခူးရောင်းနေတဲ့ဆိုင်လေးတွေက လမ်းဘေးမှာအစီအရီပါ။
ဆက်သွားရင်တော့ ငရံ့မင်းနှစ်ကောင် ကိန်းအောင်းစံပယ်တဲ့ ငရံ့မင်းဂူတည်ရှိရာ ရန်ကင်းတောင်တော်ကိုရောက်မှာပါ။
ရန်ကင်းတောင်က မြင့်လဲမြင့်သလို အဆင်းလဲမတ်စောက်ပါတယ်။

တောင်မြင့်မြင့်ကိုရင်ဆို့အောင်တက်အောက်ဖက်ဆင်းလိုက်လို့ ဂူထဲကိုရောက်ရင်တော့ အမောပြေတဲ့ကျောက်စက်ရေရှိသလို အေးမြတဲ့သဘာဝအအေးဓါတ်ကိုတ၀ကြီးခံစားရသလို
ပင်ပန်းသမျှပြေသွားအောင်အေးချမ်းတဲ့နေရာလေးဖြစ်ပေမယ့် ရောက်ဘို့ကလဲ နည်းနည်းတော့ခက်ခဲပါတယ်။

အခုအချိန်မှာ မန်းလေးတောင်လို ကားလမ်းဖောက်ထားပေမယ့် မတ်စောက်တဲ့အတွက်တက်သူနည်းပါတယ်။
ဒီတောင်တော်ကို သမီးရီးစားစုံတွဲတွေလာခဲပါတယ်။
သမီးရီးစားကွဲတတ်တယ်လို့ အယူရှိကြလို့ပါ။

မန်းလေးမှာ မိုးခေါင်တယ်ဆိုရင် တောင်တော်မှာစံပါယ်တဲ့ ငရံ့မင်းနှစ်ကောင်ကို ပင့်ဖိတ်လို့ အပူဇော်ခံရင်မိုးရွာတယ်လို့ ယူဆတဲ့အတွက်
မိုးမရွာရင် မိုးလာအောင် လှည့်လည်လို့ အပူဇော်ခံစေတာ ယနေ့ထိတိုင်ပါဘဲ။
တိုက်ဆိုင်တယ်ပြောပြော ဘာပြောပြော မိုးရွာတာကတော့အမှန်ပါဘဲ၊

ရိပ်သာနှင့်  ရေတံခွန်တောင် ၏  သာယာရှုမောဖွယ်  ရှုခင်းအလှ

ရန်ကင်းတောင်ပေါ်ကနေ ဘေးဝဲယာကို ကြည့်မယ်ဆိုရင် အရှေ့ဘက်ခြမ်းမှာဆိုရင် ရေတံခွန်တောင် ရှမ်းရိုးမနဲ့ရေနီမြောင်းကြီး အနောက်ဘက်ခြမ်းမှာကတော့ တပြန့်တပြောကြီးရှိနေတဲ့ အောင်ပင်လယ် ၊မနီးမဝေးမှာ ပုသိမ်ကြီးဆိုတဲမြို့ပေါက်စကလေး၊ ပါတ်ပါတ်လည်မှာတော့ဘယ်နေရာကြည့်ကြည့် ကောက်စိုက်စအချိန်ဆိုရင် စိမ်းမြလို့ယိမ်းကနေတဲ့ စပါးခင်းတွေ၊ စပါးတွေရင့်မှည်ချိန်ရောက်ရင်တော့ ရွှေဝါရောင်ကော်ဇောကြီးခင်းထားသလိုတွေ့ရမှာပါ။
အင်မတန်လှပတဲ့ရူ့ခင်းပါ။

15 century တုန်းက မန္တလေးနန်းတော်

ရန်ကင်းတောင်ကနေကြည့်ရင် အနောက်တည့်တည့်လမ်းက (19လမ်း)ဖြစ်ပြီး မန်းလေး နန်းတော်ကြီးက19လမ်းကို အရှေ့ဘက်နဲ့နောက်ဘက်ဖြစ်အောင် ခြားထားပါတယ်။
ဒီလမ်းကမန်းလေးနန်းတော်ထဲကို ၀င်တဲ့ တံခါးနဲ့တည့်တည့်ပါ။
ဟိုအရင်ကတော့ ရန်ကင်းတောင် ပုသိမ်ကြီးဆိုတာ သွားဘို့ နည်းနည်းလှမ်းတယ်လို့ ပြောရင်ရပါတယ်။
လှမ်းဆိုစီးစရာကလည်းစက်ဘီးဘဲရှိတာကိုးဗျ။

