ပြောင်းလဲခြင်း တည်ဆောက်ခြင်း
အမှန်တရားဆိုတာ ပြောင်းလဲခြင်းကို ဆိုလိုတာပဲ မဟုတ်လားဗျာ ၊ လောကမှာ ဘယ်အရာမှ တည်ငြိမ်တာရယ်မရှိဘူး။ ပြောင်းလဲနေတယ် ၊ ပျက်စီးနေတယ် ၊ ရွေ့လျားနေတယ် ၊ ဖောက်ပြန်နေတယ် ၊ လောကမှာ တည်မြဲတဲ့ အရပ် ၊ တည်မြဲတဲ့ အရာရယ်လို့ မရှိပါဘူး။ ပြောင်းလဲနေတာတွေပဲ ရှိတယ်။ ပြောင်းလဲခြင်းဟာ အမှန်တရားပဲပေါ့။ တကယ့်အမှန်တရားပေါ့။
ရုပ် ဟူသမျှဟာလည်း ပြောင်းနေတယ် ၊ ရုပ်တွေဟာ မျက်တောင် တစ်ခတ် လျှပ်တစ်ပျက်အတွင်းမှာ ကုဋေငါးထောင်မက ချုပ်ပျက်နေတယ်လို့ဆို မဟုတ်လား ၊ စိတ်ရဲ့ ပျက်စီး ပြောင်းလဲမှုကတော့ ရုပ်ရဲ့ ပျက်စီးမှုထက်ပိုပီး မြန်မှာပေါ့။ လှိူင်းလေထန်ပြီး အဟုန်ပြင်းစွာနဲ့ စီးဆင်းရွေ့လျားနေတဲ့ မြစ်ကျော်ဟာ အဲဒီ ပြောင်းလဲခြင်းဆိုတဲ့ အမှန်တရားကို ပြောပြနေသလိုပဲ ၊ သင်္ခါရ ဓမ္မရဲ့ သဘောကို ဖော်ပြနေသလိုပါပဲ၊ ပြောင်းလဲမှုအစဉ်ကြီးထဲမှာ လူဟာ လိုက်ပါနေရတယ် ၊ လူ့ရဲ့စိတ်ရော ရုပ်ေ၇ာဟာလည်း ပြောင်းလဲနေလိုက်တာမှ မြင်တွေ့လို့များရရင် ကြောက်ရွံ့ထိတ်လန့်ဖွယ်ကြီးဖြစ်မှာပေါ့။
အရာရာဟာ ပျက်စီးပြောင်းလဲသွားမှာတော့ အမှန်ပဲပေါ့ ၊ ဒါပေမဲ့ ပျက်စီးပြောင်းလဲခြင်းတွေထဲမှာပဲ လူဟာ လုပ်သင့် လုပ်ထိုက်တာတွေ လုပ်နေရတာပဲ ၊ ကြိုးစားသင့် ကြိုးစားထိုက်တာတွေ ကြိုးစားရတာပဲ။ တည်ဆောက်ရမဲ့ဟာကို တည်ဆောက်ရမှာပဲ ၊ ပျက်စီးမဲ့အတူတူ ပြောင်းလဲသွားမယ့်အတူတူ ကြိုးစားနေလည်း အလကားပါပဲလို့ သဘောမထားသင့်ဘူးပေါ့ ။
Mark Twain နဲ့ သူ့တပည့် ကျော် အကြောင်းပေါ့ . . .
မတ်တွိမ်းက အပြင်ထွက်မလို့ ဖိနပ်စီးမယ်လုပ်တော့ ဖိနပ်မှာ ရွံ့တွေပေကျံနေတာ တွေ့ရတယ် ၊ သူ့တပည့်ကျော်က ဖိနပ်တိုက်မထားဘူးကိုး ၊ ဒါနဲ့ မတ်တွိမ်းက သူ့တပည့်ကို ဘာလို့ဖိနပ်တိုက်မထားတာလဲလို့မေးတော့ သူ့တပည့်က ဖိနပ်တိုက်ထားလည်း အလကားပေါ့ဆရာ ၊ ဒီလိုစိုစွတ်တဲ့ ရာသီမှာ ဆရာအပြင်ထွက်သွားလို့ ခဏကြာရင် ဖိနပ်က ရွှံ့တွေ ထပ်ပေလာဦးမှာပဲ လို့ ပြောတယ် ။ သူ့သဘောက ဖိနပ်ကို အခုတိုက်ချွတ်ထားလည်း ခဏကြာရင် ပေလာမယ့် အတူတူ အလကား အချည်းနှီးပဲဆိုတဲ့ သဘောပေါ့။
အဲဒီနေ့မှာပဲ ညစာစားချိန်ရောက်တော့ မတ်တွိမ်းရဲ့ တပည့်ကျော်က ထမင်းစားခန်းထဲ စားဖို့ဝင်လာတယ် ။ ဒါပေမဲ့ စားပွဲပေါ်မျာ သူစားဖို့ ဘာမျှ မကျန်ဘူး။ ဒီတော့ သူက ဆရာဆီသွားပြီး ဘာကြောင့် သူစားဖို့ ချန်မထားလဲ မေတော့ မတ်တွိမ်းက စားပြီးလို့ တော်တော်ကြာရင် မင်းပြန်ဆာလာဦးမှာပဲ မဟုတ်လား ၊ ဒီတော့ နောက်တစ်ခါ ဆာမဲ့တူတူ မင်းခုစားနေလည်း အလကားပဲလို့ ထင်လို့ကွာ လို့ပြောလိုက်သတဲ့ ။
အဲဒီတိုင်းပဲ တစ်နေ့နေ့ ပျက်စီးပြောင်းလဲသွားမဲ့ တူတူ လုပ်နေလဲ အလကားပဲလို့ ယူဆပြီး လုံ့လ ၀ီရိယ လျှော့နဲသွားရင် လောကမျာ ဘာမှဖြစ်ဖြစ်မြောက်မြောက် ရှိမှာမဟုတ်ဘူး ။
နန္ဓသိန်းဇံ
No comments:
Post a Comment