“မလွမ်းစကောင်း လွမ်းစကောင်း “
(ရှေးရှေးက မန္တလေးအပိုင်း ၁)

ဟိုလွန်ခဲ့တဲ့နှစ်ငါးဆယ်လောက်က ဆိုပါတော့ ကျနော်ကို မန္တလေး မြို့၊လမ်း80 အနောက်ကျုံးလမ်း 16လမ်း အခုရွှေဘဲစားတော်ဆက်ဖွင့်ထားတာရဲ့အနောက်ဘက်ငါးအိမ်ကျော်လောက်မှာ ဇူလိုင်လထဲကလကွယ်ရက် တစ်ရက်ရဲ့ မိုးတွေသဲနေတဲ့ညနေစောင်းမှာမွေးဖွားခဲ့ပါသတဲ့။

ကျနော်တို့ အမေဖက်က ဘိုးဘိုးတို့ရဲ့အိမ်မှာပေါ့ အရပ်ကတော့ မေဃဂီရိရပ်ကွက်ကြီး ၊၀င်းကတော့ ထီးရိုးဝင်းပေါ့။ ကျနော်မွေးတဲ့အိမ်ရဲ့တောင်ဘက်က ၀င်းကို တော့ ကသဲဝင်းလို့ခေါ်ပါတယ်။ ကျနော်အထင်တော့ အမေတို့နေတဲ့ရပ်ကွက် က ယိုးဒယားတို့ ကသဲလူမျိုးတို့နဲ့သွေးမကင်းဘူးထင်ပါတယ်။

ဘာလို့လဲဆိုတော့ ကျနော်ငယ်ငယ်က အခုလမ်3း0 (82×83)ကြားမှာရှိတဲ့ ရာမနတ်စင်ရှိတဲ့ဝင်းထဲကိုခဏခဏသွားပြီးကန့်တော့ရတာရယ် အစိမ်းရောင်မ၀တ်ရဘူးလို့ အမေကမှာတာကိုရယ်ဆက်စပ်တွေးမိလို့ပါ။ နောက်ကျနော်မွေးတဲ့ 16လမ်းဘက်က ဘုရားပွဲတွေဆွမ်းကြွေးတွေအလှုအတန်းတွေရှိတယ်ဆိုရင် “ခနုံထုပ်” လို့ခေါ်တဲ့မုန့်ကို အမြဲပါအောင်ထည့်ပါတယ်။

ဒီမုံ့က ကြက်ဥကိုဖောက်ပြီးတော့အကာနဲ့ အနှစ်တွေကိုရောပြီးခလောက် ပြီးရင် မီးဖိုပေါ်မှာမီးအေးအေးနဲ့တင်ထားတဲ့ဒယ်အိုးပြားပေါ်ကို ဇွန်းလေးနဲ့ အ၀ိုင်းပြားပြား ပါးပါးလေးလေးဖြစ်အောင်ထည့်လိုက်ပါတယ်။ မြင်အောင်ပြောရရင် မုန့်ပြစ်စလက် ရေပါးလုပ်သလိုပေါ့။ ပြီးတော့ ကြက်ဥပါးပါးလေးကျက်ပြီးဝါလာပြီပေါ်မှာ အချိုကြိုက်ရင် သကြားနဲ့အုန်းသီးထဲ့ ဒါမှမဟုတ်အသားနဲ့စားချင်တယ်ဆိုရင် အသားသေးသေးလေးတွေလှီးထားတာကိုကြက်သွန်နီနဲ့ မဆလာနဲ့ရောကြော်ထားတာကိုထည့်လို့လုပ်ပါတယ်။ ပြီးမှအဲဒီမုန့်လေးက သုံးဒေါင့်ချွန်းချွန်းလေးနဲ့လှတပတဖြစ်အောင်ခေါက်ပြီးပုဂံပြားလေးထဲ့မှာထည့်ပါတယ်။ (ပြောရင်းနဲ့တင် မျက်စေ့ထဲမြင်လို့ သွားရေတောင်ကျချင်ချင်ဖြစ်လာပါတယ်။)

ကျနော်တို့အိမ်တန်းလေးက တောင်ဘက်လှည့် မြောက်ဘက်တန်းကျနော်တို့အိမ်နောက်ကျောဘက်က ၀င်းကိုတော့ထီးရိုးဝင်းလို့ခေါ်ပါတယ်။ 16လမ်း အရှေ့ဘက်ထိပ်အခုရွှေဘဲနေရာကတော့ ကျနော့်ကစားဖော် “ကိုနိုင်”တို့အိမ်ပါ။ သူတို့အိမ်ရဲ့အနောက်ဘက်ကစလို့ အိမ်ငါးလုံးဆက်တိုက်က ကျနော့်အမေတို့အမျိုးတွေချည်းပါဘဲ။ အမေတို့ အမျုိးတွေအိမ်က အားလုံး ပန်းဘဲလုပ်ငန်းလုပ်ပါတယ်။

အဲတော့အ်ိမ်တွေရဲ့အနောက်ဘက်မှာ ပန်းဘဲလုပ်ဘို့ ကုန်ကြမ်းဖြစ်တဲ့ သံတိုမယ်နတွေက အပုံလိုက်ကြီး ဟီးဟီးထနေတာပါ။ အဲဒီသံပုံတွေက ကျနော်တို့တက်ဆော့ကြတဲ့နေရာတွေပါ။ အဲဒီခေတ်က အခုခေတ်လို့မေးခိုင်ပိုးတွေဘာတွေလဲ သိလဲမသိတော့ကြောက်လဲမကြောက်ပါဘူး။ သံပြားရှရင် လူကြီးတွေမပြောဘဲ မန်းကျည်းရွက်ခူးလို့ အရည်ညှစ်တဲ့ပြီးအုံထားလိုက်တာပါဘဲ။လူကြီးတွေသိရင် မကစားရမှာစိုးလို့ပါ။ ဆော့ရင်းကစားရင်းနဲ့ဘဲအနာကပျောက်သွားတာပါဘဲ။

ကျနော်တို့အိမ်တွေမှာမနက်စောစောကစလို့ကြားရတာကတော့ ပန်းဘဲလုပ်တဲ့အခါသုံးတဲ့ မီးဖိုကိုလေပေးတဲ့ ဖားဖိုကြီးတွေက ထွက်တဲ့တရူးရူးအသံတွေရယ်၊ မီးရဲနေအောင်ဖုတ်ထားတဲ့ သံပြားတွေကို တူအကြီးကြီးတွေနဲ့လွှဲလွှဲပြီးထုလိုက်တဲ့အခါ ပေတုံးရယ် သံတူရယ်ကြားက မီးဖုတ်ထားတဲ့သံပြားရယ် ထိခတ်မိလို့ထွက်လာတဲ့” တဒုန်းဒုန်း”အသံရယ်၊ ပုံပေါ်သွားတဲ့ သံထည်အကြမ်းကို ရေထဲထည့်လိုက်တဲ့အခါ ရှဲခနဲ့ထွက်လာတဲ့အသံတွေက ကျနော်တို့ ငယ်စဉ်ကတဲ့ကကြားရတဲ့ဂီတပါ။ အခုတော့ဒီအလုပ်တွေအားလုံးရပ်ဆိုင်းသွားပါပြီ။

ထူးထူးခြားခြား အမျိုးထဲမှာ ပန်းဘဲမလုပ်တဲ့အိမ် ကတော့ ကြီးကြီးညွန့်တို့အိမ်ပါ။ ကြီးညွန့်တို့က မုန့်ဦးနှောက်တို့ ငှက်ပျောထုပ်တို့ ပြန်ပေါင်းထုပ်တို့ မုန့်ဖက်ထုပ် အစရှိတဲ့မြန်မာမုန့်တွေလုပ်ရောင်းပါတယ်။ (မုန့်ဖိုကထွက်စ ပူပူနွေးနွေးမုန့်ဖက်ထုပ် တို့ မုန့်ဦးနှောက်တို့ကို နေ့လည်ခင်းစားရတာ မမေ့နိုင်စရာပါဘဲ) ဒီတော့ ကျနော်လမ်းစလျှောက်တတ်စအရွယ်ကစလို့ ညနေ ညနေတိုင်း ကျုံးထဲကို ကြာဖက်ခူးဆင်းတယ်ဆိုရင်ကျနော့်ကိုခေါ်သွားနေကြပါ။