လူနေအိမ်ခြေလည်းကျဲပါးပါတယ်။ကျနော်တို့လူငယ်များတောင် တစ်လနေလို့တစ်ခေါက်မရောက်တဲ့နေရာပါ။
ခုနောက်ပိုင်းမှာရန်ကင်းတောင်ခြေမှာရှိတဲ့ မြကျောက်ဘုရားမှာရှိတဲ့ ရေတွင်းကထွက်လာတဲ့ ရေက အန္တရာယ်ကင်းတယ်ဆိုတာနဲ့ဘဲ
ဆရာတော်ဆီကနေ ခွင့်တောင်းလို့ ရေတွေကိုဘူးကြီးဘူးငယ် ကားကြီးကားငယ်နဲ့သယ်လို့ အသုံးပြုကြပါတယ်။
ဓါတ်ခွဲကြည့်တဲ့အခါ တကယ်ကို ရေသန့်ဖြစ်တယ် PH-7 ဖြစ်တယ်ဆိုတာကိုတွေ့ရပါသတဲ့။

အခုအချိန်မှာတော့ မြကျောက်ရေသန့်ဆို ပြီး ၀မ်းလီတာဗူးလေးနဲ့ထည့်ထားတာကို အလွယ်တကူသယ်ယူလို့ရနေပါပြီ။
အခုတော့လမ်းမြောက်ဘက်ခြမ်းအဆုပ်ရောဂါကုဆေးရုံကြီးရှိပါတယ်။
သူ့ရဲ့အနောက်ဘက်မှာ “ဦးလှထွန်းကင်ဆာဖောင်ဒေးရှင်း”ဆေးရုံလေးရှိပါတယ်။
ကင်ဆာဝေဒနာသည်များအတွက် နောက်ဆုံးအချိန်ကို အေးဆေးစွာရင်ဆိုင်နိုင်အောင် ထူထောင်ထားသော လေးစားအားကျဘွယ်ရာကောင်းသော အချက်တွေနဲ့ထုံမွှမ်းထားသော ပုဂ္ဂလိကဆေးရုံလေးဖြစ်ပါတတယ်။

သူ့နဲ့မျက်နှာခြင်းဆိုင်မှာတော့ နာမယ်ကျော် ကြာတောကြီးနဲ့အောင်ပင်လယ် လယ်ကွင်း။
ဆက်သွားလို့သိပ်မဝေးခင် မှာရေမြောင်းလေးနဲ့ယှဉ်လျက်ရှိနေတဲ့လမ်းမကကြီးကတော့ အောင်ပင်လယ်ကန်ဘောင်ရိုးကြီးပါ။
ဒီလမ်းက ပြင်ဦးလွင်ကိုသွားတဲ့လမ်းနဲ့ တစ်ဆက်တည်းရှိနေပတယ်။

အနောက်တည့်တည့်ဆက်သွားရင် နာမယ်ကျော် ရှေးကတည်းက ရှိခဲ့တဲ့ “မုန်တိုင်ဇရပ်”
သူ့နောက်ဖက်ရောက်တော့ နန်းရှေ့ဈေး။
နန်းရှေ့ဈေးမှာ ဟိုအရင်ဈေးဟောင်းတုန်းက ဈေးအနောက်တောင်ဘက်ဒေါင့်မှာ မန်းလေးနန်းတော်ရှေ့ တစ်ခွင်ကလူငယ်တွေ မန်းလေးက အနုပညာသမားစာပေသမားတွေစုဝေးရာလက်ဖက်ရည်ဆိုင်လေးရှိခဲ့ဘူးပါတယ်။

