ဇေယျ (စာရေးဆရာ)

ဇေယျ (၁၉ဝဝ - ၁၉၈၂)

အမည်ရင်း - ဦးယော
မိဘအမည် - ရွှေဆလွယ်ရ သစ်တောဝန်ထောက်မင်း ဦးခလယ် + ဒေါ်ရွှေကြို
မွေးသက္ဗရာဇ် - ၁၉ဝဝ ပြည့်နှစ်
မွေးဖွားရာဒေသ - သာယာဝတီ ခရိုင်၊ ဇီးကုန်းမြို့

ကိုယ်ရေးဖြစ်စဉ်

ဆရာ ဇေယျ၏ ငယ်နာမည်မှာ မောင်ယောရှု ဖြစ်သည်။ ဇီးကုန်းမြို့ အေဘီအမ် ကျောင်း၌ စတင် ပညာ သင်ကြားပြီး ၁၉၂ဝ တွင် ဆယ်တန်း စာမေးပွဲကို သုံးဘာသာ ဂုဏ်ထူးဖြင့် အောင်မြင်သည်။ ကျောင်းနေစဉ် ကပင် ကျောင်းလက်ရေး စာမူ မဂ္ဂဇင်း၌ အယ်ဒီတာ အဖြစ် ဆောင်ရွက်ပြီး မောင်ယော အမည် သုံးခဲ့သည်။

ဒဂုန် မဂ္ဂဇင်း၌ စတင် အလုပ် လုပ်ကိုင်သည်။ ဒဂုန် မဂ္ဂဇင်း ပထမ စာစောင်တွင် ဗိုလ်ရန်အောင် ဝတ္ထုကို ရေးခဲ့သည်။ စာရေး ဆရာ ဘဝသို့ ရောက်အောင် ဆုံးမ သွန်သင် လမ်းညွှန် ခဲ့သူများမှာ သခင် ကိုယ်တော်မှိုင်း၊ လယ်တီပဏ္ဍိတ ဦးမောင်ကြီး၊ ပီမိုးနင်း၊ ကျောင်းဆရာကြီး ဦးဘိုးသစ်တို့ ဖြစ်သည်။

ဒဂုန် မဂ္ဂဇင်းတွင် ဇေယျ အမည်ဖြင့် စတင် ရေးသားသည်။ ဇေယျ ကလောင် အမည် ရွေးပုံမှာ စားပွဲပေါ်ရှိ အဘိဓာန် စာအုပ်ကို မကြည့်ဘဲ လှန်ပြီး စာအုပ်ပေါ် လက်ထောက်ကာ ကျရာ စာလုံးကို ကလောင် အမည် ယူမည်ဟု အဓိဋ္ဌာန် ပြုခဲ့သည်။ (Victory) စာလုံးပေါ် လက်ထောက်မိပြီး မြန်မာမှု ပြုကာ ဇေယျ အမည်ကို ရွေးခဲ့သည်။ ဒဂုန် မဂ္ဂဇင်းကို အစွဲ ပြု၍ ဒဂုန် ဇေယျဟု သုံးခဲ့ပြီး ထို့နောက်မှ ဇေယျ ဖြစ်လာသည်။ ဒဂုန် မဂ္ဂဇင်းတွင် လေးနှစ်ခွဲခန့် အလုပ် လုပ်ခဲ့ပြီး နုတ်ထွက် ခဲ့သည်။ ဇေယျ သတင်းစာကို ကိုယ်တိုင် ထုတ်ခဲ့သည်။ ထို့အပြင် တပတ်တကြိမ် လေးပဲတန် (တမတ်တန်) ဂျာနယ်ကို ထုတ်ဝေခဲ့ရာ ကိုးလ အကြာတွင် ရပ်လိုက် ရသည်။

ထို့နောက် လန်ဒန်အတ် မဂ္ဂဇင်း၊ ဗြိတိသျှ ဘားမား၊ ဓူဝံ မဂ္ဂဇင်း၊ ဓူဝံ ဂျာနယ် တို့တွင် အယ်ဒီတာ အဖြစ် အဆင့်ဆင့် ဆောင်ရွက် ခဲ့သည်။ စစ်ပြီးခေတ်တွင် ပြန်ကြားရေး ဝန်ကြီး ဌာနသို့ ဝင်ရောက် အမှု ထမ်းပြီး ညွှန်ကြားရေးဝန် ရာထူးဖြင့် အငြိမ်းစား ယူခဲ့သည်။

အငြိမ်းစား ယူပြီး နောက်တွင် သမိုင်း ကော်မရှင် ယဉ်ကျေးမှု ကောင်စီ၊ မြန်မာစာ ပြုစုရေးနှင့် ဘာသာပြန် ကော်မရှင်၊ စာပေဗိမာန်ဆု ရွေးချယ်ရေး အဖွဲ့ တို့တွင် ပါဝင် ဆောက်ရွက် ခဲ့သည်။ ထို့အပြင် မြန်မာ နိုင်ငံ စာရေး ဆရာ အသင်း ဥက္ကဋ္ဌ အဖြစ် ဆောင်ရွက် ခဲ့သည်။