ကြီးညွန့်တို့ရောင်းတဲ့မုန့်တွေရယ် အိမ်နောက်ဘက် ဇွန်ရုံစံပယ်ရုံတွေက ပွင့်တဲ့ ပန်းတွေကိုရောင်းတဲ့အခါဒီကြာဖက်တွေနဲ့ထုပ်ပေးတာကိုး။ ကျနော်မှတ်မိသလောက်ပြောရရင် ကြာဖက်ခူးတာက ကျနော်တို့တစ်မိသားစုထဲမဟုတ်ပါဘူး။ အခုရွှေဘဲစားတော်ဆက်တောင်ဘက် စက်ဘီးတွေဆိုင်ကယ်တွေထားတဲ့နေရာလေးမှာ အရင်က ကင်းတဲလေးရှိပါတယ်။ ကင်းတဲလေးရှေ့မှာ မနက်မနက်ဆိုရင် ပလာတာ အကြွတ်ကြော် တို့ ပူရီတို့ ကြော်ရောင်းတဲ့”လေးတင်မောင်”တို့ကလဲ ကြာဖက်ခူးပါတယ်။

တစ်ခါတစ်လေ ကြာပန်းပွင့်တဲ့ရာသီမှာဆိုရင် ကျနော်အမ၀မ်းကွဲ ” မမလှခင်သန်း”က ကြာလည်ဆွဲလေးလုပ်ပေးတတ်သလို ကြာခွက်ထဲက ကြာသီးလေးတွေကိုလဲနွှင်လို့ကြွေးတတ်ပါသေးတယ်။ ကျနော်တို့ကြာရွက်ခူးတဲ့နေရာက (17လမ်းနဲ့ 16လမ်းကြား)လမ်း80ပေါ်မှာအခုချိန်ထိတွေ့နိုင်သေးတဲ့ ရေထဲကိုခါးကုန်းပြီးရေသောက်ဆင်းနေတဲ့ထနောင်းပင်ကြီးနားမှာပါ။ အဲဒီတုန်းကတော့ထနောင်းပင်ပျိုလေးပေါ့ ကျနော်ကတော့ကလေးပေါက်စဆိုတော့ တွက်ကြည့်ရင်သူကကျနော့်ထက်အသက်ကြီးတယ်လေ။

အဲဒီတုန်းကတော့ ကျုံးပါတ်ပါတ်လည်က မြေသားကန်ဘောင်နဲ့ပါ။ ရေအပြည့်နဲ့ကျုံးရယ် (နန်းမြို့ရိုး၊ပြသာဒ်၊ယင်းတား၊ပစ္စင် ၊ပြအိုး)အစုံအလင်ရှိတယ်ဆိုတဲ့ မြို့ဟောင်း လက်ရှိအချိန်အထိ မြန်မာပြည်မှာ ရှေးကတည်း မူရင်းမပျက်ရှိတာကတော့ မန္တလေးမြို့တစ်မြို့ထဲရှိပါတယ်။ဒီမြို့က ကျနော့်ထက်အသက် နှစ်တစ်ရာတိတိကြီးပါတယ်။ “အုတ်ကျစ်ကျော်အေးမန္တလေး”လို့မြို့တည်နှစ်ကို အမှတ်အသားပြုထားတဲ့(မြန်မာသက္ကရာဇ် ၁၂၂၁ )ခုနှစ်မှာ မန္တလေးကိုတော့မင်းတုန်းမင်းတရားကြီးကတည်ခဲ့တယ်ဆိုတော့လက်ရှိအချိန်မှာ အသက် တစ်ရာ့ငါးဆယ်ကျော်ပြီပေါ့နော်။

ကျုံးရဲ့အတွင်းဘက်မှာတော့ ခန့်မှန်းခြေ အလျားအနဲ့ နှစ်မိုင်ခန့်ရှိတဲ့ လေးဒေါင့်စပ်စပ်အုတ်ရိုးနီနီနဲ့အင်မတန်မှခန့်ညားတဲ့မြို့ရိုးကြီးပေါ့။ တောင်မြောက်အရှည်လိုက် လဲလျောင်းနေတဲ့ အရှေ့ဘက်ကျုံးလမ်းမကြီးကတော့ (66)လမ်းပါ။ မြောက်ဘက်မန်းတောင်ခြေ 12လမ်းကစလိုက်တာ 26ဘီလမ်းမှာဆုံးတယ် အဲတော့ လမ်းအစအဆုံး 14ပြရှိပါတယ်။ဒီလမ်းမကြီးရဲ့အရှေ့ဘက်အရပ်က” နန်းတော်ရှေ့”လို့အမည်တွင်သပေါ့။

ဒီလမ်းမကြီးရဲ့အလည်လောက် မှာရှိတဲ့(19လမ်း) မှာ ကျုံးအတွင်းကိုဝင်တဲ့ နန်းရှေ့တံခါးပေါက်ရှိတယ် တံတားရှိတယ် ။ 26ဘီလမ်းက ကျုံးရဲ့တောင်ဘက်လမ်းမကြီးပါ။ တောင်ဘက်ကျုံးလမ်းကတော့ အရှေ့ဘက် 66လမ်းကစလိုက်တာ အနောက်ဘက် လမ်း80မှာဆုံးပါတယ် ။ သူလဲ 14ပြပါဘဲ လမ်းအလယ်လောက်ဖြစ်တဲ့ 73လမ်းမှာ မင်္ဂလာတံတားရှိပါတယ်။

ဒီမင်္ဂလာတံတားကနေတောင်ဘက်တည့်တည့်သွားလို့လမ်းဆုံးကတော့ မန်းလေးတက္ကသိုလ်ကြီးပေါ့။ ဒီမင်္ဂလာတံတားအပေါက် ရဲ့ကျုံးအတွင်းဘက်ကစလို့ နာမယ်ကျော်ခဲ့တဲ့ “မန်းသီတာဥယျာဉ်”က26ဘီလမ်းမရောက်ခင် မတ္တရာမြို့ကို သွားဘို့အတွက် နန်းတော်ထဲကို ၀င်တဲ့ မီးရထားသံလမ်း ရှိတဲ့နေရာမှာဆုံးပါတယ်။ 76လမ်းမှာတော့ ကုန်းတံတားလေးနဲ့လှပတဲ့ မေတ္တာပေါင်းကူးတံတားရှိပါတယ်။

သံလမ်းနဲ့ယှဉ်ရက် ကျုံးကိုဖြတ်ဆောက်ထားတဲ့ တတိယမြောက်တံတားဖြူလေးရှိပါတယ်။ လမ်း80ကတော့ အနောက်ဘက်ကျုံးလမ်းပေါ့။ သူကတော့ 26ဘီလမ်းကစပါတယ်။ 22စီလမ်းမှာ အာဠ၀ီတံတားရှိပါတယ်။ဆက်သွားတော့ 19လမ်းရောက်ရင် ရှေးကတဲက ကျိုးနေတာကို ခုချိန်ထိမပြင်တဲ့ စက်ရှင်တံတားရှိပါတယ်။ စက်ရှင်တံတားလို့ ခေါ်တွင်တာကတော့ တံတားအနောက်ထိပ်မှာ စက်ရှင်တရားသူကြီးမင်းရဲ့အိမ်ရှိလို့ပါ။ စက်ရှင်တရားသူကြီးလို့တာကတော့ ရာဇ၀တ်သားကို သေဒဏ်ချမှတ်ပိုင့်ခွင့်ရှိလို့ပါတဲ့၊ ကျုံးအနောက်ဘက်မှာရှိတဲ့စက်ရှင်တံတားကတော့ မင်္ဂလာမရှိသောကိစ္စများအတွက်သာသုံးပါသတဲ့။

ဒါကြောင့်လဲ ရှေးကတဲကကျုိးနေတဲ့တံတားခုချိန်ထိမပြင်တာလို့လဲထင်မိပါတယ်။ 12လမ်းရောက်ရင် အနောက်ကျုံးလမ်းဆုံးပါတယ်။ မြောက်ကျုံးလမ်းအစကတော့ 12လမ်းဖြစ်ပါတယ်။ အရှေ့နဲ့အနောက်အလျားလိုက်ပေါ့။ လမ်း80မှာစလို့ 66လမ်းမှာဆုံးပြန်တော့ သူလဲ 14ပြပါ။ လမ်းအလယ်လောက် 73လမ်းနဲ့တည့်တည့်လောက် မြောက်ဘက်ထွက်တဲ့ မတ္တရာ မိုးကုတ်လမ်းမှာ မြောက်တံခါးနဲ့တံတားတစ်စင်းရှိပါတယ်။