ဒီဆိုင်လေးရဲ့အားသာချက်ကတော့ ထိုင်စရာ စားပွဲများတာပါ လူဘယ်လောက်စည်စည်အားနားစရာမလိုပါဘူး။ဘာလို့လဲဆိုတော့သူ့ဆိုင်ဘေးမှာရှိတဲ့ ဈေးသည်မရှိတဲ့ဆိုင်ခန်းလွတ်မှန်သမျှဟာ လက်ဖက်ရည်လာသောက်တဲ့လူတွေအတွက် ထိုင်စရာစားပွဲတွေဖြစ်နေလို့ပါ။
ဆိုင်ခန်းလွတ်တွေကလဲအများကြီးကိုးဗျ။

ကျားထုိုးနိုင်တယ် ချက်ထိုးနိုင်တယ် အားရပါးရစကားပြောနိုင်တယ် လွတ်လွတ်လပ်လပ် စိတ်တိုင်းကျငြင်းနိုင်တဲ့ ရှာမှရှားတဲ့လက်ဖက်ရည်ဆိုင်လေးပါ။
အခုအချိန်မှာတော့ နန်းရှေ့ဈေးလေးကလည်း အရင်လိုသွတ်မိုးဝင်းထရံကာထားတဲ့ဈေးအိုအိုလေးမဟုတ်တော့ဘဲ အိနြေ္ဒကြီးတစ်ခွဲသားနဲ့ နေ နေတဲ့အဆင့်မြင့်အုတ်တိုက်ကြီးဖြစ်သွားပါပြီ။

ဒီလက်ဖက်ရည်ဆိုင်လေးကို ထိုင်ဘူးသူတွေကတော့ ဒီနားကိုဖြတ်သွားတိုင်းလွမ်းနေမယ်ထင်ပါတယ်။
ဒီဆိုင်လေးကနေ ရှေ့နည်းနည်းလေးဆက်သွားမယ်ပြီး မြောက်ဘက်ခြမ်းကို
လှည့်ကြည့်လိုက်မယ်ဆိုရင် ရှေးမြန်မာကြီးများရဲ့ကောင်းမူ့ကုသိုလ်တွေကြောင့်ဖြစ်တည်နေခဲ့တဲ့
ထုထည်ကြီးမားသော အုတ်တံတိုင်းအတွင်းက သစ်ပင်များအုပ်ဆိုင်းနေသော ကျယ်ပြန့်သောဝိုင်းအတွင်းမှာတည်ရှိနေသော ကြီးမားတဲ့ဘုန်းကြီးကျောင်းများကတော့ ငြိမ်းချမ်းတယ်ဆိုတာမြင်လိုက်ရုံနဲ့ သိနိုင်ပါတယ်။

ရှေ့ဆက်သွားလို့ကတော့ အရှေ့ကျုံးလမ်းကိုရောက်ပြီး နန်းရှေ့ပေါက် တံခါးကနေ၀င်လိုက်ရင်နန်းတွင်းကိုရောက်သွားမှာပါ။
မန္တလေးနန်းတော်ကတော့ အင်္ဂါအပြည့်အစုံရှိတဲ့ တစ်ခုထဲသောမြို့ဟောင်းလို့ပြောရင် ရပါမယ်။

မန္တလေးနန်းတော်အ၀င်ဝ

ရေအပြည့်ရှိသောကျုံးရှိမယ်။ ကျုံးကိုကူးတဲ့ အုတ်နဲ့သစ်သားရောနှောလို့တည်ဆောက်ထားတဲ့ တံတားရှိမယ်။
နီစွေးနေတဲ့ရှေးအုတ်တွေနဲ့တည်ဆောက်ထားတဲ့ မြို့ရိုးကြီးရှိမယ်
(တစ်ချို့သောနေရာတွေကတော့ ပြိုကျလို့ပြင်ထားတာရှိပါတယ် အဲဒီနေရာတွေက မနီဘဲဖြူနေတတ်သလို အုတ်တွေကလဲ သေးပါတယ်။)
မြို့ရိုးပေါ်မှာတော့ ပြသာဒ်၊သူရဲခို ၊ယင်းတား၊ပစ္စင်၊အစရှိတဲ့ပြည့်စုံသောအင်္ဂါရပ်တွေရှိနေပါတယ်။