၁၉၃ဝ ပြည့်နှစ်တွင် ပြန်ကြားရေး ဝန်ကြီး ဋ္ဌာန ထုတ်ဝေသော သူကြီး ဂေဇက် မဂ္ဂဇင်းတွင် ဝင်ရောက် လုပ်ကိုင်ခဲ့ပြီး ၁၉၃၉ ခုနှစ် မဂ္ဂဇင်း ရပ်ဆိုင်း သွားသည့် အချိန်အထိ ဖြစ်သည်။

၁၉၂၃-ခုနှစ်၊ နိုဝင်ဘာလ(၁၀)ရက်နေ့၌ ဆရာ ဇေယျသည် သခင်ကိုယ်တော်မှိုင်း၏ သမီးကြီး ဒေါ်မြရီနှင့် အိမ်ထောင် ပြုခဲ့သည်။

၁၉၂၅-ခုနှစ်တွင် ရင်းနှီးသော မိတ်ဆွေသုံးဦး၏ အစုဝင်ငွေ ၂၀-ကျပ်ဖြင့် မတည်ကာ လေးပဲတန် ဇေယျသတင်းစာကို စတင်ထုတ်ဝေခဲ့သည်။ ထုတ်ဝေသူမှာ မောင်မောင်လေး ဖြစ်ပြီး၊ အယ်ဒီတာမှာ ဆရာဇေယျဖြစ်သည်။

၁၉၅ဝ ပြည့်နှစ်တွင် ဝဏ္ဏ ကျော်ထင် ဘွဲ့ကို လည်းကောင်း၊ ၁၉၅၅ ခုနှစ်တွင် သီရိပျံချီ ဘွဲ့ကို လည်းကောင်း ရရှိ ခဲ့သည်။ ၁၉၆၁ ခုနှစ်တွင် စာပေဗိမာန် စာပဒေသာ ဆုကို မြန်မာ့ မျက်ပွင့် (ရွာဓလေ့၊ လူဓလေ့) စာအုပ်ဖြင့် ရရှိခဲ့သည်။

၁၉၈၂ ခုနှစ် အောက်တိုဘာလ ၄ ရက်နေ့တွင် ရန်ကုန်မြို့ စမ်းချောင်း မြို့နယ် ချမ်းသာလမ်း အိမ် အမှတ် (၅) တွင် ကွယ်လွန် ခဲ့သည်။

ဇေယျ ထုတ်ဝေပြီး စာအုပ်များ

စာတိုပေစ - ၁၉၆၅ ခုနှစ်
စာတွေ့ ငါတွေ့ - ၁၉၆၇ ခုနှစ်
စာသဘင် - ၁၉၆၃ ခုနှစ်
ဇေယျ စာတမ်း - ၁၉၆၅ ခုနှစ်
ဇေယျ ဝတ္ထုတိုများ - ၁၉၅၅ ခုနှစ်
ဇေယျ၏စာ - ၁၉၆၅ ခုနှစ်
တောကြီးမာယာ - ၁၉၆၅ ခုနှစ်
နီပွန်စိတ်ဓာတ် -
ဗမာ့အရေးနှင့် အနုပညာ အသွေး -
ဗမာပြည် တိုက်ပွဲ - ၁၉၆၄ ခုနှစ်
မိန်းမ - ၁၉၆၁ ခုနှစ်
မြနှင်းနွယ် - ၁၉၆၁ ခုနှစ်
မြတ်လေး ရွှေဓားဗိုလ် - ၁၉၉၉ ခုနှစ်
မြန်မာစာ မြန်မာ့စိတ် မြန်မာ့မာန် - ၁၉၆၆ ခုနှစ်
မြန်မာ့မျက်ပွင့် (စာဓလေ့) - ၁၉၇၄ ခုနှစ်
မြန်မာ့မျက်ပွင့် (ရွာဓလေ့၊ လူ့ဓလေ့) - ၁၉၆၁ ခုနှစ်
မှတ်တမ်းတင် ဗမာ့ အရေးအခင်းများ - ၁၉၆၅ ခုနှစ်
လူ - ၁၉၃၈ ခုနှစ်
သိန်းလေးဆယ် - ၁၉၇၄ ခုနှစ်
အဏုမြူ -

ရည်ညွှန်းကိုးကား

၂၀ရာစု မြန်မာ့သမိုင်း သန်းဝင်းလှိုင်၊ ၂ဝဝ၉ ခု၊ မေလ၊ ကံကော်ဝတ်ရည် စာပေ။

နှစ်ဆယ် ရာစု မြန်မာ စာရေး ဆရာများနှင့် စာစု စာရင်း၊ ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန (ရုံးချုပ်) စာတည်းအဖွဲ့၊ ပညာရွှေတောင် စာအုပ်တိုက်၊ ၂ဝဝ၃ ခုနှစ်၊ ဧပြီလ၊ ပထမအကြိမ်။