ပြန်တွက်ကြည့်ရင် နန်းတော်ပါတ်ပါတ်လည်မှာ ရှေးကတည်းက ဖောက်ခဲ့တဲ့ တံတား အရေအတွက် ကို တွက်ကြည့်မယ်ဆိုရင် အရှေ့ဖက်၊တောင်ဘက်၊မြောက်ဘက်တို့မှာကျုံးကိုဖြတ်တဲ့တံတားတစ်စင်းစီသာရှိပေမယ့် အနောက်ဘက်မှာထူးခြားစွာ တံတားနှစ်စင်းရှိနေတာပါ။ ကျုံးပါတ်ပါတ်လည် လမ်းမရဲ့နားဘေးမှာတော့ သက်တမ်းရင့်ကုက္ကိုပင်ကြီးတွေရယ် သက်လတ် ထနောင်းပင်တွေရယ် ရေတမာလို့လဲခေါ် တယ်ပင်လို့လဲခေါ်တဲ့ ပင်ပျိုတွေက ကျုံးရေပြင်ကို အေးမြတဲ့အရိပ်တွေပေးဘို့ ကျုံးပါတ်ပါတ်လည်မှာ မတ်မတ်ရပ်ပေးနေကြပါတယ်။

ပူပြင်းတဲ့နွေရာသီမှာဆိုရင် ဒီအပင်ကြီတွေရဲ့အရိပ်အောက်မှာ ခိုဝင်ဆော့ကစားရတာအေးမြလှပါတယ်။ ကြိုးကြား ကြိုးကြားရှိနေတဲ့ ဗန္ဓာပင်တွေ က အသီးတွေတွေကို အုတ်ခဲနဲ့ထုခွဲလို့ အထဲက အဆံလေးတွေစားရတာလဲဆ်ိမ့်မှဆိမ့်ပေါ့။ နောက်နေပူတဲ့နေလယ်ခင်းမှာဆိုရင် ကျုံးပါတ်လည်မှာရှိနေတဲ့ဒီသစ်ပင်ကြီးတွေက လမ်းကိုအေးအောင်လဲ အရိပ်တွေပေးထားတော့ သွားစရာလာစရာရှိရင် ကျုံးဘေးက သွားတော့နေပူသက်သာတာပေါ့။

ကျုံးအတွင်းက မြေသားကန်ပေါင်ပေါ်မှာတော့ အဆိပ်ရှိတာကြောင့်ပါးစပ်ထဲကို မထည့်ဘို့ခဏခဏမှာတဲ့ ပန်းရောင်အပွင့်အဆုပ်လိုက်ကြီးတွေပွင့်နေတဲ့ ပန်းပင်တွေက တန်းစီလို့ပေါက်နေပါတယ်။ ကျုံးရဲ့အပြတိုင်း အပြတိုင်းမှာ ကျုံးထဲကိုရေခပ်ဆင်းဘို့အတွက် တံတားအသေးလေးတွေကို တစ်ပြကိုတစ်ခုထိုးပေးထားပါတယ်။ နောက် ကျုံးထဲမှာ ရေစစ်ကန်လေးတွေရှိပါတယ်။ ဒီရေစစ်ကန်လေးကတစ်ဆင့် သန့်စင်အောင် စစ်ထားတဲ့ ကျုံးရေတွေက တစ်ပြမှာတစ်ကန် သွယ်တန်းလို့ဖောက်ထားတဲ့ရေကန်လေးတွေက ထဲကိုရောက်သွားပါတယ်။

ရှေးကကျုံးပါတ်ပါတ်လည်မှာနေထိုင်တဲ့ မန္တလေးသူ မန္တလေးသားအားလုံးကျုံးရေကို သာ သုံးစွဲကြပါတယ်။ သောက်လဲသောက် ချိုးလဲချိုးပေါ့။ ဒီတော့ကျုံးရေဘယ်ကရလာတယ်ဆိုတာကလဲစိတ်ဝင်စားစရာပါ။ မန်းလေးမြို့ရဲ့အရှေ့ဘက်မှာရှိတဲ့ ဆယ်တော်ကြီးကနေ ရန်ကင်းတောင် ရဲ့အရှေ့ဘက်မှာရှိတဲ့ချောင်းကြီးထဲကိုရောက်လာပါတယ်။ အဲဒီချောင်းကြီးကမှတစ်ဆင့် အခု26ဘီလမ်းရဲ့မြောက်ဘက်မှာလမ်6း0လောက်မှာ ရှိတဲ့ နန်းရှေ့ရေစစ်ကန်ကြီးထဲကိုရောက်ပါတယ်။ အဲဒီရေစစ်ကန်ကြီးကတစ်ဆင့် ကျုံးထဲကိုရောက်လာပါတယ်။

(ကြုံလို့ပြောလိုက်ရအုံးမယ်ဆိုရင် ဒီကျုံးထဲကို ၀င်လာတဲ့အရှေ့ဘက်ကချောင်းလေးကို ငါးမျှားချိတ်ပုံစံဖော်လို့ အထစ်ထစ်ကလေးတွေနဲ့ချောင်းကို ဖောက်ထားပါသတဲ့။အမှန်ကတော့ နွံတွေ နုန်းတွေ ကျုံးထဲကို မ၀င်ခင်လမ်းမှာတင်ကျန်နေရစ်အောင် လုပ်ထားတာပါ။ ဒါကိုမသိတဲ့ လူက ရေ၀င်တာနှေးတယ်ဆိုပြီး အတည့်ဖောက်လိုက်တာ မကြာခင်အရှေ့ဖက်ကျုံးမှာ နုံးတွေပုံပြီး ပိတ်ကုန်ပါသတဲ့ ကြားဘူးတာလေးပြောပြတာပါ။)

ကျုံးထဲမှာဘာတွေရှိသလဲဆိုရင် အထင်ရှားဆုံးကတော့ ကြည်လင်နေတဲ့ ကျုံးရေထဲမှာ တွေ့နေရတဲ့ရေမှော်ပင်တွေပါ။ လူကြီးတွေက ကျနော်တို့ကိုရေဆင်းကူးမှာဆိုတော့ ရေမှော်ပင်ထဲမှာနွယ်ရှင်လိုအပင်တွေရှိတယ်လို့ ကြောက်အောင်ခြောက်ခဲ့ကြပါတယ်။ နောက်တံတားပေါ်ကနေကြည့်ုလိုက်ရင် ရေကူးနေတဲ့ ဗိုက်ဖောင်းဖောင်းနဲ့ ငါးပူတင်းလေးတွေ အစွယ်လေးရှေ့ထွက်နေတဲ့ ချွန်ချွန်ရှည်ရှည် ငါးဖောင်ရိုးလေးတွေကို မြင်နေရပါတယ်။

တစ်ခါကျနော်ခပ်ငယ်ငယ်မှာ ကျုံးတောင်ဘက် မင်္ဂလာတံတားမရောက်ခင် 74 -75လမ်းကြားက မက်သဒစ်ချပ်ခ်ျကျောင်းရှေ့မှာ ငါးအကြီးကြီးပေါ်တယ်ဆိုလို့ တစ်မြို့လုံးကို အုတ်အော်သောင်းနင်းနဲ့ သွားသွား ကြည့်လိုက်ရတာ အမောပါ။ ဘယ်လောက်လူစည်သလဲဆိုရင် မုန့်ဈေးတန်းလေးတောင် ဖြစ်သွားတဲ့အထိပါဘဲ။ ဒါပေမယ့် ငါးကြီးကိုတော့ မမြင်လိုက်ရပါဘူး။ အကောင်ကြီးကြီးတစ်ကောင်ရေကူးသွားသလို ရေယက်တွေထသွားတာကိုဘဲမြင်ရပါတယ်။