နန်းမြို့တွင်းကိုအရင်တုံးက အလွယ်တကူ အစစ်အဆေးမရှိဝင်လို့ရပါတယ်။
စက်ဘီးကတော့ဆင်းတွန်းရတာပေါ့ဗျာ။
နန်းတွင်းဆိုတာကတော့ ရှေးတုံးကတည်းက ဘုရင်မိဘုရား မင်းညီမင်းသားတွေနေတဲ့သီးသန့်အရပ် သာမာန်လူများနဲ့မသက်ဆိုင်သောနေရာပေါ့နော်။
နောက်ပိုင်းမှာတော့ နန်းတွင်းဆိုတာ စစ်တပ်နယ်မြေသီးသန့်ဖြစ်သွားပါတယ်။

မန်းလေးမြို့မှာ အရင်က ရေကူးကန်ဆိုတာဆိုတာ့ အဆင့်မှီတာဆိုလို့ ထွန်းလှရေကူးကန်ရှိမယ် ဒါပေမယ့်သူကရေသေ ရေအပြီးသွင်းထားတာ အ၀င်အထွက်မရှိဘူး။
နန်းတွင်းရေကူးကန်ကတော့ရေအ၀င်အထွက်ရှိတော့ သန့်ရှင်းတယ်။
ကျနော်တို့ကျောင်းသားဘ၀က အခုခေတ်ကလေးများလောက်သင်ယူစရာမရှိပါဘူး။

နွေရာသီကျောင်းပိတ်ရင်ရောက်ရင် ထွန်းလှကန် ဒါမှမဟုတ် နန်းတွင်ရေးကူးကန်မှာရေကူးသင်မလား။
ထွန်းလှကန်ဆိုတာ မန်းလေးမြို့မှာရှေးကခေတ်အမှီဆုံးလို့ပြောနိုင်တဲ့ အဆင့်မီဟိုတယ်ရှေ့မှာ ရှိတဲ့ရေကူးကန်ပါ။
ရေးကူးသင်တယ်ဆိုမှတော့ယောက်ျားလေးရောမိန်းကလေးရော သင်တာကိုး။
ရေကူးသင်တယ်ဆိုရင် ယောက်ျားလေးက ဘောင်းဘီတို မိန်းကလေးကရေကူးဝတ်စုံနဲ့သင်ရတယ်ဆိုတော့ လူစည်တာပေါ့ဗျာ။

အပွင့်လင်းဆုံးပြောရရင်တော့ ကူးချင်တာရော ဘူးချင်တာရော နှစ်ခုစလုံးအတွက် ရေကူး သွားသင်ကြတယ်ဆိုရင်လဲမမှားပါဘူး။
ခုခေတ်ကလေးများကိုသာဒီအကြောင်းပြောရင် အဟားခံရမှာသေချာပေါက်ပါဘဲ။
အခုခေတ်မိန်းကလေးများက ရေကူးဝတ်စုံသာသာလောက်နဲ့ကို
မြို့ထဲမှာလမ်းလယ်ကောင်မှာသွားလာနေကြတာကိုးဗျ။

ရေကူးမသင်ချင်ဘူးလား ရတယ် 24လမ်း 83-84ကြားမှာရှိတဲ့ “အဆားဟိ”ကရာတေးကလပ်ကိုသွားပြီး ကိုယ်ခံပညာသွားသင်၊
အဲဒီကလပ်ထဲမှာ အဖြူရောင် ကီကိုဝတ်လို့ “ယိစ် ယိစ် ယိစ်”လို့အော်ရတာလဲ အရသာရှိပါတယ်။
အဲဒီက လူများလို့ မသွားချင်ရင် အခုနာမယ်ကျော်မြန်မာ့လက်ဝှေ့သမားလေး ၀ါးရင်းတုတ်ဖိုးကေရဲ့အဖေ ကင်ပိုအောင်မြင့်ဆီမှာလဲ သင်တန်းတက်လို့ရပါတယ်။

