မန္တလေးက မဟာဗောဓိပင်ဘုရား
နှစ် ၁၅၂ ကြိမ်မြောက် ကဆုန်ညောင်ရေသွန်းပွဲတော်
မန္တလေးတဝိုက်မှာ လူသိများ စည်ကားတဲ့ ကဆုန်ညောင်ရေသွန်းပွဲတော်တွေ ထဲမှာ
အမရပူရက ရွှေကြက်ယက်ဆုတောင်းပြည့် ဘုရားက ကဆုန်ညောင်ရေသွန်းပွဲတော် ပါသလို
မန္တလေး အောင်မြေသာစံမြို့နယ် ဗောဓိကုန်းရပ်ကွက်က မဟာဗောဓိပင်ဘုရားရဲ့
ကဆုန်ညောင်ရေသွန်းပွဲတော် ကလည်း မန္တလေးမှာ အထူးစည်ကား လူသိများပါတယ်။
ဒီဘုရားရဲ့ ကဆုန်ညောင်ရေသွန်းပွဲတော်က ကောဇာသက္ကရာဇ် ၁၂၂၂ ခုနှစ်မှာ ပဉ္စမသင်္ဂ်ါယနာတင် မင်းတုန်းမင်းကြီး စိုက်ပျိုးတော်မူခဲ့တဲ့ မဟာဗောဓိပင်ကို နှစ်စဉ်မပျက် ကဆုန်ညောင်ရေသွန်းပူဇော်ပွဲမို့ သမိုင်းဝင်ဖြစ်ကာ ပိုစည်ကားပါတယ်။
နှစ်စဉ်မပျက် ကျင်းပလာခဲ့တဲ့ ဒီ မဟာဗောဓိပင်ဘုရားရဲ့ ကဆုန်ညောင်ရေသွန်းပွဲတော်ဟာ ဒီနှစ်မှာဆို ၁၅၂ ကြိမ်မြောက် ကျင်းပတာပါ။ ဒီပွဲတော်ကို ဒေသခံတွေ၊ အနယ်နယ် အရပ်ရပ်က ဧည်သည်တွေ တစ်ကူးတက ရောက်ကြတာမို့ ဒေသထွက် စားစရာတွေ၊ ကလေးတွေ အတွက်ပျော်ပါးစရာတွေ၊ ပွဲတော်လာတွေကို ဖြေဖျော်တာတွေ နဲ့ ပွဲတော်က တော်တော်စည်ကားပါတယ်။
ဘုရားဆီလာရာ လမ်းတစ်လျှောက်မှာ စတုဒီသာ ကျွေးမွေးကြတာကလည်း နေရာအနှံ့ မှာ ရှိပါတယ်။
ဈေးသည်များ
ပွဲတော်လာတွေကို
ဖြေဖျော်ရေး
ဒီပွဲတော်ကို ဒေသခံလူငယ်တွေက ဒုတိယသင်္ကြန်လို့တောင် တင်စားကြပါတယ်။ သင်္ကြန်ပွဲတော် အပြီးမှာ ပျော်စရာ ပွဲတော်ဖြစ်တာကြောင့်လည်း ညောင်ရေသွန်းရင်း ပွဲတော်လာတွေ ရေစိုတာ၊ ရေစင်တာကနေ ဘာသာရေးပွဲတော်လည်း ဖြစ်တာနဲ့ အညီ တစ်ဦးနဲ့ တစ်ဦး စိတ်မဆိုးကြပဲ ညောင်ပင်ကို ညောင်ရေသွန်းသလိုလိုနဲ့ ဟိုဖက်ဒီဖက် ကျော်လောင်းကာ ရေကစားကြတာလည်း ရှိပါတယ်။ တစ်ကယ်ကို ပျော်ပျော်ပါးပါး တစ်ပြုံးပြုံးနဲ့ပါပဲ။
စိန်သော့
No comments:
Post a Comment