ဟိုးရှေးကတည်းက မနက်ခင်းဆိုရင် ကျုံးဘေးမှာ ကျန်းမာရေးလေ့ကျင့်ခန်းယူလို့ လမ်းလျှောက်သူတွေရှိပါတယ်။ လမ်းလျှောက်လို့အပြန်မှာ မန်းလေးမြို့ရဲ့မနက်ခင်းအစားအစာ တစ်ခုဖြစ်တဲ့” နွားနို့ဟင်းနဲ့မလိုင်”သောက်ပြီးပြန်ရုံပါဘဲ။ “နွားနို့်ဟင်း”ဆိုတာကတော့ ဆန်လှော်နဲ့နွားနို့ကို မပျစ်မကြဲလေး ချက်ထားတဲ့ ဘိုဆန်ဆန်ပြောရင် နို့စွတ်ပြုတ်ပေါ့။ သူ့အထဲမှာ ပါတဲ့ နီရဲရဲ ဆန်ဂျိုးလေးတွေကလဲ စားကောင်းသလို နွားနို့ဟင်းပေါ်မှာ မလိုင်ဖတ်ခပ်ပါးပါးလေး တင်ပေးလိုက်ပါတယ်။ အင်မတန့်မှဆိမ့်ပြီး အင်အားဖြစ်စေတဲ့အဟာရဖြစ်စေတဲ့ အစားအစာတစ်ခုပါ။ ဒီပြင်မြို့တွေမှာရှိမရှိတော့ ကျနော်မသိပါဘူး။ မန်းလေးရဲ့အမှတ်အသားတစ်ခုထည်းမှာပါတယ်လို့ထင်ပါတယ်။

ကျနော်တို့ငယ်ငယ် က လသာညများဆိုရင် ကျုံးဘေးမှာ ထိုင်လေ့ရှိပါတယ်။ လသာညမှာ ကြာပန်းပွင့်တွေကို လရောင်အောက် မှာ အလှကြီးလှလို့နေပါတယ်။ လရောင်ဖွေးဖွေး ကျုံးရေကိုဖြတ်ပြီးတိုက်လာတဲ့လေအေးအေးထဲမှာ မှော်နံ့သင်းသင်းလေးရယ် ကြာပန်းရနံ့လေးရယ်က ကျနော့်အတွေးထဲမှာ အခုထိ ခိုအောင်းနေသေးတဲ့ ခံစားမူ့လေးပါ။ လရောင်လက်လက်အောက်မှာ မိုးကိုမျှော်နေတဲ့ ကြာပန်းလေးတွေ ကြာဖက်ပေါ်မှာတင်နေတဲ့ ရေစက်ကလေးတွေက ငွေရည်လက်လက်ကလေးစိုတောက်လို့ ဒီလောက်လှတဲ့မြင်ကွင်းလေးကို မမေ့သေးတာတော့ အမှန်ပါဘဲ။

ဒါပေမယ့်လောက သဘာဝအရ ဘာမှ အကုန်မကောင်းဘူးဆိုတဲ့အတိုင်းပါဘဲ ဒီလောက်ချစ်စရာကောင်းတဲ့ကျုံးတော်မှာလဲ ကြောက်စရာကောင်းတဲ့ အဖြစ်အပျက်လေးတွေရှိခဲ့ဘူးပါတယ်။ လူကြီးတွေက ငယ်ငယ်က အမြဲမှာပါတယ် ကျုံးကတစ်နှစ်တစ်ကြိမ်တော့ “အော်”ပါသတဲ့။

မန်းလေးလမ်းတွေအကြောင်းပြောမယ်ဆိုရင် အရင်ဆုံး လေးဒေါင့်စပ်စပ်မြို့ရိုးနီနီကြီးကို စိတ်ထဲမှာပုံဖော်ကြည့်လိုက်ပါ။

နန်းမြို့ရိုးကြီးရဲ့ အရှေ့ဘက် အောင်တော်မူရပ်ကွက် ထိပ်62လမ်းက မန်းလေးလမ်းရဲ့အစဖြစ်ပါတယ်။
သူကမြောက်ဘက်ကနေ တောင်ဘက် ကို  တန်းနေတဲ့လမ်းမကြီးပါ။
နန်းမြို့ရိုးရဲ့မြောက်ဘက်အရပ်မှာရှိတဲ့ မန်းလေးတောင်ရဲ့ အရှေ့ဘက်ကနေ အစပြုပါတယ်။
တောင်မြောက်တန်းနေတဲ့ ကန့်လန့်ဖြတ်လမ်းမကြီးတွေဟာ အရှေ့ဘက်ကနေစလာလိုက်တာ အနောက်ဘက်ရောက်လေ လမ်းနံပါတ်က  ကြီးကြီးလာလေဖြစ်ပါတယ်။

နန်းရှေ့ 62လမ်းကစတဲ့လမ်းက သူ့အနောက်ဖက် အောင်တော်မူဘုရားလမ်းရောက်ရင် 63လမ်းဖြစ်ပါတယ်။
အနောက်ဘက်ကိုဆက်ဆင်းလာလိုက်လို့ အရှေ့ကျုံးလမ်းရောက်တော့ (66)လမ်း အနောက်ကျုံးလမ်းရောက်တော့ လမ်း(80) ဈေးချိုနာရီစင်ရောက်တော့ (84)လမ်းပေါ့။
အနောက်ဘက်ဆင်းလေ လမ်းနံပါတ်က ကြီးလာလေပါ။

လမ်းကိုးဆယ်ကျော်ရင် မရမ်းခြံဆိပ်ကမ်းကိုရောက်လို့ ဆက်သွားရင် မြစ်ကြီးဧရာဝတီကို ဘွားကနဲ့တွေ့ရမှာပါ။
ဒါကတောင်မြောက်တန်းနေတဲ့လမ်းပါ။
အရှေ့အနောက်တန်းနေတဲ့လမ်းကတော့ နန်းတော်ကြီးရဲ့မြောက်ဘက် အရပ် အရိပ်မထွက်ဘုရားဘက်ကနေစပါတယ်။
သူကတော့ တောင်ဘက်ရောက်လေ လမ်းနံပါတ်က ကြီးသွားလေဖြစ်ပါတယ်။
မြောက်ကျုံးလမ်းရောက်တော့ 12လမ်း နောက် စက်ရှင်တံတားရောက်တော့ 19Dလမ်း၊အာဠ၀ီတံတားရောက်တော့ 22Cလမ်း၊
တောင်ကျုံးလမ်းရောက်တော့ 26Bလမ်း တောင်ဘက်ဆက်သွားတော့ 35Aလမ်း လမ်းအဆုံးက မြို့တောင်ဘက်ဖျားမှာရှိတဲ့ မဟာမြတ်မုနိဘုရားရောက်ရင် 45လမ်း လမ်းအဆုံးပါဘဲ။

ဒါကတော့မန်းလေးလမ်းရဲ့ဖွဲ့တည်ပုံရှင်းရှင်းလေးပါ။
မန်းလေးမြို့က လေးဒေါင့်စပ်စပ် အချိုးညီညီ စတုဂံပုံဖွဲ့တည်ထားတဲ့မျြို့ဖြစ်တဲ့အတွက် လမ်းတိုင်းအပြတိုင်းဟာ အလျားအနံညီပါတယ်။
မန်းလေးအခေါ်က လမ်းတလမ်းနဲ့တစ်လမ်းအကြားကို တစ်ပြ လို့ခေါ်ပါတယ်။

ထူးခြားတာကတော့ အရှေ့အနောက်သွားတဲ့ လမ်းမကြီးလေးလမ်းကို သာ A B C D တပ်ခဲ့တာပါ။
နောက်တချက်ကတော့မန်းလေးသူမန်းလေးသားတွေက 35အေလမ်း 26ဘီလမ်း 22စီလမ်း 19ဒီလမ်းလို့ ဆိုတဲ့လမ်းလေးလမ်းကလွဲရင်
ကျန်တဲ့လမ်းတွေကို ဘယ်လိုနာမယ်ပေးထားထား နာမယ်မခေါ်ဘူး လမ်းနံပါတ်ကိုသာပြောလေ့ညွှန်းလေ့ရှိပါတယ်။
အာဇာနည်လမ်းလို့ပဲနာမယ်ပေးပေး ဗိုလ်ချုပ်လမ်းလို့ဘဲနာမယ်ပေးပေး 26ဘီလမ်း 84လမ်း လို့ ဆိုပြီး  လမ်းနံပါတ်နဲ့သာပြောတတ်ပါတယ်။
အဲဒီလိုမပြောဘဲ လမ်းနံမယ်တတ်ပြောရင် အဲဒီလူက မန်းလေးသားမဟုတ်တာ သေချာပါတယ်။