ကျနော်တို့အုပ်စုကတော့ခြေဗွေပါလို့လျှောက်လယ်တဲ့အုပ်စုပါ။
နန်းတွင်းအရှေ့ပေါက်ကနေ၀င်လိုက်လို့ နန်းတော်ထဲရောက်ပြီဆိုတာနဲ့ဘယ်နေရာကြည့်ကြည့် လက်ညှုိးထိုးမလွဲရှိနေတဲ့မန်ကျည်းပင်များပါဘဲ။
ဟိုးရှေးရှေးကတည်းက စနစ်တကျစိုက်ခဲ့တယ်လို့ထင်ပါတယ်။
စီတန်းလို့ပေါက်နေတဲ့ အင်မတန်မှကိုအေးချမ်းတဲ့ အရိပ်ကိုပေးတဲ့သက်ရင့်ပင်ကြီးတွေဖြစ်ပါတယ်။
မန်းလေးမြို့မှာ မန်ကျည်းပင်အများဆုံးရှိတဲ့နေရာကိုပြပါဆိုရင် နန်းတွင်းကို ပြရမှာပါဘဲ။

နန်းတွင်းတစ်ခုလုံးရဲ့သစ်ပင် ရှစ်ဆယ်ရာခိုင်းနုန်းလောက်က မန်ကျည်းပင်ဖြစ်မယ်လို့ထင်ပါတယ်။
အရှေ့ပေါက်ကနေတည့်တည့် အနောက်ဘက်ကို လျှောက်လာမယ်ဆိုရင် ကြီးမားတဲ့အုတ်ရိုးအ၀င်ဝကြီးကိုတွေ့ရပါမယ်။
အုတ်ရိုးကိုကျော်လိုက်တာနဲ့ မြောက်ဘက်ခြမ်းမှာတော့
ကျောက်စာတွေကိုထည့်ပြီးသော့ခတ်ထားတဲ့ကျောက်စာတိုက်နဲ့ သူနဲ့မျက်နှာခြင်းဆိုင်တောင်ဘက်ခြမ်းမှာတော့ လှပထူးခြားတဲ့ လက်ရာနဲ့ အတော်လေးမြင့်မြင့် တည်ထားပြီးလှေခါးထစ်အတော်များများကိုတက်ပြီးမှ ဖူးတွေ့ရမယ့် “စွယ်တော်စင်” ဘုရားကိုဖူးရပါမယ်။

စွယ်တော်စင်ဘုရားကနေဆက်သွားရင် မြောက်ဘက်ခြမ်းမှာတော့ မင်းတုန်းမင်းတရားကြီးရဲ့အုတ်ဂူကို ဇီးသီးပင်တွေကြားမှာ တွေ့ရမှာဖြစ်ပါတယ်။
တည့်တည့်သွားလိုက်တာနဲ့ နန်းတော်အုတ်ခုံလှေကားထစ်ရှေ့မှာဘီးတပ်ထားတဲ့ အမြောက်မဲမဲကြီးနှစ်လက်ကိုတွေ့ရမှာဖြစ်ပါတယ်။
ကျနော်တို့ကတော့ ဒီအမြောက်ပျက်ကြီးပေါ်တက်ခွပြီး ကစားစရာလို အပျော်သဘောနဲ့ ဆော့လိုဆော့ ခဲ့မိကြပေမယ့် ရှေးကမြန်မာကြီးများခင်ဗျာမှာတော့ ဒီအမြောက်ကလေးတွေကိုပိုင်ဆိုင်နိုင်အောင် ဘယ်လောက် အပတ်တကုတ်ကြိုးစားခဲ့ရရှာမယ် သင်ယူခဲ့ကြရရှာမယ်ဆိုတာကိုတော့ နည်းနည်းအသက်ကလေးရလာမှာ
နောင်တများစွာနဲ့ဆင်ခြင်မိပါတယ်။

ကျနော်တို့ငယ်ငယ်က အရှေ့ဘက်ခြမ်းက(အရှေ့ပန်းခုံတော်ဖြစ်တဲ့) နန်းတော်ရာဆိုတာ ဘေးအကာအုတ်ရိုးတွေသာရှိခဲ့တဲ့ မြက်ခင်းပြင်ကြီးပါ။
အဲဒီကနေ လှေခါးထစ် လေးငါးခြောက်ထစ်သာရှိတဲ့အနောက်ဘက်လှေခါးကဆင်းလိုက်ရင် အရင်က ပန်းခြံလို့ ထင်ရတဲ့ မြေကွက်လပ်ကိုရောက်သွားပါတယ်။
အခုတော့ဖြတ်လမ်းလေးပေါ့။