နောက်ရပ်ကွက်နာမယ်ကိုပြောကြတဲ့အခါမှာ ရပ်ကွက်ကြီးနာမယ်ဖြစ်တဲ့ ပြည်ကြီးတံခွန်တို့ အောင်မြေသာဇံတို့ ချမ်းမြသာစည်တို့ဆိုတဲ့ရပ်ကွက်ကြီးနာမယ်ကို ထည့်ပြောခဲပါတယ်။
ဘယ်မှာနေလဲမေးရင် ပြည်လုံးချမ်းသာ  တောင်ပုလင်းဝင်း မေဃဂီရိ ပြည်ကြီးကျက်သရေ မောရဂီဝါ နန်းရှေ့ အောင်တော်မူ အစရှိတဲ့ရပ်ကွက်တွေကိုသာညွန်းလေ့ရှိပါတယ်။

မန်းလေးမြို့ရဲ့နန်းတော်ပါတ်ပါတ်လည်မှာရှိတဲ့ ရပ်ကွက်တွေက လေးဒေါင့်စပ်စပ် လေးပြပါတ်လည်ထဲမှာ အလယ်ခေါင်က ၀င်းကြီးတစ်ဝင်းရှိပါမယ်။
အဲဒီဝင်းကြီးကို အပြင်က အိမ်တွေနဲ့ပိတ်လို့ကာထားတာများပါတယ်။
တစ်ချို့ဝင်းကြတော့ လေးဘက်လေးတန် ဒိုးယိုပေါက်၊တစ်ချို့ဝင်းကြတော့ တစ်ဖက်ပေါက် အမျိုးမျုိးပါဘဲ။
ကျနော်ကြားဘူးသလိုပြောရရင် ၀င်းတွေက အရင် က နန်းတွင်းအမူ့ထမ်းအရာရှိကြီးတွေအတွက် ဘုရင်ကပေးသနားတဲ့အိမ်ဝိုင်းကြီးပါ။

သူ့ပါတ်ပါတ်လည်မှာ ဒီအရာရှိကြီးရဲ့ အမူ့တော်ထမ်းတွေရဲ့အိမ်တွေက  အပြင်ကနေ ၀င်းအတွင်းမှာရှိတဲ့အိမ်တော်ကြီးကို ကာရံထားတာပါ။
ဘယ်မှာနေလဲမေးရင်လဲ ထီးရိုးဝင်း ၊မြင်းစာရေးကြီးဝင်း ၊ခုံတော်မင်းဝင်း ၊လေလာဝင်း ၊ဆင်ကျုံးဗလီဝင်း ၊ကသဲဝင်း၊ရေနံသာဝင်း
ကသဲဝင်း၊မောင်းထောင်ဝင်း၊ရွှေတိုက်ဝင်း၊ဦးဖိုးသာဝင်း အစရှိသည်ဖြင့်ပြောတတ်သလို
ငပိတန်းလက်ျား၊ မလွန်ခဲလန်တန်း၊ ကွမ်းသီးတန်း ၊ပန်းဆိုးတန်း၊ဆိုင်းတန်း၊တရုပ်တန်း၊အစရှိသဖြင့်ပြောတတ်ပြန်သလို၊
84လမ်း 34-35ကြား။ 25လမ်း 80-81ကြား၊41လမ်း 82-83ကြား၊လမ်3း0 84-85ကြားလို့လဲညွန်းတတ်ကြပါတယ်။
ဒါကမန်းလေးသားတွေဘယ်မှာနေလဲလို့မေးရင်ဖြေတတ်ပုံလေးကိုပြောပြတာပါနော်။

တစ်ညမှာပေါ့ လေကြီးမိုးကြီးလဲ မတိုက်ဘဲနဲ့ ကျုံးဘက်ကနေပြီး တစ်ဝေါဝေါနဲ့အော်သံတွေကြားနေရပါတယ်။
အတော်ကိုကြောက်စရာကောင်းတဲ့အသံကြီးပါ။

နောက်နှစ်ရက်လောက်အကြာမှာကျုံးထဲမှာ လူနှစ်ယောက်ပူးကြီးရေနစ်လို့သေပါတယ်။
ပထမတစ်ယောက်ကရေနစ်လို့ ၀ူးဝူးဝါးဝါးနဲ့မြုတ်လိုက်ပေါ်လိုက်ဖြစ်နေချိန် ပေတရာလမ်းပေါ်မောင်းလာတဲ့မြင်းလှည်းဆရာက ဆင်းဆယ်ပါသတဲ့။
အဲဒီအခါကျတော့ရေနစ်တဲ့သူက ဇွတ်ဆွဲထားတာရယ် အောက်ကရေမှော်ပင်တွေက ရုန်းမရအောင် ညှိနေတော့ ကောင်းကောင်းရေကူးလို့မရအောင်ဆွဲထားသလိုဖြစ်နေပြီး လက်ပန်းကျပြီးရေနစ်သွားတော့ နှစ်ယောက်လုံးသေသွားတာပေါ့။
အဲဒါကတစ်ကြိမ် ကျနော်သိတာကိုပြောပြတာနော်။

နောက်တစ်ကြိမ်ကတော့ မေတ္တာပေါင်းကူးတံတား ဆောက်ပြီးလို့ သိပ်မကြာခင်မှာပါတဲ့။
အဲဒီတံတားပေါ်ကနေ လူတစ်ယောက်ခုန်ဆင်းပြီး သတ်သေသွားခဲ့ပါတယ်။
အဲဒီရက်မတိုင်ခင်ရက်တွေက ကျုံးအော်သံကိုကြားနေရပါတယ်။

လေတိုက်တဲ့အခါအသံမြည်သလို ကျုံးရေပြင်ဘက်က တဝေါဝေါမြည်နေတယ် ဆိုရင် လူကြီးတွေက ကျနော်တို့ကို ကျုံးဘေးကိုပေးမသွားတော့ပါဘူး။
ရေနစ်သေတယ် အသံမကြားမခြင်းပေါ့။
ကျနော်တို့ကလဲ ကလေးဆိုတော့ သေမယ့်သူမြန်မြန်သေပါစေလို့ ဆုတောင်းကြပါတယ် ကလေးဆိုတော့ မကစားရတာကလွဲလို့ မသိဘူးကိုးဗျ။

တိုက်ဆိုင်တာဘဲဖြစ်ဖြစ် တကယ်ဘဲဖြစ်ဖြစ်ရှေးတုန်းကတော့ ကျုံးအော်ရင် လူစားတယ် လူသေတယ် အစောင့်လဲတယ်လို့ အယူအဆရှိကြပါတယ်။
အခုလဲ အကြောင်းအမျုိးမျိုးကြောင့် တစ်ခါတစ်ရံ ကျုံးထဲမှာလူသေတာကိုကြားရပေမယ့် ကျုံးနံဘေးမှာ မနေတော့တာ ဆယ်စုနှစ်တစ်စုရှိသွားပြီဆိုတော့ ကျုံးအော်သေးလားလို့တောင် မမေးမိတော့ပါဘူး။

မန္တလေးက လွမ်းစရာအကြောင်းပြောရင် “မန်းရာပြည့်ကွင်း “ကစပြောရမယ်ထင်ပါတယ်။
နာမယ်ကျော် မန္တလေးတောင်ရဲ့အနောက်ဘက်ခြမ်းမှာရှိတဲ့ကွင်းပြင်ကျယ်ကြီးပါ။
“မန်းရာပြည့်ကွင်း”လို့အမည်တွင်ရတဲ့အကြောင်းရင်းကတော့
မန်းလေးနှစ်တစ်ရာပြည့်ပွဲတော်ကြီးကို ဒီကွင်းကြီးထဲမှာ ခြိမ့်ခြိမ့်သဲသဲကျင်းပခဲ့ဘူးလို့ပါဘဲ။

အဲဒီပွဲကြီးကျင်းပပြီးတဲ့အချိန်ကစလုိ့ ဒီကွင်းကြီးထဲမှာ ကျောင်းသားအားကစားပွဲတော် ၊ပြည်ထောင်စုအလံတော်ညအိပ်ရပ်နားတဲ့ပွဲတော်တွေကိုသာမကဘဲ နောက်ပိုင်းမှာ စတိတ်ရှိုးဂီတပွဲတွေပါအကြိမ်ပေါင်းများစွာကျင်းပခဲ့ကြပါတယ်။
ကျန်တဲ့အချိန်တွေမှာတော့ မန်းလေးသူမန်းလေးသားများက အဲဒီကွင်းကြီးကို ကောင်းကောင်းအသုံးချပါတယ်။
မော်တော်ကားအမောင်းသင်ပါတယ်။စက်ဘီးအစီးသင်ပါတယ်။

နောက် ကျနော်တို့အိမ်က ဆေးလိပ်ခုံထောင်တုန်းက အဲဒီကွင်းကြီးထဲမှာ ဆေးရိုးလာလှော်ပါတယ်။
လူကြီးတွေက ဆေးရိုးလှော်နေလှန်းအအေးခံ ကျနော်တို့ကလေးတသိုက်က အရိပ်ကောင်းတဲ့ မန်းကျည်းပင်ရိပ်မှာဆော့ကြ ဆာတယ်ဆိုရင် အပင်ပေါ်ကမန်းကျီးသီးကြက်ဆူ (မမှည့်တမှည့် ယွမ်းပြင်းကိုပြောတာ)တွေကို ခဲနဲ့ထု ၀ါလုံးတွေနဲ့ပုတ်ချပြီးစားကြနဲ့အရမ်းပျော်စရာကောင်းပါတယ်။
(ပြောရင်းတောင် သားရေကျလာသလိုပါဘဲ မန်းကျည်းသီးဆိုလို့ပါ)
မနက်ကသွားလိုက်ကြတာ ထမင်းချိုင့်တွေနဲ့ တပျော်တပါး ညနေ နေချိုမှ အလုပ်တွေသိမ်း ချောင်းထဲမှာရေချိုးပြီးမှအိမ်ပြန်ကြတာပါ။

မန်းရာပြည့်ကွင်းက မြောက်တံခါးပေါက် နဲ့တည့်တည့် (တောင်ပြုံး  မတ္တရာ မိုးကုတ် )မြို့တွေကို သွားတဲ့လမ်းရဲ့ အရှေ့ဘက်ခြမ်းမှာရှိပါတယ်။
မန်းရာပြည့်ကွင်းရဲ့မြောက်ဘက်မှာတော့ ရှေးကနာမည်ကျော်ခဲ့တဲ့ မန်းလေးမြို့ရဲ့အထင်ကရနေရာမှာ ပါတဲ့ မြင်းပြိုင်ကွင်းပါ။
အခုတော့ ဘော့လုံးကွင်းဖြစ်သွားပါပြီ။

အဲဒီလမ်းလေးကနေ မြောက်ဘက်ဆက်သွားရင် အခုအခါမှာတော့ ရွှေမန်းတောင်ဂေါက်ကွင်းရှိပါမယ်။ဂေါက်ကွင်းကိုကျော်သွားမယ်ဆိုရင်
လမ်းအနောက်ဘက်ဘေးမှာကြီးမားခန့်ထည့် လှတဲ့ တိုင်းရင်းဆေးကျောင်းကြီးရှိပါတယ်။
ဆက်သွားလို့လမ်းအကွေ့လေးကျော်လိုက်ရင် တော့ နာမည်ကျော် ရွှေကျင်ကျောင်းခေါ်တဲ့ ရွှေကျင်ဘုန်းတော်ကြီးကျောင်းကိုရောက်ပါမယ်။

မြောက်စူးစူးကိုသွားမယ်ဆိုရင် နာမယ်ကျော် မယ်ဥတောင် (ခ)သခင်မတောင်ဘက်ကိုရောက်လို့ဆက်သွားရင် မတ္တရာတို့ မိုးကုတ်တို့ကိုရောက်သွားတဲ့လမ်းပေါ့။
တကယ်လို့များ မြောက်ဘက်ကို မကွေ့ဘဲ အရှေ့ဘက်ကိုသွားတဲ့လမ်းလေးအတိုင်းဆက်သွားမယ်ဆိုရင် မန်းလေးတောင်ကို အရှေ့ဘက်ကနေပါတ်သွားတဲ့လမ်းကလေးကိုရောက်သွားမှာပါ။
ဒီမန်းရာပြည့်ကွင်းရဲ့အနောက်ဘက်မှာတော့ အရင်ကကလေးထောင်လို့လဲခေါ် ဆိုးသွမ်းလူငယ်ကျောင်းလို့ နာမယ်ဆိုးရတဲ့လူငယ်ပြုပြင်ရေးစခန်းရှိပါတယ်။

လူမူ့ဝန်ထမ်းဦးစီးဌာနက ဦးစီးလို့ ဖွင့်လှစ်ထားတဲ အသက်မပြည့်သေးတဲ့ကလေးများ၊ လေလွင့်နေသောလူငယ်များကို ထိန်းသိမ်းလို့ အတတ်ပညာသင်ပေးတဲ့လေ့ကျင်းရေးစခန်းလေးပါ။
ကျနော်တို့ ငယ်ငယ်က ပြောမရဆိုမရလုပ်နေတယ်ဆိုရင် မိဘတွေက ဒီကျောင်းကို ပို့မယ်ဆိုပြီးခြိမ်းချောက်ရင် ဟုတ်တာမဟုတ်တာအပထားတစ်ကယ်ကြောက်ခဲ့ရပါတယ်။
ဒီကျောင်းကနေပြုပြင်ပေးလို့ အသိတရားရလို့ကောင်းသွားခဲ့တဲ့လူငယ်လေးတွေလဲရှိခဲ့ပါတယ်။ဒါပေမယ့် အရပ်ထဲမှာတော့ ဒီကျောင်းဟာ နာမယ်ဆိုးတွင်တဲ့ကျောင်းပါ။

ဒီကျောင်းရဲ့အနောက်ဘက်ကပ်ရက်မှာတော့ နာမယ်ကျော် နဂါးဆေးပေါ့လိပ်ခုံ ပိုင်ရှင်ဒေါ်ဦးလှူဒါန်းထားတဲ့ ရန်ကုန်မြို့က ကမ္ဘအေးစေတီနဲ့ပုံစံတူတဲ့
နဂါးဒေါ်ဦးရိပ်သာရှိပါတယ်။
သူ့အနောက်ဘက်မှာတော့ စတုဘုမ္မိသာက ဘုန်းကြီးကျောင်းနဲ့တရားရိပ်သာရှိပါတယ်။

ဟိုအရင် 1977-80 ပါတ်ဝန်းကျင်လောက်က ဒီကျောင်းထဲမှာ ဥပုဒ်နေ့ဆိုရင် ဈေးတန်းလေးတစ်ခုရှိပါတယ်၊
အဲဒီထဲမှာ မြန့်မာ့ရိုးရာစားစရာဖြစ်တဲ့ မုန့်လုံးကြီးကြော် ၊စိန်ဖေကြီး၊ရွှေထမင်း၊မုန့်ဆပ်သွားဖူး၊မုန့်ပေါင်း၊ဌာပနာထုပ်၊ပြန်ပေါင်းထုပ်၊မုန့်ကျွဲသဲ၊
ကတိုးဝါကြော်၊ပဲကပ်ကြော်၊မုန့်လက်ကောက်၊အထက်မီးအောက်မီး။မုန့်ရေပါး။မုန်ပျစ်စလက် အဖြူ ၊မုန့်ပျစ်စလက် အနီ၊မုန့်လက်ဆောင်းနန်းကထိ၊မုန့်ဦးနှောက်၊မုန့်ကြာစေ့ အစရှိတဲ့မြန်မာမုန့်အစုံဝယ်စားနိုင်ပါတယ်။

ဆရာတော်ဘုရားကလည်း ဒီမြန်မာမုန့်လေးတွေ ကိုမတိမ်ကောအောင်ရည်ရွယ်ချက်နဲ့ဈေးရောင်းခွင့်ပြုတာပါ။
ဒါပေမယ့်တဖြည်းဖြည်းနဲ့ ဆိုင်တွေများလာ ရောင်းတာကလဲမုန့်တင်မဟုတ်ဘူး ပစ္စည်းအစုံသူ့ထက်ငါတင်လာကြ ခါတိုင်းမနက်ဈေးလေးကနေ တစ်နေကုန်ဈေးလိုဖြစ်လာတဲ့အပြင် တစ်ယောက်နဲ့တစ်ယောက် နေရာလုကြရန်ဖြစ်ကြဆိုတော့ ဆရာတော်ဘုရားက ဒီဈေးတန်းလေးကို ခွင့်မပြုတော့တဲ့အတွက် မြန်မာ့မုန့်ဈေးတန်းလေးလဲပျောက်ကွယ်သွားပါတယ်။