သူ့အနောက်ဘက်မှာတော့ အရှေ့ဘက် နန်းတော်ရာထက်ပိုကျယ်ပြန့်တဲ့ အနောက်ဘက်နန်းတော်ရာကိုရောက်သွားပါတယ်။
ဒီအပေါ်မှာတော့ တစ်ဝက်တစ်ပျက်ကျန်နေတဲ့အုတ်နံရံတစ်ခုကို တောင်ဘက်ခြမ်းမှာတွေ့နိုင်ပါသေးတယ်။
ဒီနန်းတော်ရာတစ်ခုလုံးကလဲ မြင်ခင်းပြင်ကြီးပါဘဲ။
ဒီနန်းတော်ကြီးရဲ့ပုံစံငယ်ကို ပနးချီကားအဖြစ်နဲ့မြင်ဘူးပါတယ်။

နောက်ပုံစံငယ်လေးဆောက်ထားတာကိုလည်း နန်းတော်ရဲ့အနောက်ဘက်က ပြတိုက်လေးထဲမှာလဲတွေ့ဘူးပါတယ်။
တစ်ခုသောညနေစောင်းမှာ ကျနော်တစ်ယောက်တည်းဒီနန်းတော်ရာပေါ်ကမြက်ခင်းပေါ်မှာလှဲအိပ်လို့
ပြာလွင်နေတဲ့ကောင်းကင်မှာလွင့်နေတဲ့တိမ်တွေလို စိတ်ကိုလွှင့်ကြည့်ခဲ့ဘူးပါတယ်။
တကယ်လို့များ ပဒေသရာဇ်စံနစ်သာ ဆက်လက်တည်ရှိနေသေးရင် ငါလိုသာမန်လူတစ်ယောက်အဘို့ ဒီမြင့်မြတ်တဲ့သီးသန့်နန်းတော်ဆိုတဲ့အပေါ်မှာဒီလိုအိပ်ခွင့်ဘယ်ရနိုင်ပါမလဲလို့ ခပ်ရူးရူးလေးတွေးမိပါတယ်။ဒါပေမယ့် ခဏလေးနေတော့ ရင်ထဲမှာဆို့နင့်ပြီးဘာကိုလွမ်းမှန်းမသိ လွမ်းခဲ့ဘူးပါတယ်။

ရှေးကဘုရင်တွေကိုလွမ်းတာလား သူများလက်ကိုအလွယ်တကူရောက်ပြီးကျွန်ဖြစ်ခဲ့ရတာကိုတွေးမိလို့ဝမ်းနည်းလားတာလား ။
ဒီလိုကြီးကြယ်တဲ့အခန်းခန်းအဆောင်ဆောင်တွေနဲ့နေနိုင်ခဲ့တဲ့ လူတွေကိုလွမ်းတာလား ဘာကိုလွမ်းမှန်းမသိဘဲလွမ်းဘူးပါတယ်။
ငါတို့မြန်မာဆိုတဲ့ ဇာတိစိတ်ကိုလွမ်းတာလား ခွဲမသိခဲ့ပေမယ့် ရင်ထဲကိုထူးဆန်းသောခံစားမူ့ရောက်လာခဲ့ဘူးပါတယ်။
(စကားမစပ်ပြောရအုံးမယ်ဆိုရင် ကျနော့်တစ်သက်မှာ ဇာတိမန်းလေးကို ခွဲလို့ ခြောက်လလောက်နေဘူးပါတယ်။
တစ်ခါတစ်လေစိတ်ထဲမှာ မြို့ရိုးနီညိုညိုရဲ့နောက်မှာရှိတတ်တဲ့ ထန်းပင်မြင့်မြင်ကြီးတွေ ကျုံးဘေးမှာရှိနေတဲ့ ထနောင်းပင်တွေ ကျုံးထဲကရေမှော်ပင်တွေတဲ့ကြာပင်တွေကို မကြာခဏသတိရလွမ်းဆွတ်ဘူးတာကတော့ တကယ်ပါ။)

ဒီနန်းတော်ရာကနေ မြောက်ဘက်လှေခါးကဆင်းလိုက်ရင် “ဘုတ်တလုပ်ခေါ်ကန်တော်တွင်း ၀ယ် နုနုပြုံးပြုံးသနားစဘွယ် စုစုရုံးရုံးလားကွယ်တူတူပုန်းတမ်းကစားကြပါသတဲ့ကွယ်”လို့ရော့ကာကြီးဇော်ဝင်းထွဋ်ရဲ့မေမေထား က ဂရုဏာသံလေးနဲ့သီဆိုခဲ့ဘူးတဲ့ ဘုတ်တလုကန်ကိုမြင်ရမှာဖြစ်ပါတယ်။
ဘုတ်တလုပ်ကန်ဆိုတဲ့ ပေနှစ်ရာလောက်ကျယ်တဲ့ရေသေကန်ကြီးက လမ်းဘေးမှာရှိပါတယ်။
ဒီကန်ကြီးကနေတစ်ဆင့်အုတ်ရေမြောင်းလေးတွေ အသွယ်သွယ်ရှိပါတယ်။

ဒီမြောင်းလေးတွေက အုတ်တွေကျောက်တွေနဲ့ တကယ်ကျောက်ဆောင်လေးလိုဖြစ်အောင် တည်ဆောက်ထားတဲ့ကျောက်တောင်အတုလေးရှိပါတယ်။
ဒီကျောက်တောင်လေးက ဘုရင့်သားတော် သမီးတော်တွေ တူတူပုန်းတမ်းကစားလို့ရအောင် ဆောက်တည်ထားတာလို့လဲကြားရပါသတဲ့။
အင်မတန်လှပတဲ့နေရာလေးတစ်ခုပါ။

ခေတ်နဲ့ရှေးဟောင်းကို ဆက်စပ်ပေးထားတာက ကျောက်ဆောင်အမြင့်ပေါ်မှာတည်ရှိနေတဲ့လေယာဉ်ပျံအပျက်ကြီးပါ။
စက်အင်္ဂျင်မရှိတော့တဲ့လေယာဉ်ပျံအခွံကြီးပါ။
အောက်ခြေမှာဘီးလုံးတွေက လေမရှိတော့ပေမယ့်မြေပေါ်မှာမတ်မတ်ရပ်နေနိုင်ပါသေးတယ်။
ငယ်တုံးကတော့ဒီလေယာဉ်ပျံပေါ်ခွတက် လေယာဉ်မောင်းသလို တ၀ူးဝူးအော်ဆော့ရတာပျော်စရာကြီးပါ။
ဒီကျောက်တောင်လေးက နည်းနည်းလေးလဲမြင့်ပြီး ဧရိယာတော်တော်လေးလဲကျယ်တဲ့ နေရာမှာကျောက်တောင်လေးတွေနဲ့လှပသောအေးချမ်းသောနေရာလေးပါ။
ကျနော်တို့တွေလဲ တူပုန်းတမ်းကစားဘူးသလို မမြင်ကွယ်ရာအရပ်ဖြစ်တဲ့အတွက်သမီးရီးစားစုံတွဲလေးတွေလဲ ချစ်ခန်းဖွင့်လို့နေရာလေးတစ်ခုပါ။

တိုက်ဆိုင်လို့များ ” ထိုအချိန်ဝယ် လတပေါင်းမို့ ညာညောင်းရွက်ကြွေ ဟောင်းရွက်ကြွေသံ ပဉ္စသိင်မောင် စောင်းနတ်ညဥ်းသလို” ဆိုတဲ့ဘုတ်တလုပ်ကန်သီချင်းထဲကစာသားလေးတွေကို ရင်ထဲရောက်လာရင် အရမ်းကိုလွမ်းမိပါတယ်။

ဒီဘုတ်တလုပ်ကန်ဘေးမှာ အရပ်ပုံပြင်လေးတပုဒ်ရှိခဲ့ဘူးပါတယ်။
တစ်ခါက မန်းလေးမြီု့မှာ ဆံပင်တွေလူတစ်ရပ်လောက်နီးပါးရှည်တဲ့ မေပုလဲဆိုတဲ့အငြိမ့်မင်းသမီးလေး တစ်ယောက်ရှိခဲ့ဘူးပါသတဲ့။
တစ်ရက် သူက ခေါင်းလျှော်ထားလို့ မခြောက်သေးတဲ့ဆံပင်တွေကို ဖားလျားချလို့ ဆိုင်ကယ်နောက်ကထိုင်လိုက်လာပါသတဲ့။
ဆိုင်ကယ်က ဘုတ်တလုတ်ကန်နားက လမ်းစောင်းလေးအကွေ့မှာဆိုင်ကယ်စောင်းသွားတဲ့အခါမှာ သူ့ဆံပင်တွေက ဆိုင်ကယ်ဘီးထဲကိုညပ်ပါသွားပြီး ကွယ်လွန်ခဲ့ပါသတဲ့။