မနက်မနက် မုန့်စားထွက်ရင် လမ်းဒေါင့်လေးတွေမှာ ရှမ်းခေါက်ဆွဲဆိုင်လေးတွေချည်းဘဲ တွေ့နေရင် ညနေဘက်မှာ ကော်ပြန့်ကြော်နဲ့ဝက်သားတုတ်ထိုးဆိုင်တွေကို ဘဲတွေ့နေရင် စောစောက ပြောတဲ့ မြန်မာ့သွားရေစာ (အဟာရလဲဖြစ်ဈေးလဲချိုသာတဲ့)
အစားအစာလေးတွေ မန်းလေးကနေပျောက်ကွယ်သွားတာကို ပိုဝမ်းနည်းပိုသတိရ ပိုလို့လွမ်းပါတယ်။

ကျနော်ပြောနေတဲ့မန်းရာပြည့်ကွင်းကြီးက အခုတော့ တိရိစ္ဆာန်ဥယျာဉ်အဖြစ်ပြောင်းလဲလို့သွားပါပြီ။
ဒီလိုတိရိစ္ဆာန်ဥယျာဉ်အဖြစ်ပြောင်းလဲသွားတော့ မန်းလေးမြို့မှာ လူအများအတွက်ပွဲလမ်းသဘင်ခင်းကျင်းဘို့အတွက် ကျယ်ပြန့်သောနေရာတစ်ခုပျောက်ဆုံးသွားပါတယ်။
မန်းလေးမြို့ နှစ်တစ်ရာပြည့်ကျင်းပခဲ့တုံးက အလွန်ကိုစည်ကားသိုက်မြိုက်စွာကျင်းပနိုင်ခဲ့တာ မမြင်မမှီလိုက်ပေမယ့် သတင်းစာတွေစာစောင်တွေ မဂ္ဂဇင်းတွေမှာ ဖော်ပြခဲ့ရေးခဲ့တာတွေကို
ဖတ်ရတဲ့အခါမှာ သိခဲ့ရပါတယ်။

ဒါပေမယ့် မကြာခင်ကပြည့်မြောက်ခဲ့တဲ့နှစ်150ပြည့်မှာတော့ ဘယ်အကြောင်းရယ်ကြောင့်မသိဘူး စည်စည်ကားကားမရှိခဲ့တာတော့အမှန်ပါဘဲ။
့နေရာကျယ်ကျယ်ပြန့်ပြန့်မရှိတော့ ဈေးပွဲတော်က မြင်းပြိုင်ကွင်းမှာ ပွဲလမ်းသဘင်တွေက ကျောက်တော်ကြီးဘုရားရှေ့ကကွက်လပ်မှာ တစ်နေရာစီခွဲကျင်းပတယ်ဆိုတော့
ဘယ်လာစည်ကားပါ့မလဲ။
ဒါပေမယ့် ထည့်မတွက်ဘဲနေလို့ရတဲ့အချက်တစ်ချက်ကတော့ အခုခေတ်လူတွေက ခံစားကြည့်ရှူ့စရာတွေများတဲ့ခေတ်ကြီးဖြစ်လာတဲ့အတွက်အရင်ခေတ်ကလူတွေလောက်တော့ ခုခေတ်လူတွေက ပွဲလမ်းသဘင်အပေါ်မှာအာရုံမရှိတော့တာအမှန်ပါဘဲ။

မန်းရာပြည့်ကွင်းနေရာကနေဆက်သွားမယ်ဆိုရင် မန်းလေးမြို့ရဲ့အထင်ကရမှတ်တိုင်ဖြစ်တဲ့ သုဓမ္မာဇရပ်တန်းကိုတွေ့ရမှာဖြစ်ပါတယ်။
အလွန်ကြီးမားပြီး ခိုင်ခန့်တဲ့သစ်လုံးများနဲ့တည်ဆောက်ထားတဲ့ နီညိုရောင်ဇရပ်ကြီးများကတော့ ရှေးက သာသာရေးနဲ့ပါတ်သက်တဲ့စာမေးပွဲများကျင်းပရာနေရာဖြစ်ခဲ့ဘူးတယ်လို့သိရပါတယ်။
အရင်ကကျောက်တော်ကြီးဘုရားပွဲကျင်းပတဲ့အချိန်မှာ ရပ်ဝေးကလာတဲ့ ဧည့်သည်များတည်းခိုဆောင်ဖြစ်ခဲ့ဘူးပါတယ်။
အခုခေတ်မှာတော့ တစ်ခါတစ်ရံ စစ်တပ်များ တစ်နေရကနေ တစ်နေရာ တပ်ရင်းလိုက်ပြောင်းရွှေ့တဲ့အခါများမှာ တပ်မတော်သားများခေတ္တ နားခိုရာအဖြစ်အသုံးပြုတတ်ပါတယ်။
ဘယ်လိုဘဲဖြစ်ဖြစ်နှစ်ပေါင်းတစ်ရာကျော်သည်အထိမပျက်မစီးရှိနေသေးတဲ့ ဒီဇရပ်ကြီးတွေကို သမိုင်းဝင်တန်ဘိုးကြီးပစ္စည်းများအဖြစ်သတ်မှတ်လို့ တာရှည်ခံအောင်ဆက်လက်ထိန်းသိမ်းသင့်ပါတယ်။

သုဓမ္မာဇရပ်တန်းကနေဆက်လျှောက်လို့ မြောက်ဘက်ကိုရောက်ရင် ငယ်ငယ်က သီချင်းလုပ်ဆိုပြီးအော်ခဲ့ရတဲ့
“မန္တလေးတောင်မြွေကြီးနှစ်ကောင် သွားကြည့်ရအောင်”တို့ “မန်းမြေတောင်ပေါ်မှာလေ ပျော်စရာမို့သွားကြစို့လေ “
ဆိုတဲ့ မန်းလေးဂုဏ်ဆောင် မန္တလေးတောင်ခြေအောက်က အလွန်အချိုးအစားကျနပြီး ကြီးမားလှတဲ့ခြင်္သေ့ကြီးနှစ်ကောင်ရဲ့ခြေရင်းကိုရောက်လာပါတယ်။

မန်းတောင်ခြေက ခြင်္သေ့ကြီးနှစ်ကောင်

ကျနော်တို့ငယ်ငယ်က မိဘတွေနဲ့ နည်းနည်းအသက်ကြီးလာတော့ သူငယ်ချင်းနဲ့ နောက်အရွယ်ရောက်တော့ ချစ်ရတဲ့သူနဲ့ ဒီတောင်ပေါ်ကို
အကြိမ်ပေါင်းများစွာရောက်ခဲ့ဘူးပါတယ်။

 ဗျာဒိတ်ပေး ရုပ်ပွါးတော်ကြီး

စတက်တက်ခြင်း ဗျာဒိတ်ပေးရပ်တော်မူကိုယ်တော် နောက် အလယ်ပစ္စယံရောက်ရင် ခဏနားမယ် ရူ့ခင်းတွေကြည့်မယ် နောက်စိုင်တမော့ကို ရောက်ရင် မောမောနဲ့ အားစိုက်လို့ တက်မယ် ပြီးရင် စန္ဒာမုခိဘီလူးမ မိသားစုကြေးရုပ်ကလေးတွေ ထားတဲ့နေရာကိုရောက်မယ်
အဲဒီကလွန်ရင်တော့ မန်းလေးတောင်ပေါ်ကနေ မန်းလေးတစ်မြို့လုံးကို စီးပြီးအလှပဆုံးသောရု့ခင်းတွေကို ကြည့်ရူ့ခံစားနိုင်တဲ့အမြင့်ဆုံးရင်ပြင်တော်ပေါ်ကိုရောက်ပါပြီ။