ဒီအချိန်ကစလို့ ညနေ၀င်ရီတရော လူပြတ်တယ်ဆိုရင်ဆံပင်ဖားလျှားချထားတဲ့ မိန်းမတစ်ယောက်ထွက်လာတတ်တယ်ဆိုတဲ့အရပ်ပုံပြင်လေးပေါ်လာပါတယ်။
အဲဒီအချိန်တုံးက ဘုတ်တလုပ်ကန်ဘေးက နေရာလေးက ညဆိုရင် လူအသွားအလာပြတ်တဲ့နေရာလေးဖြစ်တော့ ဒီပုံပြင်လေးမှန်မမှန်ကိုတော့ ဘယ်သူမှ လက်တွေ့စမ်းမကြည့်ခဲ့တာသေချာပါတယ်။

မန္တလေးကျုံးအတွင်းရှိ ရတနာပုံ ခေတ်လက်ကျန် ရှေးဟောင်းစက်ရှင် တံတားကို ဒီဇင်ဘာလ ၂၈ ရက်နေ့မှ စတင်၍ ဖျက်သိမ်း

အနောက်ဘက်နန်းတော်ရာ နားမှာလဲ အရှေ့ဘက်ခြမ်းကထက်ပိုကြီးတဲ့အမြောက်ကြီးနှစ်လက်ကို တွေ့ရပါတယ်။
နန်းတော်ရာကို ပါတ်လို့ တောင်ဘက်ကိုထွက်သွားမယ်ဆိုရင်ကျယ်ပြန့်တဲ့ ဘောလုံးကွင်းကြီးဘေးမှာ မားမားမတ်မတ်ရပ်နေတဲ့ မြန်မာ့လွတ်လပ်ရေးအထိမ်းအမှတ်ကျောက်တိုင်ကြီးကို
ဂုဏ်ယူဘွယ်ရာတွေ့ရမှာပါ။
ဟိုအရင်က တပ်မတော်နေ့ဖြစ်တဲ့ မတ်လ(27)ရက်နေ့ရောက်တိုင်းဒီကျောက်တိုင်ကွင်းကြီးထဲမှာ ပျော်ပွဲရွင်ပွဲတွေကို စည်စည်ကားကားကြီးကျင်းပခဲ့ဘူးပါတယ်။

နန်းတွင်းဝင်ပေါက်မှာလူလမ်းလျောက်စရာမလိုဘဲလူအုပ်ကြားညှပ်ပါသွားတာကိုတောင် ကြုံဘူးပါတယ်။
တစ်နှစ် တုံးကပေါ နောင်တစ်ချိန်မှာ အယ်ခွန်းရီလို့ လျှမ်းလျှမ်းတောက်လာမယ့် အဆိုတော် “စန်းစန်း”လို့အမည်ရတဲ့အဆိုတော်လေးက ဒီတပ်မတော်နေ့မှာ ဖျော်ဖြေသွားခဲ့ဘူးပါတယ်။
ဒီတပ်မတော်နေ့က နန်းတွင်းကျောက်တိုင်ကွင်းမှာ နှစ်စဉ်ကျင်းပသလို မြန်မာ့တွေအပျော်ဆုံးနေဖြစ်တဲ့လွတ်လပ်ရေးနေ့ကိုကျင်းပတဲ့နေရာလေးကတော့ ဒီကျောက်တိုင်းကွင်းကနေ တောင်ဘက်ထွက်လိုက်ရင် မင်္ဂလာတံတားကိုရောက်ပါတယ်။
ဒီမင်္ဂလာတံတားကနေထွက်လို့ အနောက်ဖက်ကို ကြည့်လိုက်မယ်ဆိုရင်……………………………………………..

ကိုပေါက်