တောင်ပေါ်မှ ဘီလူးများ

ငယ်ငယ်က ဒီစန္ဒာမုခိဘီလူးမမိသားစုနားရောက်ရင် ကြောက်ပါတယ် အူယားစရာအရုပ်မွစိလေးတွေကိုးဗျ။
ကြီးလာတော့ ဒီနေရာကိုရောက်တာနဲ့ “ကြည်ညိုသဒ္ဒါ ပွား ရင်သားဖြတ်ခါလှူလေသည်”ဆိုတဲ့သီချင်းစာသားကိုပြန်သတိရလိုက်တယ်ဆိုရင်ဘဲ
ဒီရင်သားဖြတ်လှူတော့ ရတဲ့သူကဘာလုပ်ရမှာလဲလို့ တွေးမိတာ အခုထိကို ကိုအဖြေမရသေးပါ။

စန္ဒာမုခိဘီလူးမ

ဒီရင်ပြင်တော်ပေါ်ကနေ နွေမိုးဆောင်းရူ့ခင်းအားလုံးတမျုိးစီလှကြပါတယ်။
တစ်မြို့လုံးကိုစီးကြည့်ရင်း ဟိုနားကလေးက ဘာ ဒီနားလေးက ဘယ်နေရာဆိုတာ ပြောလို့ ငြင်းကြရတာလဲ အရသာတစ်မျိုးပါ။
မြွေကြီးနှစ်ကောင်ကိုပွတ်သပ်ပြီးဆုတောင်းရင်ပြည့်တယ်လို့ လူကြီးတွေကပြောလို့ ငယ်ငယ်တုံးက ဆုတောင်းခဲ့ရတာလဲအမောပါဘဲ။

 မြွေကြီးနှစ်ကောင်

မန်းလေးတောင်အနောက်ဘက်ကကြည့်ရင်မိုးတွင်းဆို ဟိုးဝေးဝေးက ဧရာဝတီမြစ်မင်းရယ် မူံဝါးဝါးမင်းကွန်းဘုရားကြီးရယ်(နွေခါဆိုရင်မင်းကွန်းက ဘုရားကြီးကိုကောင်းကောင်းမြင်ရတတ်ပါတယ်)ရေကြီးတဲ့အခါမြင်နေရတဲ့ရေပြင်ကျယ်ကြီးရယ် ၊မြောက်ဘက်ကိုကြည့်မယ်ဆိုရင် ဟိုဝေးဝေးက သခင်မတောင်
အရှေဘက်ဆို ရင် ဘယ်မှာမှမရှိတဲ့ က မ္ဘာပေါ်မှာအကြီးဆုံးစာအုပ်တွေထားရှိတဲ့ ဂူလေးတွေ ခရေပင်တွေဝိုင်းနေတဲ့ ကုသိုလ်တော်ဘုရား ဟိုးဝေးဝေးမှက ရှမ်းရိုးမ
သူ့အောက်ခြေမှာ က ရန်ကင်းတောင် သူ့အောင်ပင်လယ်က လယ်ကွင်းတွေ တောင်ဘက်ကြည့်မယ်ဆိုရင်နန်းတွင်းတစ်ခုလုံးနဲ့ကျုံးတော်အပြင်
နေသာတဲ့နေခင်းမှာဆိုရင် မဟာမြတ်မုနိကိန်းဝပ်တော်မူတဲ့စေတီတော်က ရွှေအဆင်းပြောင်ဝင်းဝင်းကိုတောင် ၀ိုးတ၀ါးတွေု့နိင်ပါသေးတယ်။

မန္တလေးတောင်ပေါ်ကနေ လှမ်းမြင်ရတဲ့ ကျုံးရေပြင်ကိုလှမ်းမြင်နေရတဲ့ သဘာဝရူ့ခင်းလေးပါ။   

မန်းလေးတောင်ပေါ်ကနေမြင်ရတဲ့ မန်းလေးတစ်ခွင်ရူ့ခင်းက နွေအလှ မိုးအလှ ဆောင်းအလှ တစ်မျိုးစီလှလို့ကြည့်မ၀နိုင်အောင်ပါဘဲ။
စောင်းတန်းအုတ်လှေခါးတွေကနေပြီးဒီမန်းလေးတောင်ပေါ်ကို တက်တိုင်းရင်ထဲ့ကိုရောက်လတတ်တဲ့စိတ်ကြည်နူးစရာကောင်းလွန်းတဲ့ခံစားမူ့ ကတော့ ပြောပြဘို့တော်တော်ခက်ပါတယ်။

မောတော့မောပါတယ် ဒါပေမယ့် စောင်းတန်းတစ်လျှောက်လုံးမှာရှိနေပြီး ဆယ့်နှစ်ရာသီပွင့်တတ်တဲ့ စကားပန်းဖြူဖြူလေးများက ပျံ့လွင့်လာတဲ့ ရနံ့လေးများကို စိတ်ကိုကြည်လင်အေးမြစေတာကတော့ အမှန်ပါဘဲ။
မန်းလေးတောင်အောက်ကိုဆင်းလာမယ်ဆိုရင် အရင်ဆုံးစတွေ့ရမှာကတော့ အထူးခြားဆုံးတစ်လုံးထဲသောစကျင်ကျောက်ကနေထုလုပ်ထားတဲ့ ဆင်းတုတော်ကြီးကိန်းဝပ်တဲ့
“ကျောက်တော်ကြီးဘုရား” အရှေ့ဘက်မှာတော့  က မ္ဘာပေါ်မှာအကြီးဆုံးစာအုပ်တွေကိုသိမ်းဆည်းထားတဲ့ “စန္ဒာမုနိဘုရား” ဒီဘုရားရဲ့အရှေ့ဘက်မှာတော့ အင်မတန်ကြီးမားတဲ့ခရေပင်တွေပါတ်လည်ဝိုင်းနေတဲ့ ” ကုသိုလ်တော်ဘုရား”တွေကိုဖူးရမှာဖြစ်ပါတယ်။

ဒီကုသိုလ်တော်ဘုရားနဲ့တဲ့တဲ့တောင်ဘက်အရပ်မှာတော့ နာမယ်ကျော် “ရွှေကျောင်းကြီး “နဲ့ နံရံလေးဘက်သာကျန်တော့တဲ့ “အတုမရှိကျောင်းတော် “ကိုရောက်မှာဖြစ်ပါတယ်။
သီတင်းကျွတ်ကိုရောက်ပြီဆိုရင် ကျင်းပလေ့ရှိတဲ့ ကျောက်တော်ကြီးဘုရားပွဲတော်ကို ရောက်ပြီဆိုရင် ကျနော်ငယ်ငယ်က နှင်းမူံမူံတွေကြားက သွားခဲ့ရတဲ့ပွဲတော်ရက်များကို သတိရမိသလို ကျနော် ကိုပေါက်ဖြစ်လာဘို့အတွက် အစပြုခဲ့တဲ့ဇာတ်လမ်းလေးကလဲရှိခဲ့ပါတယ်တဲ့။

ရှေးခေတ်က ကျောက်တော်ကြီးပွဲကို နွားလှည်းတွေနဲ့တပျော်တစ်ပါး သွားကြပါသတဲ့။
အပျိုချောချောပါတဲ့လှည်းနောက်ကနေပြီး ကိုကို ကာလသားတွေက အဲဒီခေတ်က စီးတော်ယာဉ်ဖြစ်တဲ့ ရလေးစက်ဘီးတွေနဲ့နောက်ကလိုက်ပါသတဲ့။
1957ခုနှစ်ရဲ့သီတင်းကျွတ်လပြည့်ညမှာကျရောက်တဲ့ ကျောက်တော့ကြီးဘုရားပွဲတော်တစ်ရက်မှာ မြောက်ပြင် 16လမ်းနေထွက်လာတဲ့လှည်းတန်းကြီးနောက်ကို
25လမ်းသူဌေးတန်းမှာနေတဲ့ စက်ဘီးနဲ့ကာလသားအုပ်စုတစ်စုက လိုက်လာတဲ့အခါမှာ………………………………………………………

ကိုပေါက်

(ဒီပို့ စ်ကရှည်တယ်၊ နောက်ကနေစတင်မလို့ ပဲ အဆုံးမသတ်ရင် ဖတ်ရတာ တမျိုးဖြစ်နေမှာမို့  ရှေဆုံးကနေပဲစတင်လိုက်တယ်၊ ပုံတွေရှာရတာနဲ့ အချိန်နဲနဲနောက်ကျသွားပါတယ်၊)